Category: سرگودھا

سرگودہا(نمائندہ باغی ٹی وی ) ملک صدام اعوان سابق چئیرمین یوتھ پنجاب ،ممبر بورڈ آف گورنرز لوکل کونسل پنجاب نے آج لاہور ہائیکورٹ، بلدیاتی نظام کی بحالی پر لارجر بنچ کی سماعت کے بعد باغی ٹی وی سے گفتگو کرتےہو ئے کہا کہ گورنمنٹ کو بلدیات پر شب خون نہیں مارنے دیں گے آج سماعت کے دوران الیکشن کمیشن نے نئے الیکشن کروانے سے انکار کر دیا ہے ،الیکشن کمیشن کے وکیل نے کہا کہ ایکٹ میں قانونی تقاضے بھی پورے نہیں
کیس کے فیصلے تک کوئی بھی بلدیاتی فنڈز نہیں لگا سکتا
عدالت نے نوٹس جاری کر دیا ہے
آئندہ پیشی پر سیکڑیڑی لوکل گورنمنٹ اور سیکڑیڑی قانون کو طلب کرلیاگیا ہے
سماعت پر پنجاب بھر سے چئیرمینز نے شرکت کی ، یہ لوکل گورنمنٹ کے نمائندوں کی جیت ہوئی ہے موجودہ حکومت ناقص پالیسیاں اختیار کیے ہوئے ہے

سرگودہا(نمائندہ باغی ٹی وی ) ڈینگی کے خلاف تمام اداروں ‘ سول سوسائٹی کو تحریک کاکردار ادا کرنا ہو گا۔ ڈاکٹر راشد منصور کا اجلاس کے شرکاء سے خطاب جبکہ ڈی سی سرگودہا نے کہا کہ ڈی ایچ کیو ‘ تحصیل ہسپتالوں او رپرائیویٹ ہسپتالوں میں ڈینگی وارڈز قائم کر دیئے گئے ہیں۔ ڈینگی ٹیموں کی کارکردگی کاجائزہ روزانہ کی بنیاد پر لیا جارہاہے ۔ تفصیلات کے مطابق
صوبائی سیکریٹری سپیشل ایجوکیشن ڈاکٹر راشد منصور نے کہا ہے کہ حکومت ڈینگی کو کنٹرول کرنے کیلئے بھاری فنڈز خرچ کر رہی ہے جس کا مقصد شہریوں کو اس مرض سے محفوظ بنانا ہے۔ ڈینگی کے خلاف تمام اداروں اور سول سوسائٹی کو ایک تحریک کی صورت میں کام کرنا ہوگا ۔موسم کی شدت کے ساتھ ہی لاروا کی نشونما رک جائے گی اور ڈینگی کے خطرات ختم ہو جائیں گے لیکن ہماری کوششیں مزید تیز ہونی چاہیں ۔ اس امر کا اظہار انہوںنے ڈپٹی کمشنر دفتر کے کانفرنس ہال میں ایک اجلاس کی صدرات کرتے ہوئے کیا۔ اجلاس میں ڈپٹی کمشنر آسیہ گل‘ایڈیشنل ڈپٹی کمشنر کیپٹن ریٹائرڈ شعیب علی ‘ سی او ہیلتھ ڈاکٹر سلیمان زاہد اور ڈی ایچ او کی علاوہ تمام صوبائی وضلعی محکموں کے سربراہان نے شرکت کی ۔ صوبائی سیکرٹری سپیشل ایجوکیشن نے کہا کہ آگہی مہم کو فعال بنا کر ہم ڈینگی پر قابو پاسکتے ہیں ہر پاکستانی شہری کو اس ضمن میں اپنا کردار ادا کرنا چاہیے او رتمام لوگوں تک ڈینگی کے بارے احتیاطی تدابیر بارے پیغام پہنچانا چاہیے ۔ انہوں نے سوشل میڈیا ‘ پرنٹ اور الیکٹرانک میڈیاکے علاوہ ریڈیو پر بھی فعال مہم چلانے کی ضرورت پر زور دیا ۔ انہوں نے تعلیمی اداروں میں طلباءکے لئے خصوصی سیشن منعقد کرنے کی ہدایت کی ۔ انہوں نے کہا کہ ڈینگی کے مریضوں کو صحت عامہ کی تمام ترسہولیات کی فراہمی کو یقینی بنایاجارہاہے ۔موجودہ صورتحال میں ڈینگی موبائل ٹیموں کا کردار انتہائی اہم ہے۔ سیکرٹری سپیشل ایجوکیشن نے بس اڈوں ‘ ریلوے اسٹیشنوں پر ڈینگی کے بارے خصوصی کا¶نٹر بنانے کی ہدایت کی ۔انہوں نے علماءکرام پر زور دیا کہ وہ اپنے منبراور محراب سے ڈینگی کے بارے پر چار کرنے کی ضرورت پر زوردیا ۔
ڈپٹی کمشنر آسیہ گل نے اجلاس کو بتایا کہ ڈی ایچ کیوسمیت تمام تحصیل ہسپتالوں میں ڈینگی کے وارڈز قائم کئے جاچکے ہیںجبکہ شہر کے پندرہ پرائیویٹ ہسپتالوں میں بھی پانچ پانچ بیڈز کے وارڈز مختص کردیئے ہیں جہاں ڈینگی کے مریضوں کو بہتر علاج معالجہ کی سہولیات فراہم کی جارہی ہیں۔ انہوں نے بتایا کہ ڈینگی ٹیموں کی کارکردگی سے متعلق روزانہ کی بنیاد پر ان کی زیر صدارت اجلاس منعقد ہو رہاہے جبکہ تمام اے سی صاحبان بھی روزانہ کی بنیاد پر ڈینگی مہم کی نگرانی کر رہے ہیں۔ اس موقع پر ڈی ایچ او ڈاکٹر سہیل اصغر قاضی نے اجلاس کو بریفنگ میں بتایا کہ ضلع بھر میں ساڑھے پانچ سو سرولینس ٹیمیں کام کر رہی ہیں او راب تک 18لاکھ سے زائد گھروں اور 60ہزار کے قریب آ¶ٹ ڈور مقامات کی سرولینس کی گئی ہے ۔ ضلع بھر میں پانچ ہزار کے قریب لاروا کے مشتبہ مقامات پائے گئے جن میں سے 95مقامات پر ڈینگی لارواپایا گیا جسے فوری تلف کر دیا گیا۔ مشتبہ مقامات کی جیوٹیگنگ بھی کی گئی جبکہ تمام مقامات کے گردونواح کے پچاس گھروں پر سپرے بھی کیاگیا ہے ۔ بعدازاں سیکرٹری سپیشل ایجوکیشن ڈاکٹر راشد منصور نے ڈپٹی کمشنر آسیہ گل کے ہمراہ ڈی ایچ کیو ہسپتال کا دورہ کیا ۔ انہوں نے ڈینگی وارڈز میں مریضوںکی عیادت کی او ران کو صحت عامہ کی فراہم کی جانے والی سہولتوں کاتفصیل سے جائزہ لیا او راس ضمن میں خصوصی احکامات بھی جاری کئے ۔ سیکرٹری سپیشل ایجوکیشن نے تحصیل ہیڈکوارٹر ہسپتال بھلوال کابھی دورہ کیا او روہاں پر قائم ڈینگی وارڈ کاجائزہ لیا۔

سرگودہا،میانوالی (نمائندہ باغی ٹی وی )کمشنر سرگودہا نے میانوالی ضلع کے 155کلومیٹر لمبی 23سڑکوں کے تعمیر ومرمت کی منظوری دے دی۔سڑکوں کی تعمیر ومرمت کاتخمینہ پونے تین ارب روپے سے زائدہے ۔13سڑکیں تحصیل میانوالی ‘ 10 تحصیل عیسیٰ خیل میں مرمت کی جائیں گی۔تفصیلات کے مطابق ڈویژنل ڈویلپمنٹ ورکنگ پارٹی نے ضلع میانوالی میں 155کلو میٹر لمبی 23سڑکوں کی تعمیر ومرمت کی منظوری دے دی ہے ان سکیموں کا تخمینہ 02ارب 85کروڑروپے لگایاگیاہے ۔ ورکنگ پارٹی کااجلاس کمشنر سرگودہا ظفر اقبال شیخ کی صدارت میں منعقد ہوا۔ اجلاس میں ایس ای ہائی وے اور ڈائریکٹر ڈویلپمنٹ چوہدری قدیر کے علاوہ پبلک ہیلتھ انجینئرنگ سمیت تعمیراتی محکموں کے افسران نے شرکت کی ۔ اجلاس کو بتایاگیاکہ نیا پاکستان منزلیں آسان پر وگرام کے تحت تحصیل میانوالی میں 84کلو میٹر سڑکوں کی تعمیر ومرمت کاتخمینہ ایک ارب 52کروڑ روپے لگایاگیاہے جبکہ تحصیل عیسیٰ خیل میں تقریبا 71کلو میٹر سڑکوں کی تعمیر ومرمت کاتخمینہ ایک ارب 34کروڑروپے لگایا گیا ہے ۔ اجلاس کو بتایاگیاکہ ان سکیموں کی تمام کاغذی کارروائی مکمل کرلی گئی ہے ۔ ورکنگ پارٹی کے ممبران کی طرف سے کلروالے ملا خیل روڈ براستہ جتن والا پانچ کلو میٹر سڑک کی تعمیر پر بعض تکنیکی اعتراض اٹھائے گئے جس پر سکیم کی منظوری کو تمام اعتراض دور کرنے تک ملتوی کر دیاگیا ۔ اجلاس میں ضلع میانوالی میں پبلک ہیلتھ انجینئرنگ سیوریج ‘ سینیٹیشن اور واٹر سپلائی کی دوسکیمیں بھی منظوری کے لئے پیش کی گئی جو ممبران کے اعتراض او رکاغذی کارروائی مکمل نہ ہونے کے باعث اگلے اجلاس تک ملتوی کر دی گئی ۔ اجلاس کو بتایاگیاکہ ضلع میانوالی کے داؤد خیل میں اربن سیوریج او رسینی ٹیشن کی 19کروڑ جبکہ رورل واٹر سپلائی بنی افغان کی 17کروڑ 43لاکھ روپے کی سکیمیں تجویز کی گئی ہیں ۔ کمشنر نے متعلقہ اداروں کو ہدایت کی کہ تمام سکیموں میں استعمال ہونے والے تعمیراتی میٹریل کے معیار کو یقینی بنایا جائے اور عوام کے مفاد کی سکیمیں مقررہ مدت کے اندر مکمل کی جائیں ۔ انہوں نے ان سکیموں کے تعمیراتی کام کی سخت مانیٹرنگ کرنے کی بھی ہدایت کی۔

سرگودہا(نمائندہ باغی ٹی وی )انصاف آپ کی دہلیز پر
سرگودھا پولیس کا فراہمی انصاف میں ایک اور انقلابی قدم تفصیلات کے مطابق
ڈسٹرکٹ پولیس افسر سرگودھا حسن مشٹاق سکھیرا نے عوامی مسائل کو انکی دہلیز پر حل کرنے کے لئے خصوصی طور پر ایک حکم نامہ جاری کر دیا جس میں SP رینک کے 2 افسران SP/INV محمد امتیاز محمود ، SP/HQr واجد حسین ہفتہ میں 6 دن سرگودھا ڈسٹرکٹ کے تھانوں میں شام 5 بجے سے 7 بجے تک خود موجود رہیں گے اور عوام کے مسائل کو نہ صرف خود سنیں گے بلکہ ان کے حل کے لئے موقع پر ہی حکم بھی جاری کریں گے مزید برآں قتل، اقدام قتل ، گنگ ریپ ، اغوا ، زنا جسے مقدمات کے مدعیان سے سے بھی ملاقاتیں کریں گے اور ان کے مقدمات کی پروگریس چیک کریں گے ۔ اس کے ساتھ ساتھ تھانہ میں غیر قانونی حراست ، تھانہ کے ریکارڈ کی تکمیل ، تھانہ کی صفائی اور سرگودھا پولیس کے خصوصی پروجیکٹ (معاون) کی کارکردگی پر بھی خصوصی نظر رکھیں گے ۔
سرگودھا پولیس کا یہ اقدام عوام دوست پولیسنگ میں ایک سنگ میل کی حیثیت ثابت ہو گا جس میں عوام کو انکی دہلیز پر انصاف کی فراہمی کو یقینی بنایا جائے گا ۔
دونوں افسران کا رواں مہینے کا شیڈول جاری کر دیا گیا