Category: شوبز

عامر لیاقت اپنے ہی لیڈر کا مذاق اڑانے لگے پاکستان کے معروف مذہبی سکالرعامر لیاقت نے وزیراعظم عمران خان کے غریبوں کو دئیے گئے ریلیف پیکیج کا مذاق اڑانا شروع کردیا

باغی ٹی وی : معروف مذہبی سکالرعامر لیاقت نے وزیراعظم عمران خان کے غریبوں کو دئیے گئے ریلیف پیکیج کا مذاق اڑانا شروع کردیا حرا اور مانی سے ویڈیو چیٹ کرتے ہوئے عامر لیاقت نے کہا کہ میں ابھی ابھی راشن تقسیم کرکے آیا ہوں

مذہبی سکالر نے مزاحیہ انداز میں کہا وزیراعظم عمران خان نے 3000 روپے دئیے ہیں ماشاء اللہ اتنی زیادہ رقم دی ہے کہ آپ اس سے اپنے بچوں کی کفالت کرسکتے ہیں اوروں کی مدد کرسکتے ہیں اگر آپ چاہیں تو 3000 روپے میں دوسرے گھروں میں راشن ڈلوا سکتے ہیں

عامر لیاقت مذاق اڑاتے ہوئے مزید کہا کہ اتنے زیادہ پیسے دئیے ہیں وزیراعظم نے انہیں سنبھال کررکھیں اس میں بہت برکت ہوگی کئی بچیوں کا جہیز بن جائے گا اسکو سنبھال کر خرچ کریں

عامر لیاقت اور انکی اہلیہ وزیراعظم عمران خان کے ریلیف پیکیج کا مذاق اڑاکر خود بھی ہنستے رہے اور حرا اور مانی بھی قہقہے لگاتے اور انجوائے کرتے رہے

واضح رہے کہ گذشتہ روز وزیراعظم عمران خان نے ریلیف پیکیج کا اعلان کیا تھا جس کے تحت مزدور طبقہ لوگوں کو 3000 روپے فی کس دئیے جائیں گے پٹرولیم مصنوعات کی قیمتوں میں 15 روپے کمی شرح سود میں 2 فیصد کمی اور 300 سے کم یونٹ خرچ کرنیوالوں کو 3 قسطوں میں بل ادا کرنے کی سہولت دی گئی تھی

علاوہ ازیں 100 ارب روپے ایکسپورٹرز کو ٹیکس ریفنڈ کرنے کا بھی اعلان کیا تھا اور سمال میڈیم انڈسٹری اور زراعت کے لئے بھی 100 ارب روپے رکھے گئے

کورونا وائرس کے باعث پاکستان شوبز انڈسٹری کی معروف اداکارہ صبا قمر اور ٹی وی کے معروف اداکار زاہد احمد کی فلم کی شوٹنگ بھی تاخیر کا شکار ہو گئی

باغی ٹی وی : کورونا وائرس کے باعث پاکستان شوبز انڈسٹری کی معروف اداکارہ صبا قمر اور ٹی وی کے معروف اداکارزاہد احمد کی فلم گھبرانا نہیں ہے کی شوٹنگ بھی تاخیر کا شکار ہو گئی فلم میں صبا قمر اور زاہد احمد مرکزی کردار میں نظر آئیں گے

اس فلم میں صبا قمر کے ساتھ سید جبران، زاہد احمد، نیئر اعجاز، سہیل احمد اور افضل خان کام کررہے ہیں جبکہ حسن ضیا اور جمیل بیگ اس فلم کو پروڈیوسر کررہے ہیں

زاہد احمد مذکورہ فلم سے سلور سکرین پر ڈیبیو کرنے جا رہے ہیں یعنی فلم گھبرانا نہیں ہے ان کے کیریئر کی پہلی فلم ہوگی

واضح رہے کہ گھبرانا نہیں ہے پہلا پروجیکٹ نہیں جس میں صبا قمر اور زاہد احمد اکٹھے کام کررہے ہوں یہ دونوں پہلے بھی ایک ساتھ کام کرچکے ہیں

ملک بھر میں تیزی سے پھیلنے والی کورونا وبا کی وجہ سے مساجد اور دیگر مذہبی مقامات بند ہیں اس بارے میں معروف اداکارہ مایا علی کا کہنا ہے کہ اُن کو یقین ہے کہ انشاء اللہ بہت جلد تمام مسلمان ایک ساتھ اکٹھے ہوکر دوبارہ مسجد میں نماز پڑھیں گے

باغی ٹی وی: ملک بھر میں تیزی سے پھیلنے والی کورونا وبا کی وجہ سے مساجد اور دیگر مذہبی مقامات بند ہیں اس بارے میں معروف اداکارہ مایا علی کا کہنا ہے کہ اُن کو یقین ہے کہ انشاء اللہ بہت جلد تمام مسلمان ایک ساتھ اکٹھے ہوکر دوبارہ مسجد میں نماز پڑھیں گے گذشتہ روز پاکستان شوبز انڈسٹری سے تعلق رکھنے والی معروف اداکارہ مایا علی نے سماجی رابطے کی ویب سائٹ انسٹاگرام پر اپنی ایک تصویر شیئر کی مایا علی کی جانب سے شیئر کی جانے والی تصویر میں اداکارہ اسلا م آباد کی فیصل مسجد میں موجود ہیں

مایا علی نے اپنی اس تصویر کے کیپشن میں لکھا کہ یہ تصویر کچھ دن پہلے کی ہے جب سب مسلمان ایک ساتھ مسجد میں نماز پڑھتے تھے
https://www.instagram.com/p/B-FDrCdHF9k/?igshid=1mmhqcihbkcnj
اداکارہ نے لکھا کہ مجھے یقین ہے کہ انشااللہ یہ دن بہت جلد واپس آجائیں گے کہ جب تمام مسلمان اکٹھے ہوکر نماز پڑھیں گے

مایا علی نے لکھا کہ اللہ سے اُمید رکھیں اور گھبرائیں نہیں وقت اگر پہلے جیسا نہیں رہا تو انشااللہ وقت ایسا بھی نہیں رہے گا

مایا علی نے لکھا کہ یہ وہ وقت ہے کہ جب ہمیں بحیثیت قوم ایک بننا ہے اور حکومت کے قائم کردہ احکامات پر عمل کرنا ہے

مایا علی نے مزید لکھا کہ براہ مہربانی اپنی صحت کی خاطر اور دوسروں کی زندگیوں کی خاطر اپنے گھروں میں رہیں

واضح رہے کہ کورونا وائرس کے پیش نظرحکومت پاکستان نے ملک بھر کی مساجد میں اکٹھے ہو کر نماز ادا کرنے پر اور دیگر مذہبی اجتماعات پر بھی پابندی لگا دی ہے

61 سالہ معروف امریکی پاپ گلوکارہ میڈونا کو کورونا وائرس کے حوالے سے ایک متنازع ویڈیو بنانے پر تنقید کا نشانہ بنایا جا رہا ہے

باغی ٹی وی : 61 سالہ معروف امریکی پاپ گلوکارہ میڈونا کو کورونا وائرس کے حوالے سے ایک متنازع ویڈیو بنانے پر تنقید کا نشانہ بنایا جا رہا ہے گلوکارہ نے کورونا وائرس کی وجہ سے اپنے میوزیکل شو منسوخ کردیے تھے انہوں نے اپنے انسٹاگرام پر عالمی وبا سے متعلق ایک ویڈیو شیئر کی جس پر انہیں دنیا بھر سے شدید تنقید کا نشانہ سامنا کرنا پڑا

دنیا بھر سے شدید تنقید کا نشانہ بنائے جانے کے بعد اگرچہ میڈونا نے انسٹاگرام سے ویڈیو ڈیلیٹ کردی تاہم اب بھی ان کی ویڈیوز متعدد نیوز ویب سائٹس پر موجود ہے جس میں اداکارہ کو کورونا سے متعلق بات کرتے ہوئے سنا جا سکتا ہے

گلوکارہ کی جانب سے شیئر کی گئی مختصر ویڈیو میں باتھ ٹب میں نہاتی دکھائی دے رہی ہیں میڈونا انتہائی سنجیدگی سے لوگوں کو کہتی ہیں کہ کورونا کو اس بات سے کوئی غرض نہیں کہ آپ کتنے امیر ہیں کتنے مشہور ہیں کتنے غریب ہیں آپ کی قومیت رنگ عمر اور جنس کیا ہے

گلوکارہ نے کہا کہ کورونا وائرس کتنا زبردست ہے کہ اس نے سب کو ایک جیسا ہی کردیا انہوں نے کورونا وائرس جیسی وبا کو زبردست مساوات کا ذریعہ قرار دیا اور کہا کہ اس وبا نے سب کو ایک ہی کشتی کا سوار بنادیا ہے

میڈونا نے کہا کہ وہ تو پہلے سے ہی کہتی آ رہی ہیں کہ ہم سب ایک ہی کشتی کے سوار ہیں اور اگر ہم کسی جہاز میں سفر کریں گے اور وہ جہاز نیچے آئے گا تو ہم سب ایک ساتھ ہی نیچے آئیں گے

ویڈیو کو شیئر کرنے کے بعد گلوکارہ کو دنیا بھر میں شدید تنقید کا نشانہ بنایا گیا

کورونا وائرس ایک عام وائرل ہونے والا وائرس ہے جو عام طور پر ایسے جانوروں کو متاثر کرتا ہے جو بچوں کو دودھ پلاتے ہیں یہ وائرس انسانوں سمیت سمندری مخلوق کو بھی متاثر کرتا ہے

اس وائرس میں مبتلا انسان کا نظام تنفس متاثر ہوتا ہے اور اسے سانس میں تکلیف سمیت گلے میں سوزش و خراش بھی ہوتی ہے اور اس وائرس کی علامات عام نزلہ و زکام یا گلے کی خارش جیسی بیماریوں سے الگ ہوتی ہیں

کورونا وائرس کی علامات میں ناک بند ہونا، سردرد، کھانسی، گلے کی سوجن اور بخار شامل ہیں

چین کے مرکزی وزیر صحت کا کہنا ہے کہ اس وبا کے پھیلنے کی رفتار بہت تیز ہے میں خوفزدہ ہوں کہ یہ سلسلہ کچھ عرصے تک برقرار رہ سکتا ہے اور کیسز کی تعداد میں مزید اضافہ ہوسکتا ہے

واضح رہے کسی کورونا وائرس کا شکار ہونے پر فلو یا نمونیا جیسی علامات سامنے آتی ہیں جبکہ اسکی نئی قسم کا اب تک اسکی ویکسین دریافت نہیں ہو سکی مگر احتیاطی تدابیر اور دیگر ادویات کی مدد سے اسے کنٹرول کیا جاسکتا ہے

اسکی احتیاطی تدابیر میں گھر میں رہنا غیر ضروری گھر سے باہر نہ نکلنا ہاتھوں کو بار بار دھونا سماجی دوری بنائے رکھنا چہرے کو با بار چُھونے سے گریز کرنا خود کو اوراردگرد کے ماحول کو صاف رکھنا وغیرہ شامل ہیں

پاکستان سمیت دنیا بھر میں بڑھتے کورونا وائرس کے خوف سے معروف شخصیات عوام کو گھروں میں رہنے سماجی دوری اختیار کرنے اور صاف ستھرائی رکھنے کے پیغامات دے رہی ہیں پاکستان کی نامور اداکارہ حمائمہ ملک نے بھی اپنے مداحوں کو اللہ سے گناہوں کی معافی پیغام دے دیا

باغی ٹی وی :پاکستان سمیت دنیا بھر میں بڑھتے کورونا وائرس کے خوف سے معروف شخصیات عوام کو گھروں میں رہنے سماجی دوری اختیار کرنے اور صاف ستھرائی رکھنے کے پیغامات دے رہی ہیں پاکستان کی نامور اداکارہ حمائمہ ملک نے بھی اپنے مداحوں کو اللہ سے گناہوں کی معافی پیغام دے دیا سماجی رابطے کی ویب سائٹ ٹوئٹر پر حمائمہ ملک نے سب سے ایک ساتھ مل کر دعا کرنے اور گناہوں کی معافی مانگنے کی درخواست کر دی

Sari duniya Aik waqt Aik saath apnay khuda say mafi mangay …. aik lamhey mey duniya k har Aik konay sey har Aik aik insaan Aik saath … Allah kaisay nahee suney ga

— HUMAIMA MALICK (@HumaimaMalick) March 24, 2020

اپنی ٹوئٹ میں حمائمہ نے لکھا کہ ساری دنیا ایک وقت ایک ساتھ اپنے خدا سے معافی مانگے ایک لمحے میں دنیا کے ہر ایک کونے سے ہر ایک ایک انسان ایک ساتھ اللہ کیسے نہیں سنے گا

حمائمہ ملک کی اس ٹوئٹ پر صارفین ملے جلے ردعمل کا اظہار کیا، کچھ نے اداکارہ سے اتفاق کیا جبکہ کچھ نے انہیں ان کے انداز کے باعث تنقید کا نشانہ بنایا

پاکستان کے معروف اداکار و میزبان فخر عالم نے گلگت بلتستان میں کورونا کے خلاف جنگ لڑتے ہوئے جان کی بازی ہارنے والے ڈاکٹر اسامہ کو شہید قرار دے دیا

باغی ٹی وی : پاکستان کے معروف اداکار و میزبان فخر عالم نے گلگت بلتستان میں کورونا کے خلاف جنگ لڑتے ہوئے جان کی بازی ہارنے والے ڈاکٹر اسامہ کو شہید قرار دے دیا سماجی رابطے کی ویب سائٹ ٹوئٹر پر فخر عالم نے اپمی ٹویٹ میں ڈاکٹر اسامہ کی موت پر افسوس کا اظہار کرتے ہوئے لکھا کہ ڈاکٹر اسامہ شہید ہوگیا ہر اول دستے کا کردار ادا کرنے والے ڈاکٹر اسامہ ریاض کی عمر محض 36 سال تھی ڈاکٹر اسامہ ریاض گلگت بلتستان میں مسافروں میں کورونا وائرس کی اسکریننگ پر معمور تھے

فخر عالم نے لکھا جو یہ کہتے ہیں کہ اس وائرس سے صرف بڑی عمر کے افراد کو خطرہ ہے تو یہ بات جان لیں کہ وہ یہ غلط کہتے ہیں

واضح رہے اسامہ ریاض چلاس کے رہائشی تھے انہوں نے اپنی ابتدائی تعلیم چلاس ہی سے حاصل کی تھی میڈیکل کی تعلیم مکمل کرنے کے بعد انہوں نے بہاولپور ہی سے ہاؤس جاب کی اور گلگت بلتستان محکمہ صحت سے منسلک ہو گئے تھے ڈاکٹر اسامہ بہت ذہین اور اپنی پڑھائی اور پیشے سے انتہائی مخلص تھے شہید نے گذشتہ ماہ 20 فروری کو پہلی ہی مرتبہ میں ایف سی پی ایس پارٹ ون کلیئر کر لیا تھا دوسری جانب سوشل میڈیا صارفین بھی شہید کی قربانیوں کو سراہتے ہوئے انہیں قومی ہیرو قرار دے رہے ہیں

پاکستان فلم انڈسٹری کی معروف اداکارہ مہوش حیات کو گذشتہ روز تمغۂ امتیاز حاصل کئے ایک سال گزر گیا لیکن اداکارہ کے مابق انہیں ایسا لگتا ہے جیسے یہ کل ہی کی بات ہو

باغی ٹی وی : پاکستان فلم انڈسٹری کی معروف اداکارہ مہوش حیات کو گذشتہ روز تمغۂ امتیاز حاصل کئے ایک سال گزر گیا لیکن اداکارہ کے مابق انہیں ایسا لگتا ہے جیسے یہ کل ہی کی بات ہو سماجی رابطے کی ویب سائٹ ٹوئٹر پر صدر پاکستان عارف علوی سے تمغۂ امتیاز حاصل کرتے ہوئے ویڈیو شیئر کی اور کیپشن میں ایک پیغام بھی لکھا

Can't believe that today it's been a year from this life changing moment when I was bestowed with the Tamgha-e-Imtiaz, the Medal of Excellence.🎖It really seems like yesterday. The words of the President saying "Proud of you Beta" still ring in my head. The past year has.. 1/2 pic.twitter.com/TVg3YD3A1F

— Mehwish Hayat TI (@MehwishHayat) March 23, 2020

اپنے پیغام میں مہوش حیات نے اس اعزاز کے حصول کے وقت کو اپنی زندگی کی تبدیلی کا لمحہ قرار دیتے ہوئے لکھا کہ انہیں یقین نہیں ہورہا کہ ایک سال بیت گیا

انہوں نے لکھا کہ تمغۂ امتیاز سے نوازتے وقت صدر پاکستان کے الفاظ کہ مجھے تم پر فخر ہے بیٹا آج تک میرے کانوں میں گونج رہے ہیں

مہوش حیات نے لکھا کہا کہ اس عزاز کے بعد وہ بہت زیادہ مضبو ط ہوگئیں ہیں اور ساتھ ہی یہ بھی بتایا کہ وہ ان تمام ذمہ داریوں کا احترام بھی کرتی ہیں جو اس اعزاز کے ساتھ ان کے کندھوں پر آئیں ہیں مستقبل کے حوالے سے انہوں نے لکھا کہ وہ اس بات کو یقینی بنانے کی کوشش کرتی ہیں کہ وہ اسی طرح اپنے وطن پاکستان کا نام روشن کرتی رہیں گی

آخر میں ادکارہ نے اپنی حمایت کرنے والوں سے محبت کا اظہار کرتے ہوئے ان کا شکریہ ادا کیا

واضح رہے کہ گذ شتہ سال یوم پاکستان کے موقع پر مہوش حیات کو پاکستان کا نام دنیا بھر میں روشن کرنے کی وجہ سے پاکستان کی سول اور عسکری شخصیات کو عطا کیا جانے والا چوتھا بڑا اعزاز تمغہ امتیاز سے نوازا گیا تھا

اداکارہ ماہرہ خان نے مالکان سے ملازمین کوتنخواہ کے ساتھ چھٹی دینے کی درخواست کر دی

باغی ٹی وی :اداکارہ ماہرہ خان نے مالکان سے ملازمین کوتنخواہ کے ساتھ چھٹی دینے کی درخواست کر دی
پاکستان شوبز انڈسٹری کی معروف اداکارہ ماہرہ خان کورونا وائرس سے متعلق اپنے مداحوں سمیت عوام میں آگاہی پھیلانے میں وقتاً فوقتاً سوشل میڈیا پر پیغام دیتی نظر آ رہی ہیں

باغی ٹی وی :سماجی رابطے کی ویب سائٹ ٹویٹر پراداکارہ کی جانب سے ٹوئٹ کی گئی جس میں انہوں نے مالکان سے درخواست کرتے ہوئے لکھا کہ اگرآپ تعلیم یافتہ ہیں یا ایسے طاقت ورہیں کہ آپ بغیرکسی کام کے ایک ماہ گزارسکتے ہیں تو یہ لڑائی پھرکسی اورکے لیے نہیں بلکہ آپ کے لیے ہے
https://twitter.com/TheMahiraKhan/status/1242508385062445061?s=19
ماہرہ خان نے کہا اس صورتحال میں ہمیں ان لوگوں کا خیال رکھنا چاہیئے جوایسی طاقت نہیں رکھتے ہیں، انہیں آگاہی فراہم کریں انہیں اجرت کے ساتھ چھٹی دیں اوران کی زندگی آسان بنائیں

اداکارہ نے اس سے قبل ایک ٹویٹ میں عالمی ادراہ صحت کے کورونا وائرس کی بتائی ہوئی حفاظتی تدابیر شئیر کیں اور ایک ویڈیومیں کہا تھا کہ ہاتھوں کوباقاعدگی سے دھوئیں اورافراتفری نہ پھیلائیں یہ وقت ایک ذمہ دارشہری بننے کا اورایک دوسرے کا ساتھ دینے کا ہے انشااللہ ہم بہت جلد اس بحران سے باہرآئیں گے

دنیا کے سب سے بڑے فلمی میلے کا اعزاز رکھنے والے معروف کانز فلم فیسٹیول کی انتظامیہ نے کورونا وائرس کی وجہ سے فلم کو ملتوی کرنے کا اعلان کیا تھا

باغی ٹی وی : دنیا کے سب سے بڑے فلمی میلے کا اعزاز رکھنے والے معروف کانز فلم فیسٹیول کی انتظامیہ نے کورونا وائرس کی وجہ سے فلم کو ملتوی کرنے کا اعلان کیا تھا تقریبا تین ہفتوں تک جاری رہنے والے کانز فلم فیسٹیول کا انعقاد رواں برس مئی میں 12 سے 23 مئی تک ہونا تھا تاہم کورونا وائرس کی وجہ سے اسے ملتوی کردیا گیا تھا

کانز فلم فیسٹیول کو مؤخر کیے جانے کے بعد فلم انتظامیہ نے فیسٹیول کی جگہ ک انتظامیہ نے معروف فلم فیسٹیول کی جگہ کو عارضی رہائش گاہ میں تبدیل کردیا ہے

خبر رساں ادارے رائٹرز کے مطابق وہاں اب بے گھر افراد کے لیے عارضی رہائش گاہیں قائم کی گئی ہیں

کانز فلم فیسٹیول انتظامیہ کے ایک عہدیدار نے بتایا کہ فوری طور پر بے گھر افراد کے لیے عارضی ٹھکانے کے بندوبست کرنے سمیت ان کے لیے کھانے پینے کا بندوبست بھی کیا گیا

عہدیدار کے مطابق کانز فلم فیسٹیول کی جگہ بنائے گئے بے گھر افراد کے لیے عارضی مسکن میں ہر رات 50 سے 70 افراد آتے ہیں اور ہر ایک شخص کو الگ ٹینٹ یا الگ بسترا دیا جاتا ہے، ساتھ ہی انہیں مناسب خوراک بھی فراہم کی جا رہی ہے۔

فرانسیسی حکومت کے اعداد و شمار کے مطابق ملک بھر میں تقریبا 12 ہزار بے گھر افراد موجود ہیں جو وائرس کے پھیلنے کے ان دنوں میں سب سے بڑا مسئلہ ہیں۔

حکومت کی جانب سے کورونا وائرس سے احتیاط کے پیش نظر لوگوں کو گھروں تک محدود رہنے کا حکم دیا ہے جب کہ وہاں بھی عوامی مقامات، پبلک ٹرانسپورٹ اور مذہبی مقامات کو بھی بند کردیا گیا ہے

حکومت کی جانب سے عوام کو گھروں تک محدود رہنے کی ہدایات کے بعد فرانس کی کئی تنظیموں اور اداروں نے بے گھر افراد کو عارضی رہائش دینے کے اعلانات کیے جب کہ بے گھر افراد کے لیے کام کرنے والی ایک تنظیم نے بھی ایسے افراد کے عارضی مسکن کے لیے کوششیں تیز کردیں۔

اگرچہ کانز فلم فیسٹیول انتظامیہ نے بے گھر افراد کے لیے عارضی مسکن بناکر انہیں رہائش دینے سمیت انہیں کھانا بھی فراہم کرنا شروع کردیا ہے

فرانس میں معروف افریقی گلوکار کی ہوئی کرونا وائرس سے موت