Category: سیالکوٹ

سیالکوٹ، باغی ٹی وی (بیوروچیف شاہد ریاض سے)دیگر شہروں کی طرح ڈسکہ میں بھی پانچ روزہ پولیواور وٹامن A مہم کا آغاز کردیاگیا تحصیل بھر میں جاری مہم کے دوران ایک لاکھ 76 ہزار1سو 40 بچوں کوپولیو کے قطرے اور ایک لاکھ 58 ہزار 526 بچوں کو وٹامن اے کے کیپسول پلانے کیلئے 611 ٹیمیں تشکیل دی گئی ہیں

تحصیل ہیڈ کوارٹر سول ہسپتال ڈسکہ میں منعقدہ افتتاحی تقریب میں ڈپٹی ڈسٹرکٹ ہیلتھ آفیسر ڈاکٹر سادات انور،ایم ایس ڈاکٹرمحمدعلی مرتضی ڈی ایم ایس ڈاکٹر طلعت فاروق ودیگر نے پانچ سال تک کے بچوں کو پولیو اور وٹامن A کے قطرے پلاکر 26جنوری سے یکم مارچ تک جاری رہنے والی پانچ روزہ پولیو اور وٹامن A مہم کا باقاعدہ آغاز کیا

تحصیل بھر میں پانچ سال تک کے ایک لاکھ 76 ہزار1سو 40 بچوں کو پولیو اور وٹامن A کے قطرے پلانے کیلئے 611 ٹیمیں تشکیل دی گئی ہیں جن میں 568 موبائل ٹیمیں،29 فکس ٹیمیں اور14ٹرانزٹ ٹیمیں شامل ہیں جو گھر گھر جاکر پانچ سال تک کے بچوں کو پولیو سے محفوظ رکھنے کیلئے پولیو اور وٹامن A کے قطرے پلائیں گی

سیالکوٹ،باغی ٹی وی ( بیوروچیف شاہد ریاض سے) فکرِسخن کے پلیٹ فارم سے گورنمنٹ کمیونٹی کالج فار ویمن گھوئینکی میں بیادِ فیض چوتھی محفلِ مشاعرہ کا انعقاد کیا گیا۔ جو کہ بانیِ فکرِ سخن سمیرا ساجد ناز اور صدر فکرِ سخن محمد اعجاز غوری کی معاونت سے اور فکرِ سخن کے تمام اراکین کی محبت و خلوص کی وجہ سے بھر پور طریقے سے سر انجام پائی جس میں شہرِ اقبال و ضلع سیالکوٹ کے نامور شعراء کرام نے اپنی تشریف آوری سے محفلِ مشاعرہ کو چار چاند لگا دئیے.

عظیم شاعر فیض احمد فیض کی 112ویں سالگرہ کے موقع پر تمام شعراء نے اپنا اپنا کلام پیش کر کے فیض احمد فیض کی ادبی خدمات کو خراجِ تحسین پیش کیا ۔ ضلع سیالکوٹ کے بہترین گلوکارعلی عمران ابنِ رفاقت اور مریم انصر نے کلامِ فیض ترنم سے پڑھا اور محفل کو رونق بخشی۔ محفلِ مشاعرہ کی صدارت شاعر تنویر احمد تنویر اور خصوصی مہمان ڈاکٹر عامر اقبال نے کی.

مہمانِ اعزاز شاعر افتخار شاہد اور عامر رفیق عامر نے بھی بھرپور انداز میں شرکت کی. دیگر حاظرین میں جناب ایوب احمد شفیقی صاحب اور نوجوان شعراء میں میاں جہانزیب، شائق سعیدی، فرقان فرضی اور ارسلان ارسل بھٹی شامل تھے۔

فکرِ سخن کی ٹیم کے اراکین جنرل سیکرٹری ساجدہ چوہدری، میڈیا چئیر پرسن صغریٰ جعفری، سیکرٹری میڈیا پرسن عائشہ نوید نے اپنے اپنے فرائض بہ احسن طریق سر انجام دیے. جنرل سیکرٹری ساجدہ چوہدری کی نظامت میں تقریب انتہائی شاندار رہی۔

محفل میں موجود سامعین و حاضرین کی جانب سے بے پناہ داد و تحسین نے شعراء کرام کی خوب پذیرائی کی. ایک خوبصورت شام محفلِ مشاعرہ بیادِ فیض دلکش انداز میں ذہنوں اور دلوں پر گہرے نقوش ثبت کرتے ہوئے اور ڈھیروں یادیں سمیٹتے ہوئے فکرِ سخن کی کتاب میں ایک خوبصورت پنہ جوڑنے میں کامیاب رہی۔

سیالکوٹ ، باغی ٹی وی( بیوروچیف شاہد ریاض سے)جرمن نژاد بھارتی سکھ لڑکی پاکستانی نوجوان سے شادی کے لیے پاکستان آ گئی ہے، جسپریت کور نے نکاح سے قبل اپنا نام زینب رکھ لیا ہے، جبکہ سیالکوٹ کے شہری علی ارسلان سے نکاح کر لیا ہے۔

بیرون ملک جرمن میں سیالکوٹی نوجوان کے ساتھ کام کرنے والی ہندوستانی لڑکی علی ارسلان کے عشق میں گرفتار ہوگئی عشق کو پروان چڑھانے کےلیے لڑکی سیالکوٹ پہنچ گئی اور علی ارسلان سے پسند کی شادی کرلی ۔

نکاح سے قبل سکھ لڑکی نے جامعہ حنفیہ سیالکوٹ میں سینئر پارلیمنٹرین حافظ صاحبزادہ حامد رضا کے ہاتھوں اسلام قبول کیا ۔بھارتی سکھ لڑکی جسپریت کور نے اسلام قبول کرنے کے بعد اسلامی نام زینب رکھا لیا بھارتی پنجاب کے شہر لدھینانہ کی رہائشی جسپریت کور جو کہ 16جنوری کو مذہبی یاترا کیلئے پاکستان آئی تھی جسے 15اپریل تک سنگل انٹری ویزا جاری کیاگیاتھا . تاہم 15 اپریل سے قبل ہی جسپریت کور سیالکوٹی منڈے کی دلہنیاں بن گئی.

سیالکوٹ سے تعلق رکھنے والے نوجوان علی ارسلان اور زینب (جسپریت کور) اب بھارتی میڈیا کی بھی توجہ حاصل کر رہے ہیں، بھارتی میڈیا کے مطابق جسپریت کور بھارتی پنجاب کے شہر لدھیانہ سے تعلق رکھتی ہیں۔

جامعہ حنفیہ سیالکوٹ کی جانب سے زینب (جسپریت کور) کے اسلام قبول کرنے کا سرٹیفکیکٹ بھی جاری کیا گیا ہے۔ ادارے کے مطابق زینب کے والدین بھارتی شہریت رکھتے ہیں تاہم زینب جرمنی کے شہر میونخ میں رہائش اختیار کیے ہوئے ہیں۔

بھارتی میڈیا کے مطابق زینب (جسپریت کور) اور علی ارسلان دونوں جرمنی میں دوست بن گئے تھے، بعدازاں علی نے زینب (جسپریت کور) کو پاکستان آنے کی دعوت دی تھی، جو کہ زینب نے قبول کر لی۔

سیالکوٹ،باغی ٹی وی( شاہد ریاض بیوروچیف) منہاج یوتھ لیگ کے زیراہتمام محفل سماع کا انعقاد بسلسلہ 73ویں سالگرہ شیخ الاسلام ڈاکٹرطاہرالقادری ہوا

جس میں مرکزی ناظم اعلی منہاج القرآن انٹرنیشنل خرم نواز گنڈاپور اور مرکزی صدر منہاج یوتھ لیگ راناوحیدشہزاد، انجینیئرسلیم، سرفرازاحمدچوہدری، کی خصوصی شرکت

اعجاز شیر علی نے مختلف کلام پیش کر کے خوب داد وصول کی اور ہال میں موجود تمام شرکاء خوشی میں جھومتے رہے

قائدین نے ڈاکٹر طاہر القادری کی امت مسلمہ اور قوم پاکستان کے لئے فکر پر روشنی ڈالی پروگرام میں شیخ الاسلام کی دینی اور ملی خدمات پیش کی گئیں

ان کی 73 ویں سالگرہ کی خوشی میں کیک کاٹا گیا اور ان کی درازی عمر کے لئے دعا کی گئی

مہمانان میں امجدمحمودچاند, میاں محمدرضا، حافظ احتشام محمود، چوہدری شہزاد رووف، میاں محمدآصف، حافظ غلام مصطفےگجر، باجی رخسانہ عظمت، باجی ذکیہ محمود ذولقرنین حیدر، حسن علی سمیت سینئرز سابقین یوتھ رہنماؤں سمیت ضلعی، تحصیل اور منہاج یوتھ لیگ کی جملہ یونین کونسلز کے عہداران اور کارکنان نے خصوصی شرکت کی