Category: شیخوپورہ

شیخوپورہ (نمائندہ باغی ٹی وی) تھانہ فیکٹری ایریا پو لیس کی بڑی کارروائی ،پتنگیں اور ڈور بنانے والی فیکٹر ی پکڑ لی.

پکڑی جانے والی فیکٹری سے بڑی مقدار میں کیمیکل ڈور کی چرخیاں اور پتنگیں برامد
ڈی پی او کے مطابق پولیس نے فیکٹری میں کام کرنے والے 7ملزمان کو گرفتار کر لیا جبکہ مالک فرار ہونے میں کامیاب ہو گیا ہے ملزمان خفیہ بنائی گئی فیکٹری میں کیمیکل ڈور بنانے کے بعد پورے پنجاب میں سپلائی کرتے تھے،

شیخوپورہ (نمائندہ باغی ٹی وی سے) ضلع شیخوپورہ کے اراضی ریکارڈ سنٹروں کے عملے نے اپنے مطالبات کے حق میں قلم چھوڑ ہڑتال کی جس کے باعث سینکڑوں سائلوں کو ان سنٹروں سے کام کروائے بغیر جانا پڑا اراضی ریکارڈ سنٹروں کے عملے نے مطالبہ کیا ہے کہ 8 برس سے کام کرنے والے ملازمین کو ریگولر کیا جائے اور ان کا سروس سٹکچر بنایا جائے اور سینکڑوں ملازمین کے واجبات بھی ادا کیئے جائیں

شیخوپورہ (نمائندہ باغی ٹی وی سے) محکمہ لیبر ویلفیئر کے افسروں کی ملی بھگت سے اینٹوں کی تیاری کا معاوضہ 1295 روپے فی ہزار اینٹ کی بجائے سرگودھا روڈ سمیت کئی علاقوں کے بھٹہ مالکان کی طرف سے 700 روپے فی ہزار اینٹ دینے کے خلاف خواتین سمیت سینکڑوں بھٹہ مزدور سراپا احتجاج بن گئے جنہوں نے ضلع کچہری اور ڈی سی آفس میں داخل ہونے والے مین گیٹ کو بند کرکے گیٹ کے باہر احتجاجی دھرنا دیا جس کے باعث درجنوں سائل سرکاری ملازمین اور کئی آفیسر ضلع کچہری میں گاڑیوں سمیت داخل نہ ہوسکے مظاہرین نے محکمہ لیبر سوشل ویلفیئر ای او بی آئی کے افسروں کے خلاف سخت نعرہ بازی کرتے ہوئے چیئرمین نیب سے مطالبہ کیا کہ اس ضلع میں کئی کئی برس سے ان محکموں میں تعینات افسروں کے اثاثوں کی تحقیقات کروائی جائے مظاہرین میں شامل بھٹہ مزدور عورتوں نے بھی سخت نعرہ بازی کی مظاہرے کے باعث سول لائنز روڈ پر بھی ٹریفک کا نظام درہم برہم ہوگیا مظاہرین کی قیادت مزدور رہنماء شبیر حسین کر رہے تھے جنہوں نے بتایا کہ حکومت کی طرف سے مقرر کردہ اجرت کے شیڈول پر عملدرآمد ہونے تک ہمارا احتجاج جاری رہے گا دریں اثناء محکمہ لیبر ویلفیئر سوشل سکیورٹی اور ای او بی آئی کے حکام نے ملی بھگت اور ناجائز املاک وغیرہ بنانے کے الزام کی تصدیق نہ کی ہے

شیخوپورہ (نمائندہ باغی ٹی وی سے) اندرون شہر عزیز بھٹی روڈ پر تحریک انصاف کے رہنماء اور چیئرمین مرکزی انجمن تاجران ملک محمد اسلم بلوچ کی طرف سے رشوت کی دوسری قسط نہ پہنچائے جانے پر بلدیہ شیخوپورہ کے عملے نے ان کے پٹرول پمپ کی فلیکسیں زبردستی اتار دیں اس دوران تاجروں اور بلدیہ کے عملے کے درمیان جھگڑا ہو پڑا سینکڑوں تاجروں نے بلدیہ شیخوپورہ میں پہلے سے کہیں زیادہ کرپشن کا الزام عائد کرتے ہوئے احتجاجی جلوس نکالا اور سخت نعرہ بازی کی دوسری طرف بلدیہ شیخوپورہ کے درجنوں ملازمین نے بورڈ ٹیکس کے عملے کو ہراساں کرنے اور زدوکوب کرنے کے خلاف قلم چھوڑ ہڑتال کرکے بلدیہ شیخوپورہ کے احاطہ میں احتجاجی دھرنا دیا جہاں پر درجنوں تاجر بھی نعرے بازی کرتے ہوئے پہنچ گئے تاہم تحریک انصاف کے رہنماؤں اور سابق کونسلرز بلدیہ شیخوپورہ حاجی غلام نبی اور حافظ مدثر مصطفیٰ خان سمیت متعدد معززین نے بلدیہ کے عملے اور تاجروں کے درمیان تصادم نہ ہونے دیا الحاج ملک محمد اسلم بلوچ نے متعدد تاجر رہنماؤں کے ہمراہ میڈیا کے نمائندوں سے گفتگو کرتے ہوئے کہا کہ انہوں نے اپنے پٹرول پمپ کی انعامی سکیم کے لیے عزیز بھٹی روڈ کے کھمبوں پر سٹیمرز اور فلیکسیں لگوانے کے لیے بلدیہ شیخوپورہ کے عملے سے رابطہ کیا تو کلرک راحت رسول نے بتایا کہ بورڈ ٹیکس کا ٹھیکہ نہ ہوا ہے آپ ایک لاکھ روپے دے دیں اور سٹیمر لگوا لیں جس پر اس کے ساتھ 50 ہزار روپے رشوت میں سٹیمر لگانے کا سودا طے ہوگیا جس پر اسے 25 ہزار روپے ایڈوانس دیئے گئے جبکہ 25 ہزار روپے ابھی دینے تھے کہ سٹیمر لگانے والے میرے ملازمین کو سرعام برا بھلا کہہ کر روک دیا گیا انہوں نے کہا کہ بلدیہ کے کلرک راحت رسول اور اس کے ساتھیوں کے خلاف رشوت لینے کے مقدمہ کے اندراج کی درخواست محکمہ اینٹی کرپشن کو دے دی گئی ہے ادھر بلدیہ شیخوپورہ کی لیبر یونین کے عہدیداروں قاسم حنیف راحت رسول اور دیگر نے بتایا ہے کہ بورڈ ٹیکس کے عملے کو شدید زدوکوب کیا گیا جس کے خلاف ہم نے ہڑتال کی ہے عزیز بھٹی روڈ پر سٹیمر لگانے کی اجازت کسی کو نہ ہے