Category: شوبز

معروف کامیڈین امان اللّٰہ کی بیٹی زرغون امان اللہ اور بیٹے معیز علی امان نے والد کی وفات کی خبروں کی تردید کردی

سوشل میڈیا پر یہ افواہیں گردش کر رہی تھیں کہ امان اللہ وفات پا گئے ہیں تاہم زرغون نے اپنے ویڈیو پیغام میں والد کی صحت کے حوالے سے بتایا کہ وہ بیمار ہیں لیکن خیریت سے ہیں اُن سے متعلق غلط خبریں نہ پھیلائیں

زرغون نے بتایا کہ اُن کے والد کو سانس میں دشواری کی وجہ سے وینٹی لیٹر پر رکھا گیا ہے جو اُن کے علاج کا ایک حصہ ہے لیکن وہ پہلے سے بیتر ہیں

زرغون نے اپنے والد کی صحت کے حوالے سے مزید بتایا کہ انہیں اس سردی کے موسم میں نمونیہ بھی ہوگیا تاہم ڈاکٹرز کا کہنا ہے کہ اگلے دو تین دنوں میں انہیں آئی سی یو سے کمرے میں شفٹ کردیا جائے گا

دوسری جانب امان اللہ کے بیٹے معیز علی امان نے بھی والد کی وفات کی افواہوں کی تردید کرتے ہوئے کہا کہ اُن کے والد آئی سی یو میں زیر علاج ہیں انہوں نے مداحوں سے درخواست کی کہ وہ ان کے والد کی جلد صحت یابی کے لیے دعا کریں اور سوشل میڈیا کی بے بنیاد افواہوں پر یقین نہ کریں

امان اللہ کچھ دنوں سے گردوں اور سانس کی تکلیف کے باعث اسپتال میں زیرِ علاج ہیں تاہم طبیعت مزید بگڑنے پر انہیں آئی سی یو منتقل کردیا گیا تھا

سوشل میڈیا پر یہ افواہیں گردش کر رہی تھیں کہ امان اللہ وفات پا گئے ہیں تاہم اہل خانہ نے ان افواہوں کی تردید کرتے ہوئے مداحوں سے ان کی صحت یابی کے لئے دعاؤں کی درخواست کی ہے

بالی ووڈ کی سابقہ اداکارہ زائرہ وسیم کو 2017 میں دوران پرواز جنسی طور پر ہراساں کرنے والے 41 سالہ نامور بزنس مین کو تین سال قید کی سزا سنا دی گئی ہے

غیر ملکی میڈیا رپورٹس کے مطابق 2017 میں زائرہ کی عمر 17 سال تھی ، ملزم ویکاس سچدیو کو بچوں کے تحفظ کے قوانین کی خلاف ورزی کرنے پر 3 سال قید کی سزا سنائی گئی

یاد رہے کہ زائرہ نے اپنے انسٹاگرام اکاؤنٹ پر اپنی ایک اسٹوری میں یہ دعویٰ کیا تھا وسترا ائرلائن کی دہلی سے ممبئی جانے والی پرواز میں عقبی نشست پر بیٹھا شخص اپنے پاؤں سے انہیں نامناسب انداز میں گردن اور کمر کی طرف اس وقت چھوتا رہا جب وہ غنودگی میں تھیں اور یہ سلسلہ 5 سے 10 منٹ تک جاری رہا

زائرہ وسیم نے مسافر کی جانب سے اس نامناسب حرکت کا نشانہ بننے کے بعد روتے ہوئے ایک ویڈیو بھی شیئر کی تھی زائرہ نے ویڈیو میں بتایا کہ وہ اس شخص کی ویڈیو بنانے کا ارادہ رکھتی تھیں تاہم اندھیرے کے باعث وہ ایسا کرنے میں ناکام رہیں

ان کا مزید کہنا تھا کہ میں اس لیے آواز اٹھا رہی ہوں کیونکہ کوئی ہماری مدد نہیں کرسکتا جب تک ہم خود اپنی مدد نہ کرلیں

اداکارہ نے ایئرلائن عملے کو بھی تنقید کا نشانہ بناتے ہوئے کہا تھا کہ کسی نے ان کی مدد نہیں کی جبکہ عملے نے اس الزام کو مسترد کرتے ہوئے واضح کیا کہ اس قسم کا برتاؤ قابل قبول نہیں تاہم پرواز کے عملے کی مدد سے پولیس نے بعدازاں اس شخص کو گرفتار کرلیا
پولیس کے مطابق ملزم ویکاس سچدیوسراغ ایئرٹکٹ سے لگایا گیا تھا

زائرہ وسیم نے 2015 میں اداکار عامر خان کی بلاک بسٹر فلم ’دنگل‘ سے اپنے فلمی کیریئر کا آغاز کیا تھا اس فلم کی کامیابی کے بعد زائرہ کو بھارت میں نیشنل ایوارڈ سے بھی نوازا گیا جس کے بعد ان کی ایک اور فلم ‘سیکرٹ سپراسٹار’ سامنے آئی اور وہ بھی کامیاب ثابت ہوئی

یاد رہے کہ زائرہ نے گزشتہ سال مذہب کی خاطر فلمی دنیا کو یہ کہتے ہوئے خیرباد کیا تھا کہ ان کے شوبز کیرئیر کا انتخاب ان کے مذہبی عقائد پر اثرانداز ہورہا تھا زائرہ وسیم کا تعلق کشمیر سے ہے

احسن خان کا شمار پاکستان کے نامور اور صف اول کے اداکاروں میں کیا جاتا ہے اور اپنی جاندار اداکاری کی وجہ سے مداحوں میں بے حد مقبول ہیں ان کے ڈراموں کا انتظار مداحوں کو بےصبری سے ہوتا ہے اور اب ان کا نیا پروجیکٹ ‘بندھے ایک ڈور سے’ رواں سال مارچ میں سامنے آجائے گا

اپنے ایک انٹر ویو کے دوران اداکار نے اپنے اس ڈرامے کی کچھ تفصیلات بھی شیئر کیں احسن خان کا کہنا تھا کہ اس ڈرامے کی کہانی ایک ہی خاندان کے 8 سے 10 ممبرز پر مبنی ہے اور ان ہی کی زندگی کے گرد گھومتی ہے

احسن خان کے مطابق ڈرامے کا ایک پہلو رومانوی بھی ہے، لیکن پوری کہانی صرف رومانوی کردار پر نہیں، ڈرامے میں ثمینہ احمد میری دادی کا کردار ادا کررہی ہیں، صبا حمید میری تائی بنی ہیں اور صبا فیصل میری والدہ کا کردار نبھارہی ہیں جبکہ اشنا شاہ اور حنا الطاف بھی مرکزی کردار میں نظر آئیں گی

گزشتہ ہفتے صبا فیصل نے بھی اپنے انسٹاگرام پر اس ڈرامے کے کچھ شوٹس کی تصاویر شیئر کی تھیں جنہیں دیکھ کر ایسا ہی محسوس ہورہا تھا کہ ایک کسی فیملی تقریب کے دوران لی گئی تصویر ہے اس تصویر میں کیپشن میں لکھا کہ بندے ایک ڈور سے خاندان

صبا قمر نے تصاویر شیئر کرتے ہوئے کیپشن میں لکھا کہ بندھے ایک ڈور سے ہم سب صرف اور صرف سیونتھ سکائے کی بدولت

احسن خان کا مزید کہنا تھا کہ خاندان پر مبنی یہ ایک ایسا ڈرامہ ہے جو یقیناً دیکھنے والوں کو متاثر کرے گا اس کی کہانی نہایت سادہ ہے مسائل کے علاوہ مشترکہ خاندان کی چھوٹی چھوٹی خوشیاں، اچھے لمحات سب پیش کیے جائیں گے

اس ڈرامے کی ہدایات ہدایات علی فیضان دے رہے جبکہ فائزہ افتخار نے اس کی کہانی تحریر کی

پاکستان کے معروف اور مقبول ترین ڈرامے میرے پاس تم ہو کے مداحوں کو آخری قسط کا بڑی بے چینی سے انتظا ر ہے لیکن مداحوں کو چونکا دینے والا مایوس کن انکشاف سامنے آیا ہے کہ مذکورہ ڈرامے کی آخری قسط تاخیر سے پیش کی جائے گی

اس ڈرامے کی اب تک 22 اقساط سامنے آچکی ہیں اور ‘میرے پاس تم ہو’ کی آخری ڈبل قسط پروڈیوسرز نے صرف اے آر وائے ڈیجیٹل پر ہی نہیں بلکہ سینما گھروں میں دکھانے کا بھی اعلان کیا ہے

‘میرے پاس تم ہو’ کی کہانی خلیل الرحمٰن قمر نے تحریر کی جبکہ اس کی ہدایات ندیم بیگ نے دی ہے ڈرامے میں ہمایوں سعید، عائزہ خان اور عدنان صدیقی نے مرکزی کردار نبھائے جبکہ شیث گل، حرا مانی، انوشے عباسی، سویرا ندیم، مہر بانو اور سید محمد احمد نے اہم کردار نبھائے

میرے پاس تم ہو اس وقت پاکستان کا سب سے معروف اور مقبول ڈارمہ ہے اس ڈرامے کو شائقین کی طرف سے بھر پور پذیرائی ملی تاہم پاکستان کی تاریخ کا سب سے بڑا اور مقبوک ڈرامہ اپنے اختتامی مراحل میں ہے اور مداح اس ڈرمہ کی‌آخری قسط کا بے چینی سے انتظار ہے اور ہر کوئی کسی کو بے چینی سے یہ جاننے کا انتظآر ہے کہ اس کہانی کا انجام کیا ہوگا

لیکن میرے پاس تم ہو کے مداحوں کے لئے ایک بُری خبر سامنے آئی ہے کہ اس ڈرامے کی آخری قسط اس ہفتے ریلیز نہیں کی جائے گی بلکہ اس ڈرامے کے آخری اور بڑی قسط 25 جنوری کو رات 8 بجے سے 10 بجے تک ریلیز کی جائے گی

اے آر وائی نے شائقین کی بھر پور جوش و خروش کو دیکھتے ہوئے اس ڈرامے کی آخری بڑی قسط کراچی لاہور اور اسلام آباد کے تمام بڑے سینما گھروں میں دکھانے کا فیصلہ کیا ہے جبکہ اس اعلان کے ساتھ ہی سینماؤں میں ایڈوانس بکنگ کا سلسلہ بھی شروع ہو گیا ہے

دسمبر 2019 میں 18 سال کی عمر کو پہنچنے والی امریکی پاپ گلوکارہ بلی آئلش نے ایک اور ریکارڈ اپنے نام کرلیا

بلی آئلش امریکی پاپ میوزک انڈسٹری کی وہ پہلی گلوکارہ ہیں جو سال 2000 کے بعد پیدا ہوئیں اور ان کا پہلا میوزک البم ہی شاندار کامیابی سے ہمکنار ہوا

بلی آئلش کا پہلا گانا 2017 میں ریلیز ہوا تھا جس کا شمار انتہائی کم وقت میں امریکا اور برطانیہ کے 15 مقبول گانوں میں ہوا

جبکہ گلوکارہ پہلا میوزک البم وین وی آل فال اسلیپ، ویئر ڈو وئی گو 2019 کے آغاز میں ریلیز ہوا تھا وہ بھی کم وقت میں امریکا اور یورپ میں بے حد مقبول ہوا

پہلے میوزک البم کے ریلیز ہوتے ہی بلی آئلش کو میوزک کے سب سے معتبر ایوارڈز گریمی کے لیے نامزد کیا گیا اور وہ 17 سال کی عمر میں مذکورہ ایوارڈ کے لیے نامزد ہونے پہلی اداکارہ بنیں

انہیں گریمی ایوارڈ کی بہترین نئی گلوکارہ اور بہترین البم کے لیے نامزد کیا گیا جبکہ انہیں کم عمر مقبول گلوکارہ سمیت انتہائی کم وقت میں میڈیا کی توجہ حاصل کرنے والی گلوکارہ بھی قرار دیا گیا تھا

اور اب وہ شہرت یافتہ ہالی وڈ جاسوس برطانوی فلم ’جیمز بانڈ‘ کی 25 ویں فلم ’نو ٹائم ٹو ڈائے‘ فلم کے لیے گانا تیار کریں گی اور وہ شہرہ آفاق فلم کے لیے گانا تیار کرنے والی پہلی کم عمر 18 سالہ گلوکارہ ہوں گی

بلی آئلش سے قبل آسٹریلوی نژاد برطانوی گلوکارہ اڈیلے جیمز بانڈ کی فلم کے لیے کم عمری میں گانا تیار کر نے کا اعزاز حاصل کر چکی ہیں تاہم وہ بلی آئلش سے زیادہ عمر کی تھیں اڈیلے 2012 میں ریلیز ہونے والی جیمز بانڈ کی فلم ’اسکائے فال‘ کے لیے گانا گایا تھا جس نے ’آسکر‘ سمیت دیگر ایوارڈز جیتے تھے

بلی آئلش نے جیمز بانڈ کی 25 ویں فلم کے لیے گانا تیار کرنے کو اپنا اعزاز قرار دیتے ہوئے مداحوں کا شکریہ بھی ادا کیا ہے

جیمز بانڈ کی 25 ویں فلم کو رواں برس 8 اپریل 2020 کو ریلیز کیا جائے گا

بھارتی کامیڈی کنگ اور دی کپل شرما شو کے میزبان کپل شرما کی ننھی پری کی پہلی تصویر سوشل میڈیا پر وائرل ہوگئی

کامیڈی کنگ کپل شرما کے گھر گزشتہ سال 9 دسمبر کو بیٹی کی پیدائش ہوئی تھی جس کی خبر اُنہوں نے اپنے مداحوں کو سماجی رابطے کی ویب سائٹ ٹوئٹر پر دیتے ہوئے لکھا تھا کہ خدا نے ہمیں بیٹی سے نوازا ہے ہمیں آپ کی دُعاؤں کی ضرورت ہے

اب کچھ دیر پہلے ٹویٹر پر کپل شرما نے اپنی بیٹی اور بیوی کے ساتھ لی گئی تصو یر شیئر کی جس میں وہ اپنی بیٹی کو گود میں لئے ہوئے ہیں اور ساتھ ان کی اہلیہ کھڑی ہیں تصویر شئیر کرتے ہوئے لکھا کہ ملیں ہمارے دل کے سکون انائرہ شرما سے

جبکہ گذشتہ روز کپل شرما کی بیٹی کی تصویر پہلی بار اُن کے کامیڈی شو’دی کپل شرماشو‘ کی جانب سے بھی ٹوئٹر پر شیئر کی گئی جس کے کیپشن میں اُنہوں نے لکھا کہ ہمارے پیارے کپل شرما اپنی بیٹی کے ساتھ

واضح رہے کہ کپل شرما کی شادی دسمبر 2018 میں گینی سے ہوئی تھی

فلم کہے دل جدھرمیں ویسے تو پاکستان کے کئی نامور اداکار موجود ہیں اور اب ایک اور اداکار آر جے ڈینو علی اس فلم کی ٹیم کا حصہ بن گئے

آر جے ڈینو علی اس فلم کے ساتھ پاکستانی سینما انڈسٹری میں ڈیبیو کرنے جارہے ہیں

فلم کچھ دوستوں کی کہانی پر مبنی ہے جن میں سے ایک پولیس افسر اور دوسری صحافی ہیں

ڈینو علی نےایک انٹرویو میں ویسے تو اپنے کردار کی تفصیلات بتانے سے گریز کیا البتہ انہوں نے صرف اتنا بتایا کہ فلم میں یہ پیغام دیا جائے گا کہ اگر آپ تبدیلی چاہتے ہیں تو آپ کو اس کے لئے کوشش کرنی پڑے گی اور تبدیلی خود لانی پڑے گی جبکہ اداکار نے بتایا کہ وہ فلم میں نہایت مزاحیہ کردار ادا کرنے جارہے ہیں

ڈینو علی نے بتایا کہ فلم کی کہانی 5 دوستوں پر مبنی ہے جنید ایک پولیس افسر کا کردار ادا کررہے ہیں منشا ایک صحافی بنی ہیں ہر کسی کا اپنا ایک کردار ہے اور کہانی اس ہی موضوع کے گرد گھومتی ہے کہ یہ سب ایک ساتھ کیسے آگے بڑھیں گے اور کالج کے بعد ان کا آپس میں رشتہ کیسا رہے گا

اس فلم کی ہدایات جلال الدین رومی دے رہے ہیں جبکہ کہانی کامران باری نے تحریر کی اگرچہ فلم کو ریلیز کرنے کی حتمی تاریخ کا اعلان نہیں کیا گیالیکن خیال کیا جا رہا ہے کہ فلم کو رواں برس 20 مارچ کو ریلیز کیا جائے گا

حال ہی میں دائرہ اسلام میں داخل ہونے والی کینیڈین موٹر سائیکلسٹ اور گر روزی گیبریل نے کہا کہ وہ سیاحت اور بائیکنگ جاری رکھیں گی

ویڈیو اور پکچر شیئرنگ ایپ انسٹاگرام پر روزی نے قبول اسلام کے بعد سوشل میڈیا صارفین کی جانب سے پوچھے گئے سوالات کے جواب دیئے اور ان کے فیصلے کو سراہنے والوں کا شکریہ ادا کیا

اسلام قبول کرنے کے بعد روزی گیبریل سے پاکستان سمیت دیگر ممالک کے لوگ مختلف سوالات کر رہے تھے جس میں سے زیادہ تر ان کے دائرہ اسلام میں داخل ہونے کے بعد کے دیگر معاملات پر تھے اور اب انہوں نے لوگوں کی جانب سے عام طور پر پوچھے جانے والے سوالوں کے مختصر جوابات دیتے ہوئے واضح کیا ہے کہ وہ مستقبل میں کیا کرنے جا رہی ہیں



روزی نے فرقے سے متعلق پوچھے گئے سوال پر جواب دیا کہ انہوں نے کوئی بھی فرقہ نہیں اپنایا

شادی کے متعلق پوچھے گئی سوال پر ولاگر نے لکھا کہ ان کا کسی سے شادی کرنے کا ارادہ نہیں ہے

اپنا نام تبدیل کرنے کے حوالے سے سوالات کا جواب دیتے ہوئے لکھا کہ وہ اپنا نام تبدیل کرنے کا ارادہ نہیں رکھتیں

ان کے اہل خانہ نے ان کے فیصلے کو قبول کیا ہے یا نہیں؟ اس سوال کا جواب دیتے ہوئے لکھا کہ ان کے اہل خانہ نے ان کا فیصلہ تسلیم کرلیا ہے

روزی ولاگر اسلام قبول کرنے کے بعد حجاب کریں گی یا نہیں ؟ اس سوال پر انہوں نے لکھا کہ ’وہ حجاب کو لازمی نہیں سمجھتیں

روزی حج یا عمرہ کب کرنے جا رہی ہیں؟ اس سوال پر انہوں نے لکھا کہ وہ اگلے ایک سال میں حج یا عمرہ ادا کریں گی

ان سے یہ سوال بھی کیا گیا کہ اسلام قبول کرنے کے بعد وہ بائیک پر سیاح کرنا چھوڑ دیں گی؟ جس پر انہوں نے لکھا کہ وہ ہرگز بائیک پر سیاحت نہیں چھوڑیں گی

اپنی زندگی کے نئے باب کے حوالے سے لکھا کہ مجھے دائرہ اسلام میں داخل ہونے کے فیصلے پر لوگوں کی جانب سے بہت زیادہ پزیرائی ملی مجھے اس قدر محبتیں ملنے کا اندازہ نہیں تھا انہوں نے نیک خواہشات کا اظہار کرنے والوں کا شکریہ ادا کیا اور لکھا کہ نئے مرحلے پر ملنے والی محبتوں اور تعاون پر وہ سب کی شکر گزار ہیں

کینیڈا کی معروف ٹریول بلاگر نے اسلام قبول کر لیا

روزی نے یہ بھی لکھا کہ لوگوں کی توجہ حاصل کرنے کے لیے انہوں نے اسلام قبول نہیں کیا

روزی نے شیئر کی گئی تصویر کے بارے میں لکھا کہ یہ ایک سیلف پورٹریٹ ہے جو ٹرائی پوڈ اور ریموٹ کی مدد سے لی گئی ہے جبکہ ہاتھ میں اٹھائی اسکردو نامی بلی کو زخمی حالت میں روڈ سے اٹھا کر اس کے مکمل صحت یاب ہونے تک اپنے پاس رکھ لیا تھا

بھارتی کرکٹ ٹیم کے کپتان ویرات کوہلی کی اہلیہ اور بالی ووڈ کی خوبرو اداکارہ انوشکا شرما کرکٹر بن گئیں

انوشکا شرما سابق بھارتی خاتون کرکٹ کپتان اور فاسٹ بولر جھولن گوسوامی کی زندگی پر بننے والی فلم میں مرکزی کردار ادا کریں گی

سوشل میڈیا ویب سائٹ انسٹا گرام پر انوشکا شرما کی کچھ تصویریں سامنے آئی ہیں جس میں وہ کولکتہ کے ایڈن گارڈنز اسٹیڈیم میں فلم کی شوٹنگ کرتی ہوئی نظر آرہی ہیں

پاکستان شوبز انڈسٹری کی معروف اداکارہ و ماڈل اور میزبان فضا علی نے اپنے مداحوں سے گرتے بالوں کو روکنے کے لیے ایک خاص تیل کی ترکیب شیئر کردی

اداکارہ نے سماجی رابطے کی ویب سائٹ انسٹاگرام پر ایک ویڈیو شیئر کی جس میں وہ اپنی بیٹی کے بالوں میں تیل لگا رہی ہیں جبکہ ایک خاتون فضا علی کے بالوں میں تیل لگا رہی ہیں


فضا علی کی جانب سے شیئر کی جانے والی ویڈیو میں اُنہوں نے تیل بنانے کے اجزا اور تیل بنانے کی ترکیب بتائی

اجزاء:
زیتون کا تیل
سرسوں کاتیل
کلونجی
تارے میرے کا تیل سردیوں میں
بادام کا تیل
وٹامن ای کے کیپسول
باجرہ اگر ضرورت پڑے تو

ترکیب:
اداکارہ نے بتایا کہ اِس تیل کو بنانے کے لیے آپ ایک ہی مقدار میں سرسوں کا تیل اور زیتون کا تیل لے کر دونوں کو مکس کرلیں اور پھر اُس میں تھوڑا سا بادام کا تیل اور ناریل کا تیل ڈال لیں سردیوں میں خُشکی ہوجاتی ہے تو آپ اس میں تارا میرا کا تیل بھی ڈال لیں اور اِس کے ساتھ ہی اپنے بالوں کے حساب سے یا دوسرے آئلز کے حساب سے وٹامن ای کے کیپسولز اور چند قطرے کلونجی کے تیل کے شامل کرلیں انہوں نے کہا آپ اس تیل میں باجرہ ڈال کر اس تیل کو 2 دن کے لیے دھوپ میں رکھ دیں اور پھر اُس کے بعد تیل کو اپنے بالوں میں لگائیں اس سے ضرور آپ کے بالوں کو فائدہ پہنچے گا

فضا علی نے اپنی پوسٹ کی کیپشن میں لکھا کہ آپ لوگ اس تیل کو ضرور استعمال کریں اور یقین کریں کہ اس تیل سے آپ کے گرتے بالوں کے تمام مسائل حل ہوجائیں گے اور آپ کے بالوں کی نشونما بھی اچھی ہوگی