Category: سرگودھا

سرگودہا (نمائندہ باغی ٹی وی) ۔ ڈپٹی کمشنر آسیہ گل نے کھلی کچہری میں پولیس اورریونیو سے متعلق شکایات کے ازالہ نہ ہونے کا سخت نوٹس لیتے ہوئے دونوں محکموں کے افسران کو ہدایت کی ہے کہ وہ عوام کے حقیقی معنوں میں خادم بنیں اور ان کے مسائل حل کرنے میں دلچسپی لیں ۔وزیر اعظم پاکستان اوروزیر اعلیٰ پنجاب کے وژن کے مطابق اوپن ڈور پالیسی اپنائیں ۔انہوں نے محکمہ پولیس کے نمائندے انسپکٹر عنایت اللہ کے کھلی کچہری میں سائلین سے نازیبا لہجے پر ڈپٹی کمشنر نے اس کی سخت الفاظ میں سرزنش کی اوراسے اپنےرویے کو بہتر کرنے کا حکم دیا ۔ انہوں نے آج اپنے کمیٹی روم میں کھلی کچہری میں عوام کے مسائل سنے ۔ اس موقع پر ایڈیشنل ڈپٹی کمشنر جنرل بلال فیروز ‘ سیکرٹری ڈی آر ٹی اے فاروق حیدر عزیز ‘ چیف ایگزیکٹو آفیسر ہیلتھ ڈاکٹر ریاض ‘ سی ای او ایجوکیشن ریاض قدیر بھٹی ‘ ڈپٹی ڈائریکٹر زراعت ہاشم رضا ‘ ڈی ایس پی خالد تارڑ ‘ انچارج شکایات پولیس عنایت اللہ اور تمام ضلعی محکموں کے افسران ونمائندے بھی موجود تھے۔ ڈپٹی کمشنر نے کہاکہ انتظامیہ مظلوم کے ساتھ ہے اور ان کی عزت نفس کاتحفظ افسران کی ذمہ داری ہے ۔انہوں نے پولیس کی طرف سے مظلوم کا ساتھ دینے او رظالم کے ظلم کو روکنے کے دینی احکام کو واضح کیا تاکہ مظلوم اپنا حق حاصل کر سکے۔ انہوں نے سرگودہا کے معروف مخیر مرحوم میاں خان کی وراثت کے معاملہ میں محکمہ ریونیو کے اہلکاروں اورافسران کی ہٹ دھرمی کا بھی سخت نوٹس لیا او رایک ہفتہ کے اندر مسائل حل کرنے کی ہدایت کی ۔ ایک کسان کی طرف سے العریبیہ شوگر مل کے بارے میں واجبات ادا نہ کرنے کی شکایت پر سائل کو یقین دہانی کرائی کہ آئندہ چند روزمیں ہر قسم کی ادائیگیاں مکمل کر لی جائیں گی۔ انہوں نے ایک شہری کی طرف سے عطائی کا کلینک فوری طو رپر سیل کرنے کی ہدایت کی ۔

سرگودہا(نمائندہ باغی ٹی وی)سرگودھا شھر میں جشن عید میلادالنبی صلی اللہ علیہ وسلم کامرکزی جلوس صبح 9بجے شاھین چوک سے نکالاجائے گا جلوس اپنے مقررہ راستے امین بازار ریل بازار لیاقت مارکیٹ بلاک نمبر1محمدی بازار اردوبازار گولچوک ازاد روڈ دس بلاک سولہ بلاک پٹھہ منڈی سےھوتاھواواپس مرکزی جامع مسجد حامدعلی شاہ میں اختتام پزیر ھوگا اس جلوس کی سرپرستی خواجہ حمیدالدین سیالوی کریں جلوس کی صدارت ڈاکٹر زاھدشاہ کریں گئے یہ جلوس مرکزی جمیعت اھل سنت ولجماعت رجسٹر کے زیراھتمام نکالاجائے گا جلوس سے قاضی احمدحسن خطیب مرکزی جامع مسجد حامدشاہ قاضی نگاہ مصطفے علامہ جاوید قادری مولانا اللہ بخش سیالوی جلوس کے مختلف راستوں میں اپنے اپنے خطابات فرمائیں گئے جلوس میں ھزاروں افراد شرکت کریں گےاس کے علاوہ شھر میں مختلف علاقوں میں محفل نعتوں مشعل بردار جلوس کااھتمام ھوتاھے جوکہ بڑے عرصے سے چلاآرھا ھے

سرگودہا،46 اڈا (نمائندہ باغی ٹی وی )واپڈا ملازمین ڈیوٹی چھوڑ کر منگل بازار میں سٹال لگانے لگے ،فیسکو صارفین ذلیل و خوار ،شہری سراپا احتجاج تفصیلات کے مطابق سب ڈویژن لالیاں واقع 57 جنوبی کا حاضر ڈیوٹی ملازم مظہراقبال لائن مین ڈیوٹی چھوڑ کر منگل بازار میں سٹال لگا کر روزی روٹی کمانے میں مصروف ہے اور محکمہ سے مفت میں تنخواہیں بٹور رہا ہے شہریوں محمد یونس، ثمر جاوید ،آصف اقبال ،محمد عثمان اور طارق بھٹی نے ایکسین واپڈا ،چیف انجینئر فیسکو فیصل آباد سے نوٹس لینے کا مطالبہ کیا ہے شہریوں کا کہنا ہے کہ مظہراقبال اکثر اپنی ڈیوٹی سے غائب رہتا ہے اور فیسکو صارفین کو مشکلات کا سامنا کرنا پڑتا ہے اس کے خلاف سخت قانونی کاروائی کی جائے

سرگودہا(نمائندہ باغی ٹی وی) سرگودہا میں آج علی الصبح کالے بادلوں نے ڈیرے جما لیے کہیں کہیں بارش بھی ہوئی جس سے موسم خوشگوار اور سہانا ہو گیا ہے جبکہ شدید سردی کی لہر بھی آگئی ہے ، گندم کی کاشت شروع ہو چکی ہے کسان اس کو باران رحمت قرار دے رہے ہیں ، کینو کی فصل بھی تیار ہے بارش سے کینو میں مٹھاس اور صحت میں اضافہ ہو گا ، جبکہ زرعی اجناس میں موسمی سبزیاں بھی کاشت کی جا رہی ہیں جس میں گاجر ، مولی ، شلجم ، پیاز، لہسن ، مٹر ، پالک ، ساگ کی کاشت کسان زیادہ کرتے ہیں ایسے موقع پر بارش سے ان اجناس کی کاشت میں بھی اضافہ متوقع ہے ،سرگودہا میدانی علاقہ ہے جہاں زمینی پانی انتہائی خراب ہے اور 70فیصد علاقے کا انحصار زراعت پر ہے جبکہ زراعت کی پیداوار کا انحصار نہری پانی اور بارش پر ہے جیسے ہی گندم کی کاشت کا موسم آتا ہے ہر سال نہری پانی کی بندش کر دی جاتی ہے گزشتہ سال بھی گندم کی پیداوار خاصی کم رہی ہے جس کی وجہ عین وقت پر نہری پانی کی بندش تھی