Category: سکھر

میرپور ماتھیلو (باغی ٹی وی، نامہ نگار مشتاق علی لغاری)گھوٹکی پولیس نے ڈاکٹر سمیع اللہ سومرو کی قیادت میں جرائم پیشہ عناصر کے خلاف کریک ڈاؤن جاری رکھتے ہوئے اہم کامیابی حاصل کر لی۔ تھانہ ریتی کی حدود میں بھٹہ برادری اور چارن برادری کے درمیان ذاتی جھگڑے کے نتیجے میں بھٹہ برادری نے چارن برادری کی دو خواتین، بھینسیں اور موٹر سائیکلیں لے لی تھیں۔ واقعے کے بعد چارن برادری نے تھانہ ریتی میں کرائم نمبر 14/2025 کے تحت دفعات 365B، 452، 395، 436، 114، 337h2، 147، 148، اور 149 کے تحت 32 نامزد اور 15 نامعلوم افراد کے خلاف مقدمہ درج کرایا تھا۔

آج پولیس نے مؤثر کارروائی کرتے ہوئے بھٹہ برادری سے بھینسیں اور موٹر سائیکلیں برآمد کر لی ہیں، جنہیں قانونی کارروائی کے بعد اصل مالکان کے حوالے کر دیا جائے گا۔ پولیس حکام کے مطابق واقعے میں ملوث تمام افراد کو جلد گرفتار کر کے قانون کے کٹہرے میں لایا جائے گا۔

میرپور ماتھیلو (باغی ٹی وی، نامہ نگار مشتاق علی لغاری)تھانہ میرپور ماتھیلو پولیس نے بڑی کامیابی حاصل کرتے ہوئے متعدد سنگین مقدمات میں مطلوب خطرناک اشتہاری ملزم کو گرفتار کر لیا۔ یہ کارروائی ایس ایس پی گھوٹکی ڈاکٹر سمیع اللہ سومرو کی ہدایت پر کی گئی، جس کے تحت ضلع بھر میں روپوش و اشتہاری ملزمان کے خلاف کریک ڈاؤن جاری ہے۔

ایس ایچ او بدرالدین برڑو نے اپنی ٹیم کے ہمراہ خفیہ اطلاع پر نیشنل ہائی وے نزد برف کارخانہ میرپور ماتھیلو پر کارروائی کرتے ہوئے ملزم سردار عرف سردارو عرف محمد خان ولد جاڑو مشوری سکنہ گاؤں کمال مشوری کو گرفتار کر لیا۔ گرفتار ملزم کے خلاف تھانہ میرپور ماتھیلو، داد لغاری اور خانپور مہر میں سال 2011 کے پانچ مقدمات درج ہیں جن میں اقدام قتل، ڈکیتی، پولیس مقابلہ اور دیگر سنگین دفعات شامل ہیں۔

ملزم کے خلاف درج مقدمات کی تفصیل درج ذیل ہے:

* کرائم نمبر 19/2011، دفعات 324، 353، 399، 402 ت پ (تھانہ میرپور ماتھیلو)
* کرائم نمبر 63/2011، دفعات 324، 353، 34 ت پ (تھانہ میرپور ماتھیلو)
* کرائم نمبر 71/2011، دفعات 324، 353، 399، 402 ت پ (تھانہ میرپور ماتھیلو)
* کرائم نمبر 09/2011، دفعات 396، 34 ت پ (تھانہ داد لغاری)
* کرائم نمبر 10/2011، دفعہ 394 ت پ (تھانہ خانپور مہر)

ایس ایس پی گھوٹکی ڈاکٹر سمیع اللہ سومرو نے پولیس پارٹی کو کامیاب کارروائی پر شاباش دیتے ہوئے کہا کہ قانون شکن عناصر کو ہر صورت گرفتار کر کے انصاف کے کٹہرے میں لایا جائے گا، ضلع بھر میں جرائم پیشہ افراد کے خلاف کارروائیاں جاری رہیں گی۔

میرپورماتھیلو (باغی ٹی وی، نامہ نگار مشتاق علی لغاری) ایس ایس پی گھوٹکی ڈاکٹر سمیع اللّٰہ سومرو کی قیادت میں گھوٹکی پولیس نے کچے کے علاقے میں ایک بڑی اور کامیاب کارروائی کرتے ہوئے اغواء کاروں کا گھیرا تنگ کیا اور تاوان کے لیے اغواء کیے گئے مغوی کو بحفاظت بازیاب کرا لیا۔

پولیس کے مطابق کچھ دن قبل ضلع کشمور کے کچہ ایریا سے خانیوال پنجاب کے رہائشی خورشید احمد ولد مخیار احمد قریشی کو اغواء کیا گیا تھا۔ اغواء کاروں نے اسے تاوان کے لیے قید کر رکھا تھا۔ آج ایس ایچ او تھانہ شہید دین محمد لغاری صفیع اللّٰہ انصاری نے بھاری نفری کے ہمراہ کچہ رونتی میں اغواء کاروں کے خلاف آپریشن کیا، جس میں مغوی کو بحفاظت بازیاب کرا لیا گیا۔

پولیس حکام کا کہنا ہے کہ اغواء کار پولیس کا گھیرا تنگ ہوتا دیکھ کر مغوی کو چھوڑ کر فرار ہو گئے۔ بازیابی کے بعد مغوی خورشید احمد نے تصدیق کی کہ اسے تاوان کے لیے کشمور سے اغواء کیا گیا تھا۔ پولیس نے مغوی کو بحفاظت تھانے منتقل کر لیا ہے، جہاں قانونی کارروائی کے بعد اسے اس کے ورثاء کے حوالے کر دیا جائے گا۔

ایس ایس پی گھوٹکی ڈاکٹر سمیع اللّٰہ سومرو نے پولیس پارٹی کی کامیاب کارروائی پر ان کی کارکردگی کو سراہتے ہوئے شاباش، تعریفی سرٹیفکیٹ اور نقد انعام دینے کا اعلان کیا ہے۔ عوامی حلقوں نے بھی پولیس کی بروقت کارروائی اور مغوی کی بازیابی کو سراہا ہے۔

میر پور ماتھیلو (باغی ٹی وی، نامہ نگار مشتاق علی لغاری)موٹر وے ایم فائیو پر مرید شاخ کے قریب پیر طالب شاہ کے مقام پر ایک افسوسناک ٹریفک حادثے میں 23 سالہ نوجوان سجاد ولد اقبال میرانی موقع پر جاں بحق ہو گیا، جبکہ اسی خاندان کے چار افراد شدید زخمی ہو گئے۔

تفصیلات کے مطابق کراچی سے واپس اپنے آبائی گاؤں جانے والی میرانی برادری کی کار مقبول موڑ کے قریب تیز رفتاری کے باعث ایک ٹرالر کے پیچھے جا ٹکرائی۔ حادثے میں اقبال، امداد، رشید اور محمد عیسیٰ میرانی زخمی ہو گئے، جنہیں فوری طور پر قریبی اسپتال منتقل کر دیا گیا، جہاں ان کی حالت تشویشناک بتائی جا رہی ہے۔

موٹر وے پولیس موقع پر پہنچ گئی اور حادثے کی قانونی کارروائی کا آغاز کر دیا گیا۔ حادثے کے بعد علاقے میں افسوس کی فضا پھیل گئی ہے۔ جاں بحق نوجوان سجاد میرانی کی میت آبائی گاؤں روانہ کر دی گئی ہے۔

ذرائع کے مطابق حادثہ غیر ذمہ دارانہ ڈرائیونگ، تیز رفتاری اور اچانک کٹنگ کے نتیجے میں پیش آیا۔ شہریوں نے موٹر وے پر حفاظتی اقدامات مزید بہتر بنانے کا مطالبہ کیا ہے تاکہ ایسے المناک واقعات سے بچا جا سکے۔