پاکستان میوزک انڈسٹری کے نامور گلوکارفلک شبیر کا کہنا ہے کہ وہ اداکاری کی دنیا میں قدم رکھنے کا ارادہ رکھتے ہیں اور اس سلسلے میں انہوں نے اہلیہ سارہ خان سے اداکاری کی کلاسز لینا شروع کردی ہیں۔

باغی ٹی وی :حال ہی میں گلوکار اور اداکارہ سارہ خان کے شوہرفلک شبیر نے آن لائن ویب شو میں شرکت کی جس میں انہوں نے گفتگو کے دوران کہ وہ جلد ہی اداکاری کے میدان میں قدم رکھنے جارہے ہیں کیونکہ اداکاری مشکل ضرور ہے لیکن ناممکن نہیں-

فلک شبیر نے کہا کہ گلوکاری کی نسبت اداکاری کے لیے آپ کو زیادہ تحمل کی ضرورت ہوتی ہے اداکاری کے مقابلے میں موسیقی کی محفلیں بہت ہی اچھی ہوتی ہیں اور ماحول بھی خوشگوار ہوتا ہے۔

انہوں نے کہا کہ گلوکاری میں مداحوں سے ملتے ہیں گفتگو کرتے ہیں تو اس میں کافی تفریح میسر آتی ہے محافل موسیقی میں سب کچھ زندہ دل اور تفریح ہے۔

انہوں نے بتایا کہ ایک دن سارہ سے ملنے کے لیے سیٹ پر پہنچا تو احساس ہوا کہ اداکاری میں بہت صبر کی ضرورت ہوتی ہے، آپ کو ایک ہی سیٹ پر 10 سے 12 گھنٹے گزارنے پڑتے ہیں لہٰذا مجھے یقین ہے کہ اداکاری کرنا مشکل ہے لیکن یہ ناممکن نہیں ہے۔

گلوکار نے کہا کہ میں نے اہلیہ سارہ خان سے اداکاری کی کلاسز لینا شروع کردی ہیں اور اب آگے بھی اچھے کی امید ہے جب اداکاری کروں گا تو آپ کو یقیناً حیرانی ہوگی۔

خیال رہے کہ رواں برس رشتہ ازدواج میں منسلک ہونے والے گلوکار فلک شبیر اور اداکارہ سارہ خان کی اچانک شادی سے کئی لوگ حیران ہوگئے تھے دونوں نے 14 جولائی کو منگنی کا اعلان کیا اور اگلے ہی دن دونوں کی شادی کی تقریبات کا آغاز ہوا اور دونوں 17 جولائی کو شادی کے بندھن میں بندھ گئے۔

سارہ خان اور فلک شبیر کی ٹک ٹاک ویڈٰیو نے سوشل میڈیا پر دھوم مچا دی

ثنا جاوید اور عمیر جسوال شادی کے بندھن میں بندھ گئے

پاکستان شوبز انڈسٹری کی معروف اور تمغہ امتیاز اداکارہ مہوش حیات نے فرانسیسی اداکار لوكاس برافو کو اپنا نیا کَرش قرار دے دیا۔

باغی ٹی وی :امریکہ کی سب سے بڑی اسٹریمنگ کمپنی نیٹ فلکس پر حال ہی میں ریلیز ہونے والی نئی سیریز ’ایملی اِن پیرس‘ اس وقت کافی مقبول ہو چکی ہے اور شائقین کے ساتھ ساتھ پاکستانی اداکارہ اس سیریز کی سحر میں مبتلا ہو گئی ہیں۔

مذکورہ سیریز پاکستان کی معروف اداکارہ مہوش حیات نے بھی دیکھی اور اس کے سحر میں مبتلا ہو گئیں جبکہ ساتھ ہی گیبریل کا کردار ادا کرنے والے فرانسیسی اداکار ان کے دل میں اتر گئے جسے انہوں نے اپنا کَرش قرار دیدیا ہے۔

Just binge watched #Emilyinparis. A real breath of fresh air. Please #netflix let there be a 2nd season soon. Those who haven’t watched it yet .. it’s highly recommended! 💕Reminded me I must pick up my French lessons again.
PS #LucasBravo is definitely my crush updated! 😻 pic.twitter.com/86JXYWDdHW

— Mehwish Hayat TI (@MehwishHayat) October 19, 2020

مہوش حیات نے اپنے سوشل میڈیا ویب سائٹ ٹویٹر پر سیریز کی تصاویر شیئر کیں اور ساتھ اپنے ٹوئٹ میں لکھا کہ ’ایملی ان پیرس‘ مکمل دیکھ لیا یہ حقیقت میں تازہ ہوا کا جھونکا تھا۔

مہوش حیات نے نیٹ فلکس کا ہیش ٹیگ استعمال کرتے ہوئے مطالبہ کیا کہ جلد ہی اس سیریز کا دوسرا سیزن بھی جاری کیا جائے اگر کسی نے یہ نہیں دیکھا ہے تو میں آپ کو اسے دیکھنے کا مشورہ دوں گی اس نے مجھے یاد لایا کہ مجھے فرانسیسی زبان کے باقی سبق بھی لینے چاہیئں۔

اپنے ٹوئٹ کے آخر میں انہوں نے لوكاس برافو کو اپنا نیا کَرش بھی قرار دیا۔

واضح رہے کہ اس سیریز کو دیکھنے والے سیریز میں گیبریل کا کردار نبھانے والے فرانسیسی اداکار لوكاس برافو کا کردار بہت متاثر کُن ہے گیبریل کا کردار نبھانے والے فرانسیسی اداکار لوكاس برافو جو کہ نوجوان خوبرو لڑکی ’ایملی‘ کا ہمسایہ ہوتاہے اور نہایت ہی دلکش ہونے کے ساتھ ساتھ وہ شیف بھی ہے-

مایا علی ہدایتکار شعیب منصور کی فلم میں جلوئے دکھائیں گی

مایا علی ہدایتکار شعیب منصور کی فلم میں جلوئے دکھائیں گی

شادی کے بعد شوبز انڈسٹری کو خیرباد کہنے والی پاکستان کی سابقہ اداکارہ عائشہ خان نے آخر کار بیٹی ماہ نور کی تصویر شیئر کردی۔

باغی ٹی وی :گزشتہ برس 12 ربیع الاول کو عائشہ خان کے ہاں پیدا ہونے والی ماہ نور کی کوئی بھی ایسی تصویر نہیں لگاتی تھیں جس میں بچی کا چہرہ واضح ہو عموماً عائشہ خان جب بھی اپنی بیٹی کے ساتھ کوئی بھی تصویر شیئر کرتی تھیں تو وہ کسی ایموجی یا کسی دوسرے طریقے سے بچی کا چہرہ نہیں دکھاتی تھیں۔

تاہم گزشہ روز انہوں نے انسٹاگرام اسٹوری میں بیٹی کی سائیڈ پوز کی ایک ایسی تصویر شیئر کی عائشہ خان کی جانب سے بیٹی کی شیئر کی جانے والی تصویروں میں ماہ نور کو اپنے کھلونوں کے ساتھ کھیلتے ہوئے دیکھا جاسکتا ہے انہوں نے تصویر میں بیٹی کو اپنی محبت بھی قرار دیا۔

واضح رہے کہ اپنی بیٹی کا چہرہ نہ دکھانے پر اداکارہ کو تنقید کا سامنا بھی رہا اور کچھ سوشل میڈیا صارفین کی جانب سے اس حوالے سے تنقید بھی کی گئی تھی۔

چند ماہ قبل اداکارہ نے ایک فیملی تصویر پوسٹ کی تھی جس میں انہوں نے بیٹی کے چہرے پر ایموجی لگا کر اسے چھپادیا تھا جس پر ایک صارف نے تنقید کی تھی۔
https://www.instagram.com/p/CByyAp9FcTG/?utm_source=ig_embed
صارف نے کہا تھا کہ بیٹی کا چہرہ چھپانے کی کیا وجہ ہے؟ انہوں نے کہا تھا کہ مغربی ممالک میں لوگ اپنے بچوں کی تصویریں دیواروں پر لگاتے ہیں جبکہ یہاں ہم دیسی بچوں کے چہرے ایسے چھپاتے ہیں جیسے کسی اور کے بچے ہی نہیں ہیں۔

عائشہ خان نے صارف کی کا جواب دیتے ہوئے لکھا کہ انتہائی عزت و احترام کے ساتھ عرض ہے کہ اگر مجھے کوئی تصویر اچھی لگے گی تو میں پوسٹ کروں گی۔

انہوں نے مزید کہا تھا کہ تصویر پوسٹ کرتے وقت ماہ نور کا تصویر میں شامل ہونا یا نہ ہونا بھی انہی کی مرضی پر منحصر ہے اور آپ تصویر شیئر کیے جانے کی وجہ بالکل نہیں سمجھ پائے کہ بچوں کے ساتھ تصویر کھنچوانا کتنا چیلنجنگ ہوتا ہے۔

یاد رہے کہ عائشہ خان نے 2018 میں شوبز کو خیرباد کہنے کا اعلان کیا تھا جس کے بعد انہوں نے بتایا تھا کہ انہوں نے یہ فیصلہ اس لیے کیا کیوں کہ وہ اپنی زندگی کا ایک اہم قدم اٹھانے جارہی ہیں۔

جس کے بعد 15 اپریل 2018 کو عائشہ خان اور میجر عقبہ ایک سادہ مگر پروقار تقریب میں شادی کے بندھن میں بندھے تھے جس میں عزیز و اقارب سمیت قریبی دوستوں نے شرکت کی تھی اُن کے ہاں گزشتہ سال 12 ربیع الاول کو بیٹی کی پیدائش ہوئی تھی جس کا نام اُنہوں نے ’ماہ نور‘ رکھا۔

پاکستان شوبز انڈسٹری کی مقبول ترین اداکارہ و ماڈل ایمن خان کی جانب سے سوشل میڈیا پر شیئر کی گئی ایک تصویر نے سوشل میڈیا صارفین کو شَش و پنج میں ڈال دیا ہے۔

باغی ٹی وی :پاکستان ٹی وی انڈسٹری کی جڑواں بہنیں اداکارہ ایمن خان اور منال خان کے سوشل میڈیا پر کافی متحرک انظر آتی ہیں اور آئےروز نے نئی تصاویر اور ویڈٰوز اپنے مداھوں کے ساتھ شئیر کرتی رہتی ہیں یہی وجہ یے کہ ان کے مداحوں کی تعداد لاکھوں میں ہے جبکہ ایمن خان تو انسٹاگرام پر سب سے زایدہ فالورز رکھنے والی پاکستانی اداکارہ ہیں جس پر وہ ہم ٹی وی کا سوشل میڈیا انسٹاگرام پر سب سے زیادہ فالوورز رکھنے والی اداکارہ کا خصوصی ایوارڈ بھی اپنے کا چُکی ہیں-

حال ہی میں ایمن خان نےسماجی رابطے کی ویب سائٹ انسٹا گرام پر ایک تصویر شیئر کی گئی ہے جس میں دیکھا جا سکتا ہے کہ ایمن اور منال اپنی والدہ کے ہمراہ سیلفی لے رہی ہیں جبکہ ایمن، منال اور اُن کی والدہ کے چہرے پر اُبٹن لگا ہوا ہے جبکہ ایمن خان کی جانب سے شیئر کی گئی تصویر پر کوئی کیپشن نہیں دیا گیا ما سوائےصرف ایک ہیش ٹیگ کے ۔
https://www.instagram.com/p/CGlAfWkDli7/?utm_source=ig_embed
ایمن خان نے تصویر شیئر کرتے ہوئے لکھا ہے کہ ویڈنگ بیلز ۔

ایمن کی اس تصویر پر مداحوں کی جانب سے قیاس آرائیاں کی جا رہی ہیں یہ تصویر ایمن خان کی بہن اداکارہ منال خان کی مہندی کی رسم کی ہو سکتی ہے۔

کچھ صارفین نے کہا کہ منال خان کی شادی ہو رہی جبکہ چند سوشل میڈیا صارفین ایمن سے پوچھ رہے ہیں کہ یہ کس کی شادی ہو رہی ہے۔

واضح رہے کہ دونوں بہنوں ایمن اور منال کی جانب سے تاحال اس پر کوئی تبصرہ نہیں کیا گیا ہے کہ یہ منال خان کی مہندی کی رسم کی تصویر ہے یا وہ کسی کی شادی میں شرکت کر رہی ہیں۔

نیہا ککڑ اور روہن پریت سنگھ کی شادی کی تقریبات کا آغاز ہو گیا؟

اہلیہ کو لڑکی کہنے پر ٹوئٹر صارف کو زید علی کا کرارا جواب

منشا پاشا کی سالگرہ کی تصاویر اور ویڈیوز سوشل میڈیا پر وائرل

پاکستان شوبز انڈسٹری کی معروف اور خوبرو اداکارہ مایا علی معروف ہدایت کار شعیب منصور کی اگلی فلم میں مرکزی کردار ادا کریں گی-

باغی ٹی وی : میڈیا رپورٹس کے مطابق مایا علی نے ایک فلم کے بارے میں بات کرتے ہوئے بتایا کہ وہ معروف ہدایت کار شعیب منصور کی اگلی فلم میں بطور مرکزی اداکارہ کام کریں گی۔

اداکارہ نے بتایا کہ مجھے شعیب منصور کی فلم کا حصہ بننے پر بے انتہا خوشی محسوس ہورہی ہے احسن رحیم اور عاصم رضا جیسے نامور ہدایت کاروں کے ساتھ کام کرنے کے بعد اب میں تیسری فلم شعیب منصور کے ساتھ کررہی ہوں اور شعیب منصور کے ساتھ کام کرنا میرے لیے اعزاز کی بات ہے۔
فلم میں اپنے کردار کے بارے میں بات کرتے ہوئے مایا علی نے کہا کہ یہ بہت خوبصورت کردار ہے اور ایسا کردار میں نے اپنی زندگی میں پہلے کبھی ادا نہیں کیا۔

شعیب منصور نے 2017 میں ماہرہ خان کے ساتھ فلم ’’ورنہ‘‘ بنائی تھی لیکن یہ فلم مداحوں کو زیادہ متاثر نہیں کرسکی تھی اس بارے میں مایا علی نے کہا اس بارے میں وہ فکر مند نہیں ہیں۔ شعیب منصور اپنے آپ میں ایک ادارہ ہیں اور ان کے ساتھ کام کرنا میرے لیے اعزاز ہے-

فلم طیفا ان ٹربل میں اپنی شاندار اداکاری کے باعث مداحوں کا دل جیتنے والی اداکارہ نے کہا کہ مجھے معلوم ہے میں شعیب منصور سے بہت کچھ سیکھوں گی مایا علی نے امید ظاہر کرتے ہوئے کہا انہیں یقین ہے کہ فلم بہت اچھی ثابت ہوگی۔

مایا علی نے فلم سے متعلق مزید بتاتے ہوئے کہا اس فلم کی سب سے دلچسپ بات اس کا نام ہے لیکن فی الحال وہ فلم کا نام نہیں بتاسکتیں۔ تاہم انہوں نے فلم کے نام کا مخفف بتاتے ہوئے کہا کہ فلم کانام ’اے بی جی‘ ہوسکتا ہے۔

یاد رہے کہ شعیب منصور کی پچھلی تینوں فلمیں’خدا کے لیے‘، ’بول‘ اور’ورنہ‘ کے ٹائٹلز ایک دوسرے کے ساتھ جڑے ہوئے تھے۔ شعیب منصور کی ہر فلم میں لوگوں کے لیے ایک سماجی پیغام ہوتا ہے تو کیا ان کی اگلی فلم میں بھی کوئی سماجی پیغام ہوگا اس سوال کے جواب میں بھی مایا علی نے فی الحال کچھ نہیں بتایا اور صرف اتنا کہا کہ فلم کا اسکرپٹ بہت اچھا ہے۔

فلم میں مایا علی کے ساتھ ٹی وی کے معروف اداکار عماد عرفانی مرکزی کردار میں نظر آئیں گے۔ فلم کی شوٹنگ دسمبر میں شروع ہوگی۔

واضح رہے کہ اس قبل مایا علی ڈرامہ پروجیکٹ ’پہلی سی محبت‘ میں اداکاری دکھائیں گی اور اداکارہ اس تین برسوں بعد مذکورہ ڈرامے کے ساتھ ایک با پھر چھوٹی اسکرین پر واپسی کررہی ہیں- اس ڈرامے میں ان کے ساتھ معروف ڈیزائنر اور میزبان حسن شہریار یاسین ( ایس ایچ وائے ) پہلی مرتبہ اپنی اداکاری کے جوہر دکھائیں گے-

نامور ڈیزائنر اور میزبان حسن شہریار یاسین ٹیلی ویژن پر اداکاری کرنے کے لیے تیار

مایا علی جلد ہی نئے ڈرامے میں جلوہ گر ہوں گی

زندگی ایک بار ملتی ہیں اسے بھر پور طریقے سے جینا چاہیئے مایا علی

آپ خوش ہوں یا غمگین زندگی کے ہر لمحے کو سیلیبریٹ کریں صبا قمر