سرگودہا( نمائندہ باغی ٹی وی )ضلعی انتظامیہ کے زیر اہتمام عوام الناس میں ڈینگی مچھر کے ممکنہ مضراثرات اوراس سے بچاؤ بارے آگہی سیمینار جنرل بس سٹینڈ پر منعقد ہوا ۔ سیمینار کے مہمان خصوصی مشیر وزیر اعلیٰ پنجاب آصف محمو د تھے جبکہ صدارت ڈپٹی کمشنر آسیہ گل نے کی ۔ سیمینار میں چیئرمین پی ایچ اے سعداللہ وڑائچ ‘ ڈی جی پی ایچ اے ریحانہ فرحت‘ چیئرمین ایس ڈی اے ممتاز اختر کاہلوں او رسیکرٹری ڈی آر ٹی اے فاروق حیدر عزیز ‘ ڈی ایچ او ڈاکٹر سہیل اصغر قاضی ‘ سی او ہیلتھ اتھارٹی ڈاکٹر محمد ریاض اور سی او ایجوکیشن ریاض قدیر بھٹی کے علاوہ ٹرانسپورٹرزکی کثیر تعداد نے شرکت کی ۔ مشیر وزیر اعلیٰ آصف محمود نے کہا کہ پنجاب حکومت نے ڈینگی کے خاتمہ کیلئے کمر کس لی ہے ۔ اپنے گھروں اور جائے ملازمت ‘ دکانوں او رکاروباری جگہوں کو صاف ستھرارکھیں کسی بھی جگہ صاف پانی کو کھڑا نہ ہونے دیں۔ انہوںنے ٹرانسپوٹروں پر زور دیا کہ وہ پرانے ٹائروں کو تلف کردیں ۔ تمام بس اڈوں پر قائم سٹینڈ او ردکانوں کی صفائی کا خاص خیال رکھا جائے ۔ انہوں نے کہاکہ تمام مسافرگاڑیوں میں ڈینگی سے متعلق پمفلٹ تقسیم کئے جائیں نیز بس اڈوں پر خصوصی آگہی کا¶نٹرقائم کئے جائیں۔ انہوں نے بس ویگن اڈوں پر آگہی او رپینا فلیکس لگانے کی ضرورت پر زور دیا ۔ انہوں نے کہاکہ صفائی نصف ایمان ہے اور ہم اپنے ماحول کو صاف ستھرا رکھ کر ڈینگی سمیت دیگرو بائی بیماریوں سے محفوظ رہ سکتے ہیں ۔ انہوں نے اس امر پر اطمینان کا اظہار کیاکہ سرگودہامیں ڈینگی کاکوئی خطرہ نہیں لیکن چین کے بانسری بجانے کی بجائے ہمیں الرٹ رہنا ہوگا ۔ سیمینار سے ڈی ایچ او ڈاکٹر سہیل اصغر قاضی اور جامعہ سرگودہا کے شعبہ اسلامیات کے ایچ او ڈی پروفیسر ڈاکٹر فیروز علی شاہ نے خطاب کرتے ہوئے کہاکہ نبی کریم پر د وسر ی و حی پاکیزگی اور صفائی کے با رے اتری ۔ آپ کافرمان ہے کہ گندگی سے دور رہیں اپنے برتنوں او رمشقوں کو ڈھانپ کر رکھیں او ررات کو گھروں کے دروازے بند اور چراغ بجھا کر سوئیں او رہر مسلمان ان حدیث پر عمل کر کے تمام بیماریوں سے محفوظ رہ سکتا ہے ۔ ٹرانسپورٹ یونین کے جنرل سیکرٹری اعجاز بلوچ نے کہا کہ جو معاشرہ اجتماعی صفائی کا خیال رکھتا ہے وہ کبھی بیمار نہیں ہو سکتا۔ بعدازاں عوام الناس میں آگہی کیلئے مشیر وزیر اعلیٰ پنجاب آصف محمود اور ڈپٹی کمشنر آسیہ گل کی قیادت میں واک کا اہتمام کیاگیا ۔ شرکاءنے بینرز او رپینا فلیکس اٹھا رکھے تھے جن پر ڈینگی سے بچاؤبارے آگہی احتیاطی تدابیر درج تھیں۔
Category: سرگودھا
-
کلین اینڈ گرین مہم۔سرگودہا کوصوبہ کا ماڈل ڈویژنل ہیڈکوارٹر بنانے کا فیصلہ
سرگودہا(نمائندہ باغی ٹی وی )مشیر وزیر اعلیٰ پنجاب برائے ہارٹیکلچرآصف محمود نے کہا ہے کہ سرگودہا کو صفائی اورخوبصورتی کے لحاظ سے صوبہ کا ماڈل ڈویژنل ہیڈکوارٹر بنانے کا فیصلہ کیاگیا ہے اس سلسلہ میں وزیر اعلیٰ پنجاب سردار عثمان بزدارنے اس میگا منصوبہ کی منظوری دے دی ہے اورابتدائی طو رپر ساڑھے چھ کروڑ روپے کے فنڈز بھی جاری کئے جارہے ہیں۔ اس امر کا اظہار انہوں نے اپنے دورہ سرگودہا کے موقع پر اعلیٰ سطحی اجلاس کی صدارت کرتے ہوئے کیا ۔ اجلاس میں ڈپٹی کمشنر آسیہ گل ‘ چیئرمین سرگودہا ڈویلپمنٹ اتھارٹی چوہدری ممتاز اختر کاہلوں ‘ چیئرمین پی ایچ اے ملک سعد اللہ ‘ ڈی جی پی ایچ اے ریحانہ فرحت ‘ اے ڈی سی آر کیپٹن ریٹائرڈ شعیب علی اور اے ڈی سی جی بلال فیروز کے علاوہ میونسپل کارپوریشن او رضلع کونسل سمیت متعلقہ اداروں کے افسران نے شرکت کی ۔ مشیر وزیر اعلیٰ نے کہا کہ پی ایچ اے سرگودہا کو مزید فعال بنایا جائے گا ادارے کی آسامیوں پر تقرریوں سمیت دیگر بنیادی سہولیات کی فراہمی کو یقینی بنایاجائے گا ۔ اس طرح شہر میں صفائی کے نظام کو بہتر بنانے کے لئے میونسپل کارپوریشن کو بھی فنڈز کے علاوہ افرادی قوت کی تمام کمی کو دور کیاجائے گا ۔ انہوں نے کہاکہ سرگودہا شہر میں پہلے مرحلے میں ایک سڑک جیل روڈ کو خوبصورتی کے اعتبار سے ماڈل بنانے کے علاوہ شہر آنے والے تمام مین شاہرات کو بھی پی ایچ اے ماڈل بنائے گا ۔ انہوں نے کہا کہ شہر سے گزرنے والی نہروں او رریلوے لائنوں کے گردنواح میں گرین بیلٹس اورعوام کی تفریحی کیلئے تمام سہولیات کو یقینی بنایا جائے گا ۔ اس طرح تمام بڑے پارکوں میں فیملیز کی تفریحی کیلئے ملٹی نیشنل کمپنیوں کی خدمات حاصل کی جائیں گی ۔ اجلاس سے خطاب کرتے ہوئے ڈپٹی کمشنر آسیہ گل نے کہاکہ شہر میں صفائی پر خاص توجہ دی جارہی ہے ۔ مکینکل سویپر مشین خریدنے پر کام جاری ہے ۔ تمام محکموں او رسول سوسائٹی سے مل کر کلین اینڈ گرین سرگودہا کے نام سے ہفتہ صفائی منانے کی منصوبہ بندی کر لی گئی ہے ۔ ہفتہ صفائی میں تمام تعلیمی اداروں اور سرکاری محکموں سمیت ہر شعبہ زندگی سے تعلق رکھنے والے افراد کی نمائندگی کو یقینی بنایا جائیگا ۔ انہوں نے کہاکہ شہر سے مویشیوں کے انخلاءاور شاپر بیگ پر پابندی کے لئے بھی اقدامات کئے جارہے ہیں ۔ اس موقع پر پی ایچ اے کی طرف سے دی گئی بریفنگ میں بتایاگیاکہ شہر کے لاکھوں روپے کی لاگت سے شہر کے 9پارکوں کی تزئین وآرائش ومرمت پر کام جاری ہے ۔ بریفنگ میں بتایا گیاکہ شہر میں 20 نئی گرین بیلٹس بنائی گئی ہیں جبکہ شہر میں واقع تینوں اوورہیڈبرج پر خوبصورت ایل ای ڈی لائٹس لگائی گئی ہیں ۔ پی ایچ اے رواںمالی سال کے دوران مزید بارہ نئے پارک او رچھ چوک خوبصورت بنانے کا ارادہ رکھتاہے ۔ مشیر وزیر اعلیٰ آصف محمود نے پی ایچ اے ‘ ایس ڈی اے ‘ میونسپل کارپوریشن او رضلع کونسل افسران پر مشتمل ایک خصوصی کمیٹی بنانے کی ہدایت کی جو سرگودہا کو خوبصورتی او رصفائی کے اعتبار سے ماڈل ڈویژن بنانے کیلئے شروع کئے جانے والے تمام منصوبوں کی مانیٹرنگ کرے گی او راس ضمن میں اپنی سفارشات تیار کرکے حکومت کو بھجوائے گی۔
-
بھلوال اسٹیشن سے ملنے والا بچہ عبدالعلیم پراسرار طور پر پولیس حراست میں جاں بحق
سرگودہا(نمائندہ باغی ٹی وی )بھلوال پولیس کو اطلاع ملی کہ دو نامعلوم بچے ریلوے اسٹیشن چوک بھلوال میں موجود ہیں جس پر پولیس نے فوری طور پر بچوں کو تحویل میں لے کر جانچ پڑتال کا عمل شروع کردیا کہ آخر یہ بچے کون ہیں اور کہاں سے آئے ہیں ڈی ایس پی بھلوال ملک غلام عباس نے خود ذاتی دلچسپی لیتے ہوئے بچوں سے معلومات لینا شروع کردی اور چند گھنٹوں میں بچوں کے والدین سے رابطہ کیامحمد شعیب ولد مشتاق عمر 12 سال رہائشی غازی آباد جبکہ دوسرے بچے کا نام عبد العلیم ولد حبیب عمر 11 سال رہائشی چیچہ وطنی بتائی جاتی ہے
مدرسے سے بچے کیوں بھاگے ،وجہ معلوم ہو گئی
دونوں بچے مدرسہ جامعہ مسجد محمدیہ غازی آباد کے طالب علم ہیں دونوں کا کہنا ہے کہ وہ استاد کے تشدد سے تنگ آکر بھاگے ہیں ڈی ایس پی بھلوال کا کہنا تھا کہ موجودہ حالات میں بچوں کا بروقت پولیس تک پہنچ جانا خوش قسمتی تھی ایک بچہ محمد شعیب ولد مشتاق 12سالُہ لاہور کو ورثاء کے حوالے کر دیا جبکہ عبدالعلیم پولیس کے پاس تھا دن ایک بجے طبیعت خراب ھونے کی صورت میں ہسپتال بھلوال لایا گیا تو اٹیک کی وجہ سے جان بحق ھو گیا ڈی پی اوسرگودھا حسن مشتاق سکھیراموقع پر پہنچ گئے -
ڈینگی آگاہی واک اور سیمینار کا انعقاد ،طالبات کی بھرپور شرکت
سرگودھا(نمائندہ باغی ٹی وی )گورنمنٹ کالج آف ٹیکنالوجی برائے خواتین نیو سیٹلائٹ ٹاﺅن میں ڈینگی وائرس سے آگاہی بارے واک اور سیمینار کا اہتمام کیا گیاجس میں کالج سٹاف سمیت طالبات کی کثیرتعداد شریک ہوئی پرنسپل گورنمنٹ کالج آف ٹیکنالوجی برائے خواتین میڈم صباح تبسم نے ڈینگی وائرس سے بچاو بارے اختیاطی تدابیر سے آگاہ کرتے ہوئے کہا کہ ہم سب پر یہ ذمہ داری عائد ہوتی ہے کہ ہم اپنے گھروں اور تمام جگہوں کو صاف ستھرا رکھیں اور کہیں بھی پانی جمع نہ ہونے دیں لان میں لگے پودوں اور گملوں میں پانی نہ رکھیں ڈینگی مچھر کے کاٹنے سے بچنے کے لیے پوری آستینوں والے کپڑے پہنیں گھروں اور دفاتر میںکھڑکیوں کو بند رکھیں۔ سیمینار سے دیگر سٹاف ممبران نے بھی ڈینگی سے بچاو بارے بریفنگ دی بعد ازاں پرنسپل کالج کی قیادت میں واک بھی کی گئی۔
-
سرگودہا یونیورسٹی میں چائینیز لینگویج ٹریننگ کا آغاز کر دیا گیا
سرگودھا(نمائندہ باغی ٹی وی)سرگودھا یونیورسٹی کی تاریخ میں پہلی مرتبہ چائنیز لینگوئج ٹریننگ پروگرام کا آغاز کر دیا گیا۔ٹریننگ پروگرام پاکستان انسٹی ٹیوٹ آف چائنہ سٹڈیز (PICS) کے تحت منعقد کیا جا رہا ہے جس میں ابتدائی طور پر 6 شعبہ جات کے منتخب طلبہ کو چینی زبان سکھائی جائے گی اور چینی زبان سکھانے کے لئے 2 چینی اساتذہ کنفیوشس انسٹی ٹیوٹ ہیڈ کوارٹر سے سرگودھا یونیورسٹی آئے ہیں جنہوں نے کلاسز کا باقاعدہ آغاز کر دیا ہے اور اس کا دورانیہ 6 ماہ کا ہوگا۔ چینی زبان سکھانے کے عمل کو موثر بنانے کے لئے پاکستان انسٹی ٹیوٹ آف چائینہ اسٹڈیز کے زیر اہتمام ایک تعارفی لیکچر کا اہتمام کیا گیا جس سے پاکستان میں چینی زبان کی ماہر وانگ سوچنگ (سیلینہ وانگ) نے خطاب کیا ،اس موقع پر انہوں نے طلبہ کو بتایا کہ چینی زبان اتنی مشکل نہیں جتنا اس کا تاثر ملتا ہے۔ دنیا میں ڈیڑھ ارب سے زائد لوگ چینی زبان بولتے ہیں اور 21ویں صدی میں پوری دنیا کے 21 فیصد لوگ چینی زبان سے واقف ہیں ۔انہوں نے کہا کہ چینی زبان تصویری، صوتی اور ان دونوں کا مرکب ہے جبکہ چین کے اندر مختلف انداز سے چینی زبان بولی جاتی ہے اور ایک محتاط انداز کے مطابق چینی زبان تین ہزار سال سے زائد پرانی ہے ۔اس موقع پر چینی ماہر زبان نے طلبہ کو چینی زبان کے بنیادی الفاظ سے بھی آگاہ کیا اور ان کی تربیت کی۔ پاکستان انسٹی ٹیوٹ آف چائنہ سٹڈیز کے ڈائریکٹر ڈاکٹر فضل الرحمان نے اس موقع پر کہا کہ ابتدائی طور پر یونیورسٹی کے 6 شعبہ جات سے طلبہ کو چینی زبان سیکھنے کیلئے منتخب کیا گیا ہے بعدازاں دیگر شعبوں کو بھی اس میں شامل کیا جائے گا اور یہاں طلبہ کو چینی زبان سے واقفیت سے بھرپور مواقع میسر ہوں گے۔ انہوں نے کہا کہ چین 2030 ءمیں دنیا کی نمبرون معیشت بن جائیگی جبکہ بیلٹ اینڈ روڈ منصوبہ کے تحت 70 سے زائد ممالک کو منسلک کیا گیا ہے جس میں سی پیک بھی شامل ہے اور اس سے روزگار اور تجارت کے مواقع پیدا ہوں گے، اس طرح ہماری یہ خوش قسمتی ہے کہ دنیا کی ابھرتی قوت ہمارا ہمسایہ ہے ۔انہوںنے بتایا کہ سرگودھا یونیورسٹی میں جلد ہی کنفیوشس انسٹی ٹیوٹ کا قیام بھی جلد متوقع ہے جس سے یہاں چینی ماہرین کی آمدورفت میں اضافہ ہو گا جبکہ چینی زرعی ماہرین پہلے ہی سرگودھا کی زراعت میں اپنی دلچسپی ظاہر کر چکے ہیں جس سے سرگودھا اور اس کے گردونواح میں ترقی کا نیا عمل شروع ہو گا اور اس کے لئے ضروری ہے کہ ہماری کمیونیکیشن بہتر ہونی چاہےے اور اس مقصد کے لئے چینی زبان کے کورسزز کا آغاز کیا گیا ہے۔
-
ایسی صورتحال جسے دیکھ کر ہر شہری کا دل خون کے آنسو رونے لگا
سرگودہا(نمائندہ باغی ٹی وی) گلی نمبر 1عادل پارک سرگودہا میں لواحقین جنازہ گٹر کے گندے پانی سے گزر کر لے جا رہے ہیں ،پچھلے کئی ہفتوں سے سیوریج کا نظام متاثر ہے جس سے پوری گلی میں گندا پانی کھڑا ہے اور یہ صرف ایک گلی نہیں شہر کی کئی ایسی گلیاں ہیں جہاں گندے پانی کے جوہڑ بنے ہوئے ہیں ، موجودہ انتظامیہ کو ہوش کے ناخن لینے چاہئیں وزیر اعظم کے سیٹیزن پورٹل پر سب سے زیادہ شکایات سرگودہا کے حوالے سے ہیں جو اعدادو شمار کے مطابق 500 سے تجاوز کر چکی ہیں اس کے باوجود کوئی اصطلاحاتی عمل نہیں وزیر اعظم پاکستان کا اپنا ڈویثن اور علاقہ ہونے کی وجہ سے یہاں کے لوگوں کو ان سے بے تحاشہ امیدیں وابستہ ہیں تاہم دورہ جات کے باوجود ابھی تک کوئی اہم اعلان نہیں کیا گیا
-
ساہیوال سول سوسائٹی ڈاکٹرز اور انتظامیہ کے خلاف سراپا اجتجاج
سرگودہا،ساہیوال (نمائندہ باغی ٹی وی )ساھیوال کے ہسپتالوں میں بنیادی ضرورتِ ھیلتھ کی عدم دستیابی اور ڈی ایچ کیو میں جاری انتظامیہ،ڈاکٹرز ذاتی کشمکش کے خلاف سٹی پریس کلب®ساھیوال و دیگر تنظیموں کے زیراہتمام شہر کےمختلف مقامات پر مختصر احتجاج کیا گیا،احتجاج میں صدر،سٹی پریس کلب (حاجی وقار یعقوب) سینئر نائب صدر،سٹی پریس کلب (میاں وقاص چوھدری) سمیت مختلف تنظیموں کے اھم نمائندگان نے شرکت کی اور متفقہ طور پر ساھیوال کے شہریوں کے وسیع تر مفاد میں بڑے پہمانے پر پورے شہر میں ھیلتھ کی بہتری کے لیے احتجاج شروع کرنے و تمام تنظیموں کی باہم مشاورت سے احتجاجی تاریخ سامنے لانے کا اعلان کیا گیا،
احتجاجی پلے کارڈز پر یہ جملےدرج تھےحکومت ڈی ایچ کیو میں ڈاکٹرز کی غنڈہ گردی بند کروائے،
پرنسپل میڈیکل کالج کو ضلع بدر کیا جائے،
ڈی ایچ کیو میں مریضوں کی اموات کا ذمہ دار کون؟(معاون آرگنائزیشنز)
ینگ جرنلسٹ سوسائٹی انٹرنیشنل®،
سٹی پریس کلب®ساھیوال،
ینگ لائرز فورم(قائد اعظم)
تاجر کمیونٹی ساھیوال
یوتھ سٹوڈنٹ سوسائٹی،
اعطاف یوتھ سوسائٹی ساھیوال،
لیبر الائنس ساھیوال،
اتحاد یوتھ ویلفیئر آرگنائزیشن،
مسلم سٹوڈنٹ فیڈریشن ساھیوال -
مدرسے سے بچے کیوں بھاگے ،وجہ معلوم ہو گئی
سرگودہا (نمائندہ باغی ٹی وی)لاہور مدرسہ سے بھاگے ہوئے بچوں کو بھلوال پولیس نے اپنی تحویل میں لے لیا تفصیلات کے مطابق بھلوال پولیس کو اطلاع ملی کہ دو نامعلوم بچے اسٹیشن چوک بھلوال میں موجود ہیں جس پر پولیس نے فوری طور پر بچوں کو تحویل میں لے کر جانچ پڑتال کا عمل شروع کردیا کہ آخر یہ بچے کون ہیں اور ان کے ورثاء کو کیسے تلاش کیا جائے ڈی ایس پی بھلوال ملک غلام عباس نے خود ذاتی دلچسپی لیتے ہوئے بچوں سے معلومات لینا شروع کردی اور ایک گھنٹے میں بچوں کے والدین اور گھروں تک پہنچنے میں کامیاب ہوگئے ملنے والے بچوں میں محمد شعیب ولد مشتاق عمر 12 سال رہائشی غازی آباد جبکہ دوسرے بچے کا نام عبد العلیم ولد حبیب عمر 11 سال رہائشی چیچہ وطنی بتائی جاتی ہے دونوں بچے مدرسہ جامعہ مسجد محمدیہ غازی آباد کے طالب علم ہیں دونوں کا کہنا ہے کہ وہ استاد کے تشدد سے تنگ آکر بھاگے ہیں ڈی ایس پی بھلوال کا کہنا تھا کہ موجودہ حالات میں بچوں کا بروقت پولیس تک پہنچ جانا خوش قسمتی تھی وگرنہ کوئی بھی ناخوشگوار واقعہ پیش آسکتا تھا انہوں نے کہا کہ مدارس کے اساتذہ کو چاہئے کہ وہ بچوں سے اساتذہ والا تعلق قائم کریں اور تشدد سے گریز کریں تاکہ بچے دوران تعلیم بھاگنے سے بچ سکیں ڈی ایس پی بھلوال نے ایس ایچ او سٹی مامون اور ان کے سٹاف کو بھی خراج تحسین پیش کیا جنہوں نے ایک گھنٹے میں ورثاء کی تلاش کو یقینی بنایا
-
تاجروں نے فیصلہ کر لیا ،اسلام آباد جائیں گے
سرگودھا( نمائندہ باغی ٹی وی )مرکزی انجمن تاجران شہر و ضلع سرگودھا کا اھم اجلاس زیرصدارت صدر شیخ ندیم خاور منعقد ہوا ، جس میں آل پاکستان تاجر تنظموں کی جانب سے کل اسلام آباد میں “ تاجر بچاو کنونشن “ میں شرکت کرنے اور مرکزی تنظم تاجران پاکستان کے صدر کاشف چویدری کی جانب سے دعوت مشاورت کی گئی جس میں یہ فیصلہ کیا گیا کہ مرکزی انجمن تاجران شہر و ضلع سرگودھا کے عہدیدارن کل پیر 7 اکتوبر کو “ تاجر بچاو کنونشن “ میں بھر پور شرکت کریں گئی ،اجلاس میں مرکزی انجمن تاجران شہر و ضلع سرگودھا کے صدر شیخ ندیم خاور ، چیرمین خواجہ احمد حینف ، جنرل سیکرٹری محمد سلیمان مغل ، سرپرست اعلی طارق سعید ساہنی ، سرپرست مختار مرزا ،چیرمین الیکٹریکل ایسویسی ایشن خواجہ حافظ طارق ، میاں ماجد حیات ڈپٹی جنرل سیکرٹری ، خواجہ یاسر قیوم ایڈیشنل جنرل سیکرٹری ، شیخ فیصل ڈپٹی گروپ لیڈر ، شیخ بلال ظفر سینئر نائب صدر ، امجد محمود بھٹی سینئر نائب صدر ، میاں عبد الروف ، رانا ریاض ، شیخ ایوب الہی نائب صدر ، محمد لیق ، خالد بٹ ، اشرف ڈوگر نائب صدر ، شیخ منور عزیز نائب صدر ، ریاض منیر نائب صدر ،ملک علاوہ الدین سئینر وائس چیرمین ، فنانس سیکرٹری کامران سرور اور خالد بٹ کے علاوہ دیگر تاجروں نے بھرپور شرکت ،اجلاس میں مرکزی قیادت کی طر فسے احتجاجی پروگرام کی کال کے حوالے سے غوروخوص کیاگیا اورفیصلہ کیاگیا کہ کل 7 اکتوبر کو اسلام آباد میں احتجاجی پروگرا م میں ضلع سرگودھا سے تاجربرادری کے قافلے بھرپور انداز میں شرکت کریں گے۔ اجلاس میں مختلف کمیٹیاں تشکیل دے دی گئی۔اجلاس میں مقررین نے کہاکہ ٹیکسوں کی بھرمار اورتاجر برادری کو درپیش مسائل حل کرنے میں حکومت ناکام ہوچکی ہے۔شناختی کارڈ کی شرط اور دیگر ٹیکسوں کی بھرمار نے کاروباری حلقوں اور تاجروں کو سخت مایوس کیاہے اورمسلسل مذاکرات کے باوجود حکومت تاجربرادری کو درپیش مسا ئل،خدشات وتحفظات دور کرنے میں ناکام ہے۔ 7 اکتوبر کو اسلام ا ٓباد آبپارہ مارکیٹ میں ملک گیر تاجر کنونشن میں آئندہ کالائحہ عمل طے کیا جائیگا۔ اجلاس میں بھرپور شرکت کویقینی بنانے کیلے مختلف تجاویز کاجائزہ لیاگیا۔حکمت عملی کو حتمی شکل دی گئی اورمختلف کمیٹیاں تشکیل دی گئیں۔
-
استاد طلبہ کیلئے رول ماڈل ہے اسے اخلاق وکردار کاپیکر ہونا چاہیے ۔ڈپٹی کمشنر آسیہ گل
سرگودہا(نمائندہ باغی ٹی وی )ٹیچرز ڈے کے حوالے سے تقریب سے خطاب کرتے ہوئے ڈپٹی کمشنر آسیہ گل نے کہاکہ استاد کا مرتبہ اور مقام اس بات کا متقاضی ہے کہ وہ صفات حسنہ اور اخلاق حمیدہ کا جامعہ مرقہ ہو بدلتے تقاضوں میں آج کے استاد کا کردار بڑھ گیا ہے۔ انہوںنے کہا کہ ایسا کوئی شخص دنیا میں نظر نہیں آتا وہ استاد کی عزت کرنے والا ہو اور ترقی نہ کی ہو ۔انہوںنے کہاکہ استاد بچے کو اعتماددے سکیں تو وہ دنیا کی ہر چیز کو تسخیر کر سکتا ہے۔ ڈپٹی کمشنر نے کہاکہ اساتذہ کو نسبت حاصل ہے کہ وہ پیغمبروں کے پیشے سے منسلک ہےں۔ نبی کریم زندگی کے تمام شعبوںکے امام بنائے گئے ہیں۔ لیکن آپ نے معلم بنائے جانے پر فخر محسوس کیا۔ اساتذہ جہاد کر رہے ہیں اور قوم کی تعمیر میں اہم کردار ادا کر رہے ہیں ۔ انہوں نے مزید کہا کہ سب سے باوقار پیشہ استاد کا ہے اور یہ پیشہ ایک عبادت ہے جس کا اجر دنیا میں بھی ملے گا اور آخرت میں بھی۔ یورپ استاد کو عزت دینے سے آگے نکل گیا آج پوری قوم اپنے استاد کو سلام پیش کرتی ہے۔ سی او ایجوکیشن ریاض قدیر بھٹی نے کہاکہ معلم بننا ہر کسی کو نصیب نہیں ہوتا۔ خوش نصیب ہیں وہ لوگ جنہیں اللہ اس منصب کیلئے منتخب کرتاہے۔ انہوںنے کہا کہ ضلع بھر کے 194اساتذہ کو اگلے گریڈ میں ترقی دی جارہی ہے۔ جبکہ 23کنٹریکٹ اساتذہ کو بھی ریگولر کیاجارہاہے۔ انہوں نے کہا کہ ایسے اساتذہ جنہیں بعض وجوہات کی وجہ سے پے پیکج نہیں مل سکا وہ بھی جلد خوشخبری سنیں گے۔ انہوںنے اعلان کیاکہ جلد ہی ضلع کی تمام تحصیلوں کے شاندار کارکردگی کے حامل دس دس اساتذہ کو کیش ایوارڈز دیئے جائیں گے۔ جبکہ جماعت نہم کے سالانہ امتحان میں 95فیصد حاصل کرنے والے سرکاری سکولوں کے طلباءکو بھی جلد ایک تقریب میں انعامات سے نوازا جائے گا۔ بعدا زاں مہمان خصوصی صوبائی پارلیمانی سیکریٹری چوہدری فیصل فاروق چیمہ اور ڈپٹی کمشنر آسیہ گل نے ضلع بھر میں شاندار کا رکردگی دکھانے والے اساتذہ سکول سربراہان اور ڈپٹی ڈی اوز میں تعریفی سرٹیفکیٹس اور کیش انعامات بھی تقسیم کئے ۔پروقار تقریب میں مختلف سرکاری سکولوں کے طلبہ نے ملی نغمے اور ٹیبلو ز پیش کر کے حاضرین سے خوب داد وصول کی۔