Category: شیخوپورہ

شیخوپورہ: پولیس نے الیکشن مہم کے دوران اسلحے کی نمائش پر 770 افراد کے خلاف مقدمات درج کرلیے۔

باغی ٹی وی: آر پی او بابر سرفراز کے مطابق الیکشن سے قبل ضلع بھر میں گرینڈ آپریشن کرتے ہوئے انتخابی امیدواروں اور ان کے حا میوں سے بھاری تعداد میں اسلحہ برآمد کرلیا،ملزمان کے قبضے سے 226 کلاشنکوف سمت 830 مختلف بور کے ہتھیار برآمد ہوئے،770 افراد کے خلاف مختلف دفعات کے تحت مقدمات درج کرلئے ہیں،ا سلحے کی نمائش پر سخت پابندی ہےالیکشن کو پرامن بنانا پولیس کی ذمہ داری ہے جو ہم پوری کریں گے، کسی کو ہلڑ بازی کی اجازت نہیں دیں گے۔

ن لیگ اور پی پی نے عوام کو غربت، مہنگائی اور کرپشن کا تحفہ …

دوسری جانب چار فروری کو کرک کے علاقے امبیری کلہ میں جلسہ کے دوران سیاسی جماعت کے شرپسند پولیس سے متصادم ہوگئےسیاسی جماعت نے انتظامیہ سے جلسے کی اجازت نہیں لی تھی، جب پولیس نے منع کیا تو مخصوص سیاسی جماعت کے شرپسندوں نے پولیس پر دھاوا بول دیا شرپسندوں نے پولیس گاڑیاں تباہ کردیں، شرپسندوں کے پتھراؤ سے متعدد پولیس اہلکار زخمی ہوگئےاس تصادم کے بعد علاقے میں حالات تشویش ناک ہیں، علاقے سے پولیس کی مزید نفری طلب کرلی گئی ہے۔

پیپلز پارٹی غریبوں کے دل کی آواز محسوس کرتی ہے،آصف زرداری

کرک میں پی ٹی آئی کارکنان کا پولیس پر پتھراؤ

شیخوپورہ: مسلم لیگ نی کے صدر شہباز شریف نے کہا کہ 9 مئی کا واقعہ دلخراش تھا، 76 سال سے کشکول ہمارے ہاتھ میں ہے، ہم نے نوجوانوں کو گالم گلوچ نہیں سکھائی، ہم نے نوجوانوں کو پتھر مارنا نہیں سکھایا-

باغی ٹی وی : شیخوپورہ کے علاقے فاروق آباد میں مسلم لیگ (ن) کے انتخابی جلسے سے خطاب کرتے ہوئے سابق وزیراعظم شہباز شریف نے کہا کہ شدید سردی میں جلسے میں آنے پر خراج تحسین پیش کرتا ہوں، 8 فروری کو کوئی عام الیکشن نہیں ہے، اسی جذبے، جوش کے ساتھ کارکنان نے پولنگ بوتھ پر آنا ہے، ملک سے غربت اور بیروزگاری کا خاتمہ کرنا ہے، اللہ نے کروڑوں نوجوان بچے، بچیاں اس قوم کو دی ہیں، تیل اور گیس نہیں ہے تو کوئی بات نہیں، نوجوان قوم کا سرمایہ ہیں، نوجوان اس ملک اور قوم کی تقدیر بدلیں گے، نوجوانوں نے ووٹ ڈالتے وقت دیکھنا ہے لیڈر کون ہے۔

سونے کی قیمت میں معمولی کمی

شہباز شریف نے کہا کہ وہ کون تھا جس نے پی کے ایل آئی کا بیڑا غرق کردیا؟ وہ کون تھا جس نے تعلیمی وظائف ختم کردئیے؟ 9 مئی کا واقعہ دلخراش تھا، 76 سال سے کشکول ہمارے ہاتھ میں ہے، ہم نے نوجوانوں کو گالم گلوچ نہیں سکھائی، ہم نے نوجوانوں کو پتھر مارنا نہیں سکھایا،ہم نے نوجوانوں کو جی ایچ کیو اور کور کمانڈر ہاؤس پر پتھراؤ کا نہیں کہا، 9 مئی کو شہدا کے بچوں اور عزیزوں پر کیا گزری ہوگی؟۔ پڑوسی ممالک آگے نکل گئے، ہمارے ہاتھ میں کشکول ہے، یہ وہ پاکستان نہیں جس کے لیے آزادی حاصل کی گئی، 8 فروری کو فیصلہ کرنا ہے کون تحریب کار ہے کون معمار ہے۔

بھارت کی متحدہ عرب امارات کو پہلی بار روپے میں خام تیل کی ادائیگی

انہوں نے کہا کہ نوازشریف صرف سیاستدان نہیں ایک مدبر ہے، نوازشریف پیار اور محبت کے پھول برسانے آیا ہے، اینٹوں کے بھٹوں سے جبر نوازشریف نے ختم کرایا تھا، گزشتہ 5 سال میں ملک میں بربادی ہوئی، ہمارے برادر اور دیگر ممالک سے تعلقات خراب ہوگئے، ہم نےاپنے دیگرممالک سے تعلقات ٹھیک کرنے ہیں ملک کی خدمت کے لیے ہم کوئی کسر نہیں چھوڑیں گے-

افغانستان، لیبیا اور عراق کی طرح غزہ میں بھی امریکی منصوبہ ناکام ہوگا،روس

لاہور کے علاقے شیخوپورہ میں فائر بریگیڈ کے ملازمین کو تین ماہ سے تنخواہ نہ ملی۔ گھروں میں فاقے، بجلی کے میٹر کٹ گئے گھر میں کھانے کو کچھ نہیں-

باغی ٹی وی : سوشل میڈیا پر وائرل ویڈیو میں فائر بریگیڈ کے ملازم سید وسیم شاہ کا کہنا ہے کہ وہ شیخوپورہ میں فائر بریگیڈ کے ملازم ہیں انہوں نے حالات سے تنگ آ کر یہ ویڈیو اپلوڈ کی 3 ماہ ہونے والے ہیں انہیں تنخواہ نہیں دی گئی وہ فائر بریگیڈ کے 28 ملازمین ہیں جن کو تنخواہیں نہیں دی جا رہیں-

فائر بریگیڈ کے ملازمین کو تین ماہ سے تنخواہ نہ ملی۔ گھروں میں فاقے، بجلی کے میٹر کٹ گئے گھر میں کھانے کو کچھ نہیں pic.twitter.com/CxqSgjGNky

— Baaghi TV باغی ٹی وی (@BaaghiTV) August 22, 2023

وسیم شاہ کا کہنا ہے کہ ہم پریشانی کی زندگی بسر کر رہے ہیں کوئی پوچھنے والا نہیں ہے حکمران اعلیٰ یہ درخواست ہے کہ مہربانی کر کے اس بات کا نوٹس لیا جائے کہ ہمیں تنخواہیں کیوں نہیں دی جا رہیں آج کچھ ملازمین کے میٹر تک کٹ چکے ہیں بھکاری بنا دیا ہے ایم سی نے فائر بریگیڈ ملزم نے آبدیدہ ہوتے ہوئے کہا کہ اب ہمیں لوگوں سے ادھار مانگتے ہاتھ پھیلاتے شرم آتی ہے-

روس کا لیونا 25 مشن آخری لمحات میں چاند کی سطح سے ٹکرا کر …

انہوں نے ڈی سی او شیخوپورہ کو مخاطب کرتے ہوئے کہا کہ روز قیامت آپ کا گریبان ہوگا اور ہمارا ہاتھ ہو گا جو آپ نے ہمارا حال کر دی اہے وزیراعلیٰ صاحب سے درخواست ہے کہ اس بات کا نوٹس لیا جائے ہم میں اتنی سکت نہیں کہ ہم آٹا لے سکیں-

آفیشل سیکریٹ ایکٹ،آرمی ایکٹ ترمیمی بل،معاملہ سپریم کورٹ پہنچ گیا

میں اکثر مرچ سالن میں زیادہ ڈال دیتی ہوں
کسی صورت تو ظاہر ہو مری رنجش مرا غصہ

شازیہ نیازی بہار شریف، شیخ پورہ میں 23 جولائی 1990 بی اے تک تعلیم حاصل کی انہوں نے 2016 سے شاعری کا آغاز کیا ادبی نام تسلیم نیازی استعمال کیا ان کی تصنیفات میں شعری مجموعہ 2020 میں لفظوں کی سازش چھپا ،تسلیم نیازی، بشیر بدر، پروین شاکر اور تہذیب حافی ان کے پسندیدہ شاعر ہیں ،سرکاری انعامات و اعزازات: ۔Eastern Railway، ۔Asansol Division، ۔Kavyanga،۔15/8/2018

۔۔۔۔۔۔۔۔۔۔۔۔
غزل
۔۔۔۔۔۔۔۔۔۔

بس ایک بار کہا نا نہیں بنا سکتی
میں روز روز بہانا نہیں بنا سکتی
ترا خیال مری روٹیاں جلاتا ہے
میں اطمینان سے کھانا نہیں بنا سکتی
ضرور وہ کسی آسیب کی گرفت میں ہے
میں اس قدر تو دِیوانہ نہیں بنا سکتی
سبھی کی تنگ خیالی نے گھر کو بانٹ دیا
اکیلی سوچ گھرانا نہیں بنا سکتی
نئے نئے سے یہ انداز چبھ رہے ہیں مگر
میں تم کو پھر سے پرانا نہیں بنا سکتی

غزل
۔۔۔۔۔
ہمیشہ دھیان میں رکھیو، بڑی کرسی بڑا غصہ
کہیں مہنگا نہ پڑجائے ہمیں سرکار کا غصہ
میں اکثر مرچ سالن میں زیادہ ڈال دیتی ہوں
کسی صورت تو ظاہر ہو مری رنجش مرا غصہ
چلو اب مان بھی لو تم، تمھیں ذہنی مسائل ہیں
ذرا سی بات پر کرتے ہو تم اچھا بھلا غصہ
مری ہر ڈانٹ پر بچے جواباً مسکراتے ہیں
بس اک مسکان سے اڑ جاتا ہے بن کر ہوا غصہ
تری خفگی کے سارے ذائقوں کا علم ہے مجھ کو
کبھی ہے نیم سا کڑوا کبھی ہے چٹپٹا غصہ
زمانے، میری من مانی پہ کیوں آنکھیں دکھاتا ہے
بہت دیکھے ترے جیسے تونگر، چل ہٹا غصہ

غزل
۔۔۔۔۔
کیسا جنون عشق کے دفتر میں آگیا
سب فائلیں سمیٹ کے دل گھر میں آگیا
اک درد بچ گیا تھا جو سہنے کے واسطے
احساس میرا راہ کے پتھر میں آگیا
تلخی تمھاری ذات کی مشہور ہوگئی
مہندی کا رنگ چھوٹ کے چادر میں آگیا
اس کی ہتھیلیوں سے بھی راحت نہیں ملی
یہ کس طرح کا درد مرے سر میں آگیا
مجھ کو ملا تھا باغ میں اک بولتا گلاب
ہونٹوں سے جب لگایا تو پیکر میں آگیا
پھر آج اک پرندہ ترا شہر چھوڑ کر
دستک دیے بغیر مرے گھر میں آگیا

غزل
۔۔۔۔۔
بےاجازت تو بس آتی ہے ہوا کمرے میں
کون رہتاہے ترے ساتھ بتا کمرے میں
روز آتی ہے دبے پاؤں کسی کی خوشبو
چھوڑ جاتی ہے کوئی نام پتا کمرے میں
اپنے حالات بتائیں تو بتائیں کس کو
ایک کُرتا ہے ترے بعد ٹنگا کمرے میں
ہر نئی بات پہ جی بھر کے تماشا کرنا
یہ فرائض تو وہ کرتے ہیں ادا کمرے میں
مجھ سے تُو میری اداسی کا سبب پوچھتاہے
جا کبھی تو مری تصویر لگا کمرے میں

غزل
۔۔۔۔۔
ہر ایک جلوہ نمائی سے جھوٹ بولتے ہیں
ہم اپنے دستِ حنائی سے جھوٹ بولتے ہیں
کسی سوال کی ہوتی نہیں ہے گنجائش
کہ آپ ایسی صفائی سے جھوٹ بولتے ہیں
دہائی دیتے ہیں کیوں مذہبی نظام کی آپ
یہاں ہم اپنے ہی بھائی سے جھوٹ بولتے ہیں
یقیں کو وار کے مایوسیوں کی راہوں میں
کبھی کبھار خدائی سے جھوٹ بولتے ہیں
ذرا سی بات پہ آنچل بھگونے لگتی ہے
یہی سبب ہے کہ مائی سے جھوٹ بولتے ہیںی

ضلعی انتظامیہ شیخوپورہ ناجائز منافع خوروں اور ذخیرہ اندوزوں کے خلاف ان ایکشن ،ضلع بھر میں ذخیرہ اندوزوں اور ناجائز منافع خوروں کے گرد گھیرا مزید تنگ کر لیا گیا ،اشیائے خوردونوش کی ذخیرہ اندوزی کی خفیہ اطلاعات پر ضلعی انتظامیہ کے تمام متعلقہ افسران متحرک ہو چکے ہیں،

سیکرٹری محکمہ خوراک اور ڈپٹی کمشنر سرمد تیمور کی ہدایت پر اسسٹنٹ کمشنر مریدکے زینب طاہر اور ڈپٹی ڈائریکٹر فوڈ لاہور نے بڑی کارروائی کی ،اسسٹنٹ کمشنر مریدکے زینب طاہر کا ڈپٹی ڈائریکٹر فوڈ لاہور اور محکمہ خوراک کے افسران کے ہمراہ جی ٹی روڈ پر واقع سٹار فلور مل پر چھاپہ مارا،سٹار فلور مل کے 4 مختلف گوداموں سے ناجائز طور پر ذخیرہ کیے گئے 50 کلو گرام والے چینی کے 3 ہزار تھیلے برآمد کر لئے گئے، مل مینیجر چینی کی خریداری کا ریکارڈ یا ٹریل پیش کرنے میں ناکام ہو گیا، اسسٹنٹ کمشنر مریدکے زینب طاہر نے چینی کے تمام گوداموں کو سیل کر دیا۔سٹار فلور مل کے مالک کے خلاف چینی کی ناجائز منافع خوری پر ایف آئی آر درج کر لی گئی۔

ڈپٹی کمشر سرمد تیمور کا کہنا ہے کہ ضلع بھر میں ذخیرہ اندوزوں اور ناجائز منافع خوروں کیخلاف بلاتفریق کارروائیاں جاری ہیں۔مصنوعی مہنگائی کے ذمہ داروں کے خلاف قانون کے مطابق کارروائی عمل میں لائی جائے گی۔ عوام کو کسی بھی صورت ناجائز منافع خوروں کے رحم و کرم پر نہیں چھوڑا جا سکتا۔عوام کو مقررہ نرخوں پر اشیاۓ ضروریہ کی دستیابی میں غفلت یا کوتاہی برداشت نہیں کی جائے گی۔

متحدہ عرب امارات کا قومی دن مبارک ہو!!! — بلال شوکت آزاد

متحدہ عرب امارات کے51 ویں قومی دن پر تصویری نمائش کا انعقاد

وفاقی وزیر قانون اعظم نذیر تارڑ سے متحدہ عرب امارات کے ہم منصب کی ٹیلی فونک بات چیت 

آٹے کے بعد چینی کی قیمت میں بڑا اضافہ ، شہری پریشان