آئی جی پنجاب فیصل شاہکار نے پنجاب کانسٹیبلری ہیڈ کواٹر شیخوپورہ میں چودھویں اینٹی رائٹ کورس کی اختتامی تقریب میں شرکت کی
باغی ٹی وی – شیخوپورہ ( محمد طلال کی رپورٹ) دو ہفتے دورانیے پر مشتمل اینٹی رائٹ کورس میں پنجاب کانسٹیبلری کے 465 جوانوں نے حصہ لیا کورس میں شریک جوانوں نے ہنگامی صورتحال سے بروقت نمٹنے کے لیے مشقوں کا عملی مظاہرہ کیا جوانوں نے مشقوں کے دوران پیشہ وارانہ مہارتوں کے زریعے مشتعل مظاہرین کو منتشر کرکے اپنی صلاحیتوں کا عملی مظاہرہ کیا ۔ کمانڈنٹ پی سی احسان طفیل نے آئی جی پنجاب کو بریفنگ دیتے ہوئے بتایا کہ 7 ہزار سے زائد پولیس افسران و اہلکار اینٹی رائٹ کورس کی تربیت حاصل کر چکے ہیں پولیس اہلکاروں کی کپیسٹی بلڈنگ کے لیے جدید مہارتوں پر مبنی خصوصی اینیٹی رائٹ کورس تشکیل دیا گیا یے تقریب سے خطاب کرتے ہوئے آئی جی پنجاب پولیس فیصل شاہکار کا کہنا تھا کہ احتجاج ریلیوں یا مشتعل مظاہرین سے بروقت نمٹنے کے لیے اہلکاروں کو تربیت معاونت فراہم کرے گی اور جیانگ سو پولیس چین کے ساتھ ہونے والے اہم او یو کے تحت جدید تربیتی کورسز کروائے جائیں گئے.
Category: شیخوپورہ
پنجاب پولیس کو جیانگ سو پولیس چین کے ساتھ ہونے والے اہم او یو کے تحت جدید تربیتی کورسز کروائیں گے- فیصل شاہکار
شیخوپورہ ۔ پیپسی ڈپو کا شیڈ گرنے سے 2 ملازم زخمی
شیخوپورہ فاروق آباد محلہ ترکھانوالہ نزد مغربی ریلوے پھاٹک پیپسی ڈپو کے شیڈ کی بانس اور کانوں کی کچی چھت گر گئی
باغی ٹی وی (شیخوپورہ سے محمدطلال کی رپورٹ)شیخوپورہ فاروق آباد محلہ ترکھانوالہ نزد مغربی ریلوے پھاٹک پیپسی ڈپو کے شیڈ کی بانس اور کانوں کی کچی چھت گر گئی
پیپسی ڈپو شیڈ کی چھت مٹی ڈالنے کے دوران گری،چھت گرنے سے ملبے تلے آ کر 2 ملازم زخمی ہو گئے،ریسکیو 1122 شیخوپورہ کی امدادی ٹیم نے فوراً موقع پر پہنچ کر زخمیوں کو ملبے تلے نکال کر طبی امداد دیتے ہوئے ہسپتال منتقل کردیا۔ زخمیوں میں 2 افراد کو ہسپتال منتقل کیا جبکہ 1 معمولی زخمی کو موقع پر ہی طبی امداد فراہم کی گئی
زخمیوں میں شعیب ولد غلام یسین عمر 24 سال، محمد رضا ولد مقصود عمر 17 سال اور محمد فیصل ولد مقصود عمر 25 سال شامل ہیں۔
عمران خان کی بہتان تراشی کا مقصد عوام کو فوج سے لڑانا ہے،رانا تنویر
وفاقی وزیر تعلیم رانا تنویر حسین نے کہا ہے کہ عمران خان فوج اور قومی اداروں کیخلاف متنازعہ بیان دے کر الیکشن کمیشن پر دباؤ بڑھانے کی کوشش کر رہے ہیں۔
شیخوپورہ میں میڈیا سے گفتگو کرتے ہوئے انہوں نے کہا کہ قوم سیلاب سے دوچار ہے اور عمران خان مسلح افواج سمیت قومی اداروں کیخلاف سنگین بہتان تراشی کر رہے ہیں۔
رانا تنویر حسین نے مزید کہا کہ اس بہتان تراشی کا مقصد عوام کو فوج سے لڑانا ہے۔ عمران خان کے افواجِ پاکستان کے بارے میں بیان کی شدید مذمت کرتے ہیں۔وفاقی وزیر نے کہا کہ پاک افواج نے پاکستان کی سالمیت اور دفاع کیلئے اپنی جانوں کے نذرانے پیش کیے۔ وفاقی اور صوبائی حکومتوں اور اداروں کے ساتھ مل کر مسلح افواج سیلاب متاثرین کی مدد کر رہی ہیں۔
انہوں نے کہا کہ بہتان تراشی کا مقصد معاشی بحالی کے عمل کو متاثر کرکے پاکستان کو سری لنکا بنانا ہے۔ آئین اور قانون کی طاقت سے اس مذموم سازش کو ناکام بنائیں گے۔ پاکستان کو کسی فردِ واحد کے آمرانہ رویوں کا غلام بنانے کی اجازت نہیں دی جا سکتی۔ ان کا کہنا تھا کہ مسلح افواج سمیت قومی اداروں اور قیادت کے آئینی احترام کو ہرگز متاثر نہیں ہونے دیں گے۔ آرمی چیف کی توسیع کا اختیار وزیر اعظم کے پاس ہے۔
رانا تنویر نے کہا کہ پی ڈی ایم میں شامل جماعتیں عمران خان کی اسلام اور پاکستان دشمنی کیخلاف متحد ہیں۔ بہت جلد مسلم لیگ ن پنجاب میں اپنی حکومت بنائے گی۔
دفاعی اداروں کے خلاف مذموم مہم قابل مذمت ہے، خواجہ آصف
وفاقی وزیر دفاع خواجہ آصف نے کہا ہے کہ ہیلی کاپٹر حادثے پر کچھ لوگوں نے سوشل میڈیا پر مذموم مہم چلائی۔ کچھ لوگ اداروں پر الزامات لگا کر دشمن کے ایجنڈے پر کام کر رہے ہیں۔ شہیدوں کو سیاسی موضوع بنانا اچھی بات نہیں۔
پاکستان آرمی نے ہمیشہ ملک کو بحران سے نکالا،حافظ محمد طاہر اشرفی
سیالکوٹ میں نیوز کانفرنس کرتے ہوئے وفاقی وزیر دفاع کا کہنا تھا کہ لسبیلا میں فوجی ہیلی کاپٹرحادثے کا شکارہوا، ہیلی کاپٹرحادثے میں فوجی افسران شہید ہوئے، فوجی افسران نے سیلاب متاثرین کی امدادی کارروائیوں کے دوران جام شہادت نوش کیا، ہیلی کاپٹرحادثے پرکچھ لوگوں نے سوشل میڈیا پر مذموم مہم چلائی،دفاعی اداروں کے خلاف مذموم مہم قابل مذمت ہے، دشمن ملک کی خواہش ہے پاکستان کا دفاع کمزورہو۔ شہیدوں کو سیاسی موضوع بنانا اچھی بات نہیں، سیاست کبھی اتنی نہیں گری تھی، جتنی آج گری ہے، یہ سیاست نہیں یہ کچھ اورچیز ہے۔
فوجی شہدا کی نماز جنازہ میں عدم شرکت کو متنازع بنایا جا رہا. صدر مملکت عارف علوی
انہوں نے کہا کہ سانحے سے متعلق ایسے الفاظ کا استعمال پستی کی انتہا ہے، رنج وغم کا اپنا ایک تقدس ہوتا ہے،جنہوں نے ٹوئٹس کیے ان کی سرپرستی کی جاتی ہے، گالم گلوچ احسان فراموش لوگوں کا کام ہے، سوشل میڈیا پر ایسے الفاظ استعمال کیے یہ ہماری سیاسی روایات نہیں تھی، بچوں کو وہ تربیت نہ دیں وہ گالم گلوچ کریں، اگراقتداران کے پاس ہو تو سب اچھا ہوتا ہے، اگر ادارے، پولیس، نیب مخالفین کے خلاف استعمال ہو تو سب اچھا ہے۔ پاک سرزمین کی بقا کو اپنے اقتدارکے ساتھ مشروط نہ کریں، ہمیں مسلح افواج کی قربانیوں پر فخرہے، اپنے آپ کوسیاسی زعما سمجھنے والے سیاست میں تہذیب کوفروغ دیں،ایک شخص نے اقتدارچ لے جانے پر اداروں پر الزامات لگائے، سوشل میڈیا مہم کیخلاف،قانون نافذ کرنے والے اداروں نے ایکشن لینا ہے۔
اپنی بات کو جاری رکھتے ہوئے خواجہ آصف نے کہا کہ یہ ایسا کلچرمتعارف کرایا جارہا ہے جو پاکستان کو تباہ کردے گا، وطن کے لیے جان قربان کرنے والے ہمارے محسن ہیں،قومیں اپنے محسنوں کو کبھی نہیں بھولتیں، بلوچستان کی تاریخ میں لیفٹننٹ جنرل سرفرازشہید کا نام سنہرے الفاظ میں یاد رکھا جائے گا،خدارا شہیدوں کی قربانیوں کی تحقیرنہ کریں، سوشل میڈیا پرالزام تراشی، بلاتفریق قانون حرکت میں آنا چاہیے،صدر نے شہدا کی تقریب میں شرکت نہیں کی ان کا ذاتی معاملہ ہے،مجھے نہیں پتا صدرمملکت تقریب میں شرکت کیوں نہیں کی،یہ عارف علوی اور ان کی روایات جانیں،ہم تو سیاسی مخالفین کے جنازوں میں بھی جاتے ہیں،عارف علوی کا پارٹی امیج زیادہ نظرآیا،اداروں سے اختلاف ہوسکتا لیکن ایسا رویہ ناقابل قبول ہیں۔
وزیر دفاع کا کہنا تھا کہ ایک شخص نے رواداری کی سیاست کوختم کیا، یہ سیاست نہیں سیاست کے نام پردھبہ ہیں،پاکستان کواب دشمنوں کی ضرورت نہیں اندرایسے دشمن پیدا ہوچکے ہیں جودانستہ اورغیردانستہ طورپران کا کام کررہے ہیں۔
شرقپور سے ایک سال قبل غائب ہوئی لڑکی تاحال لاپتہ،پولیس ڈھونڈنے میں ناکام،جدید ٹیکنالوجی بھی فیل
تھانہ شرقپور شریف کی حدود سے 15 سالہ لڑکی نایاب گھر سے کام کی غرض سے نکلی لیکن گھر واپس نہ آئی ایک سال گزر جانے کے بعد بھی پولیس نایاب کو ڈھونڈنے میں ناکام ہو گئی-
باغی ٹی وی : تھانہ شرقپور شریف میں مقدمہ درج کر کے ردی کی ٹوکری میں ڈال دیا گیا’ مٹھی گرم ہوتے ہی پولیس نے آنکھیں بند کر لیں جبکہ جدید ٹیکنالوجی بھی فیل ہو گئی والدنےاپیل کی کہ وزیراعلیٰ پنجاب ،آئی جی پنجاب اورآر پی او شیخو پور ہ’میری بیٹی نایاب کو جلد تلاش کر کے ملزمان کے خلاف سخت کارروائی کریں-
یونیورسٹی حملہ، دہشت گرد کونسی "ایپ” سے رابطے میں ہوتے ہیں؟ شرجیل میمن کا انکشاف
شیخوپورہ کے علاقہ تھانہ شرقپور شریف کی حدود سے 15 سالہ لڑکی نایاب گھر سے کام کی غرض سے منیر اور یوسف نامی شخص کے ساتھ اسٹابری اور امرود کے باغ میں گئی اور واپس نہ آئی۔
شیخوپورہ تھانہ شرقپور منڈی ڈامکے 15 سالہ لڑکی نایاب 1 سال قبل اغواء 1 سال گزر جانے کے بعد بھی پولیس نایاب کو بازیاب کرنے میں ناکام انتہائی قابل SHO لطیف گجر کا تجربہ بھی کسی کام نا آیا@IGP_Punjab @OfficialDPRPP @SKPPolice15 @RSheikhupura @PunjabPoliceCPO @Taahaa_ pic.twitter.com/DTlOKI5ZJ3
— Faaiz Chughtai (@FaaizChughtai) July 6, 2022
شرقپور شریف کے علاقہ ڈھامکے کے رہائشی خدا بخش نے ایک سال قبل تھانہ شرقپور میں مقدمہ درج کروایا جس میں خدا بخش نے بتایا کہ میں اور میرے بیوی بچے سٹابری اور امرود کے باغ میں کام کرتے تھے۔ اکثر اوقات میری 15 سالہ بیٹی نایاب منیر اور یوسف کے ہمراہ باغ میں کام کے لیے جاتے تھے۔والد نے کہا کہ ایک دن منیر اور یوسف کے ہمراہ میری بیٹی نایاب باغ میں کام کے لیے گئی جو کہ اہل محلہ نے بھی ان کو ایک ساتھ جاتے دیکھا۔ کافی وقت گزرنے پر جب سائل نے منیر اور یوسف سے اپنی بیٹی بارے دریافت کیا تو منیر اور یوسف نے انکار کرتے ہوئے کہا کہ وہ نایاب کے بارے میں کچھ نہیں جانتے۔
والد کی جانب سے بار بار پوچھنے پر منیر اور یوسف نے گمشدہ لڑکی نایاب کے والد کو دھمکانا شروع کر دیا سائل نے 1 سال قبل تھانہ شرقپور شریف میں مقدمہ درج کروایا لیکن پولیس نے ایف آئی ار درج کر کے ردی کی ٹوکری میں ڈال دی۔
پولیس کی جانب سے تاحال کسی قسم کی کوئی کارروائی عمل میں نہیں لائی جا سکی۔ نایاب کے والد نے وزیر اعلیٰ پنجاب ، آئی جی پنجاب اور آر پی او شیخوپورہ سے اپیل کی ہے کہ انکی بیٹی نایاب کو جلد تلاش کیا جائے اور ملزمان کے خلاف سخت سے سخت کارروائی عمل میں لائی جائے۔
اٹلی میں گلیشیئر گرنے سے سات افراد ہلاک ،متعدد زخمی
8 ویں جماعت کی طالبہ سے اجتماعی زیادتی،3 ملزمان گرفتار
لاہور: شیخو پورہ میں 8 ویں جماعت کی طالبہ سے اجتماعی زیادتی کا واقعہ سامنے آیا-
باغی ٹی وی : تفصیلات کے مطابق شیخوپورہ کے علاقے محلہ غریب آباد میں 8 ویں جماعت کی طالبہ سے 2 نوجوانوں نے اجتماعی زیادتی کی اور فرار ہوگئے ڈی پی او شیخ فیصل مختار کے مطابق متاثرہ بچی کے والد مجاہد علی کی مدعیت میں 3 نوجوانوں کے خلاف مقدمہ درج کرکے ملزمان کو بھی گرفتار کرلیا گیا ہے۔
موبائل پر دوستی مہنگی پڑی، بس ہوسٹس کے ساتھ ملزم نے کیا گھناؤنا کام
متاثرہ بچی کے والد کی مدعیت میں مقدمہ درج کیا گیا مقدمے کے متن کے مطابق طالبہ گوجرانوالہ روڈ کی آبادی کوٹ رنجیت کی رہائشی ہے، بچی گھر میں ہی موجود تھی، ایک ملزم گھر کے باہر آیا اور بچی کو سہیلی سے ملوانے کے بہانے گھر سے اغوا کر کے موٹر سائیکل پر آبادی غریب آباد میں لے آیا، جہاں 2 ملزمان نے اسے اجتماعی زیادتی کا نشانہ بنایا اور ان کا ایک ساتھی پہرہ دیتا رہا۔
ڈی پی او نے بتایا کہ پولیس نے مقدمہ درج ہونے کے فوری بعد کاروائی کرتے ہوئے 24 گھنٹوں میں تینوں ملزمان کو گرفتار کر لیا، گرفتار ملزمان میں شعیب ،اکبر اور محسن شامل ہیں-
قذافی سٹیڈیم کے سیکورٹی گارڈز کی ڈیوٹی پر تعینات لیڈی اہلکار سے زیادتی کی کوشش
پولیس کے مطابق ملزمان کے قبضے سے طالبہ کو گھر سے باہر بلانے کے لیے استعمال ہونے والے موبائل فون کا ڈیٹا بھی حاصل کر لیا گیا ہے، جبکہ بچی کو میڈیکل کے لئے اسپتال منتقل کردیا گیا ہے، رپورٹ آنے کے بعد ملزمان کے خلاف باضابطہ کاررروائی شروع کی جائے گی اور ٹھوس شواہد کے ساتھ چالان جمع کروا کر ملزمان کو قرار واقعی سزا دالوائی جائے گی۔
واضح رہے کہ لاہور سمیت پنجاب بھرمیں گزشتہ سال 3ہزار 85 خواتین سے زیادتی کے واقعات ہوئے لاہور سمیت پنجاب بھرمیں گزشتہ سال 146 بچوں سے زیادتی کے واقعات سامنے آئے لاہور سمیت پنجاب بھرمیں روزانہ 8 سے زائد خواتین کو زیادتی کا نشانہ بنایا گیا،اہور سمیت پنجاب بھرمیں 180 خواتین اجتماعی زیادتی کا نشانہ بنیں،پنجاب میں زیادتی کے بعد قتل کیے جانے کے 8 واقعات سامنے آئے، پنجاب میں 10 پولیس اہلکار زیادتی کے واقعات میں ملوث پائے گئے پنجاب میں گزشتہ سال ایک ہزار 289 بچوں کے اغوا کے واقعات رپورٹ ہوئے
گھرمیں رنگ روغن کا کام کرنے آئے شخص کی بچے کے ساتھ بدفعلی کی کوشش
پنجاب میں 4 ہزار 130 افراد گرفتار اور 298 ملزمان ضمانت پر ہیں پنجاب میں54 فیصد ملزمان کو سزائیں ملیں، 46 فیصد کو رہائی اور23 فیصد کو اشتہاری قرار دیا گیاہے، محکمہ پولیس کا کہنا ہے کہ پنجاب بھرمیں زیادتی کے بڑھتے واقعات کی وجہ سوشل میڈیا کا غلط استعمال ہے، چیئرمین جسٹس اینڈ لا کمیٹی کا کہنا ہے کہ زیادتی کے واقعات کی روک تھام کےلیے آئی جیز سے تجاویز مانگی ہیں،قانون تو موجود ہے لیکن عمل نہیں ہورہا،
قانونی ماہرین کے مطابق خواتین پر تشدد ختم کروانے کے لئے اگر موجودہ قوانین پر سختی سے عمل کروایا جائے تو واقعات میں کمی آ سکتی ہے-
سوتیلے باپ نے تین سالہ بچے کو چارپائی پر پیشاب کرنے پر قتل کردیا
شرقپورمیں 7سالہ بچی کو اغوا کے بعد قتل کرنے والا سفاک قاتل گرفتار
شیخوپورہ: شرقپور میں سات سالہ معصوم بچی کو اغوا کے بعد قتل کرکے لاش کو درخت میں لٹکانے والا سفاک قاتل گرفتار کرلیا گیا۔
باغی ٹی وی : تفصیلات کے مطابق گزشتہ روز شیخوپورہ کی تحصیل شرقپور میں سات سالہ معصوم بچی کو اغوا کے بعد قتل کرنے والے سفاک قاتل کو پولیس نے گرفتار کرلیا آر پی او مرزا فاران بیگ کے مطابق قاتل بچی کا قریبی رشتہ دار اور ہمسایہ بھی ہے۔
صحافی حسنین شاہ کوکیوں اورکس نےکس کےذریعے قتل کروایا؟CCPOلاہورنےسب کرداروں کو بے نقاب کردیا
آر پی او کے مطابق شاطر قاتل اپنا جرم چھپانے کی وجہ سے مقدمہ کا گواہ بن کر بچی کی تلاش بھی کرتا رہا، لیکن پولیس نے اندھے قتل کے سراغ کے لیے جیو فینسنگ اور فرانزک ٹیموں کے ساتھ ہر طریقہ کار اپنایا، اور 24 گھنٹے کے اندر اندھے قتل کو ٹریس کر کے ملزم کو گرفتار کرلیا گیا۔
انہوں نے بتایا کہ ابتدائی تفتیش میں ملزم نے اعتراف جرم کرلیا ہے اور بیان دیا ہے کہ اس نے زیادتی کی ناکام کوشش پر بچی کو اسی کے دوپٹہ سے گلا گھونٹ کر قتل کیا۔
آر پی او کا کہنا ہے کہ سفاک قاتل کو قانون کے مطابق کڑی سے کڑی سزا دلوائیں گے۔
سات سالہ بچی کو اغوا کے بعد قتل کرکے لاش درختوں میں لٹکا دی
واضح رہے کہ گزشتہ روز ہی شکر گڑھ میں گھر سے چیز لینے کیلئے جانے والے کمسن بچے کو اغواء کے بعد قتل کردیا گیا تھا پولیس کا کہنا تھا کہ شکرگڑھ میں 9 سالہ عمیرنوید گھر سے باہر نکلا جسے کسی نے اغواء کرلیا، دو گھنٹے کی تلاش کے بعد قریبی کھیتوں سے لاش ملی تھی بچے کے والد نوید کی مدعیت میں اغواء اور قتل کی دفعات کے تحت نامعلوم افراد کے خلاف مقدمہ درج کرلیا گیا والدین پر قیامت ٹوٹ پڑی والد نوید نے اپنے بیان میں کہا کہ میرا اکلوتا بیٹا تھا ناحق قتل کیا گیا پولیس انصاف دلائیں-
دوسری جانب آئی جی پنجاب راؤ سردار علی خان نے شکر گڑھ میں مبینہ طور پر اغواء کے بعد 9 سالہ بچے کے قتل کے واقعہ کا نوٹس لیتے ہوئے آر پی او گوجرانوالہ سے رپورٹ طلب کر لی تھی-
گھرسے چیز لینے کیلئے جانے والے کمسن بچے کی لاش کھیتوں سے برآمد
شیخوپورہ میں پیش آیا دردناک سانحہ
شیخوپورہ ( نمائندہ باغی ٹی وی) کار سوار فیملی پر فائرنگ سے چار افراد ہلاک
تفصیلات کے مطابق تھانہ فیروزوالا کے نواحی گاوں مرل پار میں ایک ہی خاندان کے 4 افراد قتل کر دیے گئے ہیں قتل ھونے والوں میں میاں بیوی اور 2 بچیاں شامل ہیںقتل ھونے والی کار سوار فیملی لاھور باٹا پور کی رہائشی ھے جن کی شناخت زینب بی بی اور شاہ نواز کے نام سے ہوئی ہے پولیس
پولیس کے مطابق واقعہ دیرینہ دشمنی کا شاخسانہ لگتا ھے
سانحے کے بعد پولیس اور فرانزک سائنس لیبارٹری کی ٹیم جائے وقوعہ پر پہنچ کر شواہد اکٹھے کرنے میں مصروف ہے جبکہ ڈی پی او احسن سیف اللہ بھی موقع پر موجود ہیں اور ملزمان کی تلاش جاری ہے
دوسری طرف وزیراعلیٰ پنجاب سردار عثمان بزدار نے
فیروز والا کے نواحی علاقے میں ایک ہی خاندان کے 4افراد کے قتل کے واقعہ کانوٹس لے لیا ہے اور آرپی او شیخوپورہ سے رپورٹ طلب کر لی ہے
قتل کے واقعہ میں ملوث ملزمان کی جلد گرفتاری کاحکم بھی دیا ہے
وزیراعلی کا کہنا تھا کہ ملزمان کو قانو ن کی گرفت میں لاکر مزید کارروائی عمل میں لائی جائے
وزیراعلی نے متعلقہ اداروں کو ہدایت کی ہے مقتولین کے لواحقین کو انصا ف کی فراہمی یقینی بنائی جائے
شیخوپورہ: اسکول وین ٹرین کی زد میں آگئی،ایک بچہ جاں بحق متعدد زخمی
پنجاب کے ضلع شیخوپورہ میں سریانوالا کے قریب اسکول وین ٹرین کی زد میں آگئی ہے۔
باغی ٹی وی : حادثے میں ایک طالبہ جاں بحق اور5 بچے زخمی ہوگئے ہیں ریسکیوذرائع کے مطابق زخمی بچوں کو اسپتال منتقل کر دیا گیا ہے حادثے کے بعد اہل علاقہ اور راہگیروں نے بھی امدادی کارروائیوں میں حصہ لیا۔
متعدد بچوں کو جائے حادثہ پر ہی طبی امداد دی گئی زخمی بچوں کے والدین سے رابطہ کرنے کی کوشش کی جا رہی ہے۔
دوسری جانب وفاقی دارالحکومت اسلام آباد میں ہونے والے ایک ٹریفک حادثے کے باعث تین افراد جاں بحق ہو گئے ہیں جب کہ ایک شخص زخمی ہوا ہے ٹریفک حادثہ شکرپڑیاں کے قریب اسلام آباد ایکسپریس وے پر پیش آیا ہے جہاں تین گاڑیاں یکے بعد دیگرے ٹکرائی ہیں۔
ذرائع کے مطابق ٹریفک حادثے کی اطلاع ملتے ہی علاقہ پولیس اور ریسکیو اہلکار جائے وقوع پر پہنچ گئے تھے جنہوں نے زخمیوں کو فوری طور پر پمز اسپتال منتقل کیا جہاں دوران علاج زخموں کی تاب نہ لاتے ہوئے تین نوجوانوں نے دم توڑ دیا۔
اسپتال کے ذمہ دار ذرائع کا کہنا ہے کہ چوتھے زخمی شخص کو ڈاکٹروں کی ٹیم طبی امداد فراہم کر رہی ہے۔
پولیس کے ذمہ دار ذرائع کا کہنا ہے کہ ابتدائی اطلاع کے مطابق ایک تیز رفتار کار پہلے الٹ گئی تھی جس سے دو دیگر گاڑیاں ٹکرائیں ٹریفک حادثے کے باعث اسلام آباد ایکسپریس وے پر ٹریفک جام ہو گیا اور گاڑیوں کی لمبی قطاریں لگ گئیں-
ڈی پی او کی زیر نگرانی شیخوپورہ پولیس کی دبنگ کاروائیاں جاری
شیخوپورہ ( نمائندہ باغی ٹی وی) ڈی پی او شیخوپورہ جناب احسن سیف اللہ کی ہدایت کے مطابق زیر نگرانی عمران عباسDSPفیروزوالہ جرائم پیشہ افراد کے خلاف کارروائیاں جاری ہیں اس سلسلہ میں جرائم میں ملوث افراد کے خلاف سپیشل سرچ آپریشن علاقہ تھانہ فیکٹری ایریا میں کیا گیا ہے دوران سرچ آپریشن 675 مکانات کی چیکنگ کی گئی اور بزریعہ سپیشل ناکہ بندی 850 موٹر سائیکلوں کو چیک کیا گیا دوران سرچ آپریشن متعدد جرائم پیشہ افراد کو گرفتار کرکے ان کے قبضہ سے 3610 گرام چرس ، 25 لیٹر شراب ، 01 کلاشنکوف، 02 رائفل 223 بور، 02 بندوق 12 بور، 10 پسٹل 30 بور برآمد کرکے ملزمان کے خلاف مطابق قانون کاروائی عمل میں لاءی گئی ۔ دوران سپشل 09 مجرمان اشتہاری اور ایک کس سابقہ ریکارڈ یافتہ کو بھی گرفتاد کیا گیا۔ 02 کس افراد کے خلاف کرایہ داری ایکٹ کے تحت کاروائی کی گئی ۔
اس سپیشل سرچ آپریشن میں SHOتھانہ فیکڑی ایریا خرم ڈوگرسب انسپکٹر اور سرکل کی نفری کے علاوہ ایلیٹ فورس کو بھی شامل کیا گیا۔
اس موقع پر DPO شیخوپورہ کا کہنا ہے کہ جرائم پیشہ افراد کے خلاف کاروائیاں اسی طرح جاری رہیں گی اور شیخوپورہ کو امن کا گہوارہ بنایا جائےگا۔یا تو جرائم پیشہ افراد کو اپنی مجرمانہ سرگرمیاں ترک کرنا پڑیں گی یا ان کو بندسلاسل ہونا پڑےگا۔
