Category: سرگودھا

ساہیوال /سرگودہا کا اعزاز،
تحصیل ساہیوال کے شہر سے تعلق رکھنے والے میجر جنرل چراغ محمد حیدر بھی لیفٹیننٹ جنرل بن گئے،
اہل علاقہ کی مبارکباد

سپوت ساہیوال (سرگودہا)
وہ منہ میں سونے کا چمچہ لیکر پیدا ہوا مگر پیشہ ایسا اختیار کیا جو سخت مشقت اور آرام کو تج دینے کا متقاضی ہے۔سپاہ گری؛وطن اور دین سے محبت ایک لحاظ سے اسے ورثہ میں ملی ۔اس کے دادا کے بڑےبھائی سردار عبدالرحمن خان ایچی سن سے پڑھ کر برٹش آرمی میں بھرتی ہوئے اور جنگ میں فرنٹ مورچوں پر لڑائیاں لڑیں مگر جب ان کے رسالے کو مکہ معظمہ پر حملہ کے احکامات ملے تو انہوں نے انگریزسرکار کے ان احکامات کو ماننے سے انکار کردیا اور بڑے عرصہ تک روپوش رہے۔لیفٹینینٹ جنرل چراغ حیدر(تمغہ ہلال امتیاز)کے داداکپتان سردار محمد حیات خان کا تعلیمی پس منظر بھی ایچی سن سے متعلق ہے ۔وہ بھی جنگ عظیم دوم میں فوج میں شامل ہوئےاور ہندوستان سے باہر کے ممالک میں کئی محاذوں میں حصہ لیامگر وہ بھی بعض وجوہات کی بنا پر قبل ازوقت سروس سے ریٹائرڈ ہوگئے۔کپتان صاحب کے پاس سینکڑوں مربع اراضی تھی۔تحصیل ساہیوال کے کئی افراد پاک فوج میں پہلے سے موجود ہیں تاہم لیفٹینینٹ جنرل چراغ حیدر خان پہلا فرد ہے جواس عہدہ پر پہنچا گویا چراغ حیدر بلوچ ساہو کی دھرتی کا اولین جنرل قرار دیا جا سکتا ہے۔ساہیوال کے محلہ سردار مبارک خان میں سردار امیر علی خان کے گھر آنکھ کھولنے والے کمسن چراغ حیدر کا بچپن ساہیوال اور گروٹ کی گلیوں میں گزرا ہے۔صادق پبلک سکول میں اسے داخل کروایا گیا۔دو تین سال بعد یہ ایچی سن کے طالب علم بنے اور ایف ایس سی اسی ادارہ سے امتیاز کے ساتھ مکمل کی۔میرٹ کی بنیاد پر میڈیکل کالج فیصل آباد میں ایم بی بی ایس میں داخلہ مل گیا مگر چراغ حیدر نے اپنے شوق کی تکمیل کے لئےپاک فوج کو جوائن کیااور اپنی خداداد صلاحیتوں کی بدولت لیفٹینینٹ جنرل کے عہدے پر فائز ہو چکے ہیں۔2005 کے قیامت خیز زلزلہ میں متاثرین کی بحالی کے لئے چراغ حیدر خان کی خدمات تاریخ کا حصہ بن چکی ہیں۔ساہیوال کے اس سپوت کو پاک فوج میں گراں قدر خدمات کی بدولت یومِ پاکستان2019کے موقع پر صدر مملکت ڈاکٹر عارف علوی نے تمغہ ہلال امتیاز سے نوازا ہے جو قوم کے اس بیٹے کے توسل سے تحصیل ساہیوال کے لئے بھی بہت بڑا اعزاز ہے۔لیفٹینینٹ جنرل چراغ حیدر تمغہ ہلال امتیاز سابق ایم این اے سردار شفقت حیات بلوچ کے برادر نسبتی اور سردار ضیغم حسن بلوچ سابق چئیرمین میونسپل کمیٹی کے ہم زلف بھی ہیں۔اہل علاقہ کو قوم اور ساہیوال کے اس سپوت پر ناز ہے۔یہ ان چار میجر جنرلز میں سے ایک ہیں جن کو ترقی دے کر لیفٹینینٹ جنرل بنایا گیا ہے۔۔۔امید واثق ہے کہ قوم کا یہ سپوت ایک دن پاک فوج کی کمانڈ بھی سنبھالے

سرگودہا(نمائندہ باغی ٹی وی )ڈی پی او حسن مشتاق سکھیرا نے دونئے ایس ایچ اوز اور ایک انوسٹی گیشن آفیسرتعینات جبکہ تین ایس ایچ او کو لائن حاضر کر نے کے احکامات صادر کر دیئے۔ تفصیلات کے مطابق انسپکٹر ارشد گوندل کو پولیس لائن سے ایس ایچ او تھانہ لکسیاں، انسپکٹر قیصر الہی کو پولیس لائن سے ایس ایچ او تھانہ سٹیلائٹ ٹاؤن، انسپکٹر حاجی خان کو پولیس لائن سے انچارج انوسٹی گیشن تھانہ صدرتعینات کر دیا گیاہے جبکہ ایس ایچ او تھانہ سٹیلائٹ ٹاون انسپکٹر شہزاد فیض،ایس ایچ او تھانہ لکسیاں انسپکٹر عبدالقیوم اور ایس ایچ او تھانہ صدر انسپکٹر خدا بخش کو پولیس لائن رپورٹ کرنے کا حکم دیا ہے۔

آج کی سیاسی شخصیت
رانا منور غوث خاں
والد رانا غوث خاں (سابق ایم پی اے )
تاریخ پیدائش 1 اپریل 1972 چک نمبر 120 جنوبی سلانوالی سرگودھا
گورنمنٹ کالج سرگودھا 1991
سیاست کا آغاز پاکستان پیپلز پارٹی کے پلیٹ فارم سے شروع کیا

2008 میں پہلی دفعہ پاکستان پیپلز پارٹی کے ٹکٹ سے میدان میں اترے پی پی 36 سرگودھا سے
33221 ووٹ حاصل کئے مد مقابل امید وار فیصل فاروق گھمن امیدوار مسلم لیگ ق کو ھرا کر کامیابی حاصل کی
2013 میں پاکستان پیپلز پارٹی کو خیر آباد کہہ کر مسلم لیگ ن میں شمولیت اختیار کی
2013 میں مسلم لیگ ن کے ٹکٹ سے میدان میں اترے پی پی 36 سرگودھا اور کامیابی حاصل کی
2018 میں پھر مسلم لیگ ن کے ٹکٹ سے میدان میں اترے پی پی 79 سرگودھا سے اور کامیابی حاصل کی
اسی حلقے سے ان کے والد محترم رانا غوث صاحب کامیاب ھوتے رھے ہیں
رانا منور غوث خاں صاحب اسی حلقے سے 3 دفعہ کامیاب ھوے
یہاں پر سب سے زیادہ ووٹ راجپوت برادری کا ھے ارائیں برادری گجر برادری کا ووٹ بینک ھے

سرگودہا(نمائندہ باغی ٹی وی )اینٹی کرپشن اسٹیبلشمنٹ پنجاب میں تقرر و تبادلے تفصیلات کے مطابق علی منصور کو ڈائریکٹر ایڈمن اینڈ فنانس ہیڈکوارٹر اینٹی کرپشن اسٹیبلشمنٹ پنجاب تعینات کردیا گیا انہیں ریجنل ڈائریکٹر اینٹی کرپشن لاہور A کا اضافی چارج بھی دیا گیا ہے عمران رضا عباسی کو ڈائریکٹر و جیلینس ہیڈ کوارٹر لگایا گیا ہے انہیں ریجنل ڈائریکٹر اینٹی کرپشن فیصل آباد کا اضافی چارج دیا گیا ہے
کاشف محمد علی کو ریجنل ڈائریکٹر اینٹی کرپشن بہاولپور تعینات کردیا گیا
بابر رحمان وڑائچ کو ریجنل ڈائریکٹر اینٹی کرپشن اسٹیبلشمنٹ سرگودھا تعینات کیا گیا ہے
عبد السلام عارف کو ڈپٹی ڈائریکٹر ویجیلینس ہیڈکوارٹر تعینات کیا گیا ہے اور انہیں ریجنل ڈائریکٹر اینٹی کرپشن لاہور B کا اضافی چارج دیا گیا ہے

سرگودھا(نمائندہ باغی ٹی وی) پیپلز سوشل ویلفیئر سوسائٹی رجسٹرڈ کے زیر اہتمام خواندگی کے عالمی دن کے موقع پر واک کا اہتمام کیا گیا جس میں ڈپٹی ڈسٹرکٹ آفیسر محکمہ سوشل ویلفیئر صدر پیپلز سوشل ویلفیئر سوسائٹی عبدالمنان چوہدری،صدر مدینہ سوشل ویلفیئر سوسائٹی سمیرا عبدالخالق،محمدمعظم،محمد شفیق کے علا وہ اساتذہ اور بچوں کی بڑی تعدادنے شرکت کی۔واک کے شرکاسے خطاب کرتے ہوئے ڈپٹی ڈسٹرکٹ آفیسر عاصمہ منظور نے کہا خواندگی کے لحاظ سے پاکستان دنیا کے پسماندہ ترین ممالک میں شامل ہے جہاں شرح خواندگی 58فی صد سے بھی کم ہے ہم سب کا فرض ہے کہ تعلیم کی روشنی کو پورے ملک میں پھیلائیں۔پیپلر سوشل ویلفیئر سوسائٹی کے صدر عبدالمنان چوہدری نے کہا پاکستان خواندگی کے لحاظ سے 113ویں نمبر پر ہے پاکستان میں 10سے 3بچے سکول میں داخلہ ہی نہیں لے سکتے،سکول میں نہ جانے والوں میں زیادہ تعداد بچیوں کہ ہے۔ خواندگی کا عالمی دن منانے کا مقصد دنیا بھر کے اُن کروڑوں مرد، خواتین اور بچوں کو امید دلائی جا سکے جو اپنا نام تک نہیں لکھ سکتے۔انہوں نے مزید کہا کہ ہمیں اپنے بچوں کو علم کی روشنی سے منور کرنے کا عہد کرنا ہوگا تاکہ پاکستان سے جہالت کا خاتمہ ہو سکے اور پاکستان ترقی کے مناظر طے کر سکے واک کے شرکا سے دیگر مقررین نے بھی خطاب کیا۔