Category: سرگودھا

سرگودھا : سی ای او ایجوکیشن کا کارنامہ، الزامات ثابت ہونے کے باوجود سرکاری سکول میں منفی سرگرمیوں میں ملوث ہونے والے جونیئر کلرک کی انکوائری رپورٹ ہی ٹھپ کر دی، سنجیدہ حلقوں کا اظہار افسوس ۔ ڈپٹی کمشنر سرگودھا، کمشنر سرگودھا ، سیکرٹری ایجوکیشن سکولز اور وزیر اعلی پنجاب سے فی الفور نوٹس لینے کا مطالبہ
تفصیلات کے مطابق :
محکمہ ایجوکیشن کا جونیئر کلرک بلال گجرجو کہ گورنمنٹ ایم سی بوائز ہائی سکول سیٹلائٹ ٹاؤن میں تعینات ہے کی سکول کے اندر کی نوجوان لڑکیوں سے قابل اعتراض ویڈیوز،سیلفیاں اور فوٹوز منظر عام پر آگئیں تھی جس میں واضح دیکھا جاسکتا تھا کہ بلال گجر کس طرح سرکاری سکول کو منفی سرگرمیوں کے لیے استعمال کر رہا تھا جبکہ انکشاف ہونے کے چند دن پہلے ہی سی ای او ایجوکیشن ریاض قدیر بھٹی نے بلال گجر کا تبادلہ سکول سے ڈسٹرکٹ ایجوکیشن آفیسر زنانہ کے آفس میں کیا تھا جوکہ غیر قانونی تھا کیونکہ ایم سی کیڈر کا ہونے کی وجہ سے مذکورہ کا تبادلہ دفتری آفس میں نہ ہو سکتا تھا جبکہ قابل اعتراض مواد منظر عام پر آنے پر بلال گجر کا ڈسٹرکٹ ایجوکیشن آفیسر زنانہ کے دفتر کا تبادلہ نہ صرف کینسل کر دیا بلکہ انکوائری ہولڈ کردی اور گورنمنٹ انبالہ مسلم ہائی سکول کے ہیڈ ماسٹر کو انکوائری آفیسر مقرر کرتے ہوئے سات دن کے اندر رپورٹ طلب کررکھی تھی۔ جس پر انکوائری آفیسر ہیڈ ماسٹر گورنمنٹ انبالہ مسلم ہائی سکول نے الزامات ثابت ہونے پر مذکورہ کلرک کے خلاف سخت کاروائی کے لئے لکھا تھا لیکن سی ای او ایجوکیشن نے مزید کاروائی کی بجائے انکوائری رپورٹ ہی دبا دی یاد رہے کہ مزکورہ جونیئر کرک بلال گجر کی وجہ سے ہی سی ای او ایجوکیشن آفس میدان جنگ بنا تھا موصوف سارا دن اپنے سکول ڈیوٹی کی بجائے سی ای او آفس نظر آتے ہیں کیوکہ موجودہ سی ای او ریاض قدیر بھٹی کی اسے آشیر باد حاصل ہے بلکہ تبادلہ کی مد میں بھی نوازا جانا انکی پشت پناہی کرنا ثابت کرتا ہے ۔
سیکرٹری ایجوکیشن سکولز پنجاب،وزیراعلی پنجاب اور وزیراعظم پاکستان سے نوٹس لینے کا مطالبہ ۔

بھیرہ نامعلوم افراد کی کار پر فائرنگ سے سابق یونین کونسل چیئرمین اور ن لیگی رہنما اعجاز حسین شاہ جاں بحق، والدہ محفوظ رہی
تفصیلات کیمطابق یونین کونسل مڈھ پرگنہ کے سابق وائس چیئرمین اور مسلم لیگ ن کے رہنما اعجاز حسین شاہ اپنی والدہ کے ہمراہ کار پر ڈیرہ سے گھر آ رہے تھے کہ چک نمبر 9 سناں والی نہر پل پر گھات لگائے نامعلوم افراد نے کار پر فائرنگ کردی جس سے اعجاز شاہ موقع پر ہی جاں بحق ہو گئے تاہم ان کی والدہ معجزانہ طور پر محفوظ رہیں پولیس تھانہ ملکوال نے لاش پوسٹ مارٹم کیلئے ٹی ایچ کیو ہسپتال ملکوال منتقل کر دی پولیس ذرائع کیمطابق واقعہ سابقہ دشمنی کا شاخسانہ ہے واردات کے بعد ملزمان فرار ہو گئے

سرگودھا میں مضر صحت خوراک کا دھندہ کرنے والوں کیخلاف پنجاب فوڈ اتھارٹی کی کارروائیاں جاری
ڈی جی فوڈ اتھارٹی کی ہدایت پر سرگودھا ڈویژن میں مختلف فوڈ پوائنٹس کی چیکنگ، 4 یونٹس سربمہر

تفصیلات کے مطابق :

سرگودھا میں حفظان صحت کے انتہائی ناقص انتظامات پر 6 فوڈ پوائنٹس کو94 ہزار روپے جرمانہ
وہے پاؤڈر، گھی، مضرصحت مٹھائی، ناقص پنیراورکیمیکلز کی بھاری مقدار برآمد
بھیرہ میں کارروائی کرتے ہوئےمضر صحت اجزاء سے مٹھائیاں بنانے پر سویٹس شاپس کو سیل کیا۔ رفاقت علی نسوآنہ
سلانوالی میں چیکنگ کے دوران وہے پاؤڈر اور گھی سے پنیربنانے پر کھویا یونٹ سیل کیا۔ ڈی جی فوڈ اتھارٹی
خوشاب میں ناقص آئل سے اشیاء خوردونوش کی پروڈکشن پر2 فاسٹ فوڈز یونٹ سربمہر۔ ڈی جی فوڈ اتھارٹی
معمولی نقائص پر 43 فوڈ پوائنٹس کو اصلاحی نوٹسز جاری کیے گیے ہیں ۔ رفاقت علی نسوآنہ
عوام کو صحت بخش خوراک کی فراہمی کیلئے فوڈ سیفٹی ٹیمیں ہمہ وقت کوشاں ہیں۔ ڈی جی فوڈ اتھارٹی
ناقص خوراک کا کاروبار کرنیوالوں کیخلاف سخت ایکشن لیا جارہا ہے۔ ڈی جی فوڈ اتھارٹی

سرگودھا: تحصیل بھلوال میں 14 سالہ احسن عباس گنے کی ٹرالی کے نیچے آکر جانبحق ہو گیا ۔ریسکیو زرائع

تفصیلات کے مطابق ، سرگودھا ۔ تحصیل بھلوال میں احسن چلتی ٹرالی سے گنا اتارتے ہوئے اپنا توازن برقرار نہ رکھ سکا ۔
احسن ٹرالی کے ٹائروں کے نیچے آکر موقع پر جانبحق ہو گیا ، ٹریکٹر ٹرالی ڈرائیور موقع سے فرار ہونے میں کامیاب ہو گیا
جبکہ ورثا کا لاش سڑک پر رکھ کر شدید احتجاج نعرہ بازی جاری ، روز بروز بڑھتے ٹریفک حادثات کی وجہ سے ہیوی ٹریفک کو متبادل روڈ پر کنورٹ کیا جائے

سرگودھا : تھانہ اربن ایریا پولیس کی کاروائی،اغواء ہونے والی لڑکی دودن میں بازیاب، ملزم گرفتار کر لیا

تفصیلات کے مطابق، تھانہ اربن ایریا پولیس کو بلاک نمبر31 کے رہائشی امجد شاہد نے اطلاع دی کہ ملزمان محمد ارشد وغیرہ نے اسکی بھتیجی(ن) کو اغواء کر لیا ہے۔ اطلاع وقوعہ ملتے ہی ڈسٹرکٹ پولیس آفیسر ذوالفقاراحمد نے وقوعہ کی سنگینی کو مدنظر رکھتے ہوئے فوری مقدمہ درج کرکے ملزمان کو گرفتارکرکے مغویہ کی بازیابی کا حکم دیا۔

جس پر ایس ایچ او تھانہ اربن ایریا طارق عرفان نے سب انسپکٹر منظوراحمد وغیرہ پر مشتمل ٹیم کے ہمراہ ریڈ کرکے جدید وروائتی طریقہ کار تفتیش کو اپناتے ہوئے مغویہ مسماۃ (ن) کو بازیاب کروا کرملزم محمد ارشد کو ڈرامائی انداز میں گرفتار کر لیا ہے ۔ مزید تفتیش جاری ہے۔

سرگودھا : تھانہ ساہیوال پولیس کی کاروائی، مجرم اشتہار ی اوردو منشیات فروش گرفتار، اڑھائی کلو گرام چرس برآمد کر لی گئی

تفصیلات کے مطابق ڈسٹرکٹ پولیس آفیسر ذوالفقاراحمد کی ہدایت پراشتہاریوں اورمنشیات فروشوں کے خلاف کاروائی کرتے ہوئے ایس ایچ او تھانہ ساہیوال انسپکٹر صاحب خان نے سب انسپکٹر زآصف سلطان اور محمد اسلم وغیرہ پر مشتمل ٹیم کے ہمراہ تھانہ ساہیوال کے مختلف علاقوں میں ریڈ کرکے تین سال سے راہزنی کے مقدمہ میں مطلوب اشتہاری مجرم مختار احمد ولد زمان کو گرفتارکرلیا ہے۔

گرفتارملزم نے دسمبر2017کو اپنے دیگر دوساتھیوں کے ساتھ ملکر چک78شمالی کے رہائشی توقیر احمد سے اسلحہ کے زورپر واردات کی تھی قبل ازیں اشتہاری مجرم کے دونوں ساتھیوں کو گرفتارکرکے حوالات جوڈیشل بھجوایا جاچکا ہے۔ اسی طرح منشیات فروشی میں ملوث ملزمان علی حسین عرف عنصر سے چرس1کلو240گرام اور اسد نعیم ولد احمد خان سے چرس1کلو260گرام برآمد کرکے انکے خلاف منشیات فروشی کی دفعات کے تحت الگ الگ مقدمات درج کرلیے گئے ہیں مزید تفتیش جاری ہے۔

سرگودھا ۔ ہائیکورٹ سے ضمانت کینسل ہونے پرکنٹونمنٹ بورڈ سرگودھا کا کرپٹ سب انجنیئر بہاولپور میں گرفتار کر لیا گیا

تفصیلات کے مطابق بہاولپور میں ہائیکورٹ سے ضمانت کینسل ہونے پر ایف آئی اے کی ٹیم نے کنٹونمنٹ بورڈ سرگودھا میں تعینات کرپٹ سب انجنیئر اویس کو گرفتار کرلیا سب انجنیئر پر اپنی بہاولپور تعیناتی کے دوران شہری سےکمرشل پلازہ کی پارکنگ نہ چھوڑنے پر ڈیڑھ لاکھ رشوت لینے کے الزام میں ایف آئی اے میں مقدمہ درج تھا جس میں سب انجنیئر نے ہائیکورٹ سے ضمانت کروا رکھی تھی جبکہ عدالت سے ضمانت خارج ہونے پر ایف آئی اے نے سب انجنیئر کو گرفتار کر لیا