Category: سیالکوٹ

سیالکوٹ، باغی ٹی وی( بیوروچیف شاہد ریاض سے)اونچی دکان پھیکا پکوان،مشہور نام پنجاب فوڈ اتھارٹی کے شکنجے میں آگئے
ڈائریکٹر جنرل پنجاب فوڈ اتھارٹی عاصم جاوید نے کشمیر روڈ سیالکوٹ میں گرینڈ آپریشن کیا ہے جس میں معروف ہوٹل اور سویٹس اینڈ بیکری پروڈکشن یونٹ کو 3لاکھ روپے جرمانہ عائداور 900لٹر دودھ، 1من سے زائد تیار مکسچر اور دیگر اجزاء موقع پر تلف کردیا گیا

تفصیلات کے مطابق پروڈکشن ایریا میں زندہ کاکروچ اور چوہوں کے فضلات موجود پائے گئے۔ انتہائی ناقص سٹوریج اور پروڈکشن ایریا میں صفائی نا ہونے پربھاری جرمانے عائد کر دیے گئے۔ گندا واشنگ ایریا اور زنگ آلود گندے برتنوں کا استعمال کیا جا رہا تھا۔

دکانوں اور گاڑیوں کی چیکنگ، غیر معیاری اور ملاوٹی 900لیٹر دودھ بھی تلف کردیا گیا۔ عاصم جاوید نے کہا ہے کہ زائدالمیعاد، ناقص اشیاء خورونوش کی فروخت کرنے والے کاروبار بند کر دیے جائیں گے۔ شاہراہوں اور چوک چوراہوں میں موجود فوڈ پوائنٹس کی چیکنگ روزانہ کی بنیاد پر کی جائے رہی ہے۔ ناقص، غیر معیاری اشیاء خوردونوش کا استعمال متعدد بیماریوں کا باعث بن سکتا ہے۔

پنجاب کے باسیوں تک معیاری خوراک کی یقینی فراہمی کے لیے مسلسل کارروائیاں جاری ہیں۔ خوراک کے معیار کو بہتر کرنے کے لیے بین الاقوامی معیار کے مطابق کام کیا جارہا ہے۔ جعلسازی کرنے والے معاشرے کا ناسور ہیں، جڑ سے اکھاڑ کر دم لیں گے۔

سیالکوٹ ،باغی ٹی وی( بیوروچیف شاہد ریاض)پسرور میں قتل کے 2 مفرور ملزم گرفتار

ایس ایچ او صدر نے کارروائی کرتے ہوئے قتل کے 2 مفرور ملزمان کو گرفتار کرلیا، ملزمان مقدمہ نمبر 138/24 بجرم 302 تھانہ صدر میں مطلوب تھے

ملزمان حمزہ ولد ارشد اور اویس ولد شفیق نے فائرنگ کرکے علی رضا اور اس کے والد امتیاز کو قتل کر دیا تھا، ملزمان نے یکم فروری کو عاقی ماچھی گاؤں میں فائرنگ کرکے باپ بیٹا کو قتل کیا تھا.

سیالکوٹ،باغی ٹی وی(بیوروچیف شاہد ریاض)شب برات سے پہلے پولیس کی کارروائی،بڑی مقدار میں آتشبازی کا سامان برآمد ،ملزم گرفتار

شب برات سے پہلے سیالکوٹ پولیس کی تابڑ توڑ کارروائیوں کا سلسلہ جاری تھانہ کوتوالی کے علاقے سے لاکھوں روپے مالیت کا آتشبازی کا سامان برآمد کر کے ملزم گرفتار، مقدمہ درج

ایس ایچ او تھانہ کوتوالی کے کرائم فائٹر ایس ایچ او نے اپنی ٹیم کے ہمراہ سرچ آپریشن کے دوران چھاپہ مار کر ملزم پرویز ولد رحمت سکنہ سالو گجر گلی، محلہ پنساریاں کو حراست میں لیا جس کے قبضے سے لاکھوں روپے مالیت کا آتشبازی سامان جس میں 5000 پیکٹ پٹاخے، 2000 ہوائیاں، 500 انار، 2000 مختلف اقسام پٹاخے اور 100 پیکٹ پھلجھڑیاں برآمد کر کے مقدمہ درج کر لیا گیا

بعد ازاں ایس ایچ او تھانہ کوتوالی نے پکڑے جانے والے آتشبازی کے سامان کو تلف بھی کر دیا۔ اور ملزم کے خلاف مقدمہ درج کر لیا

سیالکوٹ،باغی ٹی وی ( بیوروچیف شاہد ریاض)پسرور کی معروف ڈاکٹر سمینہ خالد پر قاتلانہ حملہ،حالت تشویشناک
سمینہ ہسپتال کی مالک ڈاکٹر سمینہ خالد پر ملزم نےچھریوں کے وار سے قاتلانہ حملہ کیا ہے ،پسرور پولیس کی بھاری نفری سمینہ خالد ہسپتال پہنچ گئی

محلہ کوٹ کبہ کے رہائشی نے ڈاکٹر سمینہ خالد کو ہسپتال کے اندر ہی چھریوں کے وار سے زخمی کر دیا ،سٹی پولیس نے ملزم کو موقع سے گرفتار کر لیاہے ڈاکٹر سمینہ خالد کی حالت تشویشناک بتائی جا رہی ہے

قاتلانہ حملے کی وجہ تاحال سامنے نہیں آئی ریسکیو ٹیم کی طرف سے انکے ہسپتال میں ہی ابتدائی طبی امداد دے دی گئی
پولیس نے ملزم سے مزید تفتیش شروع کردی

سیالکوٹ،باغی ٹی وی (شاہدریاض بیورچیف)پٹرولنگ پوسٹ گلوٹیاں موڑ کی سماج دشمن عناصر کے خلاف بھرپور کارروائیاں

ریجنل انچارج ڈی ایس پی عرفان الحق سلہریا کی خصوصی ھدایات پر انچارج پٹرولنگ پوسٹ گلوٹیاں موڑ سب انسپکٹر یاسر محبوب اور ان کی ٹیم وحید احمد اے ایس ائی اور عبدالروف اے ایس ائی نے سماج دشمن عناصر کے خلاف کارروائیاں کرتے ہوئے مختلف جگہ پر ناکہ بندی کے دوران
فرحان سکنہ ڈسکہ کے قبضہ سے پسٹل 30 بور اور گولیاں، امین سکنہ کامونکی اور رضوان سکنہ سمبریال کے قبضہ سے بھاری مقدار میں سامان اتشبازی اور منظور سکنہ گوجرانوالہ سے چھینا گیا لاکھوں روپے مالیت کا رکشہ بھی برامد کر لیا

برآمدہ رکشہ وصول کرتے ہوئے رکشہ ڈرائیور آبدیدہ ہو گیا اور ٹیم پٹرولنگ پولیس کو بہت دعائیں دیں،اس موقع پر ریجنل انچارج ڈی ایس پی عرفان الحق سلہریا کا کہنا تھا کہ پیٹرولنگ پولیس سیالکوٹ عوام کی خدمت کے لیے 24 گھنٹے مصروف عمل ہے

سیالکوٹ،باغی ٹی وی (شاہدریاض کی رپورٹ) پولیس پر ملزمان کی فائرنگ سے اقدام قتل کا ملزم ہلاک، موٹر سائیکل پر سوار 4 ملزمان ملزم کو چھڑوانے آئے اور پولیس پر سیدھی فائرنگ کردی،فائرنگ کی زد میں آکر ملزم محسن اقبال ہلاک ہوگیا،ملزم نے گزشتہ روز 8 سالہ بچے کو تشدد کا نشانہ بنایا جسے ہسپتال منتقل کیا گیا جہاں بچے کی حالت تشویشناک ہے۔

سیالکوٹ تھانہ کینٹ کے علاقہ ملے چک میں 4 نامعلوم ملزمان کی فائرنگ سے ملزم محسن اقبال ہلاک ہو گیا،ملزم محسن اقبال کو پولیس نے گذشتہ روز اقدام قتل کے جرم میں گرفتار کیا تھا

پولیس کے مطابق چاروں ملزمان ملزم محسن اقبال کو چھڑوانے آئے تھے جن کا تعاقب کیا گیا لیکن اندھیرے کا فائدہ اٹھاتے ہوئے فرار ہوگئے ۔

ایس ایچ او تھانہ کینٹ الطاف اسحاق کے مطابق گاؤں بھیلووال سے تعلق رکھنے والے 21 سالہ ملزم محسن اقبال نے بھیلووال کے 8 سالہ بچے علی حیدر کے سر پر اینٹیں ماریں اور اسے شدید مضروب کردیا،بچے کو ہسپتال منتقل کیا گیا جہاں بچے کی حالت تشویشناک بتائی جاتی ہے جو 24 گھنٹے سے زائد وقت گذر جانے کے بعد بھی وینٹیلیٹر پر زندگی اور موت کی کشمکش میں ہے۔

پولیس کا شبہ ہے ملزم نے بچے کے ساتھ بدفعلی کی اور مذاحمت پر مضروب کیا۔پولیس نے حملہ کرنے والے چاروں ملزمان کے خلاف مقدمہ درج کرکے تلاش شروع کردی ہے۔

سیالکوٹ،باغی ٹی وی (شاہدریاض کی رپورٹ)پولیس کا کریک ڈاؤن ،سینکڑوں پتنگیں اور کیمیکل ڈوریں برآمد
سیالکوٹ پولیس کا خونی کھیل پتنگ بازی کےخلاف کریک ڈاؤن کرتے ہوئے سینکڑوں پتنگیں اور کیمیکل ڈوریں برآمد کر کے 2 ملزمان کے خلاف کائٹ فلائنگ ایکٹ کے تحت مقدمات درج کردئے

ایس ایچ او تھانہ مراد پور انسپکٹر محمد رزاق معہ ملازمان و فیلڈسٹاف سکیورٹی برانچ نے دوران کارروائی کشمیر روڈ سے ملزمان محمد سلیمان ولد صابر خان سکنہ پشاور اورشرافت ولد غفور خان محلہ قاضیاں آباد جو صوابی پشاور سے پتنگیں لے کر آ رہے تھے کو گرفتار کیا تو ان کے قبضے سے 800 عدد پتنگیں اور 33 کیمیکل ڈوریں برآمد۔

ملزمان کے خلاف کائٹ فلائنگ ایکٹ کے تحت مقدمات درج کر کے حوالات جوڈیشل بھجوا دیا گیا۔

ڈی پی او سیالکوٹ محمد حسن اقبال کا کہنا ہے کہ قاتل ڈور پھرنے سے متعدد قیمتی انسانی جانیں ضائع ہو چکی ہیں پتنگ مافیا کے خلاف کارروائی کا مقصد قیمتی انسانی جانوں کے ضیاع کو روکنا ہے۔

کریک ڈاؤن میں شامل پولیس افسران و جوانوں کو تعریفی سرٹیفیکیٹ اور نقد انعام دینے کا اعلان کیا۔