Baaghi TV

Category: شوبز

  • عاصم اور ہانیہ تو بس دوست تھے، گزشتہ کچھ مہینوں میں انکی آپس میں ملاقاتوں کی چند جھلکیاں

    عاصم اور ہانیہ تو بس دوست تھے، گزشتہ کچھ مہینوں میں انکی آپس میں ملاقاتوں کی چند جھلکیاں

    پاکستان شوبز انڈسٹری کی معروف اداکارہ ہانیہ عامر اور مقبول گلوکار عاصم اظہرکے حوالے سے یہ چہ مگوئیاں کافی عرصے سے جاری تھیں کہ ان کے آپس میں تعلقات رہے ہیں اور ماضی میں انہیں اکثر کافی جگہوں پر اکٹھا دیکھا جاتا رہا جس پر قیاس آرائیاں ہوتی رہیں کہ شاید وہ شادی کا ارادہ بھی رکھتے ہیں۔

    باغی ٹی وی : رواں برس اپریل میں بھی گلوکارہ آئمہ بیگ نے انسٹاگرام لائیو چیٹ کے دوران ہانیہ عامر سے سوال کیا تھا کہ مداح پوچھ رہے ہیں کہ وہ عاصم اظہر سے کب شادی کر رہی ہیں؟

    آئمہ بیگ کی جانب سے سوال پوچھے جانے پر ہانیہ عامر نے بات کو ٹالتے ہوئے کہا تھا کہ ابھی تو وہ بچی ہیں ایسے میں وہ کیسے شادی کرلیں تاہم انہوں نے اس وقت واضح طور پر عاصم اظہر سے تعلقات کے حوالے سے کوئی بات نہیں کی تھی۔

    تاہم حال ہی میں ایک بار پھر آئمہ بیگ کے ساتھ لائیو ویڈیو چیٹ میں ہانیہ عامر نے کھل کر عاصم اظہر سے تعلقات پر بات کی-

    54 سیکنڈ کےمختصر دورانیے کی ویڈیو میں ہانیہ عامر نے بتایا تھا کہ وہ اور گلوکار عاصم اظہر بہترین دوست ہیں تاہم ساتھ ہی انہوں نے وضاحت کی کہ ان کے درمیان ‘وہ’ والے تعلقات نہیں۔

    ہانیہ عامر کا کہنا تھا کہ ان کے اور عاصم اظہر کے درمیان جوڑے بننے والے تعلقات نہیں اور نہ ہی انہوں نے کبھی ایک دوسرے سے اس طرح کی ملاقاتیں کی ہیں اور نہ ہی وہ ایک د وسرے کو اس طرح دیکھتے ہیں وہ دونوں بہترین دوست ہیں اور وہ ایک دوسرے کی مدد کرتے رہتے ہیں۔

    ہانیہ عامر نے کہا تھا کہ وہ حال ہی میں عاصم اظہر کے گانے میں بھی دکھائی دیں اور ان دنوں گلوکار ایک منصوبے میں ان کی مدد کر رہے ہیں-

    اداکارہ کی جانب سے عاصم اظہر کے ساتھ دوستی کے اعتراف اور تعلقات کے انکار کے حوالے سے کچھ مداح پریشان بھی دکھائی دیئے اور ناراض بھی دکھائی دیئے-

    سماجی رابطے کی ویب سائٹ پر مداحوں نے ہانیہ کی اس بات پر مختلف تبصرے بھی کئے-
    https://twitter.com/Mutmaeenbeghrt/status/1282733324667060225?s=20
    ایک صارف نے لکھا کہ سنگل لوگ کیا کرتے ہیں؟


    میاں تیمور نامی صارف نے لکھا کہ ہانیہ یہ تُم نے ٹھیک نہیں کیا-
    https://twitter.com/khiz110/status/1282450864725200902?s=20
    ایک صارف نے لکھا کہ اہنیہ عامر کی اس بات کے بعد عاصم اظہر تم جہ ملے جو خود ہی گا کر سنا رہا ہو گا اپنے آپ کو-https://twitter.com/aey_its_bia/status/1282586499591086080?s=20
    ایک صارف نے لکھا کہ میں نے واقعی عاصم کو ایک محفل موسیقی میں "میری زندگی میں دو خوشیاں ہیں ، ایک میری امی اور ایک تم (ہانیہ)” کہتے ہوئے دیکھا تھا۔اس نے عاصم کو کہا لو بیٹھے رہو اب-


    ایک صارف نے لکھا کہ عاصم اظہر نے مشکل وقت میں ہانیہ عامر کی حمایت کی۔ لیکن پھر اس نے اسےچھوڑ دیا کیونکہ وہ اب شوبز میں سیٹ ہو چکی ہے۔ لڑکیاں ناقابل یقین اور معنی خیز مخلوق ہیں۔


    ایک اور صارف نے لکھا کہ عاصم اظہر بھی کٹ گیا ہانیہ نے کہہ دیا کہ وہ بس میرا اچھا دوست ہے-
    https://twitter.com/QueenAfshan/status/1282561654199287808?s=20
    ایک صارف نے ہانیہ عامر کے عاصم اظہر کو صرف ایک اچھے دوست کہنے پر آئمہ بیگ کے ری ایکشن کی تصویر شئیر کی-


    ایک صارف نے لکھا کہ یہ دن آنے والے ہیں جب ہانیہ کی جگہ اریکا حق عاصم اظہر کے ساتھ ہو گی جیسے صدف کنول نے سائرہ یوسف کی جگہ شہروز کے ساتھ لے لی تھی-
    دوسرئ جانب ان کی مختلف مقامات پر اکٹھے گزارے گئے لمحات کی تصاویر شئیر کیں جس میں دیکھ کر صرف یہی ظاہر ہوتا ہے کہ مستقبل مین ان دونوں کو ایک دوسرے کے ساتھ شادی کے بندھن میں دیکھا جائے گا-لیکن ان سب کے برعکس ہانیہ عامر نے عاصم اظہر کو صرف دوست کہہ کر سب کو حیران پریشان کردیا ہے-


    ایک صارف نے لکھا کہ عاصم اظہر اور ہانیہ عامر صرف ایک دوست تھے-


    ان کی ظاہری شکل سے پہلے کہ وہ عوامی سطح پر اسے زیادہ واضح کرنا شروع کردیں


    ایک مرتبہ جب ایکومن دیکھنے کے لئے اکٹھے ہوئے ، اور اس کے بعد سے اکثر و بیشتر ایک دوسرے کے ساتھ تصاویر اور کہانیاں پوسٹ کرنا شروع کردیں-


    عاصم اظہر ہانیہ کے ساتھ کچھ وقت گزارنے کراچی سے اسلام آباد آیا تھا ، متعدد جگہوں پر گیا تھا ، یہ گیانکی ہے۔


    کہیں لاہور میں طزت کے دوران لی گئی تصاویر صرف دوستوں کی


    اس تصویر میں ہانیہ عامر نے عاصم کو سری لنکا کے دورے پر حیرت میں ڈال دیا جہاں وہ اپنے گانے یا کسی اور چیز کی شوٹنگ کر رہا تھا۔اور یہ صرف ان کے دوست تھے۔


    یہ تصویر جب دبئی اسٹیڈیم میں ایک ساتھ پی ایس ایل میچ دیکھا-


    یہ تصویر جب عاصم اظہر نے ہانیہ عامر کو اس کی سالگرہ پر ہانیہ کی پسندیدہ سورج مکھی کی تھیم کے ساتھ دی-


    ٹیلی فلم پیار کہانی کی شوٹنگ کے دوران


    ان کی مشہور ریمپ واک


    مختلف برانڈز کے لئے شاٹس


    وہ شادیوں میں شریک ہورہے ہیں جبکہ عاصم مستقبل میں ہانیہ کو اپنے شریک حیات کے طور پر دیکھ رہا ہے-صرف دوستوں نے عوامی طور پر ہاتھ تھامے’


    سین تو کبھی تھا ہی نہیں شاید


    ان کے خوبصورت اسٹیج پر نمائش

    عاصم اظہرصرف میرا اچھا دوست ہے ہمارے درمیان کوئی نجی تعلقات نہیں ہانیہ عامر

  • دوسرے ممالک کے فنکاروں کو پاکستان میں خوش آمدید کہیں اور اپنے لوگوں کو غیر محفوظ محسوس نہ کروائیں ، آغا علی کا اسراء بلجیک کو پاکستانی کمپنی کا برانڈ ایمبیسڈر بنائے جانے پر تنقید کرنے والے فنکاروں کو جواب

    دوسرے ممالک کے فنکاروں کو پاکستان میں خوش آمدید کہیں اور اپنے لوگوں کو غیر محفوظ محسوس نہ کروائیں ، آغا علی کا اسراء بلجیک کو پاکستانی کمپنی کا برانڈ ایمبیسڈر بنائے جانے پر تنقید کرنے والے فنکاروں کو جواب

    پاکستان شوبز انڈسٹری کے معروف اداکار آغا علی کا کہنا ہے کہ اداکار ہمیشہ بین الاقوامی سطح پر کام کرنا پسند کرتے ہیں اور جب کسی اداکار کو دوسرے ملک سے کسی پراجیکٹ کی آفر ہو تو یہ اس کیلئے قابل فخر لمحہ ہوتا ہے۔

    باغی ٹی وی : اپنے ایک انٹر ویو میں اسرا بلجیک نے کہا تھا کہ وہ پاکستان کے تین مختلف برانڈز کے ساتھ کام کرنے والی ہیں اور وہ اس بات کا باقاعدہ اعلان کچھ دن میں ایک پریس ریلیز کے ذریعے کریں گی۔تاہم اب گذشتہ روزان میں سے ایک برانڈ کے لیے اداکارہ کے اشتراک کا اعلان ہوگیا ہے اور انہیں ایک موبائل کمپنی کا برانڈ ایمبسیڈر بنادیا گیا ہے۔

    اسمارٹ فون کمپنی کیو موبائل نے سوشل میڈیا پوسٹ پر اعلان کیا تھا کہ ترک اداکارہ ان کی نئی ڈیوائس ویو میکس پرو کے لیے برانڈ ایمبیسڈر بن گئی ہیں کمپنی کا کہنا تھا کہ وہ پہلا پاکستانی برانڈ ہے جس نے ارطغرل ڈرامے سے شہرت پانے والی اداکارہ کو اپنے نئے فون کی مہم کا حصہ بنایا ہے۔

    کمپنی کے اس اعلان کے بعد اداکار یاسر حسین نے غیر ملکی برانڈ ایمبیسیڈر کے خلاف آواز بلند کی جس کی حمایت اداکارہ ایمن خان اور اداکارہ منال خان نے بھی کی-

    یاسر حسین نےاپنی انسٹاگرام سٹوری میں لوگوں سے سوال پوچھا تھا کہ آپ کو نہیں لگتا کہ پاکستانی برانڈ کی برانڈ ایمبسیڈر پاکستانی ہونی چاہئے؟ نہ بھارتی اور نہ ترک اداکارہ؟یاسر حسین نے کہا تھا کہ کیا ماہرہ خان، صباقمر، سونیاحسین، منال خان، ایمن خان، امر خان، زارا نور عباس، ہانیہ عامر ، ثنا جاوید، یمنی زیدی، ارمینہ خان، سارہ اور حرامانی کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟

    یاسر حسین نے لکھا تھا کہ پاکستانی اداکاراؤں کو سپورٹ کریں پاکستان زندہ باد۔ یاسر حسین نے اپنی اہلیہ اقرا عزیز کا نام نہ لکھنے کی وجہ بتاتے ہوئے کہا کہ اقرا کانام اس لیے نہیں ہے کیونکہ وہ پہلے ہی ایک موبائل برانڈ کی ایمبسیڈر ہے۔
    https://www.instagram.com/p/CCnYwHUh9u3/?igshid=1bd9z5onu7gs
    اس کے بعد آغا علی نے اسراء بلجیک کو پاکستانی کمپنی کا برانڈ ایمبیسڈر بنائے جانے پر تنقید کرنے پر جواب دیتے ہوئے اپنی ایک انسٹاگرام اسٹوری شیئر کی-

    انسٹا گرام سکرین شاٹ
    انہوں نے لکھا کہ اداکار ہمیشہ بین الاقوامی سطح پر کام کرنا پسند کرتا ہے اور جب کسی اداکار کو دوسرے ملک سے کسی پراجیکٹ کی آفر ہو تو یہ اس کیلئے قابل فخر لمحہ ہوتا ہے۔

    آغا علی کا کہنا تھا کہ ایسا ہی جب پاکستانی کمپنی کسی غیرملکی اسٹار کو برانڈ ایمبیسیڈر بنائے تو یہاں کے فنکار غیر محفوظ محسوس کرنا شروع کردیتے ہیں کہ جیسے غیر ملکی اسٹارز اُن کے پروجیکٹس اور کام پر ڈاکہ ڈالنے آئے ہیں۔

    آغا علی نے لکھا کہ اللہ نے جو آپ کے نصیب میں لکھا ہے اس سے نہ زیادہ ملے گا نہ ہی کم تو لہذا دوسرے ممالک کے فنکاروں کو پاکستان میں خوش آمدید کہیں اور اپنے لوگوں کو غیر محفوظ محسوس نہ کروائیں آنے دو جو آتا ہے خوش رہو اور محنت کرو۔

    انسٹا گرام سکرین شاٹ
    انہوں نے ایک اور سٹوری میں لکھا کہ فواد اور ماہرہ جب اپنا کام اپنے پروجیکٹس ادھورے چھوڑ کر بھارت سے وطن واپس آئے تو ہمیں بہت بُرا لگا تھا اسی طرح اگر ترکی یا کسی اور ملک کے اداکار یہاں سے جائیں گے تو یقیناً وہاں کے لوگوں کو بُرا لگے گا اور ترکی جو پیار اور عزت دیتا ہے پاکستانیوں کو کیا یہ تعلق ایسا ہی رہے گا-

    آغا علی کا کہنا تھا کہ برائے مہربانی غیر ملکی اداکاروں کو پاکستان میں خوش آمدید کہیں اور انہیں اُن کے ملک کی طرح پیار اور عزت دیں۔

    اداکار نے لکھا کہ پاکستان کی عزت بھی اسی میں ہے باقی جو آپ کو ٹھیک لگے۔

    کیا پاکستانی اداکاراؤں میں کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟ یاسر حسین

    اسرا بلجیک پہلی پاکستانی کمپنی کی برانڈ ایمبیسیڈر مقرر

  • شادی کرو کاروبار نہیں ، صبا قمر کی شادی سے متعلق روایتی خیالات پر تنقید

    شادی کرو کاروبار نہیں ، صبا قمر کی شادی سے متعلق روایتی خیالات پر تنقید

    پاکستان شوبز انڈسٹری کی معروف اداکارہ صبا قمر کی ایک ویڈیو سوشل میڈیا پر وائرل ہو رہی ہے جس میں وہ شادی سے متعلق روایتی خیالات پر تنقید کرتی نظر آ رہی ہیں ۔

    باغی ٹی وی : اداکارہ صبا قمر نے سوشل میڈیا ویب سائٹ انسٹاگرام پر شادی اور اس سے متعلق مسائل پر ایک ویڈیو شیئر کی ہے ویڈیو میں صبا قمر رشتے کرانے والی آنٹیوں پر تنقید اور شادی کے بعد لڑکی کو سُسرال میں پیش آنے والی مشکلات پر اپنی رائے کا اظہار کر رہی ہیں ۔
    https://www.instagram.com/tv/CClIIHghxJ3/?igshid=mu20693jjhx5
    صبا قمر کی شئیر کی گئی ویڈیو میں کہنا ہے کہ ہمارے معاشرے میں دو طرح کے لوگ لڑکی کا رشتہ دیکھنے آتے ہیں ایک تنگ نظر اور دوسرے آزاد خیال لوگ مگر دونوں خاندانوں کو بہو کی شکل میں نوکرانی ہی چاہیے ہوتی ہے، لڑکی اگر پڑھی لکھی ہے تو نوکری کرےاور اگر ان پڑھ ہے تو گھر کاکام کرے-

    انہوں نے کہا کہ شادی کے بعد کوئی بھی فیصلہ میاں بیوی کا نہیں رہتا بلکہ گھر کی کوئی نہ کوئی بزرگ خاتون فیصلے کرتی ہیں کہ میں مرنے سے پہلے تمہاری اولاد دیکھنا چاہتی ہوں، اور اگر اللہ کی دین سے بیٹی جیسی رحمت گھر میں آ جائے تو ڈیمانڈ بڑھ جاتی ہے کہ پوتا دیکھنے کی خواہش تھی یہ تو پوتی ہو گئی اور پھر بیٹا پوتے کے لئے پوتیوں کی لائن لگا دیتا ہے-

    صبا قمر نے ویڈو شیئر کرتے ہوئے مزید کہا کہ وہ اپنے لیے شادی کرنا چاہتی ہیں لوگوں کو دکھانے کے لیے نہیں صبا قمر نے ویڈیو شیئر کرتے ہوئے اپنی پوسٹ میں ہیش ٹیگ شادی کرو کاروبار نہیں بھی استعمال کیا۔

    واضح رہے کہ اداکارہ سوشل میڈیا پر معاشرے کے کئی مسئلوں پر بات کرتی رہتی ہیں اور اپنے خیالات کا اظہار کرتی رہتی ہیں جنیہں مداحوں کی طرف سے خوب سراہا جاتا ہے-

  • کیا پاکستانی اداکاراؤں میں کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟ یاسر حسین

    کیا پاکستانی اداکاراؤں میں کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟ یاسر حسین

    پاکستان شوبز انڈسٹری کے معورف مزاحیہ اداکار یاسر حسین ایک موبائل فون کمپنی کی جانب سے پاکستانی اداکاراؤں کی بجائے تُرک سیریز کی مرکزی اداکارہ حلیمہ سلطان (اسرا بلجیک) کو برانڈ ایمبسیڈر بنانے پر احتجاج کیا ہے-

    باغی ٹی وی : اداکار یاسر حسین کا شمار ان فنکاروں میں ہوتا ہے جو مسلمانوں کین اسلامی فتوحات پر مبنی ترک سیریز’ارطغرل غازی‘ کو پاکستان کے سرکاری ٹی وی چینل پرنشر کرنے کے شروع سے ہی مخالف ہیں اور پہلے بھی انہوں نےاس ڈرامے کو پی ٹی وی پر نشر کرنے کے خلاف آواز اٹھاتے ہوئے کہا تھا کہ غیر ملکی ڈرامے کو پاکستان کے سرکاری ٹی وی پر نشر کرنے سے مقامی فنکاروں کو نقصان ہوگا۔

    اور اب جب ایک معروف موبائل کمپنی نے ’ارطغرل غازی‘کی مرکزی اداکارہ اسریٰ بلجک کو اپنے موبائل فون کا برانڈ ایمبسیڈر مقرر کیا ہے تو یاسر حسین نے ایک بار پھر اپنی آواز اٹھاتے ہوئے مقامی اداکاراؤں کی جگہ ایک غیر ملکی اداکارہ کو برانڈ ایمبسیڈر بنانے پر احتجاج کیا ہے۔

    یاسر حسین نے سماجی رابطے کی ویب سائٹ انسٹاگرام اسٹوری پر اسرا بلجیک کی تصویر شیئر کرتے ہوئے لوگوں سے سوال پوچھا تھا کہ آپ کو نہیں لگتا کہ پاکستانی برانڈ کی برانڈ ایمبسیڈر پاکستانی ہونی چاہئے؟ نہ بھارتی اور نہ ترک اداکارہ؟ پاکستان زندہ باد

    انسٹا گرام سٹوری سکرین شاٹ
    انہوں نے ایک اور اسٹوری میں پاکستان کی تقریباً تمام صف اول کی اداکاراؤں اور ماڈلز کے نام لکھ کر کہا کیا ماہرہ خان، صباقمر، سونیاحسین، منال خان، ایمن خان، امر خان، زارا نور عباس، ہانیہ عامر ، ثنا جاوید، یمنی زیدی، ارمینہ خان، سارہ اور حرامانی کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟

    انسٹا گرام سٹوری سکرین شاٹ
    یاسر حسین مزید لکھا کہ پاکستانی اداکاراؤں کو سپورٹ کریں پاکستان زندہ باد۔ یاسر حسین نے اپنی اہلیہ اقرا عزیز کا نام نہ لکھنے کی وجہ بتاتے ہوئے کہا کہ اقرا کانام اس لیے نہیں ہے کیونکہ وہ پہلے ہی ایک موبائل برانڈ کی ایمبسیڈر ہے۔

    انسٹا گرام سٹوری سکرین شاٹ
    اداکار یاسر حسین نے مزید ایک اور سٹوری میں لکھا کہ پاکستانی ہو تو پاکستانی کو سپورٹ کرو-پاکستان زندہ باد-

    یاسر حسین کی اس پوسٹ پراداکارہ منال خان نے ان کی تائید کرتے ہوئے کہا یاسر حسین بالکل درست کہہ رہے ہیں لیکن ہمارے لوگ انہیں غلط ضرور ثابت کریں گے۔

    دوسری جانب منال خان کی بہن ایمن خان نے اور اور رافع راشدی اور حسن حیات خان نے بھی اداکار یاسر حسین کی تائید کی-

    انسٹا گرام سٹوری سکرین شاٹ
    واضح رہے کہ اس سے قبل کئی بھارتی فنکار پاکستانی پروڈکٹس کے لیے اشتہارات میں ماڈلنگ کرچکے ہیں-

    یاد رہے کہ اپنے ایک انٹر ویو میں اسرا بلجیک نے کہا تھا کہ وہ پاکستان کے تین مختلف برانڈز کے ساتھ کام کرنے والی ہیں اور وہ اس بات کا باقاعدہ اعلان کچھ دن میں ایک پریس ریلیز کے ذریعے کریں گی۔تاہم اب گذشتہ روزان میں سے ایک برانڈ کے لیے اداکارہ کے اشتراک کا اعلان ہوگیا ہے اور انہیں ایک موبائل کمپنی کا برانڈ ایمبسیڈر بنادیا گیا ہے۔

    اسمارٹ فون کمپنی کیو موبائل نے سوشل میڈیا پوسٹ پر اعلان کیا تھا کہ ترک اداکارہ ان کی نئی ڈیوائس ویو میکس پرو کے لیے برانڈ ایمبیسڈر بن گئی ہیں کمپنی کا کہنا تھا کہ وہ پہلا پاکستانی برانڈ ہے جس نے ارطغرل ڈرامے سے شہرت پانے والی اداکارہ کو اپنے نئے فون کی مہم کا حصہ بنایا ہے۔

    اسرا بلجیک پہلی پاکستانی کمپنی کی برانڈ ایمبیسیڈر مقرر

  • وزیر اعظم عمران خان ٹھیک کہتے تھے پاکستانی دنیا کی ذہین ترین قوم ہے وینا ملک

    وزیر اعظم عمران خان ٹھیک کہتے تھے پاکستانی دنیا کی ذہین ترین قوم ہے وینا ملک

    پاکستان شوبز انڈسٹری کی معروف اداکارہ و میزبان اور پی ٹی آئی کی کارکن وینا ملک کا کہنا ہے کہ وزیر اعظم عمران خان ٹھیک کہتے ہیں کہ پاکستانی قوم دنیا کی زہین ترین قوم ہے-

    باغی ٹی وی : حال ہی مں سری لنکا نے پاکستان کو 450 وینٹیلٹرز کا آرڈر دے دیا ہے جس پروینا ملک نے اپنے خیالات کا اظہار سوشل میڈیا پر کیا-

    وینا ملک نے سماجی رابطے کی ویب سائٹ ٹویٹر پر اپنے ٹویٹ میں لکھا کہ جو پاکستان وینٹیلٹرز پیسے سے خریدنے کیلئے بھی امریکہ کی منتیں کرتا تھا آج وہ پاکستان دنیا بھر کو اپنی بنائی وینٹیلٹرز فروخت کررہا ہے سری لنکا نے پاکستان کو 450 وینٹیلٹرز کا آرڈر دے دیا ہے


    اداکارہ نے لکھا کہ آج تک پاکستان کے کل ہسپتالوں میں صرف 5 ہزار وینٹیلٹرز موجود تھے وہ بھی جنرل پرویز مشرف نے خریدے تھے-

    اداکارہ نے اس حوالے سے ایک اور ٹویٹ کیا انہوں نے لکھا کہ میڈاِن پاکستان وینٹیلٹرز کے بعد پاکستان نے اسٹنٹ یعنی دل کے مصنوعی وال بھی بنانا شروع کردیئے


    وینا ملک نے کہا کہ عمران خان ٹھیک کہتا تھا یہ قوم دنیا کی ذہین ترین قوم ہے لیکن ہمیں آج سے پہلے ایماندار لیڈر نہیں ملے تھے-

    انہوں نے کہا کہ جو چیزیں ہم دنیا سے پیسے دینے کے باوجود منتیں کرکے خریدتے تھے اب دنیا ہم سے خریدے گی-

  • آن لائن خریداری ماڈل و اداکارہ نادیہ حسین دھوکا کھا گئیں

    آن لائن خریداری ماڈل و اداکارہ نادیہ حسین دھوکا کھا گئیں

    دنیا بھر مین پھیلی عالمی وبا کورونا وائرس کے باعث دنیا بھر میں آن لائن شاپنگ کا رجحان بڑھ گیا ہے انٹرنیٹ کے ذریعے گھر بیٹھے ہی آن لائن اشیائے ضرورت کی خریداری کی جاسکتی ہے۔

    باغی ٹی وی :اس دورميں جہاں ایک جانب آن لائن پروسیس سے لوگوں کیلئے شاپنگ میں آسانی ہوگئی ہے تو دوسری طرف فراڈ بھی عام ہوگئے ہیں۔ جس کا شکار پاکستان کی نامور ماڈل و اداکارہ نادیہ حسین بھی ہو گئیں ہیں جس کی تفصیلات نادیہ حسین نے سوشل میڈیا پر بھی شئیر کیں ہیں۔

    اداکارہ نادیہ حسین نے سوشل میڈیا ویب سائٹ انسٹا گرام پر ایک ویڈیو شئیر کی جس میں انہوں نے بتایا کہ ایسا پارسل ملا جس کا انہوں نے آرڈر ہی نہیں کیا اور اس میں سے استعمال شدہ کمبل نکلا۔
    https://www.instagram.com/p/CCaiDAmJ_ae/
    نادیہ حسین نے بتایا کہ ایک آن لائن جعلی پارسل ملا ہے جو کہ انہوں نے آرڈر نہیں کیا تھا اور انہوں نے بے دھیانی میں اس کے پیسے 4250 روپے بھی ادا کر دئیے کیونکہ وہ باقاعدگی سے آن لائن شاپنگ کرتی ہیں اس لئے ان کو دھیان نہیں رہا کہ یہ آرڈر انہوں نے دیا تھا کہ نہیں-

    اداکارہ نے عوام سے اپیل کی کہ براہ کرم پارسل بیچنے والے اور بھیجنے والے کے بارے میں معلومات سے واقف رہیں خدارا ایسا کوئی آن لائن پارسل جس پر بھیجنے والے یا فروخت والے کی تفصیل نہ لکھی گئی ہو ہر گز وصول نہ کریں اور اس کے لیے رقم بھی ادا نہ کریں۔

    انہوں نے کہا کہ ان کی ویڈیو بنانے کا مقصد صرف آپ سب کو متنبہ کرنا تھا کہ یہ آپ کے ساتھ بھی ہوسکتا ہے لہذا اس چیز سے خبردار رہیں-

  • سوشانت سنگھ راجپوت: خود کشی یا قتل اہم رپورٹ سامنے آگئی

    سوشانت سنگھ راجپوت: خود کشی یا قتل اہم رپورٹ سامنے آگئی

    ممبئی :رواں سال گذ شتہ ماہ 14 جون خود کشی کر کے موت کو گلے لگانے والے بھارتی 34 سالہ نوجوان اداکار سوشانت سنگھ راجپوت کی موت پر ان کے مداح ابھی تک غمزدہ ہیں ان کی لاش ممبئی کے علاقے باندرہ میں موجود ان کے اپارٹمنٹ میں پائی گئی تھی اور ان کی اس اچانک اور دردناک موت کو قبول نہیں کر پا رہے ہیں-

    سوشانت کے مداحوں کا ماننا ہے کہ وہ خودکشی کر ہی نہیں سکتے تھے انہیں خود کشی کرنے پر مجبور کیا گیا ہے جبکہ کئی با لی وڈ فنکار اور سوشانت سنگھ راجپوت کے مداح ان کی خودکشی میں سازش کا اندیشہ مسلسل ظاہر کررہے ہیں۔

    باندرہ پولیس سوشانت سنگھ راجپوت کے کیس کی مسلسل تفتیش کررہی ہے ۔ پولیس اس سلسلہ میں اب تک تقریبا تین درجن لوگوں سے پوچھ گچھ کرچکی ہے-

    تاہم اب ایک پولیس افسر کے حوالے سے این بی ٹی نے خبر شائع کی ہے کہ سشانت سنگھ راجپوت ڈپریشن کی دو بیماریوں کا علاج کرا رہے تھے لاک ڈاؤن سے ایک ہفتہ پہلے تک وہ ہندوجا اسپتال میں علاج کرانے کیلئے داخل بھی تھے ۔

    این بی ٹی(Navbharat Times) کی رپورٹ کے مطابق پولیس افسر نے بتایا ہے کہ اس کیس میں ابھی تک کسی کے ذریعہ کسی بھی طرح کی بھی پیشہ ور سازش کا کوئی ثبوت نہیں ملا ہے یہ کیس خودکشی کا ہے ۔

    رپورٹ کے مطابق پولیس افسر کا کہنا تھا کہ سوشانت سنگھ راجپوت نے خودکشی کیوں کی ، ہم اس کے نتیجہ پر بھی تقریبا پہنچ گئے ہیں ۔

    اس پولیس افسر نے دعوی کیا کہ سوشانت سنگھ راجپوت ڈپریشن کی خطرناک بیماریوں پیرانویا اور بائپولر ڈس آرڈر سے متاثر تھے ۔علاوہ ازیں تفتیش کے دوران گواہوں سے پوچھ گچھ میں یہ بات بھی سامنے آئی ہے کہ بالی وڈ میں مصروفیات کے باوجود بھی سوشانت سنگھ اکیلاپن محسوس کرتے تھے-

    پولیس تحقیقات میں یہ بات بھی سامنے آئی ہے کہ سوشانت سنگھ راجپوت کی والدہ بھی ڈپریشن سے متاثر تھیں ۔ جب سوشانت سنگھ صرف 16 سال کے تھے تبھی ان کی والدہ نے اس دنیا سے چل بسیں تھیں-

    واضح رہے کہ سوشانت سنگھ کی موت کا ذمہ دار بھارتی عوام نے بالی وڈ انڈسٹری کو قرار دیا تھا اور سوشل میڈیا پر اقربا پروری کے خلاف ایک طوفان بھی برپا رہا تھا بعض بالی وڈ لوگوں پر تو عوام نے سرعام تبصرے کیے تھے جبکہ سلمان خان اور کرن جوہر سمیت آٹھ لوگوں کو سوشانت کی موت کا ذمہ۔دار ٹھہراتے ہوئے مقدمہ بھی درج کیا گیا تھا یہاں تک کہ بہار کی جن ادھیکار پارٹی کے راجیش رنجن عرف پپو یادو کا کہناتھا کہ بہار میں کرن جوہر اور سلمان خان کی فلمیں ریلیز نہیں ہونے دیں گے۔

    خیال رہے کہ سوشانت سنگھ راجپوت نے کیریئر کا آغاز 2008 میں ٹی وی سے کیا تھا جبکہ انہوں نے فلمی کیریئر کا آغاز 2013 میں کیا تھا، انہوں نے اب تک محض ایک درجن فلموں میں ہی کام کیا تھا۔

    سوشانت سنگھ راجپوت کی فلموں میں کائی پو چے، شدھ دیسی رومانس، پی کے، ڈیٹیکٹو بایو مکیش بخشی، ایم ایس دھونی: دی یونائیٹڈ اسٹوری، رابطہ، ویلکم ٹو نیویارک، کید ارناتھ، سون چڑیا، چھچھورے اور ڈرائیو شامل ہیں۔

    سوشانت سنگھ راجپوت کو ان کے 12 سالہ کیریئر کے دوران 20 کے قریب ایوارڈز کے لیے نامزد کیا گیا اور انہوں نے 9 ایوارڈز جیتے، انہوں نے بہترین ڈیبیو اداکار، بہترین پاپولر اداکار اور بہترین اداکار کے فلم فیئر، اسکرین ایوارڈ اور زی سائن ایوارڈز اہنے نام کئے-

    اداکارہ کنگنا رناوت نے سوشانت سنگھ کی افسوسناک موت کے حوالے سے فلم انڈسٹری کی جانب سے پھیلائے گئے پروپیگنڈے کو بے نقاب کردیا

    ویویک اوبرائے نے بھی سوشانت سنگھ کی موت کا ذمہ دار بالی وڈ کو قرار دیا

    سوشانت سنگھ کی موت کی ذامہ دار بالی وڈ انڈسٹری ہے بھارتی عوام

    سوشانت سنگھ کی موت کے بعد عالیہ بھٹ اور کرن جوہر کو سوشل میڈیا پر بڑی ناکامی

    بھارتی اداکار سوشانت سنگھ راجپوت نے خودکشی کر لی

  • ارطغرل اور بابا جان شہید سراج رئیسانی کی عادات ایک جیسی تھیں نوابزادہ جمال خان رئیسانی

    ارطغرل اور بابا جان شہید سراج رئیسانی کی عادات ایک جیسی تھیں نوابزادہ جمال خان رئیسانی

    شہید سراج خان رئیسانی کے بیٹے نوابزادہ جمال خان رئیسانی کا کہنا ہے کہ تُرک سیریز ارطغرل غازی کے مرکزی کردار ارطغرل اور بابا جان شہید سراج رئیسانی کی عادات ایک جیسی تھیں-

    باغی ٹی وی : ترک سپہ سالار ارطغرل غازی کی زندگی پر مبنی ڈرامہ ’دیریلش ارطغرل‘نے ریلیز ہونے کے بعد ترکی میں تو کامیابی حاصل کی اور نیٹ فلکس کے ذریعے یہ سیریز دنیا بھر میں مقبول ہوئی تاہم جب سے مذکورہ پاکستان میں ریلیز ہونا شروع ہوا ہے اس ڈرامے نے کامیابی کے سارے ریکارڈز توڑ دئیے ہیں۔

    ڈرامہ سیریل’دیریلش ارطغرل‘کو وزیراعظم عمران خان کی ہدایت پر اردو میں ڈب کرکے ’ارطغرل غازی‘کے نام سے یکم رمضان المبارک سے پی ٹی وی نشر کیا جارہا ہے ڈرامے کے ساتھ اس کے کرداروں نے بھی بہت کم عرصے میں مقبولیت حاصل کر لی ہےسبکوڈرامے میں بہادری صاف گوئی سچائی اور ڈائیلاگز نے اپنے سحر میں جکڑ رکھا ہے-


    شہید سراج خان رئیسانی کے بیٹے نوابزادہ جمال خان رئیسانی نے سماجی رابطے کی ویب سائٹ ٹویٹر پر اپنے ٹویٹ میں لکھا کہ ڈرامے کے مرکزی کردار ارطغرل غازی اور بابا جان شہید سراج رئیسانی کی عادات ایک جیسی تھیں-غداروں کو معاف نا کرنا، سچ کا ساتھ دینا
    مظلوموں کی آواز بننا،اپنی زمین کا سودا کسی صورت برداشت نا کرنا،اللہ پر یقین اور دین پر استقامت ،خود کو بیچ کر مال نا بنانا،جان کی بازی لگا کر میدان جنگ میں اترنا-

    نوابزادہ جمال خان رئیسانی کی اس ٹویٹ کی ٹویٹر صارفین نے بھی تائید کی-


    محمد آصف جوئیہ نامی صارف نے لکھا کہ بے شک بچے،آپکا باپ ایک بہادر انسان تھا، اور اس نے ٹیپو سلطان کا وہ قول سچ ثابت کیا کہ شیر کی ایک دن کی زندگی گیدڑ کی سو سالہ زندگی سے بہتر ہے،اور آپ بہادر شیر کے بیٹے ہو ہمیں فخر ہے اُن پر اور آپ پر۔اللّٰہ پاک اُن کے درجات بلند فرمائے اور آپکو ہر بلا سے محفوظ رکھے۔آمین
    https://twitter.com/imran71921520/status/1282777938149150723?s=20
    عمران نامی صارف نے لکھا کہ جب نام پکارے جایں گے سب اہل وفا کے آپ بھی پکارے جایں گے،شکریہ نواب صاحب احسان اور قرض ہے آپ کا الله پاک جنت الفردوس میں اعلی مقام عطا فرمائے-


    اس سے قبل جمال خان رئیسانی نے اپنی ٹویٹ میں آگاہ کرتے ہوئے لکھا تھا کہ کل بابا جان شہید سراج رئیسانی کی برسی ہے اور آج ایک مرتبہ پھر مجھے جان سے مارنے کی دھمکیاں موصول ہو رہی ہیں، میں ایک مرتبہ پھر دو ٹوک الفاظ میں بتانا چاہتا ہوں کہ ہم ڈرنے والوں میں سے نہیں۔ ہم نے پاکستان کیلئے اپنی جانیں وقف کر دی ہیں۔ اوچھے ہتھکنڈے ہمارا راستہ نہیں روک سکتے-

    خیال رہے کہ اس سے قبل پاکستان مسلم لیگ نون کی رہنما حنا پرویز بٹ نے بھی کیا تھا کہ مریم نواز بھی ارطغرل جیسی قائدانہ صکاحیتوں کے مالک ہیں-

    واضح رہے کہ سلامی فتوحات کی تاریخ پر مبنی ترکی کے شہرہ آفاق ڈرامے ’دیریلیش ارطغرل‘ جسے ترکی کا ’گیم آف تھرونز‘ بھی کہا جاتا ہے اسوقت دنیا بھر میں دیکھا جا رہا ہے اس ڈرامے کو 13 ویں صدی میں اسلامی فتوحات کے حوالے سے انتہائی اہمیت حاصل ہے

    دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے یہ عظیم شخصیت سلطنت عثمانیہ کے بانی عثمان اول کے والد تھے ڈرامے میں دکھایا گیا ہے کہ کسطرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے

    جودیکھتا ہے وہ دیکھتا ہی رہ جاتا ہے”ارطغرل غازی "کی مقبولیت آسمان کوچھونے لگی،مگرپھربھی اعتراض ،وہ کیوں ؟

  • بوگس چیک دینے کے مقدمہ میں نامزد اداکارہ عائشہ ثنا کے خلاف ایک اور مقدمہ درج

    بوگس چیک دینے کے مقدمہ میں نامزد اداکارہ عائشہ ثنا کے خلاف ایک اور مقدمہ درج

    تاجر محمد علی معین کو 20 لاکھ روپے کا جعلی چیک دینے پر اداکارہ و میزبان عائشہ ثناء کے خلاف ایک اور مقدمہ درج کر لیا گیا۔

    باغی ٹی وی : عائشہ ثنا نے رئیل اسٹیٹ بزنس سے وابستہ میاں محمد علی معین سے ایک کروڑ 75 لاکھ روپے ادھار لئے تھے جس کے عوض اداکارہ نے انہیں ایڈوانس چیک دیئے تھے لیکن ان کا دیا ہوا 2لاکھ روپے کا پہلا ہی ڈس آنر ہوگیا تھا-

    جس پر علی معین نے عائشہ ثنا کے خلاف گذشتہ ماہ27 مئی کولاہور ڈیفنس بی پولیس اسٹیشن میں مقدمہ درج کرایا تھا تاہم اداکارہ پولیس کے سامنے پیش نہیں ہوئیں جس پر ان کے ناقابل ضمانت وارنٹ گرفتاری جاری کرتے ہوئے انہیں گرفتار کرکے پیش کرنے کا حکم دے دیا تھا ذرائع کے مطابق عائشہ ثنا خاموشی سے بیرون ملک جاچکی ہیں ۔

    جسکے بعد علی معین نے انٹرپول سے رابطہ کرنے کا فیصلہ بھی کیا تھا جب کہ دوسری طرف علی معین نے عائشہ ثنا کو اشتہاری قرار دلانے کیلئے بھی کوششیں شروع کردی ہیں تاہم اب خبریں سامنے آئی ہیں کہ تھانہ سرائے عالمگیر گجرات میں بھی علی معین نے عائشہ ثناء کے خلاف مقدمہ درج کا دیا ہے-

    پولیس کے مطابق تھانہ سرائے عالمگیر گجرات میں عائشہ ثناء کے خلاف مقدمہ تاجر علی معین کی جانب سے درج کرایا گیا ہے-

    پولیس کا کہنا ہے کہ عائشہ ثناء کو تاحال گرفتار نہیں کیا جاسکا اداکارہ کی گرفتاری کے لیے لاہور اور اسلام آباد میں کئی مقامات پر پولیس نے چھاپے مارے ہیں۔

    بوگس چیک دینے کے مقدمہ میں نامزد اداکارہ عائشہ ثنا کے خلاف انٹر پول سے رابطہ کرنے کا فیصلہ

    معروف اداکارہ عائشہ ثنا گرفتار ہو سکتی ہیں؟ سنئے مبشر لقمان کی زبانی اہم انکشافات

    لاہور کی مقامی عدالت کی طرف سے عائشہ ثنا کے وارنٹ گرفتاری جاری

  • سوشانت سنگھ کی آخری فلم دل بیچارہ کے ہدایتکار مکیش چھابڑا کا سوشل میڈیا پرسوشانت سنگھ راجپوت کے لئے جذباتی پیغام

    سوشانت سنگھ کی آخری فلم دل بیچارہ کے ہدایتکار مکیش چھابڑا کا سوشل میڈیا پرسوشانت سنگھ راجپوت کے لئے جذباتی پیغام

    گذشتہ ماہ 14 جون کو خودکشی کرکے اپنی زندگی کا خاتمہ کرنے والے بالی وڈ ادکار سوشانت سنگھ کی آخری فلم ’دل بیچارہ‘ کے ہدایتکار مکیش چھابڑا نے سوشل میڈیا پر سوشانت سنگھ راجپوت کے لئے جذباتی پیغام جاری کیا ہے۔

    باغی ٹی وی : سماجی رابطے کی ویب سائٹ انسٹاگرا م پر فلم ’دل بیچارہ‘ کے ہدایتکار مکیش چھابڑا اپنی کچھ یادگار تصاویر شئیر کیں ایک تصویر میں مکیش چھابڑا اپنی میز پر کام میں مصروف نظر آرہے ہیں اور دوسری تصویر میں وہ کیمرے کے پیچھے ایک منظر پیش کرتے نظر آرہے ہیں۔
    https://www.instagram.com/p/CCjLZJDA_OK/
    مکیش چھابڑا نے اپنی پوسٹ کے کیپشن میں سوشانت سنگھ راجپوت کو مخاطب کرتے ہوئے لکھا کہ میں جانتا ہوں کہ تم یہ سب دیکھ رہے ہو-

    ہدایتکار نے اپنی پوسٹ کے کیپشن میں ہیش ٹیگ دل بیچارہ بھی استعمال کیا۔

    واضح رہے کہ بھارتی اداکار سوشانت سنگھ کی آخری فلم ’دل بیچارہ‘ کا ٹریلر حال ہی میں ریلیز کیا گیا تھا دل بیچارہ کیزی (سنجنا سانگھی) اور مینی (سوشانت سنگھ راجپوت) کی کہانی دکھائی گئی ہے موذی مرض کینسر میں مبتلا کیزی مینی کی محبت میں گرفتار ہوجاتی ہیں ٹریلر کے ہر سین میں جذبات دکھائے گئے ہیں ہے جو دل کو چھو جاتے ہیں۔

    واضح رہے کہ سوشانت سنگھ راجپوت کی آخری فلم دل بے چارہ ہالی وڈ فلم ’دی فالٹ ان آر اسٹار‘ کا ہندی ریمیک ہےسنجنا نے اس فلم کے ساتھ بالی وڈ میں اپنا ڈیبیو کیا ہے فلم ’دل بیچارہ پہلے مئی میں ریلیز ہونے جا رہی تھی لیکن کورونا وائرس کی وجہ سے تاخیر کا شکار ہو گئی تھی تاہم اب یہ فلم 24 جولائی کو ڈزنی پلس اور ہاٹ اسٹارز پر ریلیز ہوگی –

    سوشانت سنگھ کی آخری فلم کے پرومو نے ریلیز ہوتے ہی دھوم مچا دی