پاکستان شوبز انڈسٹری سے اسلام کی خاطر کنارہ کشی اختیار کرنے والے فیروز خان جلد ہی ٹیلی فلم میں دکھائی دیں گے۔

باغی ٹی وی :فیروز خان عیدالاضحی کے موقع پر زارا نور عباس کے ساتھ ٹیلی فلم میں دکھائی دیں گے جیو انٹر ٹینمنٹ کے لئے بننے والی ٹیلی فلم سیوبتھ اسکائی کے بینر تلے بنائی جائے گی تاحال اس ٹیلی فلم کے نام کا اعلان نہیں کیا گیا-

اس فلم کے ہدایت کار احسان تالش ہیں جبکہ فیروز خان اور زارا نور عباس کے علاوہ دیگر کاسٹ میں اداکارہ صباء فیصل ، جاوید شیخ، فرحان علی آغا اور مزنا وقاص شامل ہیں۔

احسان تالش نے فیروزخان،زارانور عباسی ،صبا فیصل اور مزنا وقاص کے ساتھ لی گئی تصویر اپنے انسٹا گرام پر شئیر کی –
https://www.instagram.com/p/CCwK3WVpBGy/
واضح رہے کہ فیروز خان نے 07 مارچ کو یہ کہتے ہوئے شوبز چھوڑنے کا اعلان کیا تھا کہ میں اب اپنی خدمات اسلامی تعلیمات کی تبلیغ کے لیے وقف کررہا ہوں آپ سب سے گزارش ہے کہ میرے اور میرے عزیزوں کیلئے دعا کریں۔

انہوں نے اپنے پیغام میں لکھا تھا کہ میں شوبز انڈسٹری سے کنارہ کشی کا اعلان کرتا ہوں۔

خیال رہے کہ فیروز خان نے 2014 کے بعد اداکاری کی شروعات کی اور انہوں نے اب تک ایک درجن تک ڈراموں میں کام کیا، ان کے مقبول ڈراموں میں ’گل رعنا، چپ رہو، تم سے مل کے، وہ ایک پل،خانی اور دل کیا کرے‘ شامل ہیں جبکہ ان کا ڈرامہ ’عشقیہ‘ بھی اس وقت نجی ٹی وی چینل پر نشر ہورہا ہے انہیں جیو کے مشہور ڈرامہ سیریل ’خانی‘ میں ’میر ہادی‘ کا کردار ادا کرنے سے جو شہرت حاصل ہوئی تھی اس سے پہلے کسی اور ڈرامے سے نہیں ہوئی تھی-

فیروز خان ٹیلی فلم کے علاوہ ’خدا اور محبت‘ کے سیکوئل پر بھی کام کرر ہے ہیں۔ان کی فلم ٹچ بٹن بھی رواں سال عالمی وبا کورونا کے وجہ سے ریلیز نہیں ہو سکی ٹث بٹن میں ان کے ساتھ فرحان سعید ،سونیا حسین اور اداکارہ ایمان مرکزی کردار میں شامل ہیں-

دوسری جانب سینئیر اداکارہ صبا ء فیصل نے بھی اپنے انسٹا گرام اکاؤنٹ پر فلم کی کاسٹ کے ساتھ لی گئی تصویر شئیر کی-
https://www.instagram.com/p/CCyQtJ7lYJN/
https://www.instagram.com/p/CC0Q7W9FvFl/
https://www.instagram.com/p/CCyNl90Fa8P/
https://www.instagram.com/p/CCyMws1lRDV/

اداکار اعجاز اسلم اور فیصل قریشی جلد ہی نئے ڈرامے میں ایک ساتھ نظر آئیں گے

پاکستان شوبز انڈسٹری کی نامور اور عالمی شہرت یافتہ اداکارہ ماہرہ خان کا کہنا ہے کہ مہینوں بعد سیٹ پر کام کرتے ہوئے وہ غیر حقیقی سا محسوس کر رہی ہیں-

باغی ٹی وی : عالمی وبا کورونا وائرس لاک ڈاؤن کے دوران دوسری تما م ثقافتی اورتعلیمی سرگرمیوں سمیت شوبز کی سرگرمیاں مکمل طور پر بند ہو گئی تھیں ایسے میں پاکستان سمیت دنیا بھر کی شوبز انڈسٹری کو شدید دھچکا لگا تھا۔

اب حالات آہستہ آہستہ معمول کی طرف آ رہے ہیں اور متعدد انڈسٹریز سمیت شوبز انڈسٹری کی بھی شوٹنگز کا سلسلہ شروع ہو گیا ہے ۔
https://www.instagram.com/p/CCvJUU4BaKE/
پاکستان کی خوبصورت اداکارہ ما ہرہ خان نے اپنے انسٹاگرام اکاؤنٹ پر اپنی ایک تصویر شیئر کی ہے جس میں کورونا کے بعد ہونے والے ایک فوٹو شوٹ سے متعلق اپنے مداحوں کو بتا رہی ہیں ۔

تصویر شیئر کرتے ہوئے ماہرہ خان نے کیپشن میں لکھا ہے کہ کئی مہینوں بعد سیٹ پر واپسی اُنہیں غیر حقیقی سی محسو س ہو رہی ہے مگر اب وہ دوبارہ سے کیمرے کا سامنا کرنے کے لیے تیار ہیں چاہے یہ تھوڑی سی دیر کے لیے ہے مگر اُن کے لیے بہت خوشی کی بات ہے-

ماہرہ خان نے مزید لکھا کہ اُنہیں گلے ملنے کی عادت ہے اس لیے کورونا وائرس سے بچاؤ کے لیے احتیاطی تدابیر انہیں پسند نہیں آ رہی ہے ۔

پاکستان شوبز انڈسٹری کے معروف اداکار ہمایوں سعید نے گزشتہ روز ہونے والی تیز بارش میں بھنگڑا ڈالنے کی ویڈیو سوشل میڈیا پر وائرل ہوگئی ہے۔

باغی ٹی وی : گزشتہ روز کراچی میں ہونے والی برسات کو جہاں شہریوں نے انجوائے کیا تو وہیں شوبز ستارے بھی بارش سے خوب لطف اندوز ہوئے اور بارش میں بنائی گئی دلچسپ تصویریں اور ویڈیوز اپنے سوشل میڈیا پر وائرل ہو رہی ہیں-

Happy that it's FINALLY raining pic.twitter.com/R8FnJqZAOj

— Humayun Saeed (@iamhumayunsaeed) July 17, 2020

اداکار ہمایوں سعید نے بھی سماجی رابطے کی ویب سائٹ ٹوئٹر پر اپنی ایک ویڈیو شیئر کی جس میں وہ بارش سے لُطف اندوز ہو رہے ہیں-

ہمایوں سعید کی جانب سے شیئر کی جانے والی ویڈیو میں وہ پارک میں موجود بارش سی لُطف اندوز ہو رہے ہیں اور خوشی کا مظاہرہ کرتے ہوئے اُنہوں نے بارش میں بھنگڑا ڈالنا شروع کردیا۔

ہمایوں سعید نے ویڈیو شیئر کرتے ہوئے لکھا کہ بہت خوش ہوں کہ آخر کار کراچی میں بھی بارش ہو رہی ہے۔

اداکارکی اس ویڈیو پر معروف اداکار شان شاہد نے لکھا کہ بے شک یہ اللہ کی رحمت اور برکات ہیں۔

Blessings of the ALMIGHTY #Lovekhirain #misskhirain .#timeformangoes

— Shaan Shahid (@mshaanshahid) July 17, 2020

جبکہ دوسری جانب اداکار یاسر حسین نے انسٹا گرام پر بارش میں کرکٹ کھیلتے ہوئے ایک ویڈیو شئیر کی یاسر حسین کی جانب سےشئیرکی جانے والی ویڈیو میں دیکھا جاسکتا ہے کہ اداکار کراچی کی بارش سے خوب لطف اندوز ہو رہے ہیں اور بارش کو انجوائے کرتے ہوئے اپنے محلے کے بچوں کے ساتھ کرکٹ بھی کھیلتے نظر آ رہے ہیں۔
https://www.instagram.com/p/CCvuUfXjO1s/
ویڈیو میں دیکھا جاسکتا ہے کہ بیٹنگ لائن پر موجود یاسر حسین نے عمدہ انداز میں بال کو ہٹ کیا۔

اداکار نے ویڈیو پوسٹ کرتے ہوئے اپنے مداحوں کو بتایا کہ اُنہوں نے اپنے بلّے سے جو بال ہٹ کی اصل میں وہ ایک چھکّا تھا۔

پاکستان کے گلوکار و اداکار ہارون شاہد کا کہنا ہے کہ پاکستان نے کبھی عمران خان جیسا وزیر اعظم نہیں دیکھا جو مستقبل کے بارے میں مستقل گفتگو کرتا ہو-

باغی ٹی و ی: سماجی رابطے کی ویب سائٹ ٹوئٹر پر اداکار ہارون شاہد نے اپنی ٹوئٹ میں عمران خان کی تعریف کرتے ہوئے لکھا کہ پاکستان نے کبھی ایسا وزیراعظم نہیں دیکھا جو مستقبل کے بارے میں مستقل گفتگو کرتا ہو اور عمران خان کی یہی خاصیت انہیں دوسروں سے الگ کرتی ہے۔

Never has Pakistan seen a PM who constantly talks about the future! Imran Khan that's what sets you apart! My future vote is already booked for you 👍🏼 Whether it's dams, trees or our economic policies Khan Saab is investing in our future. #PlantForPakistan

— Haroon Shahid (@Haroon_5hahid) July 17, 2020

گلو کار و ادکار ہارون نے لکھا کہ اُن کا مستقبل کا ووٹ بھی پاکستان تحریک انصاف(پی ٹی آئی) کے لئے پہلے ہی بُک ہے۔

اُنہوں نے لکھا کہ ’خواہ ڈیم ہوں، درخت ہوں یا ہماری معاشی پالیسیاں موجودہ وزیر اعظم عمران خان مختلف طریقوں سے ہمارے مستقبل کیلئے سرمایہ کاری کررہے ہیں۔

واضح رہے کہ گزشتہ روز وزیراعظم عمران خان نے کہوٹہ میں مون سون شجر کاری مہم کا افتتاح کرتے ہوئے کہا تھا کہ ہم نے فیصلہ کیا تھا کہ 10 ارب درخت اگائیں گے، 2 برس میں 30 کروڑ درخت اگائے ہیں، ہماری نرسریوں میں پودے تیار ہیں اور آئندہ جون تک ایک ارب درخت لگائے جا چکے ہونگے درخت نہ لگائے تو سخت مشکلات کا سامنا کرنا پڑے گا۔

جب کہ دوسری جانب وزیراعظم عمران خان نے چند روز قبل دیا میر بھاشا ڈیم کا بھی افتتاح کر کے اُس کی تعمیرکا آغاز کر دیا ہے-

کورونا وائرس کا شکار بھارتی اداکارہ ایشوریا رائے بچن اور ان کی بیٹی آرادھیا بچن کو سانس لینے میں دشواری کے سبب آئسولیشن سے ہسپتال منتقل کردیا گیا ہے-

باغی ٹی وی : بھارتی میڈیا کے مطابق 46 سالہ اداکارہ ایشوریا رائے بچن اور ان کی 8 سالہ بیٹی آرادھیا بچن کو گذ شتہ روزگھر میں آئسولیشن سے کوویڈ-19 کے علاج کی غرض سے ممبئی کے نانا وتی اسپتال منتقل کیا گیا ہے –

میڈیا رپورٹس کے مطابق دونوں ماں بیٹی کو سانس لینے میں دشواری کے سبب اسپتال منتقل کیا گیا ہے۔ برہان ممبئی میونسپل کارپوریشن (بی ایم سی) نے ان کے اسپتال میں زیرعلاج ہونے کی تصدیق کی ہے تاہم اسپتال ذرائع کا کہنا ہے کہ دونوں کی حالت ٹھیک ہے۔

واضح رہے کہ امیتابھ بچن اور ابھیشیک بچن پہلے ہی کورونا وائرس کے باعث اسپتال میں زیر علاج ہیں ادھر بی ایم سی نے بچن فیملی کے تین گھر بھی سیل کر دیئے ہیں۔

یا د رہے کہ 11 جولائی کو اداکار امیتابھ بچن نے ٹوئٹر پر اطلاع دیتے ہوئے کہا تھا کہ ان میں کورونا وائرس کا ٹیسٹ مثبت آیا ہے انہوں نے اپنے دوستوں سے درخواست کی کہ ان کے قریب رہنے والے بھی اپنا کورونا ٹیسٹ کروائیں۔

دوسری جانب اسی دن ابھیشیک بچن نے بھی ان میں کورونا ٹیسٹ مثبت آنے کی خبرٹوئٹر پر دی تھی۔ بعد ازاں 12 جولائی کو ابھیشیک بچن نے ان کی اہلیہ ایشوریا رائے اور بیٹی آرادھیا میں بھی کورونا ٹیسٹ مثبت آنے کی تصدیق کی تھی جس کے بعد سے دوبنوں ماں بیٹی کو گھر مین آئسولیٹ کر دیا گیا تھا تاہم امیتابھ بچن کی اہلیہ جیا بچن کا ٹیسٹ منفی آیا تھا۔

امیتابھ بچن کا مداحوں کے لئے خصوصی پیغام

شاہد آفریدی اور شعیب اختر کا امیتابھ بچن اور ابھیشیک بچن کے لئے نیک خواہشات کا اظہار

بھارتی فنکاروں کا امیتابھ بچن اور ابھیشیک بچن کی صحتیابی کے لئے دعائیہ پیغامات

امیتابھ بچن کی طبیعت مستحکم ہے تاہم اگلے 7 دن بہت اہم ہیں ہسپتال ذرائع

معروف بھارتی اداکارامیتھا بچن کرونا وائرس کا شکارہوگئے

امیتابھ بچن کے بعد ابھیشیک بچن کرونا وائرس کا شکارہوگئے

ارادھیہ اور ایشوریا رائے کے کورونا ٹیسٹ کے نتائج بھی مثبت آگئے

پاکستان کی مقبول و معروف ٹک ٹاک سٹار جنت مرزا کے پہلے گانے نے دھوم مچا دی ، یوٹیوب ٹرینڈنگ میں ٹاپ پر رہا ہے-

باغی ٹی وی : بلال سعید کے گانے شاعر میں ٹک ٹاک سٹار جنت مرزا نے محمد علی جوش کے ساتھ ڈیبیو کیا تھا ان کا گانا رواں ماہ 10 جولائی کو ریلیز کیا گیا تھا جبکہ گلوکار سرمد قدیر نے اس گانے کو تحریر اور کمپوز کیا ہے۔

یہ گانا 5 منٹ 8 سیکنڈز پر مشتمل ہے جس میں ایک ایسی کہانی دکھائی گئی ہے جہاں ایک نوجوان شاعر خوبصورت اداکارہ سے یک طرفہ محبت کرتا ہے اور پھر ایک وقت ایسا آتا ہے کہ یہ محبت دو طرفہ محبت میں بدل جاتی ہے۔

جنت مرزا کے گانے ’شاعر‘ کو مداحوں کی طرف سے خوب پسند کیا جا رہا ہے اس کا اندازہ اس بات سے لگا جا سکتا ہے کہ یہ گانا یوٹیوب ٹرینڈنگ میں ٹاپ پر ہے-

اس گانے کو یوٹیوب پر اب تک 45 لاکھ سے زائد بار دیکھا جا چُکا ہے-

انسٹا گرام سکرین شاٹ
مداحوں کی جانب سے گانے کو اس حد تک پذیرائی ملنے پر جنت مرزا نے اپنی انسٹا گرام سٹوری پر مداحوں کا شکریہ اداکرتے ہوئے لکھا تھا کہ اتنا سارا پیار دینے پر آپ سب کا بہت زیادہ شکریہ-

واضح رہے کہ اس سے قبل گلوکار عاصم اظہر کا گانا ’تُم تُم‘ ریلیز ہوا تھا اس گانے کی مرکزی کردار معروف ٹک ٹاک اسٹار اریکا حق نے ادا کیا تھا جبکہ گانے میں عاصم اظہر، اُردو ریپ سانگ کے گلوکار رامس، طلحہ یونس، طلحہ انجم اور گلوکار و اداکار تیمور صلاح الدین عرف مورو نے بھی اپنی اداکاری کے جوہر دکھائے تھے اور گانے کے آخر میں اداکارہ ہانیہ عامر بھی نظر آئیں تھیں۔

اریکا حق کے بعد ٹک ٹاک سٹار جنت مرزا گلوکار بلال سعید کے نئے گانے کی ویڈیو میں شامل

صبا قمر ٹک ٹاک اسٹار اریکا حق کی حمایت میں بول پڑیں

لوگ پہلے ڈپریشن اور مینٹل ہیلتھ پر لیکچر دیتے ہیں اور کچھ دن بعد خود کسی کو اپنی نفرت سے ڈپریشن کا شکار بنا دیتے ہیں عاصم اظہر

عاصم اظہر اور ٹک ٹاک اسٹار ارکا حق کے گانے کا ٹیزر جاری

پاکستان شوبز انڈسٹری کے معروف اداکار فیصل قریشی اور نامور اداکار اعجاز اسلم جلد ہی نئے ڈرامہ سیریل ’لوگ کیا کہیں گے‘ میں ایک ساتھ نظر آئیں گے۔

باغی ٹی وی : لوگ کیا کہیں گے میں اعجاز اسلم اور فیصل قریشی کے ساتھ ماڈل و اداکارہ صحیفہ جبار بھی اداکاری کے جوہر دکھائیں گی یہ ڈرامہ ایک مالدار گھرانے کو درپیش مشکل حالات سے گزرنے پر مبنی ہے۔

اعجاز اسلم ڈرامہ سیریل لوگ کیا کہیں گے میں حسیب کا کردار ادا کریں گے جو اپنے اہل خانہ کی ضروریات اور خواہشیں پوری کرنے کے لیے کسی بھی حد جاسکتا ہے اور جب مشکل وقت آتا ہے تو اس کا امتحان شروع ہوجاتا ہے۔

ڈرامے کا پہلا ٹیزر جاری کیا گیا جس میں اعجاز اسلم کو صحیفہ جبار خٹک کا محبت کرنے والا شوہر اور ایک پیار کرنے والا باپ دکھایا گیا ہے جو اپنی بیٹی دانیہ کے عیش و آرام پر بے دریغ پیسہ خرچ کرتا ہے-

تاہم مالی مشکلات کی وجہ سے ہر چیز نہ صرف اس کے لیے بلکہ اس کے گھر والوں کے پریشان کن صورت اختیار کرلیتی ہے۔

جبکہ ڈرامے میں فیصل قریشی کو ایسے کردار میں دکھایا گیا ہے جس میں وہ ایک خوشحال اور کامیاب شخص اچھا باپ اور شوہر ہوتا ہے لیکن اس کو ہمیشہ سب عیش و آرام چھن جانے کا خوف ہوتا ہے کہ اگر یہ سب چھن گیا تو لوگ کیا کہں گے-

ڈرامے کے بارے میں بات کرتے ہوئے اداکار اعجاز اسلم کا کہنا ہے کہ میں اس پروجیکٹ کے لیے بہت پرجوش ہوں، کہانی، پروڈکشن، ہدایتکاری، اور بہترین کاسٹ میرے لیے ایک شاندار تجربہ ہے-

فیصل قریشی کے ساتھ کام کرنے کے حوالے سے اعجاز اسلم کا کہنا تھا کہ مجھے فیصل کے ساتھ دوبارہ کام کر کے بہت اچھا لگا اور حسیب کا کردار ادا کر کے مزا آیا-

ڈرامے کی دیگر کاسٹ میں کنزہ رزاق، سکینہ سموں، افشاں قریشی اور حمیرا ظہیر شامل ہیں۔

اعجاز اسلم نے امید ظاہر کرتے ہوئے کہا کہ مجھے امید ہے ک ناظرین بھی اسے دیکھنا پسند کریں گے-