Category: سرگودھا

پنجاب کے شہر سرگودہا میں کرونا کی شدید لہر ایک محتاط اندازے کے مطابق 350 افراد اس وقت کرونا سے متاثر ہیں اور مختلف قرنطینہ سینٹرز میں داخل ہیں، جبکہ دو روز میں 3 افراد کرونا سے جان کی بازی ہار گئے چکے ہیں، اور 10 افراد وینٹی لیٹر پہ ہیں ،

شہر میں کرونا ایس او پیز پر عمل نہ ہونے کے برابر ہے اور شہری اپنی زندگیوں کے ساتھ کھیل رہے ہیں حکومتی رٹ نہ ہونے کے برابر ہے ،شادی ہالز میں تقریبات جاری ہیں ،شاپنگ سنٹرز میں رات گئے تک عوام کا رش لگا رہتا ہے ،

شہر بھر میں کوئی بھی حکومتی عہدیدار رٹ کو قائم کرتا نظر نہیں آتا شہری حالات کی سنگینی سے ناواقف ہیں

ڈاکٹرز نے حکومت سے اپیل کرتے ہوئے کہا ہے کہ شہر میں کرونا ایس او پیز پر سختی سے عمل کروایا جائے اور دفعہ 144 لگائی جائے تاکہ اس صورتحال سے بچا جا سکے ورنہ ہمارے پاس اتنی سہولیات میسر نہ ہیں کہ ہم لوگوں کو سنبھال سکیں

سرگودھا ( ادریس نواز سے ) سابق ڈی پی او سرگودھا کے تبادلہ کی وجہ سے ڈراٸیونگ لاٸسنس برانچ میں ہونیوالی مبینہ بے ضابطگیوں کا ڈراپ سین ۔ منصوبہ فلاپ ۔ پروان نہ چڑھ سکا ۔ سابق ڈی ایس پی ٹریفک کی قربانی بھی راٸیگاں ۔ سنجیدہ حلقوں کا آٸ جی پنجاب پولیس ، وزیراعلیٰ پنجاب اور وزیراعظم پاکستان سے فوری نوٹس کا مطالبہ ۔
تفصیلات کے مطابق :
سابق ڈی پی او سرگودھا فیصل گلزار نے اپنے تبادلہ سے قبل ڈراٸیونگ لاٸسنسنگ برانچ سیل کر کے عملہ کو پولیس لاٸن کلوز کر دیا ۔ اور ڈی ایس پی ٹریفک نوید مرتضیٰ چیمہ کو تبدیل کروا دیا ۔ اس سلسلہ میں نہ تو ڈی پی او فیصل گلزار کی طرف سے کوٸ پریس ریلیز جاری کی گٸ اور نہ ہی پبلک انفارمیشن آفیسر ٹو ڈی پی او کی جانب سے کوٸ بیان سامنے آیا ۔ اور نہ ہی پولیس ترجمان واٹس ایپ گروپ میں کسی بھی قسم کی امفارمیشن شیٸر کی گٸ ۔ اور عملہ کو کیوں کلوز پولیس لاٸن ہیڈکوارٹر کیا گیا ۔ اور کیا بے ضابطگیاں پاٸ گٸ ۔ جسکی وجہ سے سابق ڈی ایس پی ٹریفک نوید مرتضیٰ چیمہ کو ٹرانسفر کروایا گیا ۔ حالانکہ انہیں ابھی پندرہ سے بیس دن ہی ہوۓ تھے تعینات ہوۓ ۔ جبکہ ڈی ایس پی ٹریفک نوید مرتضیٰ چیمہ کے تبدیل ہوتے ہی ڈراٸیونگ لاٸسنس برانچ کے عملہ کو بغیر کسی انکواٸری کے بحال کر دیا گیا ۔ بلکہ انکی ڈیوٹیاں بھی لگا دی گٸ ۔ جو کہ ایک بہت بڑا سوالیہ نشان ھے ۔ جبکہ ذراٸع سے پتہ چلا ھے ۔ کہ سابق ڈی ایس پی ٹریفک نوید مرتضیٰ چیمہ نے سابق ڈی پی او سرگودھا فیصل گلزار کی ڈراٸیونگ لاٸسنسنگ برانچ میں مداخلت کو ناپسند کرتے ہوۓ انکے غیر قانونی حکم ماننے سے انکار کر دیا تھا ۔ جس کی پاداش میں موصوف کو سیٹ چھوڑنا پڑی ۔ مزید یہ بھی پتہ چلا ھے کہ سابق ڈی پی او (ر) کیپٹین سہیل چوہدری کے دور سے لیکر اب تک لاٸسنس برانچ کا عملہ ڈی پی اوز سے ڈاٸریکٹ تھا ۔ اور ڈی ایس پی ٹریفک کا کردار براۓ نام تھا ۔ جبکہ اس امر کا بھی انکشاف ہوا ھے ۔ کہ موجودہ ڈی ایس پی ٹریفک شیخ کاشف مسعود اسی وجہ سے دوبارہ سرگودھا تعینات کروایا گیا ھے ۔ کہ موصوف لاٸسنس برانچ اور ڈی پی او آفس کے معاملات میں رکاوٹ نہ بنتے ھیں ۔ اور ہوم ڈسٹرکٹ میں تعیناتی کو ہی اپنی کامیابی سمجھ کر ڈَنگ ٹپا لو پالیسی پر اتفاق کیۓ ہوۓ ھیں ۔ جبکہ منصوبہ بندی کے تحت چند ہی دنوں کے بعد سابقہ عملہ کی دوبارہ ڈراٸیونگ لاٸسنس برانچ میں تعیناتی کا عمل بھی مکمل ہونا تھا ۔ جسکا ابتداٸ مرحلہ تو سابق ڈی پی او فیصل گلزار کے ہوتے ہی مکمل کر لیا گیا تھا ۔ اب دیکھنا یہ ھے کہ سابق ڈی پی او سرگودھا فیصل گلزار کے تبادلہ کی وجہ سے پلان میں کوٸ تبدیلی آٸ ھے یا اسے کامیابی سے مکمل کر لیا جاۓ گا ۔
اس سلسلہ میں جب سابق ڈی ایس پی ٹریفک نوید مرتضیٰ چیمہ سے مٶقف لینے کےلیۓ رابطہ کیا گیا تو انھوں نے کہا ۔ کہ اگر کوٸ بے ضابطگی پاٸ گٸ تھی ۔ تو منظرِ عام کیوں نہیں آٸ ۔ دوسری بات یہ کہ ابھی مجھے پندرہ سے بیس دن ہی تو ہوۓ تھے ۔ تو اتنے کم عرصہ میں میں نے کیا بے ضابطگیاں کی ہوں گی ۔ جبکہ میں سرگودھا کا ہی رہاٸشی ہوں ۔ اور جتنے لاٸسنسوں کی لمٹ ھے ۔ اس سے زیادہ تو مجھے سفارشیں تھیں ۔ تو میں نے کیا کرپشن کرنی تھی ۔ اس کے علاوہ باقی سوالات پر انھوں نے جواب دینے سے معزرت کر لی ۔
رپورٹ : ادریس نواز سرگودھا

سرگودھا (نمائندہ باغی ٹی وی) شاہین سکاوٹس اوپن گروپ سرگودھا (رجسٹرڈ) کے زیر اہتمام خوشاب پل (دریائے جہلم) پر کشتی رانی کی تقریب منعقد کی گئی. جس میں 40 روور سکاوٹس نے شرکت کی. سکاوٹس نے دریائے جہلم میں کشتی رانی کی اور بوٹنگ بیج مکمل کیا.
اس تقریب کے مہمان خصوصی صوبائی سیکرٹری پنجاب بوائے سکاوٹ ایسویسی ایشن, (محمد طارق قریشی ) اور ڈویژنل سکاوٹ آرگنائزر, لیاقت علی اعوان تھے. جہنوں نے بچوں میں سرٹیفیکٹ تقسیم کیے.اور اس موقع پر ان کا کہنا تھا کہ اس کی تعمیری سرگرمیاں نوجوان نسل کی تعمیر کے لیے بہت ضروری ہیں ان کو ہوتے رہنا چاہیے. شاہین سکاوٹس اوپن گروپ شاباش کا مستحق ہے جو سکاوٹنگ کو بہترین انداز سے جاری رکھے ہوئے ہے. شاندار پروگرام کے موقع پر شاہین سکاوٹس اوپن گروپ کی طرف یادگاری تحائف بھی دئیے گئے.

گروپ سکاوٹ لیڈر شاہین سکاوٹس اوپن گروپ,محمد صفی اللہ کمبوہ نے اس موقع پر کہا کہ ایسی سرگرمیاں ہی سکاوٹنگ کا اصل حسن ہیں ان شاءاللہ ہم آئندہ بھی ایسی ایڈونیچر اور جانفشانی والی سرگرمیاں کرواتے رہیں گے. ہمارا عزم ہے کہ ہر بچہ اور نوجوان سکاوٹ بنے.