Category: سرگودھا

سرگودھا ( ادریس نواز چدھڑ سے ) تھانہ جھال چکیاں پولیس کی کاروائی، دومنشیات فروشوں سمیت چارملزمان گرفتار، شراب 320 لٹر و ناجائز اسلحہ برآمد ۔

تفصیلات کے مطابق :
سرگودھا میں ڈسٹرکٹ پولیس آفیسر ذوالفقار احمد کی ہدایت پر منشیات فروشوں و ناجائز اسلحہ رکھنے والوں کے خلاف کاروائی کرتے ہوئے ایس ایچ او تھانہ جھال چکیاں انسپکٹر صاحب خان نے اسسٹنٹ سب انسپکٹر زشاہد اقبال اور طاہر محمود ودیگر ملازمان پر مشتمل ٹیم کے ہمراہ تھانہ کے مختلف علاقوں میں ریڈ کرکے ملزمان جواد سرفراز سے شراب200لٹر، عبدالرحمان سے شراب120لٹر، فاروق احمد سے رائفل444بوراور امجد محمود سے پسٹل30بور برآمد کرکے گرفتارملزمان کے خلاف منشیات فروشی وناجائزاسلحہ رکھنے کی دفعات کے تحت الگ الگ مقدمات درج کرلیے گئے ہیں مزید تفتیش جاری ہے۔

سرگودھا ( ادریس نواز چدھڑ سے ) حکومت پنجاب کے احکامات اور ڈپٹی کمشنر سرگودھا محمد اصغر جوئیہ کی ہدایت پر اسسٹنٹ کمشنر سرگودھا عمر دراز گوندل کا چینی ذخیرہ اندوزوں کے خلاف کریک ڈاؤن، چینی مہنگی بیچنے اور ذخیرہ اندوزی کرنے پر متعدد گودام اور دوکانوں کو سیل کردیا اور ان پر بھاری جرمانے عائد کردیئے گئے۔ ذخیرہ اندوزی کرنے پر 50 کلوگرام کے 500 گٹو چینی قبضے میں لے لی گئی ہے اور 4 سٹورز کو سیل کیا گیا ہے۔ اس موقع پر اے سی سرگودھا عمر دراز گوندل کا کہنا تھا کہ تحصیل سرگودھا میں چینی کا کوئی بحران نہیں ہے اور سرگودھا میں چینی 90 روپے میں فروخت ہو رہی ہے
۔ ذخیرہ اندوزی اور اشیاء خوردونوش کی مصنوعی قلت پیدا کرنے والوں کے خلاف سخت قانونی کاروائی عمل میں لائی جائے گی۔ شہریوں سے التماس ہے کہ وہ ذخیرہ اندوزوں کی نشاندہی کریں تاکہ ان کے خلاف سخت کاروائی عمل میں لائی جاسکے۔

سرگودھا ( ادریس نواز چدھڑ سے ) حکومت اور پٹرولیم ڈیلرز ایسوسی ایشن کے درمیان معاملات طے پاگئے جس کے بعد ملک میں پٹرول پمپس کی بندش کا خطرہ ٹل گیا

تفصیلات کے مطابق :
وزارت پٹرولیم اور پیٹرولیم ڈیلرز ایسوسی ایشن کے درمیان تفصیلی مذاکرات کے بعد ملک بھر میں پٹرول پمپس کی بندش کا خطرہ ٹل گیا جس کے باعث حکومت نے ڈیلرز کے 6 فیصد تک ڈیلرز مارجن بڑھانے پر رضا مندی کا اظہار کر دیا جس کے باعث پٹرولیم ڈیلرز ایسوسی ایشن نے ملک بھر میں 5 نومبر کو پٹرول پمپس بند کرنے کی کال واپس لے لی اس موقع پر ڈویژن صدر پٹرولیم ایسوسی ایشن رؤف رحمان کا کہنا تھا کہ حکومت نے ڈیلرز مارجن بڑھانے کا معاہدہ کیا ھے جس کے باعث عارضی طور پر ہڑتال کی کال واپس لے لی ہے پانچ نومبر کو اب ہڑتال نہیں ہوگی لیکن اگر حکومت نے 17 نومبر تک اپنے وعدے پر عمل درآمد نہ کروایا تو 20 نومبر سے ملک بھر میں غیر معینہ مدت کے لئے ہڑتال کردیں گے ۔

سرگودھا ( ادریس نواز چدھڑ سے ) تھانہ جھال چکیاں پولیس کی کاروائی، منشیات فروش رنگے ہاتھوں گرفتار، 200لٹر شراب برآمد ۔

سرگودھا میں ڈسٹرکٹ پولیس آفیسر ذوالفقار احمد کی ہدایت پرمنشیات فروشوں کے خلاف کاروائی کرتے ہوئے ایس ایچ او تھانہ جھال چکیاں انسپکٹر صاحب خان نے اسسٹنٹ سب انسپکٹر اسد حیات ودیگر ملازمان پر مشتمل ٹیم کے ہمراہ سبھروال کالونی ریڈ کرکے منشیات فروشی میں ملوث ملزم محمد ندیم کو منشیات فروخت کرتے ہوئے رنگے ہاتھوں گرفتارکرلیا ہے۔ گرفتارملزم کے قبضہ سے 200لٹر شراب برآمدکرکے اسکے خلاف منشیات فروشی کی دفعات کے تحت مقدمہ درج کرلیا گیا ہے مزید تفتیش جاری ہے۔

سرگودھا ( ادریس نواز چدھڑ سے ) محکمہ لیبر ڈیپاٹمنٹ کے زیر اہتمام ڈیتھ گرانٹ، میرج گرانٹ اور ٹیلنٹ سکالر شپ کی مد میں مزدوروں،بیوہ خواتین اور طلباء کو تین کروڑ کے چیکس تقسیم۔۔

تفصیلات کے مطابق :
سرگودھا میں محکمہ لیبر ڈیپارٹمنٹ کے زیر اہتمام چٹھی کے روز کمپنی باغ جناح ہال میں تقریب کا اہتمام کیا گیا تقریب میں صوبائی وزیر محنت و افرادی قوت عنصر مجید خان نیازی، صوبائی سیکرٹری لیبر پنجاب لیاقت علی چٹھہ،اسسٹنٹ کمشنر عمر دراز گوندل،ڈائریکٹر لیبر فضل سمیت دیگر افسران کے ساتھ ساتھ خواتین،طلباء اور مزدور مرد حضرات کی بہت بڑی تعداد نے شرکت کی تقریب کے اختتام پر بیوہ خواتین ،طلباء اور مزدور مردوں میں تین کروڑ کے چیک تقسیم کیے گئے صوبائی سیکرٹری پنجاب لیاقت چٹھہ کا کہنا تھا کہ آئندہ چند روز میں پنجاب بھر رجسٹرڈ بتیس ہزار مرد و خواتین میں نوے دن کے اندر اندر چودہ ارب کے چیک تقسیم کیے جائیں گے صوبائی وزیر محنت و افرادی قوت عنصر مجید خان نیازی کا کہنا تھا کہ چیکوں کی تقسیم کا عمل دو سال سے رکا ہوا تھا جو کہ شروع ہو چکا ہے اور اب ہم پنجاب کے ہر ضلع میں جائیں گے لیبر کے میٹنگز اور ملاقات کریں گے اور ان کو چیکوں کی تقسیم کے ساتھ ساتھ ان کے مسائل بھی حل کریں گے اور یہ عمل ایک سال تک جاری رہے گا

سرگودھا ( ادریس نواز چدھڑ سے ) موسم سرما کے آغاز کے ساتھ ہی خشک میوہ جات کی مانگ میں بھی اضافہ ہو گیا ہے ،شہری سردی کی شدت کو کم کرنے کے لیے خشک میوہ جات کا استعمال کرتے ہیں ۔

تفصیلات کے مطابق
ملک بھر کی طرح سرگودھا میں بھی موسم سرما کا آغاز ہوتے ہی خشک میوہ جات کی مانگ میں بھی اضافہ ہو جاتا ہے شہری سردی کی شدت کو کم کرنے کے لیے خشک میوہ جات کا استعمال کرتے ہیں شہریوں کی ایک بہت بڑی تعداد خشک میوہ جات کی خریداری کرتے ہوئے دکھائی دیتی ہے پچھلے سال کی نسبت اس دفعہ خشک میوہ جات کی قیمتیں بھی آسمان سے باتیں کر رہی ہیں ۔ شہریوں کا کہنا ہے کہ خشک میوہ جات کی قیمتیں ناقابل خرید حد تک بڑھ چکی ہیں جن میں چلغوزہ سات ہزار دو سو روپے کلو،پستہ گری چھتیس روپے کلو،کاجو چوبیس روپے کلو،مغز بادام سولہ سو روپے کلو اور مونگ پھلی چار سو روپے کلو میں فروخت ہو رہی ہے جسکی وجہ سے خشک میوہ جات کو دیکھا تو جا سکتا ہے لیکن غریب آدمی خرید کی سکت نہ رکھتا ہے دوکاندار حضرات کا کہنا ہے کہ مہنگائی کی وجہ سے خشک میوہ جات کی قیمتیں بڑھنے کی وجہ سے گاہک ریٹ سن کر چلے جاتے ہیں
شہریوں نے حکومت وقت سے مطالبہ کیا ہے کہ خشک میوہ جات کی قیمتوں میں نمایاں حد تک کمی کی جائے تاکہ غریب عوام بھی خشک میوہ جات سے مستفید ہو سکے۔

سرگودھا ( ادریس نواز چدھڑ سے ) میں حکومت کے کسانوں کو ریلیف دینے کے دعوے دھرے کے دھرے رہ گٸے ۔ کسانوں کی دہاٸیاں ۔ حکومت وقت سے فوری نوٹس کا مطالبہ ۔

تفصیلات کے مطابق :
سرگودھا میں حکومت نے کسان کارڈ کے ذریعے کسانوں کو ریلیف فراہم کرنے کا قدم اٹھایا ۔ لیکن ضلعی انتظامیہ کی غفلت کے باعث دکاندار من مانے ریٹ لگا کر کھادیں فروخت کرنے لگے ۔ ذراٸع کے مطابق کسانوں کے پاس کسان کارڈ ہونے کے باوجود ریلیف ملنا خواب بن چکا ھے ۔ دوکاندار کھادیں مہنگی فروخت کرنے لگے ۔ کسانوں کا کہنا ھے ۔ کہ حکومت وقت کسانوں کو ریلیف فراہم کرنے میں ناکام ہو چکی ھے ۔ کسان دوکانداروں کے ہاتھوں لٹ رھے ھیں ۔ کھادیں کسانوں کی پہنچ سے دور ہو چکی ھیں ۔ ضلعی افسران شہروں کو نوازنے میں مصروف عمل ھیں ۔ جبکہ کسانوں کا کوٸ پرسان حال نہیں ۔ ایک طرف مہنگاٸی نے کسان کی قمر توڑ رکھی ھے ۔ اور دوسری طرف کسانوں کو ریلیف فراہم کرنے کے دعوے دعووں تک محدود رہنا ۔ حکومت وقت اور ضلعی انتظامی افسران کی کارکردگی پہ سوالیہ نشان ھے ۔ کسانوں نے ڈپٹی کمشنر سرگودھا ، چیف سیکٹری پنجاب ، وزیراعلیٰ پنجاب اور وزیراعظم پاکستان عمران خان سے فوری نوٹس لینے کا مطالبہ کر دیا ۔