Category: شوبز

معروف ڈرامہ سیریز گیم آف تھرونز میں اہم کردار نبھانے والی 46 سالہ برطانوی اداکارہ اندرا ورما بھی کورونا وائرس سے متاثر ہوگئیں

باغی ٹی وی :معروف ڈرامہ سیریز گیم آف تھرونز میں اہم کردار نبھانے والی 46 سالہ برطانوی اداکارہ اندرا ورما بھی کورونا وائرس سے متاثر ہوگئیں اداکارہ نے اس خبر کا اعلان سوشل میڈیا پر کیا
https://www.instagram.com/p/B93YWpNpELG/?igshid=1vzaafblbninh
اداکارہ نے اپنے سوشل میڈیا اکاؤنٹ انسٹاگرام پر دوستوں کے ہمراہ ایک تصویر شیئر کرتے ہوئے کیپشن میں لکھا کہ افسوس اس وبائی بیماری کے باعث دنیا میں ہمارے اور دوسرے لوگوں کے شوز متاثر ہوئے ہیں انہوں نے لکھا وہ کورونا وائرس سے متاثر ہوچکی ہیں جبکہ لکھا کہ آپ سب لوگ اپنی صحت کا خیال رکھیں

انہوں نے لکھا کہ ہم جلد اس سے چھٹکارا حاصل کر لیں گے امید ہے حکومت اور آپ سب لوگ ہماری مدد کریں گے

برطانوی ادکارہ نے لکھا کہ میں اس بیماری کے باعث اپنے بستر پر لیٹی ہوں اور یہ کوئی اچھا احساس نہیں ہے

اداکارہ نے مزید لکھا کہ آپ سب لوگ محفوظ اور صحت مند رہیں اور اپنے ساتھ لوگوں کا بھی خیال رکھیں

واضح رہے اس سے پہلے اداکار ادریس البا اور گیم آف تھرونز کے ایک اور اداکار کرسٹوفر ہیوج نے بھی سوشل میڈیا پوسٹ کے ذریعے تصدیق کی تھی کہ وہ کورونا کا شکار بن گئے ہیں

پاکستان میں کورونا وائرس کے بڑھتے خطرات کے پیش نظر پاکستانی اداکارہ ارمینہ خان پروجیکٹ ادھورے چھوڑ کر برطانیہ واپس چلی گئی ہیں

باغی ٹی وی وطن واپسی سے پہلے سوشل میڈیا ویب سائٹ انسٹا گرام پر اپنے طویل نوٹ میں اداکارہ نے لکھا کہ میں ایک ڈرامے کیلئے پاکستان آئی تھی اور ہماری ٹیم نے چند دن کام بھی کیا لیکن اب کورونا کی وجہ سے میں واپس جارہی ہوں کیونکہ انسانی صحت سب سے زیادہ ضروری ہے
https://www.instagram.com/p/B98c6JZDpKD/?igshid=1r6ztltohlilu
اداکارہ نے نوٹ میں مزید لکھا کہ ہمیں شوٹ ملتوی کردینا چاہئیں

ارمینہ خان نے مزید کہا کہ جو لوگ ریکارڈنگ اور شوٹنگ کررہے ہیں انہیں کام روک دینا چاہیئے تاکہ کسی کو بھی وائرس سے نقصان نہ ہو انہوں نے کہا کووڈ 19 میں کی گئی ایمرجنسی کا مطلب ہے خود کو مکمل لپیٹ لو

ارمینہ خان نے لکھا کہ اللہ نے چاہا تو جب حالات بہتر ہو جائیں گے تو دوبارہ واپس آ کر کام ختم کر لیں گے انہوں نے لکھا میں خود کو قرنطینہ کر رہی ہوں اور میں چاہتی ہوں کہ آپ سب بھی صحت مند رہیں

انہوں نے اپنے مداحوں سے مخاطب ہوتے ہوئے لکھا کہ میں آپ سے اپنے سوشل میڈیا پر آپ لوگوں سے رابطے میں رہوں گی انہوں نے لوگوں سے کہا مہربانی کر کے آپ اپنا اور اپنے خاندان کی صحت کا خیال رکھیں

پاکستان کی معروف شخصیات خطرناک کورونا وائرس کے حوالے سے لوگوں کو خبردار کرتی نظر آ رہی ہیں اور خطرناک وائرس سے بچاؤ کے لئے سوشل میڈیا پر مختلف پیغامات دے رہی ہیں جن میں پاکستان شوبز انڈسٹری کی معروف اداکارہ ماہرہ خان نے بھی پاکستان سمیت دنیا بھر میں تیزی سے پھیلتے جان لیوا کورونا وائرس سے بچاؤ کے لئے عالمی ادارہ صحت کی بتائے ہوئے 7 طریقے شیئر کردیئے

باغی ٹی وی : معروف اداکارہ ماہرہ خان نے بھی پاکستان سمیت دنیا بھر میں تیزی سے پھیلتے جان لیوا کورونا وائرس سے بچاؤ کیلئے عالمی ادارہ صحت کی بتائے ہوئے 7 طریقے شیئر کردیئے سماجی رابطے کی ویب سائٹ ٹوئٹر پر عالمی ادارہ صحت کی جانب سے بتائی گئیں کورونا سے بچاؤ کی احتیاطی تدابیر شیئر کرتے ہوئے لکھا کہ صورتحال یہ ہے کہ اب کسی لاپرواہی کی کوئی گنجائش نہیں ہے انہوں نے کہا کہ مکمل آگاہی اور احتیاط کرکے ہی ہم اس وائرس سے مقابلہ کر سکتے ہیں

Let’s not be careless. We can really help the situation by being aware and taking care of simple things. Soon it’ll be over InshAllah and we all would have played our parts in making it better. pic.twitter.com/Y96alxA3EB

— Mahira Khan (@TheMahiraKhan) March 19, 2020

اداکارہ نے لکھا اگر ہم سمجھداری سے اپنا کردار ادا کریں تو انشاءاللہ جلد ہی یہ وائرس ختم ہوجائے گا

ماہرہ خان کی جانب سے شئیر کی گئیں احتیاطی تدابیرمندرجہ ذیل ہیں

1: اپنے ہاتھ زیادہ سے زیادہ اور بار بار دھوئیں

2: آنکھوں ، ناک اور چہرے کے مختلف اعضاء کو چُھونے سے گریز کریں

3:کھانستے وقت آس پاس کا خیال کریں اور رومال یا ٹشو کے استعمال کو یقینی بنائیں

4: لوگوں کے بڑے اجتماعات میں جانے سے گریز کریں اور نزلہ زکام کے شکار افراد سے دور رہیں

5: طبعیت میں خرابی کی صورت میں گھر میں رہنے کو ترجیح دیں

6:اگر آپ کو بخار، کھانسی اور سانس لینے میں دشواری کا سامنا ہے تو فوراً ڈاکٹر سے رجوع کریں

7:باخبر ذرائع کی معلومات پر یقین کریں

حق بادشاہ سرکار نے کورونا وائرس کا آن لائن روحانی علاج شروع کر دیا

باغی‌ ٹی وی : پاکستان سمیت دنیا بھر میں تیزی سے بڑھتے ہوئے کورونا وائرس کی ابھی تک کوئی ویکسین نہیں دریافت ہو سکی لیکن عالمی ادارہ صحت کی طرف لوگوں کو اس سے محفوظ رہنے کی احتیاطی تدبیر سے اپنانے کے لئے کہا جا رہا ہے جس میں بار بار کسی اچھے سینیٹائزر سے ہاتھ دھونا غیر ضروری گھر سے باہر نہ نکلنا خود کو صاف رکھنا اور سماجی و معاشرتی سرگرمیوں سے دوری اختیار رکھنا وغیر ہ شامل ہے

علاوہ ازیں جہاں سوشل میڈیو پر اس خطرناک بیماری سے محفوظ رہنے کے لئے دیسی علاج اور چند روحانی علاج اور قرآنی آ یات بھی بتائی جا رہی ہیں وہیں حق باسشاہ سرکار نے کورونا وائرس کا آن لائن علاج شروع کر دیا ہے

حق بادشاہ سرکار نے کرونا کا آن لائن علاج شروع کر دیا#StayAtHomeChallenge#COVID #CoronaVirusUpdate pic.twitter.com/reP5OQKzLk

— Baaghi TV باغی ٹی وی (@BaaghiTV) March 19, 2020

سوشل میڈیا پر ایک ویڈیو وائرل ہو رہی ہے جسمیں حق بادشاہ کہتے نظر آ رہے ہیں کہ ابھی انشا ء اللہ کورونا وائرس کا پہلا دم ہو رہا ہے آپ سب پہلے دم کے لئے تیار ہو جائیں تاکہ پہلا خصوصی دم ہو جائے اس کے لئے سب اپنے اپنے سروں پر ہاتھ رکھ لیں تا کہ خصوصی دم میں شامل ہو جائیں ویڈیو میں انہیں منہ میں کچھ بڑ بڑا کر دم کرتے ہوئے دیکھا جا سکتا ہے

دنیا میں تیزی سے بڑھتے ہوئے کورونا وائرس کے پیش نظر اداکارہمایوں سعید اور عدنان صدیقی نے خود کو قرنطینہ کرلیا

باغی ٹی وی : اداکارہمایوں سعید اورعد نان صدیقی نے کورونا وائرس کے پیش نظر خود کو قرنطینہ کرنے کا فیصلہ کرلیا سوشل میڈیا ویب سائٹ پر ٹویٹر پر ہمایوں سعید نے لکھا کہ وہ کراچی پہنچ چکے ہیں لیکن وہ گھرنہیں جائیں گے کیونکہ وہ اورعدنان صدیقی خود کوایک کمرے میں بند کررہے ہیں اللہ ہم سب کو اپنے حفظ و امان میں رکھے

https://www.instagram.com/p/B96gSy4pcm5/?igshid=q3xy914olkz8
واضح رہے کہ گذ شتہ چند روز سے ہمایوں سعید عدنان صدیقی اور حرا مانی امریکہ کے ٹو رپر تھے

پاکستان کی معروف اداکارہ سجل علی اور اداکار احد رضا رشتہ ازدواج میں منسلک ہوگئے ہیں

باغی ٹی وی : پاکستان کی معروف اداکارہ سجل علی اور اداکار احد رضا رشتہ ازدواج میں منسلک ہوگئے ہیں سوشل میڈیا ویب سائٹس پر ان کے مداح اور دوست ان کیلئے نیک تمناؤں کااظہارکررہے ہیں

سجل علی کی بہترین دوست زارا نور نے سجل کی شادی کی کچھ خوبصورت تصاویر اپنے سوشل میڈیا اکاؤنٹ انسٹا گرام پرشیئر کی ہیں
https://www.instagram.com/p/B93vN1xBGTD/?igshid=1w7preauypj0x
https://www.instagram.com/p/B93wIF9BalC/?igshid=1athi6jyxjgcn
https://www.instagram.com/p/B93wQEUB5c3/?igshid=1dbhufnvngcu
اداکار نے تمام تصاویر کے ساتھ ایک ہی کیپشن لکھا ہے کہ میرے یار کی شادی ہے

زارا کی شیئر کردہ تصاویر جلد میں ہی وائرل ہوگئی ہیں اورہزاروں لوگوں نے پسندیدگی اور دعاوں کااظہارکیاہے

اس سے قبل بھی زارا سجل سے اپنی محبت کااظہارکرتی رہی ہیں گذشتہ دنوں انسٹا گرام پر سجل علی کے ساتھ گزرے لمحات یاد کرتے ہوئے انہوں نے سجل کیلئے نیک تمناوں کا اظہارکیاتھا

کورونا وائرس کے پیش نظرپاکستان شوبز انڈسٹری کی معروف اداکارہ مایا علی نے حکومت سے یومیہ اجرت کمانے والوں کے لیے خصوصی انتظام اور خوراک کی درخواست کی ہے

باغی ٹی وی :اداکارہ مایا علی نے اپنے انسٹاگرام اکاؤنٹ پراپنی ماسک پہنے تصویرشیئر کی اور لکھا کہ وہ 5 روز قبل امریکا سے واپس لوٹیں جہاں وہ شوکت خانم کی فنڈ ریزنگ کے لیے گئی تھیں اداکارہ نے کہا کہ واپسی پرجب وہ لاہور ایئرپورٹ پہنچیں تو بہت پریشان تھیں ایئرپورٹ پر ان کی اسکریننگ ہوئی اورکورونا کا ٹیسٹ ہوا
https://www.instagram.com/p/B94WNnxiHIw/?igshid=17a6417ivjglz
اداکارہ نے لکھا کہ ٹیسٹ کی رپورٹ کے لیے انہوں نے جو 2 دن انتظار کیا وہ بہت درد ناک تھا جہاں وہ ذہنی دباؤ کا بھی شکارہوئیں اورنہ ہی انہیں اس دوران نیند آئی تاہم ٹیسٹ کی رپورٹ 2 روزبعد آئی جو اللہ کے کرم سے نیگیٹیو تھی

مایا علی نے کہا کہ انہیں معلوم ہے کہ یہ بہت نہ صرف پاکستان بلکہ پوری انسانیت کے لیے سخت وقت ہے کورونا وائرس کی اب تک کوئی ویکسین تیارنہیں کی جاسکی ہے اسلئے ہم خود جتنا اپنا خیال رکھ سکیں ہمیں کرنا چاہیئے

اداکارہ نے کہا وہ ان تمام لوگوں کے لیے بھی خوفزدہ ہیں جویومیہ اجرت کماتے ہیں اوراب ان کے پاس معاش کا ذریعہ نہیں اس تناظر میں حکومت پاکستان سے درخواست کرتی ہوں کہ وہ ان خاندانوں کی خوارک کے لیے کچھ کریں اورساتھ ساتھ ایک ایسی ٹیم بنائی جائے جوان خاندانوں کے مفت ٹیسٹ بھی کرائے جن کے لیے ٹیسٹ کرانا بھی مشکل ہے

مایا علی نے کہا کہ یہ وقت بھی گزرجائے گا حکومت کی جانب لگائی جانے والی پابندیاں ہماری بہتری کے لیے ہی ہیں۔خدا پر ایمان رکھتے ہوئے اپنی اپنی احتیاط اور حفاظت کریں بے شک اللہ سب سے بڑا ہے