سیالکوٹ ،باغی ٹی وی (شاہدریاض کی رپورٹ)کوئی ایسی بات نہیں کرتا جو پوری نہ کر سکوں، وعدہ کرتا ہوں تو ہر صورت نبھاتا ہوں۔ محسن نقوی
نگران وزیر اعلیٰ پنجاب نے کہا ہے کہ سیالکوٹ ایئرپورٹ روڈ میری ترجیحات میں شامل ہے۔
تفصیلات کے مطابق نگران وزیر اعلیٰ پنجاب محسن نقوی نے سیالکوٹ میں بزنس فسلیٹیشن سینٹر کے افتتاح کے بعد میڈیا سے گفتگو کرتے ہوئے کہا کہ کوئی ایسی بات نہیں کرتا جو پوری نہ کر سکوں، وعدہ کرتا ہوں تو ہر صورت نبھاتا ہوں۔
انہوں نے کہا کہ کوشش ہے کہ پراجیکٹس کو جانے سے پہلے مکمل کر کے جائیں، ایئرپورٹ سے سیالکوٹ کی طرف آنے والی دورویہ سڑک 15فروری تک مکمل کر لیں گے۔
نگران وزیر اعلیٰ پنجاب نے یہ بھی کہا کہ سیالکوٹ ایئر پورٹ روڈ کو جلد از جلد مکمل کرنے کے لئے ترجیح دی جائے، سیالکوٹ ایئررپورٹ روڈ کے ٹینڈرز جاری ہوچکے ہیں،17جنوری سے کام کا باقاعدہ آغاز ہوجائے گا۔
محسن نقوی کا کہنا تھا کہ سیالکوٹ شہر میں ہسپتالوں کی اپ گریڈیشن کا کام جاری ہے، سڑکوں کی کارپینٹنگ کا کام بھی جاری ہے، یہ نہیں کہہ رہا کہ ہسپتالوں میں دودھ کی نہریں بہادی ہیں لیکن پہلے سے بہت بہتر حالت میں ہیں۔
ان کا یہ بھی کہنا تھا کہ سیالکوٹ میں بزنس فیسلیٹیشن سینٹر میں این او سیز کا اجراء شروع ہوچکا ہے۔گوجرانوالہ، ملتان، فیصل آباد اور راولپنڈی میں چند روز میں بزنس فیسلیٹیشن سینٹرز کا افتتاح کر دیا جائے گا۔
نگران وزیر اعلیٰ پنجاب نے کہا کہ سیالکوٹ بزنس فیسلیٹیشن سینٹر لاہور والے بزنس فیسلیٹیشن سینٹر سے بہتر ہے، سیالکوٹ ایئر پورٹ روڈ پر فوری کام شروع کرنے کے لئے ہدایات کر دی ہیں۔
محسن نقوی نے یہ بھی کہا کہ پراجیکٹس کو جلد از جلد مکمل کرنے کی کوشش کرر ہے، بڑی امید ہے کہ ہسپتالوں کی اپ گریڈیشن کا پہلا فیز مکمل کرکے جائیں۔
ان کا کہنا تھا کہ سیالکوٹ ایئرپورٹ روڈ میری ترجیحات میں شامل ہے، میری اور پوری ٹیم کی کوشش ہے کہ مکمل کرکے جائیں، جہاں بھی شکایات سامنے آئیں گی ازالہ کیا جائے گا۔
محسن نقوی کا یہ بھی کہنا تھا کہ تجاوزات کے خاتمے کے سلسلے میں مطلوبہ نتائج حاصل نہیں کرسکے، ٹیچنگ ہسپتال، ڈی ایچ کیوز اور ٹی ایچ کیوز پر توجہ دی ہے، ٹی ایچ کیوز کی حد تک ہسپتالوں میں بہتری نظر آئے گی۔
نگران وزیر اعلیٰ پنجاب محسن نقوی کا مزید کہنا تھا کہ بی ایچ کیو ہسپتالوں پر وقت کی کمی کی وجہ سے توجہ نہیں دے پائے کیونکہ بی ایچ کیوز ہزاروں کی تعداد میں ہیں، ٹی ایچ کیو، ڈی ایچ کیو اور ٹیچنگ ہسپتالوں میں پہلے اور اب کی حالت میں زمین آسمان کا فرق نظر آئے گا۔
