Category: سرگودھا

سرگودھاکینو کی برآمدات ملکی تاریخ نیا ریکارڈ قائم کردئیے، سرگودھا سے 4 لاکھ 60 ٹن کینو دنیا کے 45 ممالک کو بجھوائے گیا،250 ملین ڈالر سے زائد کا زرمبادلہ حاصل ہوا، حکومت اپکسپورٹ کیلئے اقدامات کریں ، ان خیالات کا اظہار سرگودھا چیمبر آف کامرس انیڈ انڈسڑی کے صدر ملک آصف امیر اعوان نے بات چیت کرتے ہوئے کیا

، انہوان نے کہاکہ امسال سرگودھا سے کینو کےبرآمدی سیزن 2020-21کے دوران 4لاکھ60ہزار ٹن کینو متعدد ممالک کو برآمد کیا گیا ہے ، جو ملکی تاریخ میں کینو کی سب سے زیادہ بر آمدات ہے۔ کورونا کی عالمی وباء کے دوران پاکستانی کینو کی مانگ میں نمایاں اضافہ دیکھا گیا۔ پاکستانی کینو نے دنیا میں کورونا کی وباء کے خلاف انسانی قوت مدافعت کو مضبوط بنانے میں اہم کردار ادا کیا۔

ملک آصف امیر اعوان اپریل 2021میں ختم ہونیو الے بر آمدی سیزن کے دوران پاکستان سے دنیا کے 45 ملکوں کو 4لاکھ 60ہزار ٹن کینو بر آمد کیا گیا جو اس سے گزشتہ سال کی 3لاکھ 53ہزار ٹن بر آمدات کے مقابلے میں 30فیصد زائد ہے. کینو کی بر آمدات سے پاکستان کو 25 کروڑ 30 لاکھ (253 ملین) ڈالر کا زرمبادلہ حاصل ہوا۔

کینو کی برآمد کا ہدف 3 لاکھ 50ہزار ٹن مقرر کیا گیا تھا جس سے 21کروڑ ڈالر کی آمدن متوقع تھی۔ کینو کی بہتر پیدوار کے باعث پاکستان نے ہدف سے زائد کینو برآمد کیا ہے ، صدر سرگودھا چیمبر آف کامرس انیڈ انڈسڑی ملک آصف امیر اعوان نے کہا کہ پاکستان سے ریکارڈ کینو کی بر آمدکے باوجود کینو کے بر آمدکنندگان کو ریکارڈ خسارے کا سامنا کرنا پڑا،

کینو کے سودے روپے کی ڈالر کی مقابلے میں قیمت 168 روپے کے حساب سے طے ہوئے ،تاہم ادائیگیوں کے وقت روپے کی قدر مستحکم ہوکر 153 روپے پر آگئی۔ ایکسپورٹرز کے پاس یہ اختیار تھا کہ وہ نقصان کرنے کے بجائے بر آمدات محدود کردیں

لیکن ملک کی معاشی حالت دیکھتے ہوئے بر آمد کنندگان نے اپنے مفاد پر قومی مفاد کو ترجیح دی، ایکسپورٹرز کو بھاری نقصان اٹھانا پڑاؤ جبکہ سب سے زیادہ نقصان روس کی مارکیٹ میں اٹھانا پڑا۔انہوں نے کہا حکومت کینو کے تاجروں خصوصی رعایت دے تاکہ ایکسپورٹرز کو کم سے کم نقصان اٹھانا پڑے،

سرگودھا ۷۲ رمضان المبارک کو پاکستان کا قیام ایک خاص عطیہ خداوندی ہے ۔ اس ملک پر سایہ رحمن ہے لیکن اہلِ وطن مجموعی طور پر اس کی نعمتوں سے آگاہ نہیں ہیں۔ لیلة القدر کی لازوال رحمتوں اور برکتوں میں پاکستان کا معرضِ وجود میں آنا ہمارے لیے نعمتِ عظمیٰ ہے ۔ پاکستان کو ریاستِ مدینہ میں ڈھالنے کے لیے ہمیں اپنے عمل کا مظاہرہ کرنا ہوگا۔

قول و فعل کی مطابقت ہی عینِ اسلام ہے ۔ اِن خیالات کا اظہار چیئرمین نظریہ پاکستان فورم سرگودھا ڈاکٹر ہارون الرشید تبسم نے طلباءو طالبات سے اپنے ویڈیو پیغام میں کیا۔ اُنھوںنے اس بات پر زور دیا کہ ۰۱رمضان المبارک کو یومِ باب السلام ، ۶۱ رمضان کو فتح مکہ اور ۷۱ رمضان المبارک کو یوم بدر مسلمانوں کی جرات و شجاعت کے آئینہ دار ہیں۔

آج بھی آتشِ نمرود گلزار ہو سکتی ہے ۔ آج بھی گردوں سے فرشتے قطار اندر قطار ہماری نصرت کے لیے اُتر سکتے ہیں۔بشرطیکہ ہمارے من میں چھپے انسان کا خلوص اللہ کریم کی رضا کے لیے ہو۔۱۲۰۲ ءیعنی ۲۴۴۱ھ کا یومِ آزادی ہمیں خود احتسابی کی دعوت دے رہا ہے ۔ کورونا زدہ حالات کا تقاضا ہے کہ ہم اپنے فرائض منصبی کی ادائیگی میں سنجیدگی اور متانت کا مظاہرہ کریں۔

کورونا وائرس نے پاکستان کی حالت مخدوش کر دی ہے ۔ حصولِ پاکستان کے مقاصد کی تکمیل اُسی صورت ممکن ہے جب ہم خلوصِ نیت سے ایک دوسرے کا ساتھ دیں ۔ مقامِ افسوس ہے کہ ہمارے کردارو عمل میں تفاوت ہے ۔ سرمایہ دار طبقہ پاکستان کی دولت پر سانپ کی صورت قابض ہے ۔ غریب ، غریب تر ہوتا جا رہا ہے ۔

اِن حالات میں پاکستان کی تقدیر کون سنوارے گا؟ہمارے مسائل باتوں سے نہیں عمل سے حل ہوں گے۔ عدم مساوات ، عدم انصاف اور دولت کی تقسیم کا عدم توازن ہماری راہ میں بہت بڑی رکاوٹ ہے ۔ طلباءو طالبات نے اس بات کا عزم کیا کہ وہ وطن عزیز کی بقاءو سلامتی کے لیے کسی بھی قربانی سے دریغ نہیں کریں گے۔ ہمارا انفرادی تشخص پاکستان سے وابستہ ہے ۔ وبائی حالات میں ہمیں صبر و تحمل کا مظاہرہ کرتے ہوئے ایک دوسرے کا ساتھ دینا چاہیے۔

سرگودھا، سنیئرنائب صدر پاکستان مسلم لیگ ن ضلع سرگودھاو سابق رکن قومی اسمبلی ڈاکٹر ذوالفقار علی بھٹی نے اپنے بیان میں کہا کہ عوام اس جعلی حکومت کی معاشی پالیسیوں کی وجہ سے شدید اضطراب کا شکار ہیں مہنگائی‘بیروزگاری اور لاقانونیت کی ستائی عوام نے گزشتہ چھ ماہ میں پورے پاکستان میں ہونے تمام ضمنی الیکشنز میں پی ٹی آئی کے امیدواران کو بری طرح ناکامی سے دوچار کیا ہے اورآج خوشاب کے حلقہ پی پی 84میں بھی پاکستان مسلم لیگ ن کے امیدوار ملک معظم کلو عوام کی سپورٹ سے بہت بڑی لیڈ سے کامیابی سے ہمکنار ہوں گے جس طرح خوشاب کی عوام نے ملک معظم کلو سے محبت اور اپنائیت کا اظہار کیا ہے اس سے میں یہ کہہ سکتا ہوں کہ پی ٹی آئی کے امیدوار کی ضمانت ضبط ہوگی یہ حلقہ پی پی 84پہلے بھی پاکستان مسلم لیگ ن کا گڑھ ہے

انہوں نے مزید کہا کہ پاکستان مسلم لیگ ن کے ورکر ملک معظم کلو کے الیکشن پر گہری نظر رکھے ہوئے ہیں جو ڈرامہ سب سے پہلے میرے حلقہ این اے 91‘پھرڈسکہ اور اس کے بعد این اے 249کراچی میں رچایا گیا اسکو اب پی پی 84میں نہیں ہونے دیں گے یہاں کی عوام اپنا ووٹ جوق در جوق کاسٹ بھی کریں گے اور اپنے ووٹ پر پہرہ بھی دیں گے یہاں آر اوز کو اغواء نہیں ہونے دیا جائے گا‘

عوام اس فسطائی حکومت کے اوچھے ہتھکنڈوں کو جانتی ہے اور سب کچھ سمجھ چکی ہے‘میاں محمد نواز شریف کا بیانیہ ووٹ کو عزت دو پورے پاکستان کی طرح خوشاب کے حلقہ پی پی 84کے گلی محلوں اور دور دراز قصبوں میں بھی پہنچ چکا ہے اور آعوام اپنے ووٹ کو عزت دلوائیں گے اور ملک معظم کلو کو کامیابی سے ہمکنار کروائیں گے۔

صوبائی الیکشن کمشنر پنجاب غلام اسرار خان نے PP-84خوشاب کی عوام سے خاص اپیل کی اور کہا کہ حلقے کے ووٹر بلا خوف و خطر پولنگ اسٹیشنز میں ووٹ ڈالنے آئیں۔انہوں نے کہا کہ الیکشن کمیشن نے انتظامیہ، پولیس اور رینجرز کے تعاون سے سیکیورٹی کے فول پروف انتظامات کئے ہیں۔ تاہم ووٹر کرونا سے تحفظ کیلئے ایس او پیز کی مکمل پابندی کریں۔

پولنگ عملے کو ہدایات دیتے ہوئے انہوں نے کہا کہؤ پولنگ عملہ اپنے فرائض قانون کے مطابق غیر جانبداری اورذمہ داری سے سر انجام دے۔صوبائی الیکشن کمشنر پنجاب، غلام اسرار خان نے سیاسی جماعتوں اور امیدواران کو ہدایات دیں کہ امیدواران اپنے پولنگ ایجنٹوں کی تربیت کریں اور انہیں آگاہ کریں کہ پریزائیڈنگ افسر کا تصدیق شدہ فارم 45حاصل کئے بغیر پولنگ اسٹیشن نہ چھوڑیں۔۔ صوبائی الیکشن کمشنر پنجاب کی طرف سے پریزائیڈنگ افسران کو بھی فارؤم 45 سے متعلق خاص ہدایات جاری کی گئیں ہیں۔ پرئیزائیڈنگ افسران ہر پولنگ ایجنٹ کو فارم 45کی مصدقہ کاپی مہیا کریں گے۔

پریزائیڈنگ آفیسر فارم 45وصول کراتے ہوئے پولنگ ایجنٹ سے اس پر دستخط کروائیں گے۔ پریزائیڈنگ افسرانئ تصدیق شدہ اور پولنگ ایجنٹوں کے دستخط شدہ فارم 45 ریٹرننگ آفیسر کو مہیا کریں گے۔

وزیراعلیٰ پنجاب سردار عثمان بزدار کی معاون خصوصی نے گذشتہ روز اسسٹنٹ کمشنر سیالکوٹ کو خوب ڈانٹا جس کی ویڈیو سوشل میڈیا پر وائرل ہو گئی تھی۔ اس ویڈیو پر سوشل میڈیا صارفین نے کئی تبصرے کیے اور زیادہ لوگوں نے اے سی سیالکوٹ سونیا صدف کی حمایت میں آواز اُٹھائی۔ اسی سلسلے میں کمشنر (ر) انکم ٹیکس سرگودہا چوہدری جاوید احمد چیمہ نے نے رد عمل دیتے ہوئے کہا کہ کہ جب سیلیکٹڈ ، نا اہل اور کرپٹ آپ کے اوپر مسلط کر دیا جائے تو پھر کسی کی عزت مخفوظ نہیں رہتی ،

ڈاکٹر فردوس عاشق اعوان نا اہل سیاستدان ہے ، جسے مشیر اطلاعات کا قلمدان سونپا گیا ہے ، وہ کس حیثیت میں رمضان بازار کا دورہ کر رہی تھی اگر دورہ کیا بھی تو کس حیثیت میں اسسٹنٹ کمشنر سے جواب طلب کر رہی تھی کیا وہ اس حلقہ سے منتخب ایم پی ہے ؟ اسے کس نے یہ اختیار دیا تھا کہ ایک افسر کو بھرے بازار میں یو ں ذلیل کرے

انہوں نے کہا کہ میں نے بھی ساری زندگی سرکاری نوکری کی ہے مگر اس طرح نہ ہی کسی سینئر نے نہ ہی کسی سیاستدان نے رویہ اختیار کیا ہے اور نہ ہی خود کسی جونئیر یا ماتحت پر ایسا رویہ رکھا ہے، انہوں نے کہا کہ ہمارے والدین نے ہمیں بڑی مشکل سے پڑھایا لکھایا تھا اور ایک طالبعلم بڑی مخنت سے افسر بنتا ہے ، اور افسر بن کے اتنا آسان کام نہیں ہوتا ذمہ داریوں کا بوجھ بھی بڑھ جاتا ہے ،

میں اسسٹنٹ کمشنر سیالکوٹ سونیا صدف کے ساتھ اس ہتک آمیز رویہ کی شدید مذمت کرتا ہوں ، اور ڈاکٹر فردوس عاشق اعوان کو اس رویہ پر اسسٹنٹ کمشنر سیالکوٹ سے معافی مانگنی چاہیے ، اور کچھ نہیں تو بطور خاتون ہیں انہیں کچھ لخاظ کرنا چاہیے تھا ، اگر افسران کو اس طرح ذلیل کیا جانے لگا تو وہ دن دور نہیں جب سیاستدانوں کو بھی عوام اسمبلیوں سے دھکے دے کر باہر نکال کرے گی