میرپور ماتھیلو(باغی ٹی وی،نامہ نگارمشتاق علی لغاری) بی آئی ایس پی کے سنٹر انچارج کا خواتین کے ساتھ ہتک آمیز رویہ، حکام سے نوٹس کا عوامی مطالبہ
تفصیلات کے مطابق میرپور ماتھیلو میں بینظیر انکم سپورٹ پروگرام کے سنٹر انچارج محمد اسحاق نائچ کی من مانی، خواتین کے ساتھ غصہ اور بدتمیزی اور غیر ذمہ دارانہ رویے کے خلاف عوام شدید اضطراب پایا جارہا ہے۔ عوام کا کہنا ہے کہ اسحاق نائچ کے خلاف فوری اخلاقی اور قانونی کارروائی کی جائے اور اسے عہدے سے ہٹایا جائے۔
دفتر کے باہر خواتین کھڑی ہیں، جہاں نہ پانی ہے اور نہ کوئی بنیادی سہولت موجود ہے، جس سے عوام کی پریشانی اور غصہ مزید بڑھ گیا ہے۔ شہریوں کا کہنا ہے کہ یہ رویہ ناقابل قبول ہے اور سرکاری عہدوں پر ایسے افسران کا رہنا سراسر ظلم اور ناانصافی ہے۔
عوام نے انتظامیہ، گورنمنٹ کے تمام متعلقہ ادارے اور قانون نافذ کرنے والے اداروں سے مطالبہ کیا ہے کہ فوری نوٹس لیا جائے، فوری کارروائی کی جائے، اور ذمہ داران کے خلاف سخت قانونی کارروائی یقینی بنائی جائے۔ عوام نے واضح کیا ہے کہ ایسے رویے رکھنے والے افسران کے خلاف کسی بھی قسم کی نرمی ناقابل قبول ہے۔
شہریوں اور خواتین نے زور دیا ہے کہ حکومت اور متعلقہ ادارے قانون کی بالادستی اور عوامی حقوق کی فوری حفاظت کو یقینی بنائیں۔
