سرگودھا۔ 19 اگست (اے پی پی) حالیہ بارشوں ا ور بھارت کی جانب سے مختلف دریاؤں میں پانی چھوڑنے کی اطلاعات کے بعد حکومتِ پنجاب نے تمام اضلاع کے ڈپٹی کمشنرز اورضلعی انتظامیہ کو اپنے اپنے اضلاع میں دریاؤں میں پانی کی صورتحال پر نظر رکھنے کی ہدایت کرتے ہوئے کہا ہے کہ جن دریاؤں میں سیلاب کی صورتحال کی وارننگ جاری کی جائے ان دریاؤں کے کنارے آباد لوگوں کو محفوظ مقام پر پہنچانے کیلئے فوری اقدامات کئے جائیں تاکہ کسی بھی ناخوشگوار واقعہ سے بچا جاسکے۔
Category: سرگودھا
ڈکیتی و چوری کی مختلف وارداتوں میں شہری قیمتی سامان سے محروم
سرگودھا۔ 19 اگست (اے پی پی) ڈکیتی و چوری کی مختلف وارداتوں میں شہری قیمتی سامان سے محروم ہوگئے۔تفصیلات کے مطابق ڈکیتی و چوری کی مختلف وارداتوں کے دوران چک نمبری70شمالی کے قریب محمد ذیشان جبکہ 78شمالی کے قریب محمد عرفان سے نامعلوم مسلح ڈاکوؤں نے موٹرسائیکلیں،نقدی و موبائلز چھین لئے،چک نمبری47شمالی کے حبیب احمد کے گھر میں داخل ہو کر دو نامعلوم افراد نے اسلحہ کے زور پر اہل ِخانہ کو یرغمال بنا کر اڑھائی لاکھ روپے کی نقدی و دیگر سامان لوٹ لیا،چک نمبر 23 الف جنوبی کے ساجد علی کی دوکان سے بھاری مالیت کا سامان،شاہ پور صدر سے ربنوازکا موٹرسائیکل،چک نمبری96شمالی میں نصب واپڈا کے ٹرانسفارمرسے بھاری مالیتی کوائل،موضع لک کے رہائشی محمد فیاض کے ڈیرہ سے قیمتی مویشی چوری کر لئے گئے پولیس نے مقدمات درج کرلئےگئے
حکومت کی ایک سالہ کارکردگی قابل فخر ہے، ممتاز اختر کاہلوں
سرگودھا۔ 19 اگست (اے پی پی) حکومت کی ایک سالہ کارکردگی قابل فخر ہے صحت انصاف کارڈ بے گھر افراد کیلئے اپنا گھر‘ معاشی استحکام‘ بہترین خارجہ پالیسی کی وجہ سے پاکستان دنیا بھر میں باوقار قوم کی حیثیت سے ابھرا ہے جس کا سہرا پی ٹی آئی کی حکومت کے سر ہے ان خیالات کا اظہار چیئرمین سرگودھا ڈویلپمنٹ اتھارٹی و سینئر راہنما پاکستان تحریک انصاف الحاج ممتاز اختر کاہلوں نے کیا انہوں نے کہا کہ حکومت نے کرپٹ افراد کیخلاف وعدے کے مطابق کاروائی کرتے ہوئے کرپٹ لوگوں کو جیلوں میں ڈالا جن لوگوں کی وجہ سے ملک معاشی طور پر کمزور ہوا تھا الحاج ممتاز اختر کاہلوں نے کہا کہ جب پی ٹی آئی نے اقتدار سنبھالا اس وقت سب سے اہم مسئلہ معاشی استحکام کا تھا حکومت کے مثبت اقدامات سے اب ملک ترقی کی راہ پر گامزن ہو چکا ہے عوام کو یقین دلاتے ہیں کہ آنیوالا ہر دن ملک کی خوشحالی کا دن ہوگا
تمام ضلعی اور تحصیل ہسپتالوں کے بچہ وارڈز میں تمام بنیادی سہولتیں فراہم کرنے کی ہدایت
سرگودھا۔ 19 اگست (اے پی پی) حکومت پنجاب نے سرگودھا سمیت صوبہ بھر کے تمام ضلعی اور تحصیل ہسپتالوں کے بچہ وارڈز میں تمام بنیادی سہولتیں فراہم کرنے کی ہدایت جاری کرتے ہوئے تمام متعلقہ ایم ایس صاحبان کو حکم دیا ہے کہ وہ بچہ وارڈ میں بنیادی سہولتوں کی فراہمی کیلئے تمام اقدامات بروئے کار لائیں اس میں کسی قسم کی غفلت برداشت نہیں کی جائیگی۔ ذرائع کے مطابق حکومت پنجاب نے تمام سرکاری ہسپتالوں کے نرسری وارڈ میں بنیادی سہولتوں کی فراہمی کے احکامات جاری کئے ہیں تاکہ آئندہ اس قسم کے واقعات کو روکا جا سکے۔ عوام نے حکومت کے اس اقدام کو سراہا ہے
پلانٹ فار پاکستان ڈے کے تحت سرگودھا یونیورسٹی میں شجرکاری مہم جاری
سرگودھا۔ 19 اگست (اے پی پی) پلانٹ فار پاکستان ڈے کے تحت سرگودھا یونیورسٹی میں شجرکاری مہم جاری ہے۔ اس حوالے سے اساتذہ، طلبہ،یونیورسٹی افسران نے بھرپور حصہ لے رہے ہیں۔اس سلسلہ میں طلبہ نے مختلف شعبہ جات میں پودے لگائے اور اس عزم کااعادہ کیا کہ ماحولیاتی آلودگی کے خاتمہ کے لئے کلین اینڈ گرین پروگرام وقت کی اہم ضرورت ہے اور ہر بشر دو شجر کے سلوگن کو اپنا کر ہم پاکستان کو سرسبز اور آلودگی سے پاک بنا سکتے ہیں۔ترجما ن سرگودھا یونیورسٹی کے مطابق کلین اینڈ گرین مہم کے تحت سرگودھایونیورسٹی، اُس کے ذیلی کالجزمیڈیکل اور زرعی کالج بشمول بھکر اور میانوالی کیمپس میں اب تک ہزاروں پودے لگائے جاچکے ہیں اور ان کے دیکھ بھال کی جا رہی ہے۔
سرگودھا بورڈ، جماعت نہم کے سالانہ امتحا ن کے نتائج کا اعلان،کامیابی کا تناسب47.8فیصد رہا
سرگودھا۔ 19 اگست (اے پی پی) بورڈ آف انٹر میڈ یٹ اینڈ سیکنڈری ایجوکیشن نے جماعت نہم کے سالانہ امتحا ن 2019کے نتیجے کا اعلان کردیا۔ کنٹرولر امتحانات پروفیسر اکرم تارڑ نے جماعت نہم کے نتیجے کااعلان کیاہے۔ کنٹرولر امتحانات کے مطابق جماعت نہم کے سالانہ امتحان 2019میں مجموعی طور پر 100691امیدواروں نے حصہ لیا۔ جن میں سے 48164امیدوار کامیاب ہوئے اور یوں مجموعی طور پرکامیابی کا تناسب 47.8فیصد رہا۔ جماعت نہم کے لیے کل 285امتحانی مراکز قائم کئے گئے۔ امتحان میں 36423فی میل اور 48973میل امیدواروں نے حصہ لیا۔ کنٹرولر امتحانات نے بتایا کہ امیدوار بورڈ کی ویب سائٹ کے علاوہ اپنا رولنمبر موبائل فون سے 800290پر ایس ایم ایس کرکے معلوم کرسکتے ہیں۔ سیکر ٹر ی تعلیمی بورڑ پروفیسر سرفراز گجر نے کمپیوٹر کابٹن دبا کر جماعت نہم کے نتیجہ آن لائن کیا۔تقریب میں کنٹر ولر امتحانات پروفیسر اکرم تارڑ سمیت متعلقہ افسران بھی موجود تھے۔
مثبت سرگرمیاں انسانی صحت پر اچھے اثرات مرتب کرتی ہیں
سرگودھا۔ 19 اگست (اے پی پی) مثبت سرگرمیاں جہاں انسانی صحت پر اچھے اثرات مرتب کرتی ہیں وہاں پر معلوماتی دورے بھی خوش آئند ہیں ان خیالات کا اظہار سرگودھا پریس کلب کے جنرل سیکرٹری رانا ساجد اقبال‘ سینئر نائب صدر شہزاد شیرازی‘ کوآرڈی نیٹر چوہدری عبدالحنان‘ فنانس سیکرٹری رانا محمد اشرف‘ ایگزیکٹو ممبر ارشد محمود ارشی‘ ممبر پریس کلب محمد اشرف قریشی سمیت دیگر نے سرگودھا پریس کلب کے زیر اہتمام سرگودھا کے صحافیوں کے شمالی علاقوں کے سیاحتی دورے کے بعد پریس کلب میں منعقدہ تقریب سے خطاب کرتے ہوئے کیا انہوں نے کہا کہ سرگودھا پریس کلب میں مثبت سرگرمیوں کا آغاز خوش آئند ہے جس کا سہرا موجودہ پریس کلب کے عہدیداران کے سر ہے قبل ازیں صحافیوں نے اوچھالی‘ کھبیکھی‘ کنہٹی باغ کے علاوہ سوات‘ مینگورہ‘ سیدو شریف‘ ملم جبہ اور کالام کا سیاحتی دورہ کیا اور گزشتہ روز کلر کہار‘ کھیوڑہ‘ چوآ سیدن شاہ‘ قلعہ کٹاس راج کا دورہ کیا جہاں پر صحافیوں نے ان علاقوں کے بارے معلومات حاصل کیں اس طرح کے دورے جہاں معلومات میں اضافے کا موجب بنتے ہیں وہاں پر دنیا بھر کے سیاحوں کو پاکستان کے پُر کشش مقامات کے بارے میں آگاہی کا موجب بھی ہیں ا شہزاد شیرازی کی جانب سے کھیوڑہ میں صحافیوں کیلئے ریفریشمنٹ کا اہتمام بھی کیا گیا تھا۔
بی ایچ یو سرائے مہاجر جنگل کا روپ دھار گیا
سرگودہا،بھکر(نمائندہ باغی ٹی وی )چوک سرائے مہاجر ضلع بھکر محکمہ صحت بھکر اور ہسپتال عملہ کی نااہلی اورچشم پوشی کی وجہ سے بی ایچ یو سرائے مہاجرجنگل کا روپ دھار گیا ہرطرف خود روجھاڑیاں جڑی بوٹیاں اورجنگلی پودے اتنی بہتات کے ساتھ اگے ہوئے ہیں کہ ہسپتال میں کسی جنگل کا گماں ہوتا ہے۔
ایسا معلوم ہوتا ہے کہ انسان کسی جنگل میں آگیا ہو۔
دن میں بھی لوگ ہسپتال میں آنے سے گھبراتے ہیں۔
رہائشی کوارٹر بھوت بنگلہ کا منظر پیش کر رہے ہیں۔ان کوارٹرز کے دروازے کھڑکیاں بھی عوام یاعملہ کے افراد اکھاڑ کر لے جاچکے ہیں۔
آئے روز ہسپتال کے دورے کرنے والے محکمہ صحت کے افسران کو بھی یہ جنگل نظر نہیں آسکا۔
محکمہ اور عملہ کی نااہلی کی وجہ سے ہسپتال تباہ حالی کا شکار ہے۔
عوامی حلقوں نےڈی سی بھکر سے مطالبہ کیا ہے کہ وہ اس کا فوری نوٹس لیں اور ہسپتال میں صفائی کا انتظام کروائیں۔
محکمہ ایجوکیشن کے ایک اور افسر کا اسکینڈل سامنے آگیا
سرگودہا(نمائندہ باغی ٹی وی )محکمہ ایجوکیشن کے ایک اور افسر کا اسکینڈل سامنے آگیا
محکمہ ایجوکیشن سرگودہا صدر مرکز کے اسسٹنٹ ایجوکیشن آفیسر رانا عمیر نے غنی پارک کی غریب عورت رخسانہ بی بی ولد سردارا کونوکری کا جھانسہ دے کر 2 لاکھ روپے ہتھیا لیے رخسانہ بی بی نے درجہ چہارم کی نوکری کیلیے درخواست دے رکھی تھی جب رانا عمیر کو پتہ چلا تو اس نے رخسانہ بی بی کو ورغلانہ شروع کردیا حالات اور غربت کی ستائی ہوئی رخسانہ بی بی باتوں میں آگئی اور 2 لاکھ روپے رانا عمیر کو بطور رشوت دے دیے بعدازاں رخسانہ بی بی اپنی ملازمت کے حصول کی غرض سے رانا عمیر کے دفتر گئی جہاں رانا عمیر نے اسے جنسی طور پر حراساں کیا جس پر وہ دفتر سے نکل گئی بعد میں رانا عمیر نے رخسانہ بی بی کو فون پر قتل کی دھمکیاں دیں رخسانہ بی بی کا کہنا ہے کہ وہ غریب گھرانے سے تعلق رکھتی ہے اور اس کے والد نے رقم کا بندوبست قرض لے کے اور اس کی شادی کیلیے بنائے گئے زیور بیچ کر کیا تھا وہ اپنے کنبے کے بہتر مستقبل کیلیے نوکری کرنا چاہتی تھی مگر درندہ صفت رانا عمیر نے اس کو ورغلا کر پیسے ہتھیا لیے رخساانہ بی بی کا کہنا ہے کہ اعلی حکام اس بات کا نوٹس لیں اور اسے انصاف دلوائیںاسسٹنٹ کمشنر خوشاب نے رکشہ مافیا کے خلا ف فیصلہ دے دیا
سرگودہا(نمائندہ باغی ٹی وی )تحصیل خوشاب ڈی سی آفس میں خصوصی میٹنگ کی گئی جس میں اے سی خوشاب افتخار حسین بلوچ اور ایس ایس پی ٹریفک پولیس افضل خان کے مابین کٹھہ چوک پرانا لاری اڈا اور فوارہ چوک خوشاب میں رکشوں کے خلاف گرینڈ آپریشن کا حتمی فیصلہ کر لیا گیا ہے شہر میں ناقص رکشوں کی بھرمار ہے جو آئے روز حادثات کا سبب بنتے ہیں اور گھنٹوں ٹریفک جام رہتا ہے جس سے عام عوام کو پریشانی کا سامنا کرنا پڑتا ہے اس صورت حال کے پیش نظر شہر میں غیر ضروری رکشوں کے خلاف آپریشن کا فیصلہ کیا گیا ہے تاکہ حادثات پر قابو پایا جا سکے اور ٹریفک کی روانی بہتر ہو سکے
