چین کے شہر ووہان سے دنیا بھر میں پھیلی عالمی وبا کورونا وائرس کی وجہ سے پاکستان میں بھی رواں ماہ مارچ سے ثقافتی ، تعلیمی سرگرمیوں سمیت شادی ہالز، تفریحی مراکز شوبز سرگرمیاں جیسے تھیٹرسینما ہالز اور متعدد شعبہ جات تاحال بند ہیں جب کہ ڈراموں اور فلموں کی شوٹنگ بھی منسوخ کردی گئی ہے اور حکومت مزید چند ہفتوں تک ان تمام شعبوں کو بند رکھنے کا ارادہ رکھتی ہے۔

باغی ٹی وی : تھیٹر بند ہونے کے باعث ملک کے مختلف شہروں میں اسٹیج ڈرامے اور تھیٹرز نہیں ہو رہے جس کے باعث مذکورہ شعبے سے وابستہ فنکار اور دیگر عملہ بے روزگار ہونے کی وجہ سے مالی مشکلات کا شکار ہے-

نجی ٹی وی چینل جیو کی رپورٹ کے مطابق لوگوں کے چہروں پر مسکراہٹیں بکھیرنے والے فنکار کاروبار بند ہونے اور امداد نہ ملنے پر سڑکوں پر آنے پر مجبور ہو گئے ہیں کچھ فنکار گھر کا چولہا جلتا رکھنے کے لیے فن چھوڑ کر مزدروی پر مجبور ہیں ان میں موجود کامیڈین غفار لہری نے کام نہ ہونے کے باعث ایزی لوڈ کا اسٹال لگا لیا ہے۔
https://www.youtube.com/watch?v=Td8n2naCPfw&feature=youtu.be
کامیڈین غفار لہری کہتے ہیں کہ دن بھر کی مزدروی کے بعد چند روپے کماتے ہیں لیکن یہ کسی کے سامنے ہاتھ پھیلانے سے بہتر ہے لوگوں کے لبوں پر ہنسی بکھیرنے والوں کی جب اپنی ہنسی معدوم ہوگئی تو دکھ یہ ہے کہ انہیں پوچھنے والا کوئی نہیں ہے۔

تھیٹر کو کام کرنے کی اجازت دی جائے تاکہ فاقہ کشی کا سامنا کرنے والے فنکار عزت کی روٹی کما سکیں نسیم وکی کا حکومت سے مطالبہ

پانچ ماہ سے تھیٹر کا کاروبار بند،تھیٹر ایسوسی ایشن کا وفد چودھری برادران کے پاس پہنچ گیا

کورونا وائرس:علی ظفر کی سوشل میڈیا صارفین سے مالی مشکلات کا شکار فنکاروں اور دیگر عملے کے لئے مدد کی اپیل

پاکستان شوبز انڈسٹری کے معروف اداکار ہمایوں سعید کی اہلیہ و پروڈیوسر ثمینہ ہمایوں نےشوہر کے لیے محبت بھرا پیغام سوشل میڈیا پرشئیر کیا ہے-

باغی ٹی وی : انسٹاگرام پر آج ہمایوں سعید کی 49ویں سالگرہ کے موقع پر ثمینہ ہمایوں نے اپنے شوہر کے ہمراہ ایک تصویر پوسٹ کی جس کے ساتھ ہی اُنہوں نے ہمایوں سعید کے لیے محبت بھرا خصوصی پیغام بھی لکھا۔
https://www.instagram.com/p/CDHekrHFozF/?igshid=dt4o5215a39w
ثمینہ ہمایوں نے اپنے شوہر ہمایوں سعید کو اپنی زندگی کی روشنی قرار دیتے ہوئے اُنہیں سالگرہ کی مبارکباد دی-

ثمینہ ہمایوں نے اپنے محبت بھرے پیغام میں لکھا کہ میرے پیارے شوہر ، میری زندگی کی روشنی آپ کو سالگرہ کی مبارک پو-

انہوں نے لکھا کہ آپ کو اپنی زندگی میں پاکر بےحد خوش ہوں آپ کی موجودگی نے میرے ہر دن کو خوشگوار اور بہترین بنایا ہے اور میں اس کے لیے آپ کی بےحد شُکر گُزار ہوں۔

ثمینہ ہمایوں نے شوہر کی کامیابی کے لیے دُعا کرتے ہوئے لکھا کہ آپ ہمیشہ کامیاب ہوں اور ہم اپنے آنے والے دنوں میں بھی ایک دوسرے کو خوشیاں دیتے رہیں۔

ثمینہ ہمایوں نے مزید لکھا کہ میری دُعا ہے آپ کا یہ سال پچھلے تمام سالوں سے بہتر اور روشن ہو۔

آخر میں میں اُنہو ں نے ہمایوں سے اپنی محبت کا اظہار کرتے ہوئے انہیں ایک بار پھر سالفرہ کی مبارکباد دی-

ہمایوں سعید 49 برس کے ہوگئے

مایا علی 31 برس کی ہو گئیں سالگرہ کی خوبصورت تصاویر سوشل میڈیا پر وائرل

پاکستان شوبز انڈسٹری کے نامور اداکار عثمان خالد بٹ نے ساتھی اداکار عثمان مختار سے ڈرامے میں ساتھ کام کرنے کی خواہش کا اظہار کردیا-

باغی ٹی وی : نامور اداکار عثمان خالد بٹ نے سماجی رابطے کی ویب سائٹ ٹوئٹر پرمعروف اداکار عثمان مختار کو مخاطب کرتے ہوئے لکھا کہ بھائی میرے ساتھ بھی کسی ڈرامے میں آجاؤ، تاکہ میری بھی شادی ہوجائے۔

. @MukhtarHoonMein bro meray saath bhi kisi dramay mai aa jao taakay meri bhi shaadi ho jaye.

— Osman Khalid Butt 🇵🇸 (@aClockworkObi) July 26, 2020

ساتھ ہی انہوں نے یہ بھی لکھا کہ مجھے احساس ہوگیا ہے کہ میں نے یہ مذاق کرنے میں 12 دن سے زائد کا وقت لے لیا ہے۔

Just realized I'm about 12 days late with this joke.

— Osman Khalid Butt 🇵🇸 (@aClockworkObi) July 26, 2020

عثمان خالد بٹ کی عثمان مختار سے کی گئی اس انوکھی فرمائش اس لئے کی کہ عثمان مختار جس ڈرامے میں معاون اداکارہ کے ساتھ کام کرتے ہیں اُن کی شادی ہوجاتی ہے۔

دلچسپ بات یہ ہے کہ عثمان مختار نے ڈرامہ سیریل ’انا‘ میں اداکارہ نیمل خاور کے مدمقابل کام کیا تھا ڈرامہ آن ایئر ہی تھا کہ نیمل خاور کی حمزہ علی عباسی سے شادی ہوگئی تھی۔

اب عثمان اور سارہ نجی ٹی وی کے ڈرامے ’ثبات‘میں ایک ساتھ دکھائی دے رہے ہیں یہ ڈرامہ ابھی آن ایئر ہی ہے کہ سارہ خان کی بھی فلک شبیر سے شادی ہو گئی ہے-

اس بات پر مداحوں نے اداکار عثمان مختار پر مزاحیہ تبصرے کئے تھے اور میمز بھی بنائیں تھیں مداحوں کی ان مزاحیہ میمز اور تبصروں کا جواب دیتے ہوئے عثمان مختار نے بھی سوشل میڈیا پر ایک مزاحیہ پیغام شیئر کیا تھا کہ اگلے ڈرامے میں سولو آؤں گا تاکہ میرے بھی ہاتھ رنگے جائیں۔
https://twitter.com/MukhtarHoonMein/status/1283668810306850816?s=20
عثمان خالد بٹ نے بھی اسی لئے عثمان مختار سے ساتھ ڈرامہ کرنے کی خواہش کا اظہار کردیا تاکہ اُن کی بھی جلد شادی ہوجائے۔

پاکستان شوبز انڈسٹری کے لیجنڈ، پُرکشش اور معروف اداکار عدنان صدیقی کی ہالی وڈ اداکارہ انجلینا جولی کے ساتھ تصویر سوشل میڈیا پر وائرل ہوگئی ہے۔

باغی ٹی وی : عدنان صدیقی نے سماجی رابطے کی ویب سائٹ انسٹا گرام پر انجلینا جولی کے ہمراہ اپنی ایک تصویر پوسٹ کی اور عدنان صدیقی نے لکھا کہ یہ تصویر ماضی کی دھماکہ خیز یادوں میں سے ایک ہے۔
https://www.instagram.com/p/CDGlY_zH2NM/?igshid=t2hai54fbjym
عدنان صدیقی نے لکھا کہ یہ تصویر اُس وقت کی ہے جب میں خوبصورت انجلینا جولی کے ساتھ فلم ’دی مائٹی ہارٹ‘ کے ایک منظر کی عکس بندی کر رہا تھا۔

اداکار کی جانب سے پوسٹ کی جانے والی تصویر فلم ’دی مائٹی ہارٹ‘ کے سیٹ کی ہے جس میں اُنہوں نے ہالی وڈ اداکارہ اور بھارتی اداکار عرفان خان کے ساتھ کام کیا تھا۔

اداکار کی پوسٹ پر پاکستان کی صف اول اداکارہ ماہرہ خان نے کمنٹ کرتے ہوئے لکھا کہ او! واقعی آپ کی کہانیاں سونے کی طرح قیمتی اور چمکدار ہیں۔

اداکارہ شگفتہ اعجاز نے کمنٹ کرتے ہوئے لکھا کہ مسٹر سٹار-

عدنان صدیقی انسٹاگرام اسکرین شاٹ
واضح رہے کہ فلم ’دی مائٹی ہارٹ‘ سال 2007 میں ریلیز ہوئی تھی اس فلم کی ہدایتکاری مائیکل ونٹر بوٹم نے دی تھی اور یہ فلم مقتول امریکی صحافی ڈینیل پرل پر بنائی گئی تھی-

اس فلم میں عدنان صدیقی نے دوست الیانی کا اور انجلینا جولی نے ڈینیل کی بیوی کا کردار ادا کیا تھا۔ یہ فلم ڈینیل پرل کی بیوہ کی تحریر کردہ کتاب پر مبنی ہے جس میں ڈینیل کے اغوا اور قتل کا پورا واقعہ شامل ہے-

مایا علی 31 برس کی ہو گئیں سالگرہ کی خوبصورت تصاویر سوشل میڈیا پر وائرل

پاکستان کے معروف قوال امجد صابری کے بڑے صاحبزادے مجّدد صابری اپنے والد کے نقش قدم پر چلنے کے لئے تیار ہیں-

باغی ٹی وی : عالمی شہرت یافتہ پاکستان کے نامور قوال امجد صابری 2016 کو انتقال کرگئےتھے لیکن ان کا خاندانی فن ان کے بچوں کے ذریعے چلتا رہے گا اور اس حوالے سے ان کا بڑا بیٹا مجّدد صابری اپنے بزرگوں کے نقش قدم پر چلنے کے لیے تیار ہے۔

مجّدد صابری مستقبل میں صابری گروپ کی رہنمائی کرنے کے لیے کوشاں ہیں اور تربیت حاصل کر رہے ہیں جس کی ویڈیو سوشل میڈیا پر وائرل ہوگئی ہے۔

سوشل میڈیا پر وائرل ہونے والی ویڈیو میں دیکھا جاسکتا ہے کہ مجّدد صابری مشہور قوالی ’تاجدارحرام‘ پڑھ رہے ہیں اور اُن کی روحانی آواز کو صارفین کی جانب سے خوب پسند بھی کیا جارہا ہے جبکہ امجد صابری کے مداحوں کا کہنا ہے کہ مجّدد صابری کی آواز ان کے مرحوم والد سے بہت ملتی ہے۔

خیال رہے کہ اس سے قبل امجد صابری کی صاحبزادی حورین صابری کی ٹک ٹاک ویڈیوز سوشل میڈیا پر وائرل ہوئی تھیں، حورین صابری نے اپنی تصاویر اور ٹک ٹاک ویڈیوز انسٹاگرام پر شیئر کی تھیں۔

واضح رہے کہ کراچی میں 2016 کو قوال امجد صابری پر نامعلوم افرا د نے فائر نگ کی۔ مجد صابری کے سر پر گولیاں لگنے سے ان کی موت واقع ہوگئی امجد صابری کے 5 بچے ہیں جن میں3 بیٹے اور 2 بیٹیاں شامل ہیں۔

قوال امجد صابری کی صاحبزادی حورین صابری کی ٹک ٹاک ویڈیوز سوشل میڈیا پر وائرل

پاکستان میوزک انڈسٹری کے معروف گلوکار عاصم اظہر کے نئے گانے ’سوہنیا‘ نے بھی کامیابی کے نئے ریکارڈ قائم کردیئے-

باغی ٹی وی : عاصم اظہر نے سماجی رابطے کی ویب سائٹ انسٹاگرام پر اپنے گانے ’سوہنیا‘ کی ایک ویڈیو کلپ پوسٹ کی اور اُس کے ساتھ ہی مداحوں کے لیے خصوصی پیغام بھی جاری کیا

عاصم اظہر انسٹاگرام سکرین شاٹ

ویڈیو کلپ پوسٹ کرتے ہوئے عاصم اظہر نے گانےکی ایک لائن لکھی:

مانگا مفلس کی طرح ہے تجھ کو صنم

گلوکار نے کامیابی پر اپنی خوشی کا اظہار کرتے ہوئے لکھا کہ صرف دو دن میں میرے گانے ’سوہنیا‘ کو ایک ملین یعنی 10 لاکھ سے زائد ویوز مل چکے ہیں، مجھے سمجھ نہیں آرہا کہ میں اس کے لیے آپ کا شکریہ ادا کیسے کروں۔

عاصم اظہر کی اس پوسٹ پر اُشنا شاہ، مہرین سید اور صدف کنول نے بھی کمنٹ کرکے ’سوہنیا‘ کے لیے پسندیدگی کا اظہار کیا۔

عاصم اظہر انسٹاگرام سکرین شاٹس

جہاں فنکاروں نے گانے کو سراہا وہیں مداحوں نے بھی کمنٹس سیکشن میں اپنی رائے دیتے ہوئے گانے کے لئے اپنی پسندیدگی کا اظہار کیا-

عاصم اظہر انسٹاگرام سکرین شاٹس

عاصم اظہر کے نئے گانے سوہنیا کے لئے ہانیہ عامر کا شاعرانہ انداز میں تعریفی پیغام