Category: سرگودھا

سرگودہا(نمائندہ باغی ٹی وی )وزیراعلی پنجاب عثمان بزدار کی سرگودھاشہر وتحصیلوں کے دورے متوقع سکیورٹی ھائی الرٹ کر دی گئی ذرائع کے مطابق تین اضلاع میں وزیراعلی پنجاب کے آنے کی اطلاعات ہیں قوی امکان ھے آج شہرسرگودھاکاضرور دورہ کریں گے سرکٹ ھاؤس اور آرپی او آفس کمشنر آفس میں اجلاس کی صدارت کے لئے انتظامات کئےجارھے ھیں امید کی جارھی ھے 4بجے کے بعد کسی بھی وقت پہنچ سکتے ہیں وزیر اعلی پنجاب ڈینگی پر کئے جانے والے انتظامات کا جائزہ لیں گے

سرگودہا (نمائندہ باغی ٹی وی )ڈپٹی کمشنر آسیہ گل نے انسداد ڈینگی کی مہم میں پاپولیشن ویلفیئر ‘زراعت اور ضلع کونسل کی کارکردگی پر عدم اطمینان کااظہار کرتے ہوئے کہا کہ تمام محکمے اپنی سرگرمیاں تیز کریں اور ڈینگی کے حوالے سے عوام کو آگہی میں اپنا بھرپور کردار ادا کریں ۔ انہوں نے کہا کہ ڈینگی سے محفوظ رہنے کیلئے شہریوں کاتعاون اورکردارکسی بھی صورت نظر انداز نہیں کیاجاسکتا۔ ڈینگی لاروا کی سرویلنس او رمکمل چھٹکارے کیلئے احتیاطی تدابیر کے حوالے سے شہریوں کو آگاہ رکھنا ہماری مشترکہ ذمہ داری ہے۔ وہ آج ڈینگی کے ممکنہ خدشات اورمتعلقہ اداروں کے کئے گئے انتظامات کے حوالے سے منعقدہ اجلاس سے خطاب کررہی تھیں اجلاس میں سی او ہیلتھ اتھارٹی ڈاکٹر محمد ریاض ‘ ڈی ایچ او ڈاکٹر اصغر قاضی ‘ پی ایم اے کے صدر ڈاکٹر سکندر حیات وڑائچ کے علاوہ متعلقہ اداروں کے افسران نے شرکت کی۔ اجلاس میں انہیں بتایاگیاکہ آٹھ ڈینگی کے مریض سرکاری ہسپتالوں میں زیر علاج ہیں جن میں 7 مریض ڈسٹرکٹ ہیڈکوارٹر ہسپتال میں زیر علاج ہیں جبکہ ایک مریض تحصیل ہیڈکوارٹر شاہپور میں زیر علاج ہے ۔اجلاس میں مزید بتایاگیاکہ تحصیل شاہپور میں تین مقامات پر ڈینگی لاروا کی تشخیص ہوئی ہے ۔ ڈپٹی کمشنر نے کہا کہ جامع او رموثر اقدامات کے نتیجے میں ضلع ڈینگی کے خطرہ سے کافی حد تک محفوظ ہے تاہم عوام الناس کو ڈینگی وائرس سے بچاؤ ‘ حفاظتی تدابیر اور ڈینگی ایس او پیز پر عمل درآمد کو یقینی بنایاجارہاہے ۔انہوں نے کہاکہ انسداد ڈینگی کے لئے فیلڈ میں کئے جانے والے اقدامات کے ساتھ ساتھ روزانہ کی بنیاد پر رپوٹنگ کا مقصد فیلڈ ٹیموں کی کارکردگی جانچنا ہے ۔ مختلف محکموں کی جانب سے کئے گئے اقدامات ویکٹر سرویلنس اور تمام اقدامات کے نتیجہ کاجائزہ لینا ہے ۔

سرگودھا (نمائندہ باغی ٹی وی ) چئیرمین الیکٹرانک میڈیا کلب ندیم خان کی وزیر اعلیٰ پنجاب سے ملاقات تفصیلات کے مطابق چئیرمین الیکٹرانک میڈیا کلب نے وزیر اعلیٰ کو صحافیوں کے مسائل سے آگاہ کیا، وزیر اعلیٰ نے فوری طور پر صحافیوں کے ہیلتھ کارڈز بنانے کے احکامات جاری کر دیئے جبکہ دیگر مسائل کے حل کے لیے کمیٹی تشکیل دے دی۔ تفصیلات کے مطابق چیئرمین الیکٹرانک میڈیا کلب سرگودھا ندیم خان نے وزیر اعلیٰ ہاوس میں وزیر اعلیٰ پنجاب سردار عثمان بزدار سے ملاقات کی، ملاقات کے دوران ندیم خان نے وزیر اعلیٰ پنجاب کو سرگودھا کے صحافیوں کو درپیش مسائل سےآگاہ کیا، اس موقع پر وزیر اعلیٰ پنجاب صحافیوں کے صحت کے مسائل حل کرنے کے لیے فوری طور پر سرگودھا کے صحافیوں کے ہیلتھ کارڈز جاری کرنے کے احکامات جاری کر دیئے، جبکہ صحافی کالونی سمیت دیگر مسائل کے حل کے لیے صوبائی وزیر لیبر و ہیومن ریسورس عنصر مجید خان نیازی کی قیادت میں ایک کمیٹی تشکیل دینے کا اعلان کیا، یہ کمیٹی سرگودھا کے صحافیوں کو درپیش مسائل کی نشاندہی کر کے ان کے حل کے لیے ایک تفصیلی رپورٹ وزیر اعلیٰ کو پیش کرےگی۔ اس موقع پر سردار عثمان بزدار کا کہنا تھا کہ صحافت ملک کا چوتھا ستون ہے اور ہم تما صحافیوں اور صحافتی اداروں کو ساتھ لے کر چلنا چاہتے ہیں، تحریک انصاف کی حکومت چاہتی ہے کہ صحافی ملک کی ترقی کے لیے اپنا کردار ادا کریں، انہوں نے کہا کہ حکومت ملک بھر کے صحافیوں کے مسائل کو ترجیحی بنیادوں پرحل کرنے کے لیے کوشاں ہے، اس موقع پر چیرمین الیکٹرانک میڈیا کلب ندیم خان نے صحافیوں کے مسائل کے حل کے لیے کیئے جانے والے اقدامات پر وزیر اعلیٰ پنجاب کا شکریہ ادا کیا۔

سرگودہا (نمائندہ باغی ٹی وی )ڈپٹی کمشنر آسیہ گل نے ضلع بھر کے ریونیو افسران کی کارکردگی پر عدم اطمینان کا اظہار کرتے ہوئے انہیں مقررکردہ اہداف نومبر کے آخر ہر صورت مکمل کرنے کی ہدایت کی ہے ۔ انہوں نے اسسٹنٹ کمشنروں کو ریونیو فیلڈ افسران کی ہفتہ وار کارکردگی کاجائزہ اجلاس طلب کر کے ان کے دفتر کوبھی آگاہ کرنے کی ہدایت کی ہے ۔ وہ اپنے دفتر کے کانفرنس ہال میں ریونیو افسران کی کارکردگی کے ایک جائزہ اجلا س سے خطاب کر رہی تھےں۔ اجلا س میں ایڈیشنل ڈپٹی کمشنر ریونیو کیپٹن ریٹائرڈ شعیب علی کے علاوہ تمام تحصیلوں کے اسسٹنٹ کمشنروں ‘تحصیلداروں اور فیلڈ ریونیو افسران نے شرکت کی ۔ ڈپٹی کمشنر نے نادہنگان کے خلاف سخت کارروائی کرنے کی ہدایت کرتے ہوئے کہاکہ اس ضمن میں ریونیو افسران کی طرف سے کوئی عذر قبول نہیں کیا جائے گا ۔ اجلاس میں ریونیو افسران کی طرف سے آبیانہ کرنٹ ‘ آبیانہ بقایاجات ‘ تاوان ‘ زرعی انکم ٹیکس ‘ لوکل ریٹ ‘ واٹر ریٹ کرنٹ ‘ واٹر ریٹ بقایاجات سمیت ڈیوٹی کی مد میں اب تک کی وصولی کا تفصیلاجائزہ لیاگیا۔ ڈپٹی کمشنر نے سٹیمپ ڈیوٹی کی مد میں نادہنگان سے وصولی کیلئے ان کی جائیدادوں کی خریدوفروخت کو سرکاری بقایاجات ادا کرنے سے مشروط کرنے کی ہدایت کی ۔ انہوں نے ریونیو افسران پر زور دیا کہ مقررکردہ تمام اہداف کا رواں ماہ کے اندر 90فیصد ٹارگٹ کو ہر صورت حاصل کریں ۔ اجلاس میں ایف بی آر کی طرف سے زرعی انکم ٹیکس کے بقایاجات کیسز پر نادہنگان سے وصولی کی پیش رفت کابھی جائزہ لیاگیا ۔ اجلاس کو مزید بتایاگیاکہ ضلع بھر میں اب تک 3بے نامی جائیدادوں کا سراغ لگایاگیاہے جن میں سے 2 سرگودہا میں جبکہ ایک کی کوٹمومن میں نشاندہی ہوئی ہے ۔ ڈپٹی کمشنر نے تمام اسسٹنٹ کمشنروں کو ہدایت کی کہ وہ از سر نو بے نامی کاسراغ لگائیں اور اس ضمن میں سرٹیفکیٹ ان کے دفتر میں جمع کروائیں۔