Category: سیالکوٹ

سیالکوٹ، باغی ٹی وی( بیوروچیف شاہد ریاض سے) ڈپٹی کمشنر سیالکوٹ محمد ذوالقرنین کا جنرل بس اسٹینڈ کا دورہ، ایئر کنڈیشنڈ اور نان ائیر کنڈیشنڈ بسوں اور ویگنوں کے مختلف اسٹینڈ کا معائنہ کیا اور پبلک ٹرانسپورٹ کے انٹر سٹی/ ڈسٹرکٹ کرایوں کا جائزہ لیا۔

ڈپٹی کمشنر محمد ذوالقرنین نے سیکرٹری آر ٹی اے مظفر حیات کو ہدایت کی کہ تمام پبلک ٹرانسپورٹ کے اسکرین پر یک طرفہ کرایہ واضح چسپاں کیا جائے اور اس امر کو یقینی بنایا جائے کہ مسافروں سے زائد کرایہ وصول نہ کیا جائے۔

انہوں نے کہا کہ اوور چارجنگ کی شکایت پر فوری کارروائی کی جائے۔

انہوں نے کہا کہ عید کے ایام میں آر ٹی اے کا عملہ فیلڈ میں موجود رہے گا اور شہریوں کی شکایات کا فوری ازالہ کرے گا۔

انہوں نے کہا کہ شہری زائد کرایہ وصول کی بابت۔ اپنی شکایات 9250011 پر درج کروائیں۔

ڈپٹی کمشنر نے اڈہ مینیجر کو ہدایت کی کہ اسٹینڈ پر صفائی ستھرائی کے انتظامات کو بہتر بنائیں اور کسی بھی جگہ پانی جمع نہ ہونے دیں تاکہ ڈینگی مچھروں کو افزائش کا موقع نہ ملے۔

سیالکوٹباغی ٹی وی( شاہد ریاض بیوروچیف ) ایک ہی خاندان کے 6 افرادنےقادیانیت سے تائب ہوکر اسلام قبول کرلیا،جامع مسجد اہلحدیث قلعہ والی ساہووالہ میں دائرہ اسلام میں داخل ہونے والوں میں میاں بیوی دو بیٹے اور دو بیٹیاں شامل ہیں

تفصیل کے مطابقضلع سیالکوٹ کی تحصیل سمبڑیال کے نواحی قصبے ساہووالہ میں ایک خاندان نے آج جامع مسجد اہلحدیث قلعہ والی ساہووالہ
میں قادیانیت سے تائب ہو کراسلام قبول کیا ہے جس میں میاں بیوی دو بیٹے اور دو بیٹیاں شامل ہیں اس موقع پر جماعت اہلحدیث کے سرپرست اعلیٰ ملک محمد فیاض اور معززین جماعت اہلحدیث کی موجودگی میں الوداعی خطبہ جمعہ کے فوراً بعد جامع مسجد اہلحدیث قلعہ والی
کے خطیب ضیغم الاسلام گوندلوی نے کلمہ پڑھایا

جہاں پر معززین جماعت میں سے ملک احسان ،ملک تنویر ارشد ،عمران مغل ،ملک یوسف ،محمد عدنان ملک وزیر ابادی،مولانا امتیاز الحسن فرقان
قاری ابوبکر مرتضیٰ مدرس جامع مسجد ہذا،ملک افضال ،ساجد بٹ ، مولانا سیف الرحمن عاصم خطیب مسجد الھدیٰ بلوچک ،ملک حمزہ ، شاہد کورٹانہ و دیگر احباب جماعت بھی موجود تھے

اس مبارک موقع پر اسلام قبول کرنے والی فیملی کو ہر شخص نے گلے لگایامبارک باد پیش کی،اللہ تبارک تعالیٰ سے دعا ہے کہ اللہ تعالیٰ اس خاندان کو دین حنیف پر استقامت عطا فرمائے.

سیالکوٹ،باغی ٹی وی( بیوروچیف شاہد ریاض سے)حکومت پنجاب کے خصوصی رمضان ریلیف پیکج "نگہبان” کے تحت ضلع سیالکوٹ میں مجموعی طور پر 83275 گھرانوں کو راش فراہم کیا گیا، وزیر اعلی پنجاب کے وژن کے تحت اس پیکج سے 3لاکھ89ہزار سے زائد مستحق شہری مستفید ہوئے ، ڈپٹی کمشنر محمد ذوالقرنین ن

انہوں نے کہا کہ حکومت پنجاب کے رمضان پیکج کے تحت چاروں تحصیلوں میں مستحق افراد کو راشن فراہم کیا گیا ، ہر راشن پیک میں دس کلو گرام آٹے کا تھیلہ، دو کلو گرام گھی،دو کلو گرام چاول، دو کلو گرام چینی اور بیسن شامل تھا۔

انہوں نے رمضان ریلیف پیکج کی تقسیم کےلئے بھرپور محنت سے کام کرنے پر اسسٹنٹ کمشنرز کی قیادت میں ٹیموں، مستحقین کی تصدیق کرنے والی ٹیموں کے ارکان کی خدمات کو زبردست سراہا ہے۔

دریں اثناءڈپٹی کمشنر محمد ذوالقرنین نے گورنمنٹ کرسچیئن ہائی سکول کا دورہ کیا اور گوجرانوالہ ایجوکیشن بورڈ کے زیر اہتمام میٹرک کے امتحانی مرکز میں انتظامات کا جائزہ لیا۔

ڈپٹی کمشنر نے ہدایت کی کہ شفاف امتحانات کے انعقاد، امیدواروں کو سہولیات کےلئے حکومت پنجاب اور ایجوکیشن بورڈ کی ہدایات پر عملدرآمد یقینی بنایا جائے گا۔

سیالکوٹ،باغی ٹی وی (بیوروچیف شاہد ریاض سے)انجمن خدمت خلق رجسٹرڈ ڈسکہ کا ماہانہ (741)واں اجلاس بمقام زچہ بچہ ہسپتال پسرور روڈ ڈسکہ زیر صدارت میاں سعید احمد صراف گزشتہ روز منعقد ہوا۔

اجلاس کا آغاز تلاوت قرآن پاک سے جسکی سعادت حافظ عبدالغفار نے حاصل کی۔نعت رسول مقبول ﷺ کی سعادت انوار احمد سیال نے حاصل کی۔جنرل سیکرٹری محمد انور مغل نے گزشتہ ماہانہ اجلاس ماہ فروری کی کاروائی پیش کی، جسکی توثیق کر دی گئی۔

فنانس سیکرٹری انوار احمد سیال نے اپنی رپورٹ میں آمدن و اخراجات ماہ فروری 2024 کا گوشوارہ پیش کیا،بعد از بحث جسکی منظوری دے د ی گئی۔ سیکرٹری نشرو اشاعت سہیل سلمان ٹھروہی نے اپنی رپورٹ میں اخبارات کے تراشے پڑھ کر سنائے۔

اجلاس میں انجمن خدمت خلق کے زیر انتظام چلنے والے وٹالیاں سینٹر میں لڑکیوں کے لئے بیو ٹیشن وغیرہ کے کورسز کے لئے باقاعدہ کلاسزشروع کرنے کا فیصلہ کیا گیا۔

اجلاس میں ممبران نے ڈسکہ کی انتظامیہ سے مطالبہ کیا کہ پتنگ بازی کی روک تھام کے لئے تھوس اقدامات کرے۔جنرل سیکرٹری نے تمام ممبران سے گزارش کی کہ ماہ مقدس جاری ہے تمام ممبران ادارے کے لئے زیادہ سے زیادہ فنڈ ریزنگ کریں۔

اجلاس میں انجمن خدمت خلق کے سابقہ جنرل سیکرٹری محمد امین ٹھر وہی مرحوم کے جواں سالہ بیٹے کی وفات پر گہرے دکھ اور افسوس کا اظہار کیا گیا اور اس کی مغفرت کے لئے دعا کی گئی۔

اجلاس کے میزبان محمد محمود الحسنین ایڈووکیٹ کی طرف سے تمام ممبران کو افطاری کروائی گئی اور حاجی عبدالرحمان بہگل کی دعائے خیر کے بعد اجلاس اپنے اختتام کو پہنچا

سیالکوٹ، باغی ٹی وی(بیوروچیف شاہد ریاض سے)سیالکوٹ کے ایک نجی سکول میں اسلامی نمائش کا انعقاد کیا گیا۔ جس میں سکول کے
بچوں اور اساتذہ اکرام نے بھرپور حصہ لیا۔ اسلامی طرزیات کی نمائش کو اجاگر کیا۔

اس موقع پر سکول کے آرگنائزر غلام یاسین ملک نے اپنے خیالات کا اظہار کرتے ہوئے کہا کے پنجاب سمیت پاکستان بھر کے پرائیویٹ و گورنمنٹ سکول و کالجز کے اسلامی نمائش و پروگرام منعقد کرنا اسلامی طرزیات کو فروغ دینا ہے ۔ بلکہ وقت کی ضرورت ہے۔

سب سٹوڈنٹس کو آج کے دور میں اسلامی نمائش پر توجہ دلانا اساتذہ اکرام کا اہم رول ہے، اس سے پاکستان کی اسلامی ثقافت کو فروغ ملتا ہے۔

غلام یاسین ملک نے پرائیویٹ و گورنمنٹ سکولز وکالجز کو زور دیتے ہوئے کہا کہ ہمارا اسلامی نقطہ نظر پوری دنیا کو معلوم ہے۔ جس کی بنا
پر غیر مسلم بھی اسلامی نمائش کی اپنائیت کا شکار ہیں۔

اس موقع پر اسلامی نمائش کے پروگرام میں آئے معزز مہمانان گرامی پیر سیدعلی رضا شاہ، میاں خالد محمود، علامہ عبدالرشید ،صدیقی مسز پروفیسر اعجاز، نے بھی اسلامی نمائش کے موقع پر اپنے اپنے خیالات کا اظہار کیا۔