Category: سیالکوٹ

سیالکوٹ،باغی ٹی وی (بیوروچیف شاہدریاض)سیالکوٹ کے ڈی پی او محمد حسن اقبال نے پولیس لائنز میں تھانہ داروں اور دیگر افسران کے ساتھ ایک اہم کرائم میٹنگ کی۔ اس میٹنگ میں ایس پی انویسٹی گیشن، ایس ڈی پی اوز، ایس ایچ او صاحبان اور تمام انچارج برانچز نے شرکت کی۔

ڈی پی او نے تھانہ جات کی انفرادی کارکردگی، مقدمات کے اندراج، اشتہاریوں کی گرفتاری اور سنگین مقدمات کی پیش رفت کا جائزہ لیا۔
کرپشن اور ناقص کارکردگی پر کارروائی: کرپشن اور ناقص کارکردگی پر ایس ایچ او تھانہ موترہ کو لائن حاضر کر دیا گیا۔

ڈی پی او کا کہنا ہے کہ پولیس کا کام شہریوں کی جان و مال کی حفاظت اور جرائم پیشہ افراد کی سرکوبی ہے اور اس امر کو یقینی بنانے کے لیے افسران کی محکمانہ سزا و جزا کا فیصلہ کارکردگی کی بنیاد پر کیا جائے گا۔فرائض میں سستی اور غفلت برتنے والے افسران کو محکمانہ سزا دی جائے گی۔

محنت اور لگن سے کارکردگی میں بہتری لانے والے افسران کی حوصلہ افزائی کی جائے گی۔ ڈی پی او نے تمام ایس ڈی پی اوز کو اپنے سرکل میں جرائم پر قابو پانے، اشتہاریوں کو گرفتار کرنے اور زیر تفتیش مقدمات کو میرٹ کی بنیاد پر یکسو کرنے کے احکامات جاری کیے۔

ڈی پی او کا کہنا ہے کہ پولیس کا کام شہریوں کی جان و مال کی حفاظت اور جرائم پیشہ افراد کی سرکوبی ہے اور اس امر کو یقینی بنانے کے لیے افسران کی محکمانہ سزا و جزا کا فیصلہ کارکردگی کی بنیاد پر کیا جائے گا۔

سیالکوٹ (باغی ٹی وی بیوروچیف شاہد ریاض ) اسسٹنٹ کمشنر انعم بابر کا لہائی بازار میں ناجائز منافع خوروں کے خلاف گرینڈ آپریشن، مقررہ داموں سے زائد قیمت وصول کرنے کی پاداش میں 4 دکانداروں کو موقع پر گرفتار کرکے ان کے خلاف پرائس ایکٹ کے تحت مقدمہ درج کروا دیا، مردہ مرغیوں اور باسی گوشت دکان سے برآمد ہونے پر دکاندار موقع پر گرفتار ، فوڈ اتھارٹی کو تحقیقات کی ہدایات جاری۔

تفصیلات کے مطابق اسسٹنٹ کمشنر سیالکوٹ انعم بابر نے پرائس مجسٹریٹس ڈاکٹر احمد ناصر، نیئر عباس اور عدنان ملک کے ہمراہ آج لہائی بازار سیالکوٹ میں سبزیوں ، پھلوں، بیف، چکن ، مٹن اور کریانہ شاپس پر چھاپے مار کر زائد المعیاد، گراں فروشی اور پرائس لسٹ آویزاں نہ کرنے کی پاداش میں موقع پر جرمانے کئے اور آئندہ خلاف ورزی پر مقدمات درج کروانے کی وارننگ جاری کیں۔

صالو گجر کی گلی میں چکن فروش سے مردہ مرغی اور اس کے فریزر سے بدبودار گوشت برآمد ہونے پر اسسٹنٹ کمشنر نے دکاندار کو گرفتار کرکے دکان سیل کردی اور فوڈ اتھارٹی حکام کو اس کی تحقیات کرکے کیس پنجاب فوڈ اتھارٹی کو بھجوانے کی ہدایت ، اسسٹنٹ کمشنر نے سری پائے کی شاپس پر گندگی کا نوٹس لیتے ہوئے دکانیں سیل کرنے اور دکانداروں کو گرفتار کروا دیا۔

اسسٹنٹ کمشنر نے مہنگا پیاز، روٹی، گوشت اور آلو فروخت کرنے کی پاداش میں 25 ہزار روپے جرمانہ کیا۔ مجموعی طور پر 10 دکانوں کو سیل کیا گیا۔ اسسٹنٹ کمشنر سیالکوٹ انعم بابر نے کریانہ شاپس پر ڈی سی کاونٹر کا بھی معائنہ کیا اور وہاں پر فروخت ہونے والی دالوں، چاول اور بیسن کی معیار اور وزن کی پڑتال کی۔

اسٹنٹ کمشنر نے زائد المعیاد سرکہ اور مشروبات فروخت کرنے پر دکان سے زائد المعیاد مال فوری اٹھوانے کی ہدایت جاری کرتے ہوئے کہا کہ تمام دکاندار زائد المعیاد چیزیں ڈسپلے میں نہ رکھیں اور ان سے برآمد ہونے پر سخت کارروائی کی جائے گی۔

اسسٹنٹ کمشنر انعم بابر نے موقع پر موجود میڈیا کے نمائندوں کو بتایا کہ رواں ماہ کے دوران 1287 دکانداروں کو اب تک 62 لاکھ روپے جرمانہ کیا جاچکا ہے اور 91 دکانداروں کو موقع پر گرفتار کیا ہے جبکہ ڈیڑھ ہزار دکانداروں کو وارننگ بھی جاری کی گئی ہے۔

سیالکوٹ (باغی ٹی وی بیوروچیف شاہد ریاض سے)پسرور نالہ سے نامعلوم شخص کی لاش برآمد

تفصیل کے مطابق پسرور نالہ ڈیک اونچا پہاڑنگ کے قریب سے ایک نامعلوم شخص کی لاش برآمد ہوئی ہے۔

واقعے کی اطلاع ملتے ہی ریسکیو 1122 کی ٹیم موقع پر پہنچی اور لاش کو نالے سے نکال کر مقامی پولیس کے حوالے کر دیا۔

پولیس نے لاش کو اپنے قبضے میں لے کر شناخت کے لیے کارروائی شروع کر دی ہے۔ ابھی تک لاش کی شناخت نہیں ہو سکی ہے۔

پولیس نے مزید تحقیقات شروع کر دی ہیں۔

سیالکوٹ (باغی ٹی وی بیوروچیف شاہد ریاض سے): تیز رفتار ٹرالے نے موٹرسائیکل سوار نوجوان کو کچل ڈالا،موقع پرجاں بحق

تھانہ ائیرپورٹ کے علاقہ سمبڑیال روڈ پر ایک دلخراش حادثے میں تیز رفتار ٹرالے نے 29 سالہ موٹرسائیکل سوار نوجوان کو کچل دیا۔ مقامی پولیس کے مطابق، متوفی علی نامی نوجوان سمبڑیال سے اگوکی جا رہا تھا جب یہ حادثہ پیش آیا۔

واقعے کی اطلاع ملتے ہی پولیس موقع پر پہنچی اور لاش اور ٹرالے کو قبضے میں لے کر تفتیش شروع کر دی۔ تاہم، ٹرالہ ڈرائیور حادثے کے بعد موقع سے فرار ہونے میں کامیاب ہو گیا۔ پولیس ترجمان کا کہنا ہے کہ ملزم کو جلد قانون کی گرفت میں لیا جائے گا۔

سیالکوٹ (باغی ٹی وی بیورو چیف شاہد ریاض): سیالکوٹ اور مقبوضہ کشمیر میں مون سون کی بارشوں کا سلسلہ جاری ہے۔ اس کے پیش نظر ڈپٹی کمشنر سیالکوٹ محمد ذوالقرنین نے تمام متعلقہ اداروں کو سیلاب اور ہنگامی صورتحال سے نمٹنے کے لیے الرٹ رہنے کی ہدایت کی ہے۔

ڈپٹی کمشنر نے شہر کے نشیبی علاقوں میں نکاسی آب کے لیے جاری آپریشن کا معائنہ کیا اور متعلقہ افسران کو ہدایت کی کہ بارش کے آغاز کے ساتھ ہی رین ایمرجنسی ریلیف کیمپ فعال کر دیے جائیں اور ڈسپوزل اسٹیشنز کو آن کر دیا جائے تاکہ بارشی پانی کا نکاس جلد از جلد ممکن ہو سکے۔

انہوں نے بتایا کہ آج صبح شہر میں 28 ملی میٹر بارش ریکارڈ کی گئی اور بروقت اقدامات کی وجہ سے پانی کا نکاس جلد ممکن ہو گیا۔ تاہم، محکمہ موسمیات کی پیشگوئی کے مطابق آئندہ چند دنوں میں شدید بارشوں کا امکان ہے اور دریائے چناب میں سیلاب کا خطرہ ہے۔

اس کے پیش نظر، ڈسٹرکٹ ایمرجنسی کنٹرول روم 24 گھنٹے فعال ہے۔

سیالکوٹ ،باغی ٹی وی(بیوروچیف شاہد ریاض)تیز رفتار رکشہ کی آوارہ گائے کو ٹکر، چار افراد شدید زخمی

تفصیل کے مطابق سیالکوٹ کے تھانہ صدر کے علاقے کنگرہ روڈ پر تیز رفتار رکشہ نے سڑک پر مٹر گشت کرتی گائے کو ٹکر مار دی۔ حادثے کے نتیجے میں رکشہ الٹ گیا اور اس میں سوار چار افراد زخمی ہو گئے۔

زخمیوں کی شناخت 45 سالہ نصیر، 60 سالہ زرمینہ، 35 سالہ عائشہ اور 17 سالہ عاصمہ کے طور پر ہوئی ہے۔ زخمیوں کو فوری طور پر قریبی ہسپتال منتقل کر دیا گیا ہے۔

پولیس نے واقعے کی اطلاع پر فوری طور پر موقع پر پہنچ کر کارروائی شروع کر دی ہے۔ ابتدائی تحقیقات کے مطابق رکشہ تیز رفتار ہونے کی وجہ سے حادثہ پیش آیا۔