بھیرہ شہر سے گندے پانی کی نکاسی کے لئے قائم سرکلر ڈرین کی ٹوٹ پھوٹ کی شکایات پر ایڈمنسٹریٹر بلدیہ بھیرہ محمد مرتضیٰ نے سرکلر ڈرین کا معائنہ کیا انہوں نے بتایا کہ دربار پیر شمس الامیر گیلانی سے لے کر آخری پوائنٹ تک ڈرین بند ہے جس کی وجہ سے ڈرین کا پانی جگہ جگہ سے بہہ نکلا ہے انہوں نے بلدیہ حکام کو سختی سے ہدایت کی کہ ڈرین کی ہنگامی بنیادوں پر صفائی کا انتظام کیا جائے سماجی رہنماؤں محمد اشرف اسد علی خلیل احمد محمد اختر سرفراز احمد اور محمد علی نے ایڈمنسٹریٹر بلدیہ سے مطالبہ کیا ہے کہ ڈرین کے آس پاس قائم تجاوزات کے خاتمہ کے لئے بھی فوری اقدامات اٹھائے جائیں اور ڈرین کے رقبہ کو قبضہ مافیہ سے واگزار کرا کے سرکاری ریکارڈ کے مطابق اس کی 22 فٹ چوڑائی کو بحال کیا جائے
Category: سرگودھا
-
بھیرہ میں قائم سرکلر ڈرین ٹوٹ پھوٹ کا شکار ہو گیا
شہر سے گندے پانی کی نکاسی کے لئے قائم سرکلر ڈرین کی ٹوٹ پھوٹ کی شکایات پر ایڈمنسٹریٹر بلدیہ بھیرہ محمد مرتضیٰ نے سرکلر ڈرین کا معائنہ کیا انہوں نے بتایا کہ دربار پیر شمس الامیر گیلانی سے لے کر آخری پوائنٹ تک ڈرین بند ہے جس کی وجہ سے ڈرین کا پانی جگہ جگہ سے بہہ نکلا ہے
انہوں نے بلدیہ حکام کو سختی سے ہدایت کی کہ ڈرین کی ہنگامی بنیادوں پر صفائی کا انتظام کیا جائے سماجی رہنماؤں محمد اشرف اسد علی خلیل احمد محمد اختر سرفراز احمد اور محمد علی نے ایڈمنسٹریٹر بلدیہ سے مطالبہ کیا ہے کہ ڈرین کے آس پاس قائم تجاوزات کے خاتمہ کے لئے بھی فوری اقدامات اٹھائے جائیں اور ڈرین کے رقبہ کو قبضہ مافیہ سے واگزار کرا کے سرکاری ریکارڈ کے مطابق اس کی 22 فٹ چوڑائی کو بحال کیا جائے
-
سرگودھا ۔ تھانہ جھاوریاں کے علاقہ میں بااثر ملزمان کا مظلوم خاتون کے پلاٹ پر قبضہ ۔
سرگودھا ( ادریس نواز سے ) تھانہ جھاوریاں کے علاقہ عیدگاہ محلہ میں عباس قصاٸ نامی شخص کا دن دیہاڑے مظلوم خاتون نسیم بی بی کے پلاٹ پر قبضہ ۔ متاثرین کا الزام ?
تھانہ جھاوریاں پولیس متاثرین کی داد درسی کی بجاۓ ملزمان کی پشت پناہی میں مصروف عمل ۔
متاثرہ خاتون سے ناانصافی اور ناروا سلوک ۔
قبضہ کی وڈیو منظر عام پر آ گٸ ۔
وڈیو میں صاف دیکھا جا سکتا ھے کہ ASI اسلم ملزمان کیساتھ ملکر خاتون کے پلاٹ پر قبضہ کروا رھا ھے ۔
وڈیو میں دیکھا جا سکتا ھے کہ ملزمان کس طرح ASI اسلم کی موجودگی میں خاتون کیساتھ بدتمیزی ، بدمعاشی و ناروا سلوک کر رھے ھیں ۔
متاثرہ خاتون نسیم بی بی کو تھانہ جھاوریاں اور ڈی ایس پی شاہپور کے آفس کے چکر لگانے کے باوجود بھی انصاف نہ مل سکا ۔
ایس ایچ او تھانہ جھاوریاں میرٹ پہ تفتیش کی بجاۓ متاثرہ خواتین کو تھانہ میں بیٹھ کر 2 نمبر کا ٹیگ دینے میں مصروف ۔
ایس ایچ او تھانہ جھاوریاں کی کال ریکارڈنگ لیک ۔
جس میں موصوف متاثرہ خواتین کو بڑے فخر کیساتھ 2 نمبر کا ٹیگ دے رھے ھیں ۔ اور ملزمان کو بے چارا کہہ رھے ھیں ۔
ڈی ایس پی شاہپور غلام جعفر چھینہ کی متاثرین پہ جھوٹی ایف آٸ آر دینے کی دھمکی ۔متاثرہ خواتین کا ڈی پی او سرگودھا ، آٸ جی پنجاب پولیس ، چیف سیکٹری پنجاب اور وزیراعلٰی پنجاب سے فوری نوٹس کا مطالبہ ۔
-
اپنے بچوں کی زندگی کو کیسے مخفوظ بنایا جا سکتا ہے
اسسٹنٹ کمشنر محمد مرتضیٰ نے کہا ہے کہ پولیو وائرس کے خاتمہ سے ہی ہم اپنے نونہالوں کی زندگیوں کو محفوظ بنا سکتے ہیں والدین کو چاہیے کہ وہ پانچ سال یا اس سے کم عمر بچوں کو پولیو کے قطرے ضرور پلائیں وہ تحصیل ہسپتال بھیرہ میں ڈاکٹر ابوالحسن محمد شاہ الازہری کے ہمراہ بچوں کو پولیو کے قطرے پلا رہے تھے
ان کے ہمراہ ڈپٹی ڈسٹرکٹ آفیسر ہیلتھ تحصیل بھیرہ ڈاکٹر محمد اسماعیل بھی تھے محمد مرتضیٰ نے کہا کہ پولیو کے خلاف جنگ میں محکمہ صحت کی ٹیموں کا کلیدی کردار ہے جو گھر گھر جا کر نوزائیدہ اور پانچ سال سے کم عمر کے بچوں کو پولیو کے قطرے پلا رہی ہیں پولیو ویکسین کے دو قطرے آپ کے بچے کو عمر بھر کی معذوری سے محفوظ رکھ سکتے ہیں والدین کا فرض ہے کہ وہ اس سلسلہ میں اپنی ذمہ داریاں نبھائیں
-
پنجاب بار کونسل کے نو منتخب رکن میاں عبدالقدیر جالپ کا بھیرہ کا دورہ
بھیرہ ،نجاب بار کونسل کے رکن میاں عبدالقدیر جالپ ایڈووکیٹ نے کہا ہے کہ وہ بھیرہ بار کے مسائل کے فوری حل کے لئے اعلی سطح پر کوششیں جاری رکھیں گے وہ تحصیل بار بھیرہ کے نو منتخب صدر نصیر احمد ثاقب بھٹی ایڈووکیٹ و دیگر ارکان سے ملاقات کر رہے تھے
اس موقع پر انصاف لائرز فورم تحصیل بھیرہ کے صدر محمد شاہد القمر بھٹی ایڈووکیٹ،محمود منور خان ایڈووکیٹ،امتیاز احمد گوندل ایڈووکیٹ،عرفان احمد گوندل ایڈووکیٹ،رانا زبیر خورشید ایڈووکیٹ،رانا ثناءاللہ ایڈووکیٹ اور شکیل عباس جنجوعہ ایڈووکیٹ و دیگر وکلاء بھی موجود تھے۔میاں عبدالقدیر جالپ ایڈووکیٹ نے نومنتخب عہدیداروں کو مبارک باد دیتے ہوئے توقع ظاہر کی کہ وہ بنچ اور بار کے تعلقات میں بہتری اور عوام کو انصاف دلانے کیلئے اپنی تمام تر صلاحیتیں بروئے کار لائیں گے
-
بھیرہ کی عوام کیلیے ڈرائیونگ لائسنس کا حصول آسان ہو گیا
بھیرہ، تحصیل بھیرہ کی عوام کو مختلف سروسز کی فراہمی کے لئے ڈسٹرکٹ پولیس آفیسر ذوالفقار احمد نے پولیس موبائل خدمت مرکز وین کو ہر سوموار تھانہ بھیرہ میں ڈیوٹی کا پابند بنا دیا ہے ایس ایچ او انسپکٹر رفاقت علی ورک نےنمائندہ باغی ٹی وی سے گفتگو کرتے ہوئےبتایا کہ موبائل وین کے لئے اس سے قبل تحصیل ہیڈکوارٹر ہسپتال میں منگل کا دن مقرر تھا
مگر عوام کی سہولت کے لیے ڈسٹرکٹ پولیس آفیسر نے اب ہر سوموار کو باقاعدہ تھانہ بھیرہ میں صبح 9 سے سہ پہر 3 بجے تک ڈیوٹی کا پابند بنا دیا ہے تاکہ عوام کو ڈرائیونگ لائسنس اسلحہ لائسنس کریکٹر سرٹیفکیٹ اور دیگر سہولیات گھر کی دہلیز پر میسر آ سکیں انسپکٹر رفاقت علی ورک نے کہا کہ علاقہ سے جرائم کے خاتمہ اور سماج دشمن عناصر کی گرفتاری پولیس کا فرض ہے جیسے ہر صورت قبول کیا جائے گا عوام میں اس سلسلہ میں پولیس سے تعاون کریں انہیں مکمل تحفظ فراہم کیا جائے گا
-
سینئر صحافی،شاعر و براڈ کاسٹر شاکر نظامی انتقال کر گئے۔
سینئر صحافی،شاعر و براڈ کاسٹر شاکر نظامی انتقال کر گئے۔وہ کافی عرصے سے علیل تھے.
سرگودھا سے تعلق رکھنے والے سینئر صحافی،شاعر و براڈ کاسٹر شاکر نظامی انتقال کر گئے۔وہ کافی عرصے سے علیل تھے.
وہ ریڈیو پاکستان سے منسلک رہے… صحافتی اور ادبی لحاظ سے ان کا ایک اپنا مقام تھا. انکی صحافتی خدمات پر انھیں ہمیشہ یاد رکھا جائے گا.
-
سرگودھا . DSP شفقت ندیم عطا کا رات گۓ تھانہ کڑانہ اور بھاگٹانوالہ کے علاقہ جات کا سرپراٸز وزٹ
سرگودھا ( ادریس نواز چدھڑ سے ) ڈی ایس پی صدر سرکل شفقت ندیم عطا ٕ کا رات گۓ تھانہ کڑانہ اور تھانہ بھاگٹانوالہ کے علاقہ جات کا سرپراٸز وزٹ ۔
ڈی ایس پی شفقت ندیم عطا نے تھانہ کڑانہ اور تھانہ بھاگٹانوالہ کے علاقہ جات کے وزٹ کے دوران ٹھیکری پہرا چیک کیا ۔
اور ٹھیکری پہرے داروں سے ملاقات بھی کی ۔
اور علاقہ کی صورتحال بارے تبادلہ خیال کیا ۔
علاوہ ازیں انھوں نے پٹرول پمپس کا سرپراٸز وزٹ کیا ۔ اور پمپس کی سکیورٹی چیک کی ۔
اس موقع پر ڈی ایس پی شفقت ندیم عطا نے کہا کہ سرگودھا میں ٹھیکری پہرے کو مٶثر بنایا گیا ھے ۔ اور میں خود ٹھیکری پہرے کو چیک بھی کرتا ہوں ۔
صدر سرکل میں امن و امان کی فضا کو قاٸم رکھنا میری اوَلین ترجیح ھے ۔
صدر سرکل سے جراٸم کا خاتمہ میرا مشن ھے ۔ -
مسلم لیگ ن پی پی 76 میں خصوصی میٹنگ ،میاں نواز شریف کے پیغام کو گھر گھر پہنچانے کا عزم کیا گیا
مسلم لیگ ن کے زیر اہتمام چکنمبر 105جنوبی میں چوھدری نوید احمد طور کی رہائش گاہ پر چوھدری آصف چیمہ اور چوھدری ذوالفقار چیمہ کی طرف سے سابق ایم این اے ڈاکٹر ذوالفقار بھٹی اور امیدوار پی پی 76 چوھدری جاوید احمد چیمہ کے اعزاز میں پر وقار ظہرانے کا اھتمام کیا گیا اس موقعہ پر ڈاکٹر ذوالفقار بھٹی اور چوھدری جاوید احمد چیمہ کے علاوہ جنرل سیکرٹری مسلم لیگ ن پی پی 76 طارق وڑائچ ایڈووکیٹ ضلعی سیکرٹری اطلاعات راؤ سعید اکبر اور چوھدری الیاس ججہ خالد آرائیں نے خصوصی خطاب کیا ،
مقررین نے اپنے خطاب میں کہا کہ مسلم لیگ ن کا ھر کارکن میاں محمد نواز شریف کے بیانیہ ووٹ کو عزت دو کے ساتھ کھڑا ھے اور انشاء اللہ میاں محمد نواز شریف کے پیغام کو گھر گھر پہنچایا جائے گا ڈاکٹر ذوالفقار بھٹی نے اپنے خصوصی خطاب میں کہا کہ اس حلقہ کا ھر کارکن میاں محمد نواز شریف کا سپاہی ھے اور انشاء اللہ آئندہ اس حلقہ میں کسی کو ووٹ چوری کرنے کی اجازت نہیں دیں گے اور آئندہ پی پی 76 میں انشاء اللہ مسلم لیگ ن کا امیدوار ھی کامیاب ہو گا انہوں نے کہا پی پی 76 کے امیدوار کا فیصلہ کارکنان کی رائے کو سامنے رکھ کر میرٹ پر کیا جانے گا دیگر شرکاء میں عقیل گجر ایڈووکیٹ ملک انیس ملک بلال شریف ڈوگر اورنگزیب پڈھیار رانا کاشف رانا حامد شاھد وڑائچ تصور نت عادل آرائیں رانا جاوید عبدالوحید مکی علی للہ محسن مغل اشتیاق گھمن امتیاز بھٹی کے علاوہ کثیر تعداد میں کارکنان نے شرکت کی
اس موقع پر طارق وڑائچ ایڈووکیٹ جنرل سیکرٹری مسلم لیگ ن پی پی 76نے اپنے خیالات کا ظہار کرتے ہوئے کہا کہ مسلم لیگ ن 105جنوبی میں ھونے والا پروگرام جہاں منتظمین جناب آصف چیمہ صاحب جناب نوید احمد طور نمبردار صاحب جناب ذوالفقار چیمہ صاحب برخوردار حیدر چیمہ کا اپنے دوستوں اور پارٹی کے ساتھ محبت کا بھرپور محبت کا اظہار تھا وہاں قائدین اور کارکنان کا بھرپور انداز میں شرکت کرنا ھمارے لئے باعث فخر ھے میں منتظمین اور کارکنان کو اس کی کامیابی پر مبارکباد پیش کرتا ہوں اور دعاگو ہوں کہ یہ پروگرام ھم سب کے درمیان محبت کے رشتوں کے اضافے کا سبب بنے آمین
-
عثمان بزداد کی طبیعت اب کیسی ہے؟ عوام کے شکرگزار کیوں ؟
وزیراعلیٰ پنجاب سردار عثمان بزدار گزشتہ روز کی نسبت آج طبیعت بہتر ہے۔عوام کی دعاؤں پر ان کا تہہ دل سے شکریہ ادا کرتا ہوں۔ مکمل احتیاط کر رہا ہوں اور آئسولیشن میں ہوں۔ اہم سرکاری امور گھر رہ کر سرانجام دے رہا ہوں۔
عثمان بزدار نے مزید کہا کہ عوام سے درخواست ہے کہ وہ احتیاط کا دامن ہاتھ سے نہ چھوڑیں۔کورونا کی دوسری لہر خطرناک ہے، احتیاطی تدابیر اختیار کی جائیں۔اپوزیشن جماعتیں اجتماعات سے گریز کریں۔یہ وقت سیاست کا نہیں بلکہ دکھی انسانیت کے دکھ بانٹنے کا ہے۔
عثمان بزدار نے مزید کہا کہ سیاست کیلئے آگے بہت وقت ہے۔اس وقت انسانی زندگیاں بچانے کیلئے مل کر کام کرنے کی ضرورت ہے۔