Category: سرگودھا

تخت ہزارہ(نمائندہ باغی ٹی وی)اسسٹنٹ کمشنر کوٹ مومن کا غیر قانونی پیٹرول ایجنسیاں اور اوور چارجنگ پر درجنوں ایجنسیوں کوسیل اورایک لاکھ پانچ ہزار روپے جرمانے کئے تفصیلات کے مطابق اسسٹنٹ کمشنر کوٹ مومن محترمہ عائشہ غضنفر نے مڈھ رانجھا اور گردونواح میں درجنوں غیر قانونی پیٹرول ایجنسیوں اور اوورچارجنگ پرایک پیٹرول پمپ سیل اورایجنسیوں کو بھاری جرمانے کردئیے گاڑا پیٹرولیم، پیٹرول پوائنٹ ایجنسی،روانہ پیٹرولیم،چناب سروس سنٹر،محمد بوٹا پیٹرول ایجنسی،اظہراقبال تیل ایجنسی سمیت درجنوں پٹرول ایجنسیوں کو بھاری جرمانے کئے گے جبکہ اسد پیٹرول پمپ کو فوری سیل کردیا گیا۔اسی دوران اسسٹنٹ کمشنر کوٹ مومن عائشہ غضنفر نے کہاکہ پیٹرول مافیا کو غیر قانونی طریقے سے پیٹرول فروخت نہیں کرنے دیں گے اور نہ ہی عوام سے لوٹ مار کرنے دیں گے ابھی اوور چارجنگ پر جرمانے کئے گئے ہیں مزید اگر پیٹرول مافیا نے لوٹ مار کا سلسلہ نہ روکا تو ان کے خلاف مقدمات بھی درج کروائیں گے۔

سرگودہا(نمائندہ باغی ٹی وی)مسلم لیگ ن ضلع سرگودہا کا اجلاس مرکزی سیکریٹیریٹ پر ہوا جس کی صدارت مسلم لیگ ن کے ضلعی صدر شاہنواز رانجھا نے کی اجلاس میں حمزہ شہباز کی گرفتاری اور بجٹ کے حوالے سے تبادلہ خیال کیا گیا مسلم لیگ ن نے پہلے سے ہی 15 جون سے حکومت کے خلاف اجتجاج کرنے کا اعلان کر رکھا ہے اس حوالے سے تحریک کا آغاز سرگودہا سے شروع کرنے کا جائزہ لیا گیا اور اس حوالے سے کام کو تیز کرنے کا عزم کیا گیا ہے یاد رہے کہ سرگودہا کوٹ مومن سلانوالی بھلوال خوشاب کو مسلم لیگ کا گڑھ سمجھا جاتا ہے ضلع سرگودہا کے پانچوں ایم این ایز کی نشستیں مسلم لیگ نے جیتیں ہیں اور ووٹ کو عزت دو کی تحریک کا آغاز بھی سرگودہا سے ہی کیا گیا تھا

سرگودہا(نمائندہ باغی ٹی وی )سرگودھا، بھلوال، پھلروان ، سالم اور گردونواح کی عوام کے ساتھ زیادتی،، سکائی ویز ڈائیوو بس سروس, اسلام آباد ڈائیوو بس سروس ، الشہباز ڈائیوو بس سروسز من مرضی کے کرایہ وصول کر رہے ہیں کوئی پوچھنے والا نہیں ، بزنس کلاس اور اکانومی کلاس کا جھانسہ دے کے زاید کرایہ وصول کیا جاتا ہے جبکہ ریفریشمینٹ کیلیے الگ سے چارجز دینا ہوں گے بزنس کلاس میں آپ کو اگلی سیٹ ملے گی ایسا لگتا ہے بس پہ نہیں آپ جہاز پہ سفر کریں گے کمشنر سرگودھا ، ڈپٹی کمشنر سرگودھا ، اسسٹنٹ کمشنر بھلوال کے دعوے صرف ٹھنڈے دفاتر تک محدود ہیں حکومتی رٹ نہ ہونے کے برابر نظر آرہی ہے