Category: سرگودھا

سرگودھا ۔ علاقائی مسائل کے خاتمے میں صحافیوں کا کردار بنیادی اہمیت کا حامل ہوتا ہے ۔ مظلوموں کو انصاف کی بروقت فراہمی میں وکلاء اور میڈیا کا چولی دامن کاساتھ ہے ۔ ہم دونوں شعبے ملکر سرکاری اداروں میں لوگوں کے ساتھ ہونیوالی ناانصافیوں کاخاتمہ ممکن بنا سکتے ہیں ۔ ان خیالات کا اظہار سرگودھا بار کے نومنتخب صدر عدیل اقبال سلہریا جنرل سیکرٹری ملک فیصل شہزاد نائب صدر سید عرفان الحق شیرازی اور خرم شہزاد ڈھونڈا نے الیکٹرانک میڈیا کلب کے پروگرام میٹ دی پریس سے خطاب کرتے ہوئے کیا ۔ صدر سرگودھا بار عدیل اقبال سلہریا نے اس بات پر زور دیتے ہوئے کہا کہ میں نے کامیابی کے بعد جتنے بھی سخت فیصلے کئے ہیں ۔ وہ سب ہم نے اپنے وکلاء بھائیوں کے اجتماعی مفاد کو سامنے رکھتے ہوئے کئے ہیں ۔ انہوں نے بتایا کہ سابق روایات کو برقرار رکھتے ہوئے ہم نے اپنے صحافی بھائیوں کو مفت قانونی امداد کی فراہمی کیلئے ماہر ترین وکلاء پر مشتمل پینل بنا دیا ہے ۔ آپ کا کوئی بھی مسئلہ ہو گا ۔ آپ کو مفت قانونی معاونت کی بلا تعطل فراہمی کی جائے گی ۔ اس موقع پر ناِب صدر سید عرفان الحق نے خطاب کرتے ہوئے کہا ۔ کہ جائیداد کی رجسٙٹری کروانے میں جو بھی مسائل صحافیوں کو درپیش ہونگے ۔ میں اپنی جیب سے سرگودھا بار کی طرف سے عائد کردہ فیس ادا کروں گا ۔ تاکہ آپ کو پریشانی کاسامنا نہ کرنا پڑے ۔ میٹ دے پریس پروگرام سے صدر الیکٹرانک میڈیا کلب مہرآصف حنیف جنرل سیکرٹری سیف خان سابق صدر سرگودھا پریس کلب اشرف ندیم صدر یونین آف جرنلسٹس چوہدری عبدالصمدشاہین سابق صدر ایڈیٹر کونسل چوہدری ظفر محمود سینئر صحافی خالد اصغر شیخ اور دیگر نے بھی خطاب کیا

*سرگودھا : ڈی پی او سرگودھا ذوالفقاراحمد کی زیر صدارت ایس ڈی پی اوز سے کرائم میٹنگ*

تفصیلات کے مطابق :
ڈسٹرکٹ پولیس آفیسر ذوالفقاراحمد کی زیرصدارت ضلع بھر کے ایس ڈی پی اوز کے ساتھ ڈی پی او آفس میں کرائم میٹنگ منعقد ہوئی ۔ جس میں ایس پی انوسٹی گیشن سرگودھا حسن جہانگیر نے بھی شرکت کی ۔ ڈی پی او سرگودھا نے تمام سرکل ہائے کی کارکردگی کا جائزہ لیا ۔
اور کہا کہ زیر تفتیش مقدمات کو بروقت میرٹ پر یکسو کیا جائے ۔ نامکمل چالان بروقت مکمل کروا کر عدالتوں میں جمع کروائیں ۔ راہزنی کی وارداتوں کو روکنے کیلئے گشت کے نظام کو بہتر بنایا جائے ۔ مجرمان اشتہاری کی گرفتاری کیلئے خصوصی ٹیمیں تشکیل دی جائیں ۔
ناجائزاسلحہ رکھنے والوں کے خلاف بلاتفریق کاروائی کی جائے ۔ منشیات جیسی لعنت سے چھٹکارا پانے کیلئے پولیس کاروائیوں میں تیزی لائی جائے ۔ انہوں نے مزید کہا کہ اپنے اپنے سرکل کے تھانوں کاباقاعدگی سے وزٹ کریں اور دی گئی ہدایات اپنی نگرانی میں عملدرآمد کروائیں۔

سرگودھا ضلع بھر میں آٹے کا شدید بحران ۔ انتظامیہ کی جانب سے بھاگٹانوالہ میں قائم کیئے گئے سٹال سے آٹا دکانداروں کو فروخت ہونے لگا ۔ آٹا لوڈ رکشے کی فوٹیج باغی ٹی وی نے حاصل کر لی ۔

تفصیلات کے مطابق :
سرگودھا ضلعی انتظامیہ عملہ کی من مانیاں جاری ہیں ۔ ضلع بھر میں آٹے کا شدید بحران ۔ انتظامیہ کی ملی بھگت سے آٹا دکانداروں کو فروخت ہونے لگا ۔ سرگودھا کے علاقہ بھاگٹانوالہ میں عوام آٹے کے حصول کیلئے ترس گئی ۔ جبکہ آٹا کھلے عام دکانداروں کو فروخت ہونے لگا ۔ آٹے سے بھرے رکشے کی فوٹیج باغی ٹی وی کو موصول ہو گئی ۔ فوٹیج میں صاف دیکھا جاسکتا ھے ۔ کہ ایک درجن کے قریب آٹے کے تھیلے موجود ہیں ۔ عوام کا کہنا ہے کئی کئی گھنٹے 10 کلو کے تھیلے کیلئے ہم ذلیل وخوار ہو رہے ہیں ۔
جبکہ پرائس کنٹرول انتظامیہ کی لاپرواہی اور ملی بھگت سے آٹا دکانداروں کو فروخت کیا جارہا ہے ۔
شہریوں کا چیف سیکٹری پنجاب اور وزیراعلی پنجاب سے فوری نوٹس لینے کا مطالبہ ۔

سرگودھا ۔ آر پی او سرگودھا رفعت مختار راجہ نے ویڈیو لنک میٹنگ کے دوران سرگودھا ریجن میں درج انسداد دہشت گردی کے زیر تفتیش مقدمات کی پراگریس چیک کرتے ہوئے ان مقدمات کو جلد میرٹ پر یکسو کرنے اور ان میں ملوث مجرمان اشتہاریوں کو گرفتار کرنے کے احکامات جاری کیے۔
تفصیلات کے مطابق :
ریجنل پولیس آفیسر سرگودھا رفعت مختار راجہ نے سرگودھا ریجن میں درج انسداد دہشت گردی کے مقدمات کی پراگریس چیک کرنے کے لیے ایک ویڈیو لنک میٹنگ کا انعقاد کیا۔ ایس پی آر آئی بی سرگودھا مطیع اللہ خان نے آر پی او سرگودھا کو انسداد دہشت گردی کے زیر تفتیش مقدمات کی پراگریس اور ان مقدمات میں مطلوب مجرمان اشتہاریوں کے بارے میں بریفنگ دی۔آر پی او سرگودھا رفعت مختار راجہ نے کہا کہ انسداد دہشت گردی کے زیر تفتیش مقدمات میں ملوث مجرمان اشتہاریوں کی گرفتاری کو یقینی بنایا جائے اورجتنے بھی زیر التواء مقدمات ہیں ان کو جلدمیرٹ پر یکسو کریں تاکہ ان مقدمات کو بروقت پایہ تکمیل تک پہنچایا جا سکے۔

سرگودھا : ایس پی انوسٹی گیشن حسن جہانگیر کا ڈرائیونگ لائسنس برانچ کا وزٹ ۔

تفصیلات کے مطابق :
لائسنس عوام کا بنیادی حق ھے ۔ لیکن صرف اہل افراد ہی اس کے حصول کے حق دار ہیں ۔
ناتجربہ کار اشخاص کو ڈرائیونگ لائسنس کا اجرا انسانی جانوں سے کھیلنے کے مترادف ہے ۔
غیر قانونی طریقے سے لائسنس بنوانے پر لائسنس جاری اور حاصل کرنے والے دونوں کے خلاف سخت قانونی کاروائی عمل میں لائی جائے ۔ ان خیالات کا اظہار ایس پی انوسٹی گیشن حسن جہانگیر نے لائسنسنگ برانچ کے وزٹ کے موقع پر کیا ۔
اس موقع پر ڈی ایس پی ٹریفک سرگودھا محمد کاشف بھی موجود تھے ۔

سرگودھا ۔ تھانہ فیکٹری ایریا پولیس اور اینٹی کار لفٹنگ سیل کی کی کاروائی ۔
بین الاضلاعی کار چور گینگ کے تین ارکان گرفتار ۔ 54 لاکھ روپے سے زاٸد مالیت کی 5 کاریں ، 10 کلو گرام ہیروئن ، ڈیڑھ کلو گرام چرس ، 100 لیٹر شراب برآمد کر لی ۔

تفصیلات کے مطابق :
ڈسٹرکٹ پولیس آفیسر ذوالفقار احمد کی ہدایت پر کارچوروں کے خلاف کاروائی کرتے ہوئے ایس ایچ او تھانہ فیکٹری ایریا سب انسپکٹر ظہیر احمد نے انچارج اینٹی کار لفٹنگ سیل اسد حیات اور ٹیم کے ہمراہ ریڈ کر کے کار چوری میں ملوث بین الاضلاعی گینگ کے تین ارکان کو گرفتار کر کے ان کے قبضہ سے چوری شدہ کاریں برآمد کر لی ۔ اس سلسلہ میں پریس کانفرنس کا انعقاد کیا گیا ۔ جس میں ایس ڈی پی او سٹی سرکل اے ایس پی محمد شعیب نے صحافیوں کو تفصیلات سے آگاہ کرتے ہوٸے بتایا ۔
کہ ملزمان نے تھانہ فیکٹری ایریا کے علاقہ سے 2 کاریں ، تھانہ کینٹ کے علاقہ سے 1 کار ، اور 2 کاریں ضلع راولپنڈی سے چوری کی تھیں ۔ گرفتار ملزمان کے قبضہ سے چوری شدہ 5 کاریں کل مالیت 54 لاکھ 50 ہزار روپے برآمد کیں ۔ تھانہ فیکٹری ایریا پولیس نے دیگر کارواٸ میں ملزمان سے 10 کلوگرام ہیروٸن ، ڈیڑھ کلوگرام چرس اور 100 لیٹر شراب برآمد کر لی ۔
ایس ڈی پی او سٹی سرکل اے ایس پی محمد شعیب نے بعد از قانونی کارواٸی برآمد ہونے والی کاروں کی چابیاں اصل مالکان کے حوالے کر دیں ۔ مزید تفتیش جاری ھے ۔

سرگودھا ۔ ڈپٹی کمشنر سرگودھا نائلہ باقر رانا نے چارج سنبھالنے کے بعد تحصیل ہیڈ کوارٹر شاہ پور کا دورہ کیا ۔
تفصیلات کے مطابق :
ڈپٹی کمشنر نائلہ باقر نے ریکارڈ اراضی سنٹر شاہپور کا معائنہ کیا ۔ شہریوں کے مسائل سنے ۔ ڈپٹی کمشنر نے ٹی ایچ کیو ھسپتال شاہپور صدر کا دروہ بھی کیا ۔
اور مریضوں کو دی جانے والی سہولیات کاجائزہ لیا ۔ انہوں نے زنانہ مردانہ وارڈ ایمرجنسی بلاک چیک کیا ۔ ڈاکٹرز و پیرامیڈیکل سٹاف کی حاضریاں اور ہسپتال کا ریکارڈ بھی چیک کیا ۔ ڈپٹی کمشنر سرگودھا نے سہولت بازار کامعائنہ بھی کیا ۔
اور وہاں لگائے گئے سٹالز پر اشیائے خوردنوش کی کوالٹی اور قیمتوں کا جائزہ لیا ۔ بعدازاں دریائے جہلم پر عوامی سیر و تفریح کےلیٸے پارک اور کشتی رانی پوائنٹ کا معائنہ بھی کیا ۔ ڈپٹی کمشنر نائلہ باقر نے کہا ۔ کہ عوام کی سہولیات کےلیے تفریحی پوائنٹ کو مزید بہتر بنایا جائے گا ۔
جھولے , فوڈز پوائنٹ ، ٹاک شاک و دیگر تفریح سہولیات مہیا کی جائیں گی ۔ اس موقع پر اسسٹنٹ کمشنر شاہپور انعم علی خان , چیف آفیسر طارق گجر و دیگر بھی ہمراہ تھے .

رپورٹ : ادریس نواز چدھڑ سرگودھا
٭٭٭٭٭

سرگودھا ( ادریس نواز چدھڑ سے ) ڈی ایچ کیو ہسپتال سرگودھا میں پرائیویٹ سیکورٹی گارڈز کی من مانیا جاری ۔ مریضوں کے لواحقین سے وارڈ میں داخل ہونے کی فیس مقرر کردی گئ ۔ انتظامیہ خواب خرگوش کے مزوں میں مصروف عمل ۔
شہریوں کا اعلیٰ حکام سے فوری نوٹس کا مطالبہ ۔

تفصیلات کے مطابق :
سرگودھا کے سرکاری ہسپتال میں پرائیویٹ سیکورٹی گارڈز کی من مانیا جاری ۔ مریضوں کے لواحقین کی دہائیاں ۔ وارڈ میں داخل ہونے کی فیس مقرر کردی گئی ۔ ڈی ایچ کیو ہسپتال سرگودھا میں سیکورٹی گارڈز بے لگام ہیں ۔سیکورٹی اہلکار ہسپتال میں حادثات کی روک تھام اور مریضوں کی سیکورٹی پر مامور کیئے گئے ہیں ۔ اور ماہانہ لاکھوں روپے سرکار انہیں تنخواہوں کی مد میں دے رہی ہے ۔ مگر بدقسمتی کے ساتھ پرائیویٹ سیکورٹی اہلکاروں کی ہسپتال میں مریضوں کے ورثاء سے کھل عام بدماشیاں جاری ہیں ۔ آئے روز ہسپتال میں لڑائی جھگڑے معلوم بن گئے ہیں ۔ زرائع بتارہے ہیں کہ ڈی ایچ کیو ہسپتال اور مولا بخش گاہنی ہسپتال میں سینکڑوں افراد سیکورٹی پر مامور ہیں ۔ جنہیں تنخواہیں کم ملنے کی وجہ سے رشوت کو بطور حق سمجھتے ہیں ۔ سات تحصیلوں سے آئے مریضوں کے لواحقین سیکورٹی گارڈز کے خوف سے شدید پریشان ہیں ۔ مریضوں کے ورثاء کا کہنا ہے ۔ کہ سرکاری ہسپتال میں سینکڑوں سیکورٹی گارڈز نے اپنا خوف جمایا ہوا ہے ۔ دوپہر 12 بجے کے بعد ہسپتال انتظامیہ کی جانب سے وارڈ میں داخلہ ممنوع ہے ۔ جبکہ سیکورٹی گارڈز انٹری کیلئے پیسے وصول کررہے ہیں ۔ جبکہ انکا مزید کہنا ہے کہ تبدیلی کا نعرہ سرگودھا میں دور دور تک نظر نہیں آتا ۔ ڈی ایچ کیو ہسپتال میں انتظامیہ کی من مانیوں کی وجہ سے غریب عوام اور علاج کیلئے در بدر ٹھوکریں کھانے والے شدید پریشانی کے عالم میں مبتلاء ہیں ۔ عوام کا کہنا ہے سیکورٹی پر مامور افراد کی جانب سے متعدد بار غریب عوام کو تشدد کا نشانہ بنایا گیا ۔ اور ہسپتال سے دھکے دیکر باہر نکال دیا جاتا ہے ۔ ایم ایس کو تمام صورتحال کا پتہ ہونے کے باوجود تماشائی کا کردار ادا کر رہے ہیں ۔ اہلکاروں کا ناروا سلوک ہونے کی وجہ سے عوام میں شدید خوف و ہراس پیدا ہوگیا ہے ۔ مزید انکا مطالبہ ہے کہ کرپٹ سیکورٹی اہلکاروں سے عوام کی جان چھڑواٸ جاۓ ۔

ڈی ایچ کیو ہسپتال سرگودھا میں پرائیویٹ سیکورٹی گارڈز کی من مانیا جاری ۔ مریضوں کے لواحقین سے وارڈ میں داخل ہونے کی فیس مقرر کردی گٸ ۔ انتظامیہ خواب خرگوش کے مزوں میں مصروف عمل ۔
اعلیٰ حکام سے فوری نوٹس کا مالبہ ۔

تفصیلات کے مطابق :
سرگودھا کے سرکاری ہسپتال میں پرائیویٹ سیکورٹی گارڈز کی من مانیا جاری ۔ مریضوں کے لواحقین کی دہائیاں ۔ وارڈ میں داخل ہونے کی فیس مقرر کردی گئی ۔ ڈی ایچ کیو ہسپتال سرگودھا میں سیکورٹی گارڈز بے لگام ہیں ۔سیکورٹی اہلکار ہسپتال میں حادثات کی روک تھام اور مریضوں کی سیکورٹی پر مامور کیئے گئے ہیں ۔ اور ماہانہ لاکھوں روپے سرکار انہیں تنخواہوں کی مد میں دے رہی ہے ۔ مگر بدقسمتی کے ساتھ پرائیویٹ سیکورٹی اہلکاروں کی ہسپتال میں مریضوں کے ورثاء سے کھل عام بدماشیاں جاری ہیں ۔ آئے روز ہسپتال میں لڑائی جھگڑے معلوم بن گئے ہیں۔ زرائع بتارہے ہیں کہ ڈی ایچ کیو ہسپتال اور مولا بخش گاہنی ہسپتال میں سینکڑوں افراد سیکورٹی پر مامور ہیں ۔ جنہیں تنخواہیں کم ملنے کی وجہ سے رشوت کو بطور حق سمجھتے ہیں ۔ سات تحصیلوں سے آئے مریضوں کے لواحقین سیکورٹی گارڈز کے خوف سے شدید پریشان ہیں ۔ مریضوں کے ورثاء کا کہنا ہے ۔ کہ سرکاری ہسپتال میں سینکڑوں سیکورٹی گارڈز نے اپنا خوف جمایا ہوا ہے ۔ دوپہر 12 بجے کے بعد ہسپتال انتظامیہ کی جانب سے وارڈ میں داخلہ ممنوع ہے ۔ جبکہ سیکورٹی گارڈز انٹری کیلئے پیسے وصول کررہے ہیں ۔ جبکہ انکا مزید کہنا ہے کہ تبدیلی کا نعرہ سرگودھا میں دور دور تک نظر نہیں آتا ۔ ڈی ایچ کیو ہسپتال میں انتظامیہ کی من مانیوں کی وجہ سے غریب عوام اور علاج کیلئے در بدر ٹھوکریں کھانے والے شدید پریشانی کے عالم میں مبتلاء ہیں ۔ عوام کا کہنا ہے سیکورٹی پر مامور افراد کی جانب سے متعدد بار غریب عوام کو تشدد کا نشانہ بنایا گیا ۔ اور ہسپتال سے دھکے دیکر باہر نکال دیا جاتا ہے ۔ ایم ایس کو تمام صورتحال کا پتہ ہونے کے باوجود تماشائی کا کردار ادا کررہے ہیں ۔ اہکاروں کا ناروا سلوک ہونے کی وجہ سے عوام میں شدید خوف و ہراس پیدا ہوگیا ہے ۔ مزید انکا مطالبہ ہے کہ کرپٹ سیکورٹی اہلکاروں سے عوام کی جان چھڑاٸ جاۓ ۔

سرگودھا ۔ ضلع بھر میں قبضہ مافیا بے لگام دکھائی دینے لگا ، سرگودھا کی تحصیل کوٹمومن کے نواحی گاؤں میانہ کھوہ میں بااثر افراد ملی بھگت سے غریب خاندان کی زندگی کی جمع پونجی سے خریدی زمین ہتھیانے کے لئے متحرک ہو گئے ۔ اسلحہ سے لیس افراد کا گھر پر دھاوا توڑ پھوڑ ۔ غریب فیملی کو جان سے مارنے کی کوشش ۔
تفصیلات کے مطابق :
سرگودھا کی تحصیل کوٹمومن کے نواحی علاقہ میانہ کھوہ میں بااثر اور غنڈا عناصر کا راج قائم ہو گیا۔ غریب فیملی کے گھر پر سکندر ،اکرم اور سیف نامی شخص کا دیگر ساتھیوں سمیت اسلحہ سے لیس ہو کر گھر پر دھاوا توڑ پھوڑ 70 سالہ بزرگ شخص کا بازو توڑ دیا ۔ گھر میں موجود خواتین کو ہراساں کرنے کی کوشش۔مقامی تھانہ کی پولیس پہنچنے پر غریب خاندان کی جان بخشی ہو سکی۔اس موقع پر غریب فیملی کا کہنا تھا زندگی بھر محنت مزدوری کر کے کمائی ہوئی جمع پونجی سے زمین خرید گھر بنایا مگر قبضہ گروپ ہم سے ہماری چھت چھین کر ہمیں بے یارومددگار کرنا چاہتا ہے ۔ پچھلے کچھ عرصہ سے ہماری زندگی اجیرن بنا رکھی ھے ۔ اسلحہ سے لیس ہو کر سکندر ،اکرم اور سیف نامی شخص اپنے ساتھیوں کے ہمراہ رات گئے گھر گھس آتے ہیں ۔ گھر میں توڑ پھوڑ کرتے ہیں ۔ اور تشدد کا نشانہ بناتے ہیں ۔ مقامی پولیس کی جانب سے مقدمہ تو درج کر دیا گیا مگر ان بااثر ملزمان نے اس کے باوجود ہماری زندگی اجیرن بنا رکھی ھے ۔ ہماری ڈی پی او سرگودھا سمیت وزیر اعلیٰ پنجاب اور وزیر اعظم پاکستان سے گزارش ھے ہمیں انصاف اور بااثر افراد سے تحفظ فراہم کیا جائے تاکہ پرسکون زندگی بسر کر سکیں۔