Category: سائنس و ٹیکنالوجی

ٹوئٹر کےسربراہ ایلون مسک کا کہنا ہے کہ جیسے ہی کو ئی بیوقوف ملا جو ٹوئٹر کے چیف ایگزیکٹو بننا چاہتا ہو تو عہدہ چھوڑ دوں گا۔

باغی ٹی وی : سوشل میڈیا پلیٹ فارم ٹوئٹر کے سی ای او نے گزشتہ دنوں صارفین سے رائے مانگی تھی کہ کیا انہیں ٹوئٹر کی سربراہی چھوڑ دینی چاہیے؟ اس کےساتھ انہوں نے یہ بھی کہا تھا کہ وہ اس رائے شماری کے نتائج پر عمل کریں گے۔

گوگل نے ڈاکٹروں کی مشکل رائٹنگ اور نسخہ سمجھنے کیلئےفیچر پر کام شروع کر دیا

جس کے بعد تقریباً ایک کروڑ سے زیادہ افراد کی جانب سے ٹوئٹر کے سی ای او کے عہدے کو چھوڑنے کے لیے ووٹ دیے گئے اس پول میں 57 فیصد سے زائد افراد نے ان کو ٹوئٹر کے سی ای او کا عہدہ چھوڑنے کا مشورہ دیا تھا جبکہ تقریباً 43 فیصد افراد نے اس کے مخالف ووٹ دیا۔

پول کے نتائج سامنے آنے پر پہلے ایلون مسک کی جانب سے مکمل خاموشی اختیار کی گئی تاہم اب انہوں نے اس پول کے نتائج پر ردعمل دیا ہے-

I will resign as CEO as soon as I find someone foolish enough to take the job! After that, I will just run the software & servers teams.

— Elon Musk (@elonmusk) December 21, 2022

ٹوئٹرمیں بڑی تبدیلی، ڈیوائس لیبل نامی فیچر ختم کردیا گیا

انہوں نے کہا ہے کہ جیسے ہی مجھے یہ عہدہ قبول کرنے والا کوئی بے وقوف شخص ملا میں سی ای او کے عہدے دے مستعفٰی ہو جاؤں گا۔ اس کے بعد میں صرف سافٹ ویئر اور سرور ٹیمز چلاؤں گا۔
https://twitter.com/WallStreetSilv/status/1604624058162765824?s=20&t=s67JqhAhoOAx9wJNhqRIuw
پول کے دوران ایک ٹویٹ میں جب مسک کو کہا گیا کہ انھوں نے پہلے ہی نئے سی ای او کا انتخاب کر لیا ہے تو انھوں نے جواب دیا تھا کہ کسی کو وہ ملازمت نہیں چاہیے جو ٹوئٹر کو زندہ رکھ سکے،کوئی جانشین نہیں ہے-

No one wants the job who can actually keep Twitter alive. There is no successor.

— Elon Musk (@elonmusk) December 19, 2022

ایلون مسک نے اس سے قبل بھی ٹوئٹر پر مختلف معاملات میں پول کروا کر عوامی رائے لی ہے اور وہ ہمیشہ ہی اس پر عمل پیرا رہے ہیں سوال یہ پید اہوتا ہے کہ کیا ایلون مسک واقعی ٹوئٹر کی سربراہی چھوڑ دیں گے؟-

جی میل میں سکیورٹی فیچر کا اضافہ

گوگل کی جانب سے جی میل کو اینڈ ٹو اینڈ انکرپشن فیچر متعراف کرانے کی تیای کی جا رہی ہے-

باغی ٹی وی : گوگل کی جانب سے ایک بلاگ پوسٹ میں بتایا گیا کہ کمپنی کی جانب سے اینڈ ٹو اینڈ انکرپشن کا فیچر جی میل سروس کا حصہ بنایا جارہا ہے یہ کمپنی پہلے ہی گوگل ڈرائیو، ڈاکس، شیٹس، سلائیڈز اور میٹ میں اس فیچر کا اضافہ کرچکی ہے اور اب جی میل کے لیے اسے متعارف کرایا جارہا ہے۔

کمپنی کے مطابق میں کلائنٹ سائڈ انکرپشن کا استعمال یقینی بناتا ہے کہ ای میل کے باڈی میں موجود حساس ڈیٹا اور منسلکات گوگل کے سرورز کے لیے ناقابل فہم ہیں۔ صارفین ان کیز تک رسائی کے لیے انکرپشن کیز اور شناختی سروس پر کنٹرول برقرار رکھتے ہیں۔

مگر تمام صارفین کو اس فیچر تک رسائی حاصل نہیں ہوسکے گی کلائنٹ سائیڈ انکرپشن (ای 2 ای ای) نامی اس فیچر کو جی میل کے ویب ورژن میں متعارف کرایا جارہا ہے اور گوگل ورک اسپیس صارفین اس کے ذریعے انکرپٹڈ ای میلز بھیج سکیں گے۔

ٹوئٹرمیں بڑی تبدیلی، ڈیوائس لیبل نامی فیچر ختم کردیا گیا

یہ فیچر ان ایبل ہونے کے بعد ای میل میں موجود مواد گوگل سرورز پر ڈی کرپٹڈ نہیں ہوسکے گا گوگل نے سپورٹ ویب سائٹ میں بتایا کہ صارفین اپنی انکرپشن کیز کو استعمال کرکے ڈیٹا کو انکرپٹ کرسکیں گے۔

مگر جیسا اوپر درج کیا جاچکا ہے کہ یہ فیچر تمام صارفین کے لیے دستیاب نہیں ہوگا بلکہ گوگل ورک اسپیس انٹرپرائز پلس، ایجوکیشن پلس اور ایجوکیشن اسٹینڈرڈ استعمال کرنے والے صارفین اسے استعمال کرسکیں گے۔

یہ سروسز استعمال کرنے والے صارفین 20 جنوری 2023 تک اس فیچر کے بیٹا ورژن کے لیے اپلائی کرسکتے ہیں۔

یہ فیچر بائی ڈیفالٹ ان ایبل نہیں ہوگا بلکہ صارف کو خود جاکر ایسا کرنا ہوگا۔

ملازمت کی جگہ دائمی جوڑوں کی بیماری کے امکانات میں اضافہ کر سکتی ہے،تحقیق

ڈاکٹروں کی ایک بڑی تعداد جلد بازی میں دواؤں کے نسخے لکھتی ہے، جس سے ان کے مریضوں کے لیے یہ سمجھنا تقریباً ناممکن ہو جاتا ہے کہ وہ کیا لکھ رہے ہیں۔ یہ مسئلہ کئی دہائیوں سے چل رہا ہے اور بہت سی ٹیک فرموں نے اسے بہت کم کامیابی کے ساتھ حل کرنے کی کوشش کی ہے۔

باغی ٹی وی : اب گوگل ان ناقابل فہم تحریروں کا ترجمہ کرنے میں مصروف ہے۔ سرچ کمپنی نے پیر کو بھارت میں اپنی سالانہ کانفرنس میں اعلان کیا کہ وہ ڈاکٹروں کی لکھائی کو سمجھنے کے طریقے تلاش کرنے کے لیے فارماسسٹ کے ساتھ مل کر کام کر رہی ہے۔

گوگل کی جانب سے ایونٹ کے دوران اس فیچر کی آزمائش بھی کی گئی جس سے اندازہ ہوا کہ وہ ڈاکٹروں کے تحریر کردہ نسخوں کو سمجھنے کی صلاحیت رکھتا ہے۔

گوگل کے ایک ایگزیکٹو نے بتایا کہ فیچر، فی الحال ایک ریسرچ پروٹو ٹائپ ہے اور ابھی تک عوام کے لیے تیار نہیں، صارفین کو نسخے کی تصویر لینے یا فوٹو لائبریری سے اپ لوڈ کرنا ہو گی ایک بار تصویر پر کارروائی ہونے کے بعد، ایپ نوٹ میں مذکور دوائیوں کا پتہ لگاتی ہے اور ان کو ہائی لائٹ کرتی ہے-

ایلون مسک دنیا کے امیر ترین شخص کے اعزاز سے محروم ہوگئے

کمپنی نے ایک بیان میں کہا، "یہ ہاتھ سے لکھی ہوئی طبی دستاویزات کو ڈیجیٹائز کرنے کے لیے ایک معاون ٹیکنالوجی کے طور پر کام کرے گی جس میں انسانوں کو فارماسسٹ کی مدد سے شامل کیا جائے گا، تاہم اس ٹیکنالوجی کے ذریعے فراہم کردہ آؤٹ پٹ کی بنیاد پر کوئی فیصلہ نہیں کیا جائے گا۔”

لبتہ کمپنی نے یہ نہیں بتایا کہ اس فیچر کو کب تک صارفین کے لیے متعارف کرایا جائے گا گوگل کے مطابق ابھی بھی اس حوالے سے کافی کام ہونا باقی ہے اور اس کے بعد یہ سسٹم حقیقی دنیا کے لیے تیار ہوگا۔

زمین پر پانی کی پیمائش کیلئےاہم مشن پر روانہ

خیال رہے کہ گوگل لینس اے آئی ٹیکنالوجی سے لیس ایسا ٹول ہے جو اشیا (مصنوعات، پودوں یا جانوروں) کو شناخت اور زبانوں کے ترجمے کے لیے استعمال کیا جاتا ہے گوگل لینس ایپ کو ابھی بھی آن لائن تحریروں کو کاپی پیسٹ کے لیے استعمال کیا جاتا ہے۔

ایلون مسک نے اس سال اکتوبر میں 44 بلین ڈالر کا معاہدہ مکمل کرنے اور سوشل میڈیا پلیٹ فارم سنبھالنے کے بعد سے مائیکروبلاگنگ سائٹ ٹوئٹر تقریباً ہر روز متعدد تبدیلیوں سے گزر رہا ہے۔

باغی ٹی وی : 8 ڈالرز ماہانہ فیس کے عوض بلیو ٹک اور دیگر تبدیلیاں اب تک ٹوئٹر میں کی جاچکی ہیں ،مسک خود انٹرنیٹ صارفین کو ٹویٹر پر کی گئی تبدیلیوں کے بارے میں اپ ڈیٹ کرتے رہتے ہیں۔ اس طرح کی ایک اور پیشرفت میں، انہوں نے بتایا کہ ٹویٹر نے اب ٹوئٹس سے ڈیوائس کا لیبل ہٹا دیا ہے۔

ایلون مسک نے سی این این، نیویارک ٹائمز اور واشنگٹن پوسٹ کے صحافیوں کے اکاونٹس…

ٹوئٹر میں اب تک ویب، اینڈرائیڈ یا آئی فون سے ٹوئٹ کیے جانے صارفین کو علم ہوجاتا تھا کہ یہ ٹوئٹ کس ذریعے سے کی گئی مگر اب ٹوئٹر میں ڈیوائس لیبل نامی اس فیچر کو ختم کردیا گیا ہے۔

Hallelujah!! https://t.co/i2FyvXPIHO

— Elon Musk (@elonmusk) December 18, 2022

‘پوبٹی’ نامی ایک ٹویٹر ہینڈل نے ایک پوسٹ میں کہا کہ ٹویٹر نے یہ دیکھنے کی صلاحیت کو ہٹا دیا ہے کہ ٹویٹ کس ڈیوائس سے آیا ہے (آئی فون کے لئے ٹویٹر، اینڈرائیڈ کے لئے ٹویٹر) جس پر ایلون مسک نے جواب دیتے ہوئے تصدیق کی۔

ٹوئٹر میں اب ٹوئٹ کرنے پر دیگر افراد کو علم نہیں ہوسکے گا کہ یہ میسج اینڈرائیڈ، آئی فون یا ویب کہاں سے پوسٹ کیا گیا۔

خیال رہے کہ یہ فیچر اکثر اینڈرائیڈ فونز بنانے والی کمپنیوں کے لیے شرمندگی کا باعث بن جاتا تھا جو اپنے فون کی تشہیر کے لیے آئی فون سے ٹوئٹ کرتی تھیں۔

شہری نے ایلون مسک کے بیٹے کی گاڑی کا پیچھا کر کے گاڑی روک لی

اس سے قبل ایلون مسک نے اعلان کیا تھا کہ ٹوئٹر میں میوٹ اور بلاک سگنلز کو بلیو ویری فائیڈ کے لیے ضم کیا جارہا ہے ایلون مسک کی جانب سے 17 دسمبر کو ان صحافیوں کے اکاؤنٹس بھی بحال کردیا گیا تھا جن کو 16 دسمبر کو معطل کیا گیا تھا۔

پچھلے ہفتے، مسک نے اپنی ٹویٹر بلیو پریمیم پیشکش کو دوبارہ فروخت کرنا شروع کیا، جو صارفین کو ان کے ناموں سے نیلے رنگ کا تصدیقی بیج فراہم کرتا ہے، ایک ہفتوں کے وقفے کے بعد، کیونکہ کچھ صارفین معروف اکاؤنٹس کی نقالی کرنے کے لیے ادا شدہ سروس کا استعمال کر رہے تھے۔

ایلون مسک نے صحافیوں کے معطل ٹوئٹر اکاؤنٹس کو بحال کردیا

کیلیفورنیا: امریکا کے حکومتی سائنسدانوں نے فیوژن توانائی کے حصول میں ایک انتہائی اہم کامیابی حاصل کی ہے۔

باغی ٹی وی : جوہری توانائی کے حصول میں اہم پیش رفت ہوئی ہے، نئی تحقیق کےمطابق جوہری فیوژن (ایسا عمل جس میں ٹھوس مادہ تبدیل ہو کر مائع بن جاتا ہے) تقریباً لامحدود توانائی کے حصول کا ذریعہ بن سکتا ہے۔

ایس ایم ایس کی سہولت کے 30 برس مکمل ہو گئے

واضح رہے کہ ہمارا سورج نیوکلیائی فیوژن (عملِ گداخت) کے ذریعے توانائی پیدا کرتا ہے جس میں ہائیڈروجن ایٹم باہم مل کر ہیلیئم بناتے ہیں۔ اس عمل میں غیرمعمولی توانائی حاصل ہوتی ہے۔

امریکی ریاست کیلیفورنیا میں قائم لارنس لِیورمور نیشنل لیبارٹری کے سائنس دانوں نے حال ہی میں پہلی بار ایک فیوژن ری ایکشن میں اضافی توانائی کی پیداوار حاصل کی ہے جو خرچ کی جانے والی توانائی سے زیادہ ہے۔

لارنس لیورمور نیشنل لیبارٹری میں واقع نیشنل اگنیشن فیسلٹی (این آئی ایف) نے لیزر استعمال کرتے ہوئے پہلے 2.1 ملین جول توانائی خرچ کی اور اس سے 2.5 ملین جول توانائی حاصل کی۔

تحقیق میں شامل ماہرین نے جوہری فیوژن کے تجربے کو کاربن سے پاک توانائی کے حصول میں اہم کامیابی قرار دیا ہے۔

ناسا نے چاند کی ایک نئی تصویر جاری کر دی

کیلی فورنیا یونیورسٹی کے محققین کا کہنا ہے کہ انہوں نے تقریباً لامحدود،محفوظ اور صاف توانائی کےذریعے کو دریافت کرنے میں پیش رفت کی ہے اس میں کاربن ڈائی آکسائیڈ اور دیگر مضر گیسیں خارج نہیں ہوتیں جبکہ پیٹرول، کوئلے اور دیگر ذرائع کی توانائی سے مضر گرین ہاؤس گیسوں کا اخراج ہوتا ہے جس سے ہمارے موسمیاتی توازن اور ماحول پر شدید منفی اثرات مرتب ہورہے ہیں۔

لیبارٹری تجربے میں اگنیشن(ignition) نامی جوہری فیوژن کے رد عمل سے زیادہ توانائی حاصل ہوئی، جوہری فیوژن میں ہائیڈ روجن جیسے ہلکے عناصر کو ایک ساتھ توڑنے کے عمل سے توانائی کا بہت بڑا اخراج ہوتا ہے۔

اگرچہ روایتی بجلی گھروں کی طرح فیوژن پاور اسٹیشن کی منزل ابھی بہت دور ہے لیکن دنیا میں رکازی (فاسل) ایندھن سے اجتناب اور صاف توانائی کے حصول میں اسے ایک اہم پیشرفت قرار دیا جارہا ہے۔

واضح رہے کہ جوہری فیوژن پر تحقیق کا آغاز 1950 سے ہوا،محققین مثبت توانائی حاصل کرنے کا مظاہرہ کرنے سے اب تک قاصر رہے ہیں۔

آرٹیمس مشن 21 نومبر کو چاند کے مدار میں داخل ہوجائے گا،ناسا

مختلف پھولوں، پودوں اور نباتات سے بھرے بوٹانیکل گارڈن (نباتاتی باغ) بڑے پارک کے مقابلے میں تتلیوں کے لیے ایک بہترین جائے پناہ اور گھر ثابت ہوتے ہیں کیونکہ جنوب مغربی امریکہ کی آب و ہوا مسلسل گرم اور خشک ہوتی جا رہی ہے۔

باغی ٹی وی : اس ضمن میں مسلسل 20 برس تک 10 ہزار سے زائد نباتاتی باغوں کا جائزہ لیا گیا ہے۔ اس تحقیق کا مقصد یہ جاننا تھا کہ تتلیوں کے لیے نباتاتی باغ زیادہ اہم ہوتے ہیں یا پھر شہروں کے عام باغات زیادہ موزوں ہوتے ہیں۔

برطانیہ میں شدید برفباری سے مواصلات کا نظام بری طرح متاثر ،ڈیڑھ سو پروازیں منسوخ

انسیکٹس نامی جرنل میں شائع رپورٹ کے مطابق امریکا کے کئی پرہجوم شہروں مثلاً ٹکسن، فینکس، پام ڈیزرٹ، کیلیفورنیا، نیو میکسکو، ایل پاسو اور ٹیکساس وغیرہ میں مصرف عمارتوں کے درمیان میں موجود بوٹانیکل گارڈن میں تتلیوں کی اقسام اور تعداد کا جائزہ لیا گیا ہے۔ ان میں سے پام ڈیزرٹ کو چھوڑ کر باقی تمام شہروں میں سالانہ 11 انچ بارش ہی ہوتی ہے۔

اگرچہ عام باغ اور پارک کے مقابلے میں بوٹانیکل گارڈن بہت چھوٹے ہوتے ہیں لیکن ان میں دیگر کے مقابلے میں تتلیوں اور ان کی اقسام قدرے زیادہ دیکھی گئی ہیں۔ یعنی نباتاتی باغات میں اگر تتلیوں کا تنوع دیکھا جائے تو وہ 86 فیصد تک ہوسکتا ہے۔

بچوں کی جھیل میں ڈوب کر ہلاکت کی خبرنے براہ راست نشریات کے دوران میزبان کو جذباتی کردیا

پوری دنیا میں تتلیوں اور شہد کی مکھیوں کی آبادی تیزی سے کم ہورہی ہے جس پر ماہرین پریشان ہیں۔ ایک اندازے کے مطابق پوری دنیا میں ہر سال ڈیڑھ فیصد تتلیاں ختم ہورہی ہیں۔ لیکن سب سے زیادہ کمی مونارک تتلیوں میں ہوئی ہیں جس کی عالمی تعداد 90 فیصد تک کم ہوئی ہے۔ اس کیفیت میں شہروں کے نباتاتی باغ ان کے لیے بہترین جائے پناہ بن سکتے ہیں جہاں وہ پھلتی پھولتی ہیں۔

یہی وجہ ہے کہ ماہرین نے انہیں تتلیوں کی سبز جائے پناہ قرار دیا ہے۔ دوسری جانب نباتاتی باغ معدومیت کے شکار پودوں اور درختوں کو بچانے میں بھی مددگار ثابت ہوسکتے ہیں۔ آب و ہوا میں تبدیلی، فضائی آلودگی اور قدرتی پناہ گاہوں کے خاتمے سے تتلیوں کی بقا کو شدید خطرات لاحق ہوچکے ہیں۔

آئی ایل ٹی ٹونٹی کا آفیشل ترانہ ” ہلہ ہلہ “ ریلیز