Category: شیخوپورہ

شیخوپورہ (نمائندہ باغی ٹی وی) جامع مسجد اقصی نزد جنڈیالہ پھاٹک میں متحدہ امن کونسل کی تقریب حلف برداری کا انعقاد ہوا جس میں ڈپٹی کمشنر شیخوپورہ سید طارق محمود بخاری وصوبائی وزیر برائے قدرتی آفات میاں خالد محمود نے شرکت کی

شیخوپورہ -قاری عزیزالرحمن کو متحدہ امن کونسل کا صدر بننے پر مبارک باد دی
اس موقع پر صدر متحدہ امن کونسل مولانا عزیز الرحمن عزیز کا کہنا تھا کہ ضلع بھر میں امن وامان برقراررکھنے کے لیے ضلعی انتظامیہ اور قانون نافذ کرنے والے اداروں کے ساتھ کندھے سے کندھا ملا کر کھڑے رہیں گے

ڈپتی کمشنر کا اس موقع پر کہنا تھا کہ ضلع بھر میں امن وامان کا قیام ضلعی حکومت کی اولین ترجیح ہے اور اس کے لیے متحدہ امن کونسل کا بڑا اہم رول ہے

اس موقع پر ڈی پی شیخوپورہ غازی صلاح الدین اور اسسٹنٹ کمشنر شیخوپورہ شبیر حسین بٹ،سید بابر حسین شاہ سمیت دیگر متحدہ امن کونسل کے ممبران نے بھی شرکت کی۔

شیخوپورہ (نمائندہ باغی ٹی وی) تفصیل کے مطابق گاوں کانیاوالہ ڈاکخانہ سلیم کوٹ تحصیل و ضلع شیخوپورہ جس کا فیڈر رحمت کالونی سب ڈویژن عطا آباد اور ڈویژن سٹی شیخوپورہ ہے کا ٹرانسفارمر مورخہ یکم ستمبر 2019 دوپہر 3 بجے سے بند ہے اس وقت جبکہ بجلی کی بندش کو 21 گھنٹے گزر چکے ہیں تو واپڈا ملازمین نے ٹرانسفارمر کا معائنہ کرنے کے بعد بتایا کہ یہ جل گیا ہے اور اسے درست کرنے میں مزید 24 گھنٹے یا اس سے بھی زیادہ وقت لگ سکتا ہے
اہل دیہہ کا کہنا ہے کہ 21 گھنٹے بجلی کی بندش کی اذیت برداشت کرنے کے بعد کیا مزید 24 گھنٹے گرمی کا عذاب جھیلیں گے؟
کیا واپڈا کے متعلقہ دفتر کے پاس ایسی کوئی سہولت نہیں ہے کہ گاوں والوں کو متبادل ٹرانسفارمر مہیا کیا جا سکے؟
ایک صارف کا کہنا تھا مجھے اس بار بجلی کا بل مبلغ دس ہزار روپے آیا ہے کیا میں یہ سمجھوں کہ 30 ہزار کمانے والا ایک فرد 10 ہزار بجلی کا بل گرمی کا عذاب جھیلنے کے لیے بھرتا ہے؟
اسی طرح ایک صارف کا کہنا تھا کہ بجلی کے بھاری بل تو دئے جاتے ہیں کہ صارفین کی شکایات کا سنجیدگی سے نوٹس نہیں لیا جاتا شاید یہی وجہ ہے کہ پاکستان میں ترقی کی رفتار کم ہے
ایک اور صارف کا کہنا تھا کہ بجلی کے بلوں پر شکایات کے اندراج کے لیے دو رابطہ نمبر فراہم کئے گئے ہیں
ان میں ایک نمبر بند رہتا ہے جبکہ دوسرے پر بار بار کال کرنے پر بھی فون کال اٹینڈ نہیں ہوتی اور فون کال اگر سن لی جائے اور شکایت درج کر لی جائے تو دوبارہ رابطہ کرنے پر مذکورہ نمبر بند ملتا ہے جبکہ دوسرا نمبر آن، اب جو فون نمبر چل رہا ہے اس پر کال کرنے سے جواب ملتا ہے کہ میرے پاس تو ایسی کوئی شکایت درج ہی نہیں ہے
اس سے ثابت ہوتا ہے کہ متلعقہ دفتر کا آپسی رابطہ کمزور ہے لیکن اس کا نتیجہ عوام کو خواری، اور گرمی کے عذاب کی صورت میں بھگتنا پڑتا ہے
کیا متعلقہ دفتر عوام کی ان ان تکالیف کا احساس کرے گا؟ یا عوام کو حشرات الارض سمجھ کر ان کے رحم و کرم پر چھوڑا جاتا رہے گا
حد تو یہ ہے کہ بجلی بندش کے ٹھیک 24 گھنٹے بعد محکمہ والے ٹرانسفارمر اتارنے آئے ہیں اور ابھی اسے مرمت کے لیے بھیجا جائے گا، مرمت پر جو وقت لگے گا وہ الگ ہے
آخر اس قدر مستعدی کہاں سے سیکھی ہے محکمہ والوں نے

ڈسٹرکٹ پولیس آفیسرشیخوپورہ غازی محمد صلاح الدین نے خانقاہ ڈوگراں میں کھلی کچہری کا انقعاد کیا ۔ جہا ں پر ڈی پی او شیخوپورہ کی آمد پر اہل علاقہ نے خوشی میں گھوڑوں کے رقص اور پھولوں کے گلدستے اور پھولوں کی پتوں کے ساتھ ان کا پرتپاک استقبال کیا اور ان کو خانقاہ ڈوگراں آنے پر خوش آمدید کہا۔

ڈی پی او شیخوپورہ نے کھلی کچہری میں عوام سے مخاطب ہو کر کہا کہ کھلی کچہری کا مقصد عوام و الناس کے مسائل کو سننا اور ان کا مناسب حل اور بر وقت کاروائی کرتے ہوئے جلد از جلد انصاف کے تقاضوں کو پورا کرنا ہیں تاکہ عوام والناس کو انصاف ان کی دہلیز پر پہنچایا جاسکے۔کھلی کچہری میں عوام الناس کے بیٹھنے اور پینے کے پانی کا خصوصی انتظام کیا گیا۔کھلی کچہری میں اہل علاقہ نے اپنے مسائل کے حل کے لیے ڈی پی او شیخوپورہ کو درخواستیں پیش کی۔ جن کو سننے کے بعد ان کے حل کے لیے فوری طورپر متعلقہ افسران کو احکامات جاری کیے۔ اور ان میں سے05درخواستوں کو موقع پر حل کر دیا گیا۔کھلی کچہری میں متحدہ امن کونسل اور منتخب نمائندے تاجر وکلاء اور معززین شہر خانقاہ ڈوگراں کی بڑی تعداد نے شرکت کی۔

ڈی پی او شیخوپورہ نے سرکل افسران صفدر آباد ، ایس ایچ او خانقاہ ڈوگراں اور تفتیشی افسران کو ہدایات جاری کی۔کہ عوام والناس کو اس بات کی یقین دہانی کروائی جائے کہ پولیس ہمیشہ آپ لوگوں کی جان و مال کی حفاظت کے لیے دن رات اپنی خدمات سرانجام د ے رہی ہے تھانہ جات میں ہر عام خاص کے لیے قانون یکساں ہے۔ اور عوام و الناس کے لیے پولیس افسران کے دروازے ہمیشہ کھولے ہیں۔ اس موقع پر ڈی پی او شیخوپورہ نے میڈیا سے گفتگو کہا کہ عوامی شکایات کے فوری ازالے کے لیے اپنے تمام تر وسائل اوراختیارات کو برؤئے کار لایا جائے گا اور اس میں کسی قسم کی کوئی کوتاہی اور لاپرواہی ہرگز برداشت نہیں کی جائے گی۔ تھانہ میں آ ئے ہوئے ہرسا ئل کی دادرسی کرنا اور انصاف کی فراہمی کو یقینی بنانا ہمارافرض ہے۔ اس کے بعد ڈی پی او شیخوپورہ نے وزیر اعلی پنجاب کے ویژن کے مطابق ضلع بھر میں شجر کاری مہم کو آگے لیکر چلتے ہوٸے تھانہ خانقاہ ڈوگراں میں پودے لگائے تاکہ ضلع بھر کو کلین اینڈ گرین بنانے میں اہم کردارادا کیا جاسکے اور اس کو قدرتی آفات اور ماحولیاتی آلودگی سے بھی پاک کیا جاسکے۔

شیخوپورہ ( نمائندہ باغی ٹی وی سے ) ڈپٹی کمشنر شیخوپورہ سید طارق محمود بخاری کی زیر صدارت محرم الحرام کی انتظامات و سیکورٹی کے حوالے سے ڈی سی آفس کے کمیٹی روم میں ایک اھم اجلاس کا انعقاد کیاگیا۔

اجلاس میں ممبر قومی اسمبلی ریٹائرڈ برگیڈیئر راحت امان اللہ صوبائی وزیر برائے قدرتی آفات میاں خالد محمود، ایم پی اے عمر آفتاب ڈھلو، ایم پی اے خرم اعجاز چھٹہ،ایم پی اے شیر اکبرخان سمیت انتظامی افسران ایڈیشنل ڈپٹی کمشنر ریونیو رانا شکیل اسلم،ایڈیشنل ڈپٹی کمشنر(جنرل)واصف علی کھوکھر وتمام تحصیلوں کے اسسٹنٹ کمشنرز سمیت محکمہ واپڈا اور دیگر متعلقہ اداروں کے سربراہان نے شرکت کی۔

اجلاس میں محرم الحرام میں جلوس اور مجالس میں مذہبی ہم آہنگی اور امن و امان کی صورتحال کو برقرار رکھنے کے لیے ہدایات جاری کی گئی۔
اس موقع پرڈپٹی کمشنر نے کہاکہ میں جلوس کے روٹس کو خود مانیٹر کروں گا شیخوپورہ میں جلوس کے دواہم روٹس شیخوپورہ سٹی اور امامیہ کالونی فیروز والا میں ہیں۔ ہم نے کوشش کی ہے کہ سیکیورٹی و دیگر انتظامات کی صورتحال کو پہلے سے بھی بہتر کریں۔انہوں نے اس موقع پر مزید کہاکہ امام بارگاہوں اور جلوسوں کی سیکیورٹی پر کوئی سمجھوتہ نہیں ہو گا۔جلوسوں کے شرکاُ کو سیف اور سیکیور ماحول ملے گا تاکہ تمام مذہبی رسومات احسن طریقے سے انجام پاسکیی۔ انہوں نے متعلقہ محکموں کے سربراہان کو ہدایت جاری کرتے ہوئے کہا کہ ہمارا کام آپ کو سپورٹ کرنا ہے۔کسی محکمے یا عملے کی طرف سے کوئی کوتاہی برداشت نہی کی جائے گی۔انہوں نے کہا کہ لیسکو کا محرم الحرام میں بڑا اہم رول ہے۔لیسکو بروقت لٹکتی ہوئی تاروں کو ٹھیک کرے اور ان ایام میں بجلی کے تسلسل کو برقرار رکھے۔

اس موقع پر صوبائی وزیر برائے قدرتی آفات میاں خالد محمود نے کہا کہ پاکستان میں امن کی ضروت ہے اور اس کے لیے تمام مکاتب فکر اکٹھے ہیں کچھ علمائے کرام دوسرے اضلاع سے آتے ہیں اور آگ لگا کر چلے جاتے ایسے علما کی زبان بندی و ضلع بندی ہونی چاہیے۔ ریٹائیرڈ برگیڈیئر راحت امان اللہ نے اجلاس سے خطاب کرتے ہوئے کہا کہ میں تمام لوگوں سے درخواست کرتا ہوں کہ محرم الحرام میں مجالس کے دوران کشمیر ایشو کو بھی ضرور High light کریں۔محرم الحرام صبر کا درس دیتا ہے اور ہمیں صبر کا دامن کبھی نہیں چھوڑنا چاہیے