معروف احد رضا میر اور نامور اکارہ سجل علی کی شادی کی تقریبات شروع ہو گئیں ان کی ڈھولکی کی تصویر نے سوشل میڈیا پر ہل چل مچادی ہے
باغی ٹی وی کی رپورٹ کے مطابق احد رضا میر اور سجل علی کی ڈھولکی کی تصویر نے سوشل میڈیا پر ہل چل مچادی ہے پاکستان شوبز انڈسٹری کی مشہور و معروف جوڑی احد رضا میر اور سجل علی کی شادی کی تقریبات کا آغاز ہوگیا ہے اور سوشل میڈیا پر ہر طرف دونوں کی ڈھولکی کی تصویر نے ہلچل مچادی ہے اور ہر طرف ان کی شادی کی چہ میگوئیاں جاری ہیں
سوشل میڈیا ویب سائٹ انسٹاگرام پر احد رضا میر کی والدہ نے اسٹوری لگائی جس میں پھولوں کے درمیان کیک رکھا گیا تھا جس پر احد اور سجل کی ڈھولکی لکھا تھا اس تصویر کے منظر عام پر آنے کے بعد احد اور سجل کے مداح نہ صرف خوش ہیں بلکہ دونوں کو شادی کی مبارکباد دینے اور نیک تمناؤں کا اظہار کرنے کے لیے بھی بے چین ہیں
واضح رہے کہ احد اورسجل کی جوڑی نے ڈرامہ سیریل یقین کا سفرسے مقبولیت حاصل کی جس کے بعد گذ شتہ سال عید پر دونوں کی منگنی ہوئی تھی
امریکی باکس آفس پرویڈیو گیمزپرمبنی ایڈونچرکامیڈی فلم سونک دی ہیج ہوگ کا راج دوسرے ہفتے بھی برقرار رہا
باغی ٹی وی کی رپورٹ کے مطابق امریکی باکس آفس پرویڈیو گیمزپرمبنی ایڈونچرکامیڈی فلم سونک دی ہیج ہوگ کا راج دوسرے ہفتے بھی برقرار رہا فلم 4 ارب5 کروڑ 80 لاکھ سے زائد کما کر پہلے نمبر پر جبکہ فلم دی کال آف دی وائلڈ دوسرے اور فلم برڈز آف پرے تیسرے نمبر پر رہیں
https://www.youtube.com/watch?v=9Xe9DM7Nd8o&feature=youtu.be
اداکار جم کیری نے ڈاکٹر روبوٹنک کے منفی کردار میں تہلکہ مچادیا سپر سونک ہیج ہوگ نے باکس آفس کی دوڑ بھی جیت لی ویڈیو گیمز پر مبنی فلموں کا ریکارڈ توڑتے ہوئے فلم نے پہلے ہفتے 8 ارب 94 کروڑ 94 لاکھ روپے سے زیادہ رقم بٹور کر پہلے ہی نیا ریکارڈ بنا لیا ہے
امریکی ناول نگار جیک لندن کے 1903 میں شائع ہونے والے کلاسک ناول کی کہانی پر مبنی سپراسٹار ہیریسن فورڈ کی فلم دی کال آف دی وائلڈ نے 3 دنوں میں 3 ارب 82کروڑ 66 لاکھ روپے کمائے اور باکس آفس پر دوسری پوزیشن پر رہی
سپر ہیرو کی فلم برڈز آف پرے نے اس ہفتے ایک ارب 8 کروڑ سے زائد کا بزنس تیسرے نمبر پر رہی
کراچی:”میرے پاس تم ہو”ڈرامہ سیریل کے مصنف خلیل الرحمن قمرکے سونیا حسین کے متعلق بیان کہ "ابھی سونیا اس قابل نہیں” سے نیا پنڈورابکس کھل گیا ،اطلاعات کےمطابق پاکستان کے مقبول ترین ڈرامے’’میرے پاس تم ہو‘‘ کے مصنف خلیل الرحمان قمر نے کہا ہے کہ ڈرامے میں عائزہ خان کے کردار کے لیے سونیا حسین کبھی بھی میرا انتخاب نہیں تھیں۔
ڈراماسیریل’’میرے پاس تم ہو‘‘نے پاکستان ڈراما انڈسٹری میں کامیابی کے نئے ریکارڈ قائم کیے ہیں، تاہم جہاں اس ڈرامے نے بلندیوں کی نئی اونچائیوں کو چھوا ہے وہیں یہ اپنے ڈائیلاگز اور ڈرامے کے مصنف خلیل الرحمان قمر کے خواتین سے متعلق بیانات کے باعث بھی تنازعات کی زد میں رہا۔
ڈرامے کے مرکزی کردار ’’مہوش‘‘ جسے عائزہ خان نے نبھایا تھا کو بھی شائقین کی جانب سے بے حد پزیرائی ملی تھی، تاہم ایک انٹرویو کے دوران اداکارہ سونیا حسین نے انکشاف کیا تھا کہ عائزہ خان سے پہلے یہ کردار انہیں آفر ہواتھا لیکن انہوں نے انکار کردیا تھا اور اس کی وجہ بتاتے ہوئے کہا تھا کہ ’’مہوش‘‘کے کردار کے ذریعے خواتین کو منفی انداز میں پیش کیا گیا ہے، ہمارے معاشرے میں پہلے ہی عورتوں کی غلط تصویر پیش کی جاتی ہے اور میں خواتین کو برا نہیں دیکھ سکتی۔
حال ہی میں خلیل الرحمان قمر نے وسیم بادامی کے شو میں سونیا حسین کو ڈرامے کی آفر کرنے اور ان کی جانب سے انکار کرنے پر کھل کر گفتگو کی۔ خلیل الرحمان قمر نے بتایاکہ اس ڈرامے کے لیے سونیا حسین کبھی بھی میرا انتخاب نہیں تھیں اور نہ ہی میں نے انہیں ڈرامے کی پیشکش کی۔ سونیا حسین کو ہدایت کار ندیم بیگ اور ہمایوں سعید نے میرے علم میں لائے بغیر ڈراما آفر کیا۔
خلیل الرحمان قمر نے کہا جب ڈراما ہٹ ہوگیا تو کوئی بھی اس کے بارے میں کچھ بھی کہہ سکتا ہے میں کہتاہوں کہ مجھے امریکا کا صدر بننے کی پیشکش ہوئی تھی لیکن میں نے منع کردیا اور کہا کہ ٹرمپ کو موقع دیں، کہنے کو تو کچھ بھی کہہ سکتے ہیں۔ ابھی سونیا حسین اس قابلیت پر نہیں پہنچیں کہ میرااسکرپٹ کرسکیں۔
خلیل الرحمان قمر نے مزید بتایا کہ میری حال ہی میں سونیا حسین سے لاہور میں ملاقات ہوئی تھی میں نے ان سے پوچھا کیا آپ نے ’’میرے پاس تم ہو‘‘میں کام کرنے سے انکار کیاتھا؟ تو انہوں نے کہا کہ جب یہ ڈراما مجھے آفر کیا گیا تو اس میں ہمایوں سعید ہیرو ہی نہیں تھا اس لیے میں نے انکار کیا۔
سینئراور معروف ٹی وی اداکار فاروق ضمیر کو مداحوں سے بچھڑے 3 سال بیت گئے
باغی ٹی وی کی رپورٹ کے مطابق سینئراور معروف ٹی وی اداکار فاروق ضمیر کو مداحوں سے بچھڑے 3 سال بیت گئے فاروق ضمیر 1941 کو پیدا ہوئے انہوں نے گورنمنٹ کالج سے آرکیالوجی میں بی ایس سی کی ڈگری حاصل کی دوران تعلیم ہی ان کا رجحان اداکاری کی طرف ہوگیا تھا
فاروق ضمیر نے فنی کیرئیر کا آغاز 90 کی دہائی سے کیا اور کئی معروف ڈراموں میں اداکاری کے جوہر دکھائے جس میں گڑیا سراغ زندگی کاغذ کی ناؤ اور رانی سمیت کئی ڈرامے شامل ہیں
اداکاری کے شعبے میں وہ ایک خاص حیثیت رکھتے تھے کرداروں سے ان کی مطابقت اور مکالمہ نگاری ناظرین کو اپنی جانب کھینچ لیتی تھی وہ ایک رجحان ساز شخصیت کے مالک تھے
فاروق ضمیر کی بے پناہ فنی صلاحیتوں کےبنا پر حکومت پاکستان نے انہیں صدارتی ایوارڈ سے نوازا فاروق ضمیر 23 فروری 2017 کو خالق حقیقی سے جاملے
بھارتی گلوکار اے آر رحمن کا کہنا ہے کہ برقع پہننا میری بیٹی خدیجہ کا اپنا انتخاب ہے
گذشتہ دنوں بنگلا دیشی خاتون رائٹر تسلیمہ نسرین نے سماجی رابطے کی ویب سائٹ ٹوئٹر پر بھارتی گلوکار اے آر رحمن کی بیٹی خدیجہ رحمٰن کو حجاب اور برقع پہننے پر شدید تنقید کا نشانہ بنایا تھا
تسلیمہ نسرین کی تنقید کے بعد اب بھارتی گلوکار اے آر رحمن نے بھی اس بارے میں بیان دے دیا
بھارتی میڈیا کی ایک رپورٹ کے مطابق اے آر رحمن نے کہا ہے کہ ان کی بیٹی نے ماضی میں ایک گانا گایا ہے جس پر لوگوں کی جانب سے ان کو بےحد پیار اور محبت ملی
انہوں نے کہا کہ میرے بچے جانتے ہیں کہ ان کے لیے کیا اچھاہے اور کیا برا ہے اسی لیے میرے بچے اپنی مرضی کے مطابق آزادانہ زندگی گزار رہے ہیں
اے آر رحمن نے کہا کہ برقع اور حجاب پہننے کا انتخاب خدیجہ کا اپنا ہے اور میری بیٹی کو اپنی مرضی کا لباس پہننے کی مکمل آزادی ہے
انہوں نے بنگلادیشی رائٹر تسلیمہ نسرین کی جانب سے خدیجہ کے حجاب اور برقعے پر تنقید کرنے کے حوالے سے کہا کہ میں اس طرح کی تنقید کرنے والوں کو کوئی جواب نہیں دوں گا
یاد رہے کہ گذشتہ دنوں تسلیمہ نسرین نے سماجی رابطے کی ویب سائٹ ٹوئٹر پر خدیجہ رحمن کی تصویر شیئر کرتے ہوئے لکھا تھا کہ مجھے اے آر رحمن کی گلوکاری پسند ہے لیکن میں جب بھی ان کی بیٹی کو دیکھتی ہوں تو میرا دم گھٹنے لگتا ہے
تسلیمہ نسرین نے خدیجہ کے برقع اور حجاب پر تنقید کرتے ہوئے کہا تھا کہ یہ بہت افسوس کی بات ہے کہ ایک ثقافتی گھرانے میں پرورش پانے والی لڑکی کا بھی آسانی سے برین واش ہوسکتا ہے
تسلیمہ نسرین کے اس تنقید بھرے ٹوئٹ پر خدیجہ رحمن بھی خاموش نہ رہیں اور انہوں نے سوشل میڈیا ویب سائٹ انسٹاگرام پر اپنی حجاب میں تصویر شیئر کی تھی جس کا انہوں نے ایک طویل کیپشن لکھا تھا انہوں نے لکھا تھا کہ صرف ایک سال رہا ہے اور یہ موضوع دوبارہ گردش کرنے لگ گیا ہے بھارت میں اس وقت بہت کچھ ہورہا ہے لیکن پھر بھی سب لوگ اس بات کے لیے فکر مند ہیں کہ عورت کو کیا لباس پہننا چاہیے اور یہ دیکھ کر میں بہت حیران ہوتی ہوں میں جب بار بار یہ موضوع سنتی ہوں تو میرے اندر ایک آگ بھڑک اٹھتی ہے
محترمہ تسلیمہ نسرین! مجھے افسوس ہو رہا ہے کہ آپ اپنے ہی لباس کی وجہ سے گھٹن محسوس کر رہی ہیں آپ کو کچھ تازہ ہوا لینے کی ضرورت ہے
انہوں نے لکھا تھا کہ مجھے برقع پہننے سے کوئی گھٹن محسوس نہیں ہوتی ہے بلکہ مجھے فخر محسوس ہوتا ہے اور میں اپنے اس فیصلے میں بااختیار ہوں
انہوں نے لکھا تھا کہ تسلیمہ نسرین میرا آپ کو مشورہ ہے کہ آپ کو ایک بار گوگل کرکے فیمینزم کا مطلب معلوم کرنا چاہیے
واضح رہے کہ گذشتہ برس بھی خدیجہ رحمان کے پردہ کرنے پر اعتراضات اٹھانے والوں کو موسیقار اے آر رحمن نے جواب دیتے ہوئے کہا تھا کہ میں اپنے بچوں کے فیصلوں کا احترام کرتا ہوں اور کسی پر اپنی مرضی مسلط نہیں کرتا
فلم پیراسائٹ پرامریکی صدر ٹرمپ کی تنقید پر جنوبی کوریا کے ہدایت کار یون سنگ ہیون نےسخت ردعمل کا اظہار کیا
باغی ٹی وی کی رپورٹ کے مطابق ہدایت کار نے کہا کہ انہیں ٹرمپ کے تبصرے پرشدیدغصہ آیا وہ ٹرمپ ہیں نہ کہ پیرا سائٹ کے ہدایتکار لیکن فلم سے متعلق امریکی صدر کا بیان تنگ نظری ہے
واضح رہے کہ جنوبی کوریا کی فلم کو بہترین فلم کا ایوارڈ دینے پر امریکی صدر نے دو دن قبل آسکرز کا خوب مذاق بنایا تھا کہا تھا جنوبی کوریا کے ساتھ امریکا کو بہت سے مسائل ہیں اس کے باوجود بہترین فلم کا آسکر جنوبی کوریا کی فلم پیراسائٹ کو دیدیا گیا انہوں نے آسکرز میں بہترین فلم کے اعلان کی نقل بھی اتاری تھی
انہوں نے کہا تھا کہ وہ چاہتے ہیں کہ 1939 میں بنی فلم gone with the Wind جیسی ہالی ووڈ کلاسک کو ایوارڈ ملتا
پاکستانی فلم دی لیجنڈ آف مولا جٹ کی ریلیز کی تاریخ کا اعلان کردیا گیا ہے
باغی ٹی وی کی رپورٹ کے مطابق جیو فلمز کے تحت بننے والی فلم مولا جٹ عید الفطر کے موقع پر ملک بھر کے تمام سنیما گھروں میں نمائش کے لئے پیش کی جائے گی
فلم کے ہدایت کار بلال لاشاری ہیں جب کہ اداکاروں میں فواد خان، حمزہ عباسی، ماہرہ خان، حمیمہ ملک اور گوہر رشید جیسے بڑے فنکارشامل ہیں
ان کے علاوہ فارس شفیع، شفقت چیمہ اور نیر اعجاز نے بھی فلم میں اہم کردار ادا کیے ہیں
دی لیجنڈ آف مولا جٹ بجٹ کے لحاظ سے پاکستانی تاریخ کی سب سے بڑی فلم ہے جو کہ انسائیکلومیڈیا اور لاشاری فلمز کے بینر تلے تیار کی گئی ہے
اس فلم کی پروڈیوسر عمارہ حکمت ہیں فلم کے ہدایت کار بلال لاشاری ہیں اور اسکرپٹ ناصر ادیب نے تحریر کیا ہے
یاد رہے کہ یہ فلم مداحوں میں اس وقت ہی مقبول ہوگئی تھی جب یہ بتایا گیا کہ اس میں ماضی کے معروف کرداروں مولا جٹ اور نوری نتھ کے دور کی عکاسی کی گئی ہے
بالی وڈ کے معروف ہدایت کار اور بھارتی متنازع شہریت قانون پر مودی سرکار کے خلاف آواز اٹھانے والے انوراگ کشیپ بھی فلم کے ٹریلر کو سراہتے ہوئے ٹوئٹر پر کہہ چکے ہیں کہ مولا جٹ واپس آچکا ہے اور اس بار یہ فواد خان ہیں
معروف ٹی وی سیریز فرینڈز کی کاسٹ ایک شو میں شرکت کے لیے اکھٹی ہوئی
باغی ٹی وی کی رپورٹ کے مطابق معروف ٹی وی سیریز فرینڈز کی کاسٹ ایک شو میں شرکت کے لیے اکھٹی ہوئی سماجی رابطے کی ویب سائٹ انسٹاگرام پر ہالی ووڈ کی نامور اداکارہ جینیفر آئنسٹن نے ڈرامے کی دیگر مرکزی کاسٹ کو ٹیگ کرتے ہوئے ان کے ساتھ لی گئی ایک تصویر شیئر کی
https://www.instagram.com/p/B82FMKcBKHL/?igshid=19m6w6vux7h60
تصویر کے کیشن میں انہوں نے لکھا کہ جلد آنے والا ہے
جوئی کا معروف کردار ادا کرنے والے میٹ لی بلانک کی جانب سے بھی ڈرامے کی پچیس سال مکمل ہونے پر اس ری یونین پر مختلف پوسٹس شئیر کیں انہوں نے تصویر کے کیپشن میں لکھا کہ پچیس سال پہلے کی جمعرات کی رات منائی ایسے لگتا جیسے کل ہی کی بات ہو انہوں نے تمام چاہنے والوں کا فرینڈز سیریز دیکھنے پر شکریہ ادا کیا
https://www.instagram.com/p/B2mW0KLgTBP/?igshid=yy4fydccuyr
واضح رہے کہ فرینڈز سیریز 1994 میں شروع ہوئی تھی جو آج تک ٹیلی ویژن کی کامیاب سیریز مانی جاتی ہے
1994 میں ریلیز ہونے والی سیریز کا آخری اور دسواں سیزن 2004 میں نشر کیا گیا تھا جس کی کل 136 اقساط پر مشتمل تھا
یہ سیریز چھ دوستوں مونیکا، روس، چینڈلر، ریچل، فیبی اور جوئی کے گرد گھومتی ہے مونیکا اور روس بہن بھائی ہیں ریچل مونیکا کی کالج کی سہیلی ہے
چینڈلر اور روس روم میٹ ہیں اور فیبی مونیکا کی روم میٹ رہ چکی ہے اس سیریز میں عام زندگی کے موضوعات یعنی ہراسانی ورک پلیس کے طور طریقے خودمختاری جیسے موضوعات کو بیان کیا گیا ہے
پاکستان کی نامور اداکارہ سونیا حسین نے کہا کہ میں ہر سال 8 مارچ کو منعقد ہونے والے ایونٹ عورت مارچ اور اس میں لگائے نعروں کے حق میں نہیں
باغی ٹی وی کی رپورٹ کے مطابق سونیا حسین نے گزشتہ روز اے آر وائے کے میزبان وسیم بادامی کے ایک شو معصومانہ کھیل میں شرکت کی جس میں انٹر ویو کے دوران اداکارہ نے کہا کہ یں ہر سال 8 مارچ کو منعقد ہونے والے ایونٹ عورت مارچ اور اس میں لگائے نعروں کے حق میں نہیں
پروگرام کے میزبان نے اداکارہ سے پوچھا کہ آپ نے کہا تھا میرے پاس تم ہو میں عائزہ خان کا کردار پہلے آپ کوآفر کیا گیا تھا کیا یہ سچ ہے؟
اس پر اداکارہ نے کہا کہ کہ ویسے جو پروجیکٹ میں نے نہیں کیا تو اس پر بات کرنا اچھا نہیں لگتا اور ہمایوں سعید اور ندیم بیگ نے ایسے کسی کے پوچھنے پررینڈملی میرا نام لیا تھا انہوں نے کہا عائزہ نے مہوش کا کردار بخوبی نبھایا ہے
وسیم بادامی کے آئٹم سانگ کے بارے میں پوچھے گئے سوال کا جواب دیتے ہوئے سونیا نے کہا کہ اداکارہ کا کہنا تھا کہ لوگ آئٹم سانگز فلموں میں دیکھنا چاہتے ہیں اور اس میں کوئی مسئلہ نہیں لیکن اگر ان سے پوچھا جائے تو وہ خود شاید کبھی کسی آئٹم سانگ نہیں کریں گی انہوں نے کہا کہ عورت کو زیادہ سیکشولائز نہیں کرنا چاہیئے اد کے علاوہ بھی خواتین بہت کچھ کر سکتی ہیں
وسیم بادامی نے ایواراڈ سسٹم کے بارے میں سوال پوچھا کہ وہ جینوئن ہے یا فراڈ ہی ہے بڑا زبردست ہے میرٹ پر ملتے ہیں ؟
اس کا جواب انہوں نے دینے سے معذرت کی لیکن انہوں نے کہا کہ ساری دنیا میں ایوارڈ سسٹم ایک جیسا ہی ہے
انٹرویو کے دوران اداکارہ سے وسیم بادامی نے یہ سوال کیا کہ انہوں نے کہا تھا کہ وہ فیمنسٹ ہیں تو اس کا مطلب بھی بتائیں؟
اس پر سونیا حسین کا کہنا تھا کہ فیمنزم کو لوگ عموماً غلط سمجھتے ہیں لوگ سمجھتے ہیں کہ میں فیمنسٹ ہیں تو مردوں سے نفرت کرتی ہوں گی لیکن ایسا نہیں ہے فیمنزم صرف برابری ہےعورت اور مرد دونوں کے حقوق پر بات کرنی ہے
8 مارچ کو عورت مارچ کے دوران کئی فیمنسٹ خواتین اپنی روٹی خود بناؤ اور اپنا کھانا خود گرم کرو جیسے سلوگن لےکر سامنے آئی تھیں اس حوالے سے سونیا حسین نے کہا کہ اگر عورت گھر میں کھانا بنا سکتی ہے تو مرد بھی بنا سکتا ہے لیکن یہ روٹی والا جو نعرہ بنایا گیا تھا میں اس کے حق میں بالکل نہیں
اداکارہ نے بتایا کہ میں عورت مارچ میں لگائے نعروں سے میں بالکل اتفاق نہیں کرتی میرا خیال ہے کہ جب آپ کسی چیز کو لےکر حد سے بڑھ جائیں تو پھر ایسا ہی کرتے ہیں
اس موقع پر وسیم بادامی نے عورت مارچ میں لگائے ایک نعرے میرا جسم میری مرضی کے بارے میں بھی سوال کیا جو سوشل میڈیا پر کافی مقبول ہوا تھا
اس پر سونیا حسین نے کہا کہ میں اس بات سے بھی اتفاق نہیں کرتی زندگی میں کچھ باتیں اہم ہوتی ہیں اور وہ صرف خواتین کے لیے نہیں مردوں کے لیے بھی یقیناً اہم ہوں گی
انٹرویو کے دوران وسیم بادامی نے سوال کیا کہ ہراسانی شوبز انڈسٹری کی تلخ حقیقت ہے یا اس کو کچھ زیادہ بڑھا چڑھا کر بتایا جارہا ہے؟
اس پر ان کا کہنا تھا کہ میں نے کبھی جنسی ہراسانی کا سامنا نہیں کیا لیکن ہوسکتا ہے کہ کچھ لڑکیوں کو اس کا سامنا کرنا پڑا ہو
سونیا حسین اس وقت ٹچ بٹن نامی فلم میں کام کررہی ہیں اس فلم میں ان کے ہمراہ فرحان سعید، فیروز خان اور ایمان علی نے اہم کردار نبھائے فلم عیدا لفطر کے موقع پر ریلیز کی جائے گی
معروف بالی وڈ اداکارہ کرینہ کپور خان نے اپنے سابق قریبی دوست شاہد کپور سے تعلق ختم کرنے کی وجہ بتا دی
بھارتی میڈیا رپورٹ کے مطابق سیف علی خان سے شادی کے بعد پہلی مرتبہ کرینہ نے اپنے اور شاہد کپور کے تعلق سے متعلق بات کی ہے جس میں انہوں نے کہا کہ ان دونوں کا تعلق کی وجہ قسمت ہے
کرینہ کپور کا کہنا تھا کہ شاہد کپور کے ساتھ ہٹ ہونے والی فلم ’جب وی میٹ‘ نے ان کا کیرئیر بدلا جبکہ سیف علی خان کے ساتھ کی جانے والی فلم ’ٹشن‘ نے ان کی زندگی ہی بدل دی
تین سال سے زائد عرصے تک قریبی دوستی سپر ہٹ فلم ’جب وی میٹ‘ کے بعد دونوں نے راہیں جدا کرلیں جبکہ کرینہ کپور نے ’جب وی میٹ ‘ کی ریلیز کے فوراً بعد ہی سیف علی خان سے دوستی کرلی اور ان کے ساتھ فلم ’ٹشن ‘ بھی سائن کی
یاد رہے کہ 2004 میں کرینہ اور شاہد کی پہلی فلم فدا ریلیز ہوئی تھی جو باکس آفس پر اچھا بزنس کرنے میں کامیاب رہی جبکہ کرینہ اور شاہد بھی ایک دوسرے کے دوست بھی بن گئے تھے
2012 میں کرینہ کپور بالی ووڈ اداکار سیف علی خان سےشادی کر لی اور2016 میں ان کے ہاں تیمور علی خان کی پیدائش ہوئی
دوسری جانب شاہد کپور نے 2015 میں میرا راجپوت سے شادی کی ان کے دو بچے ہیں بیٹی کا نام میشاء جبکہ بیٹے کا نام زین ہے
