اسلامی فتوحات پر مبنی تُرک سیریز ارطغرل غازی کو رواں برس اپریل سے وزیر اعظم عمران خان کی ہدایت پر پی ٹی وی پر نشرکیا جا رہا ہے جس پر شوبز شخصیات منقسم دکھائی دیں جہاں اس ڈرامے کو شوبز شخصیات پی ٹی وی پر نشر کئے جانے کی حامی ہیں کچھ فنکار مذکورہ ڈرامہ پی ٹی وی پر نشر کرنے کے پر ناراض دکھائی دیئے اور تاحال اس پر اداکاروں کی مختلف رائے سامنے آ رہی ہے۔جبکہ پاکستانی عوام کی جانب سے اس ڈرامے کو بے حد پسند کیا جارہا ہے
باغی ٹی وی : ’ارطغرل غازی‘ کو پی ٹی وی پر متعدد شوبز شخصیات نشر کئے جانے کی حامی ہیں ان میں سنیئر و معروف اداکارہ لیلیٰ زبیری بھی شامل ہیں ان کا ’ارطغرل غازی‘ کو پاکستانی ڈراموں کے لیے رول ماڈل قرار دیتے ہوئے کہنا ہے کہ پاکستان ڈرامہ انڈسٹری کو ارطغرل جیسے ڈرامے بنانے چاہیے۔
https://www.instagram.com/p/CDbimzUFpi7/?igshid=13pj9aj8hswv3
حال ہی میں پاکستانی اداکارہ لیلیٰ زبیری سے انٹرویو کے دوران ڈرامہ سیریل ارطغرل غازی سے متعلق سوال کیا گیا جس پر اُن کا کہنا تھا کہ وہ بھارتی ڈراموں کے بہت زیادہ خلاف تھیں اور ہیں کیوںکہ بھارتی ڈرامے پاکستانی ثقافت پر اثر انداز ہو رہے تھے بھارتی ڈرامے پاکستان میں نشر ہونا بند ہو گئے ہیں یہ بہت اچھا ہوا ہے وہ شروع سے ہی غیر ملکی ڈراموں کے پاکستان میں نشر ہونے کے خلاف رہی ہیں-
لیلیٰ زبیری کا کہنا تھا کہ اگر غیر ملکی ڈرامے ہمارے چینلز پر نشر ہوں گے تو ہمارے ڈراموں کی جگہ لے لیتا ہے-اس سے ہمارے فنکاروں اور ہمارے ڈراموں پر منفی اثر پڑتا ہے ہمارے لئے پلیٹ فارم نہیں بچتا ہمارے فنکاروں کو کام نہیں ملتا ہے اور بے روزگار ہو جاتے ہیں۔
انہوں نے مزید کہا کہ جہاں تک ارطغرل کا سوال ہے تو وہ سمجھتی ہیں کہ ارطغرل ایک اسلامی تاریخ پر بنایا گیا ڈرامہ ہے اور اچھی بات ہے کہ ہمیں اسلامی تاریخ کا پتہ ہونا چاہیے، اگر ارطغرل غازی جیسے ڈرامے دکھائیں تو اِس پر اُنہیں کوئی اعتراض نہیں ہے۔
لیلیٰ زبیری کا کہنا تھا کہ ہمارے لیے یہ ڈرامہ ایک طرح سے سبق ہے اور ہمارے ڈراموں کے لیے رول ماڈل ہے ہمیں بھی ایسے ڈرامے بنانے چاہیے، ہمارے پاس اتنا بڑا بجٹ نہیں مگر کوشش تو کی جا سکتی ہے
اُن کا کہنا تھا کہ ارطغرل ڈرامہ بہت مشہور ہو رہا ہے اس کا مطلب ہے آپ یسی چیزیں بنائیں تو لوگ دیکھیں گے لوگ دیکھنا چاہیں گے عوام ایسا ڈرامہ دیکھنا چاہتی ہے ہمیں بھی ایسے ڈرامے بنانے چاہئیں بجائے اس کے کہ فضول قسم کے پیار، محبت اور افیئرز سے ہٹ کر ہمیں ایسے موضوع پر کام کرنا چاہیے۔
