Category: شوبز

اسلام آباد (اے پی پی)پاکستانی ا داکارہ مہوش حیات نے ورزش کی وڈیو شیئر کی ہے۔ مہوش حیات نے ٹوئٹر پر ورزش کی وڈیو شیئر کرتے ہوئے کہا کہ بچپن میں امی ہمیں غصے میں کہتی تھیں کہ الٹا لٹک دوں گی اوراب ہم نے اس کو بطور ورزش اپنا لیا ہے۔

exercise video of mehwish hayat

اسلام آباد۔ 20جولائی (اے پی پی) پاکستانی اداکارہ مینال خان اور فیضان خواجہ کے ڈرامہ سیریل ”قسمت“ کا اوریجنل ساؤنڈ ٹریک ریلیز کر دیا گیا ہے۔ تفصیلات کے مطابق فہیم برنی کی ہدایت کاری میں بننے والی نئے ڈرامہ سیریل ”قسمت“ کا ٹائٹل سانگ گلوکار ارشمن خان نے گایا جبکہ اس کے بول بھی ارشمن نے ہی لکھے ہیں۔ ڈرامے میں مینال خان اور فیضان خواجہ مرکزی کردار ادا کر رہے ہیں اور دیگر کاسٹ میں کامران جیلانی، شرمین علی اور دیگر اداکار شامل ہیں۔ڈرامہ سیریل نجی ٹی وی پر جلد آن ایئر کیا جائے گا۔

نامور بالی ووڈ اداکار سد ھارتھ ملہوترا نے بالی وود کے نواب سیف علی خان کو کرینہ کپور جیسی بیوی ملنے پرخوش قسمت قرار دےدیا.

حال ہی میں سدھارتھ ملہوترا اور پر ینیتی اپنی نئی فلم ”جبریا جوڑی” کی تشہیرکے سلسلے میں ریئلیٹی شو ”ڈانس انڈیا ڈانس” میں پہنچے جہاں انہوں نے بالی ووڈ کے نواب سیف علی خان اور کرینہ کپور کے بارے میں اپنے خیال کا اظہار کیا-

سدھارتھ ملہوترا کا کہنا تھا کہ بالی ووڈ کے نواب سیف علی خان خوش قسمت ہیں کہ کرینہ کپور ان کی بیوی ہے ان کا کہنا تھا کہ وہ خود سیف علی خان کے بہت بڑے مداح ہیں اور ان سے بہت سیکھنے کی کوشش کرتے ہیں اس کے علاہ سدھارتھ نے سیف اور کرینہ کی جوڑی کی تعریف بھی کی.
واضع رہے کہ ریئلیٹی شو ”ڈانس انڈیا ڈانس ” سیزن 7 کی جج کرینہ کپور ہیں .اور دوسری جانب سدھارتھ ملہوترا اور پر ینیتی کی نئی فلم ”جبریا جوڑی ”کا شا ئقین بے چینی سے انتظار کر رہے ہیں فلم اگلے ماہ2 اگست کو ریلیز کی جائے گی.-

نامور بالی ووڈ اداکار ارباز خان نے ملائکہ اروڑا کو طلاق دینے کی وجہ بتاتے ہوئے کہا کہ کچھ کام ہم سے ایسے ہوئے جو ہمیں نہیں‌کرنے چاہیے تھے جس کے بعد ہم نے علیحدہ ہونا ہی بہتر سمجھا –

نامور بالی ووڈ اداکارارباز خان نے ایک ویب سائٹ کو انٹرویو دیتے ہوئے کہا کہ ہم دونوں کئی سال ایک دوسرے کے ساتھ رہے اور بہت سے ایسے خوشگوار لمحات ہیں جو اچھی یادوں کی طرح آج بھی ہمیں‌یاد ہیں اور سب سے اچھی بات یہ ہے کہ ہم ایک بچے کے والدین ہیں یہی وجہ ہے کہ ہم آج بھی ایک دسرے کی عزت کرتے ہیں –

ارباز خان کا کہنا تھا کہ ہمارے رشتے میں کچھ کام ایسے ہوگئے تھے جو ہمیں نہیں کرنے چاہیے تھے تو اس کے حل کیلئے ہم نے ایک دوسرے سے علیحدہ ہونا ہی بہتر سمجھا. اس کا ہرگز مطلب یہ نہیں‌ہے کہ ہم ایک دوسرے کی عزت نہیں کرتے-
طلاق کے بعد دونوں‌اداکار ان دنوں اپنی اپنی زندگی میں مصروف ہیں.ملائکہ اروڑا ان دنوں‌میں ارجن کپور کے ساتھ نظرآتیں‌ہیں اور دونوں کا شادی کا بھی ارادہ ہے .ارباز خان نے اپنے لیے ایک طالوی ماڈل جارجیا انڈریانہ کا انتخاب کیا ہے —

ممبئی: کنگنا رناوت اورمیڈیا کی لڑائی میں اکشے کمار ثالث بن کر میدان میں آگئےہیں.بھارتی میڈیا رپورٹس کے مطابق حال ہی میں کنگنا رناوت اور میڈیا نمائندگان کے درمیان ہونے والے تنازع پراکشے کمار نے ایک کانفرنس میں میڈیا سے گفتگو کرتے ہوئے کہا کہ میڈیا اور اداکار کے درمیان بہت گہرا رشتہ ہوتا ہے، یہ رشتہ میاں بیوی جیسا ہوتا ہے جہاں تھوڑی بہت نوک جھونک بھی ہوتی ہے۔

بھارتی میڈیا کے مطابق اکشے کمار نے کہا کہ مجھے امید ہے کہ ان غلط فہمیوں کو باہمی تعاون سے جلد ختم ہو جانا چاہئے کیوں کہ ہمیں آپ لوگوں کی ضرورت ہے وہ اس لئے کہ جو باتیں ہم دوسروں تک پہنچانا چاہتے ہیں وہ میڈیا کے ذریعے ہی پہنچائی جاتی ہے اور اسی طرح میڈیا کو ہماری ضرورت ہوتی ہے۔

یاد رہے کہ رواں ماہ فلم ’ جج مینٹل ہے کیا‘ کی تشہیر کے حوالے سے پریس کانفرنس میں فلم کی اداکارہ کنگنا رناوت اور ایک صحافی کے درمیان تکرار ہو گئی تھی جس کے بعد میڈیا کے ایک گروپ اور کنگنا رناوت نے ایک دوسرے پر لفظی گولا باری شروع کردی تھی

ہالی ووڈ‌سپراسٹار ٹام کروز کی نئی فلم ”ٹاپ گن ،میورک”کا پہلا ٹریلرریلیزکردیا گیا-

ہالی ووڈ سپراسٹار ٹام کروز اپنی نئی ایکشن سے بھرپور فلم ”ٹاپ گن ،میورک میں امریکی نیوی کے پا ئلٹ کے روپ جلوے دکھائیں گے.فلم کا پہلا ٹریلرریلیز ہوتے ہی شائقین میں مقبول.یاد رہے کہ اس سلسلے کی پہلی فلم 1986میں ریلیز ہوئی تھی جسے شائقین کی جانب سے بے حد پسند کیا گیا تھا .

سپراسٹار کی فلم کے ٹریلرنے ریلیز ہوتے ہی دھوم مچا دی اور شائقین فلم کے ریلیز ہونے کا انتظار کر رہے ہیں .ایکشن سے بھرپور فلم اگلے سال جون میں ریلیز کی جائے گی –

نیویارک:امریکی فلم انڈسٹری میں‌نئی فلم کا اضافہ ،ڈزنی اسٹوڈیوز کی نئی لائیو ایکشن اینی میٹڈ ایڈونچر فلم دی لائن کنگ آج ریلیز کی جا رہی ہے۔1994 میں ریلیز ہونیوالی بلاک بسٹر فلم دی لائن کنگ ایک بار پھر سے سنیماگھروں میں دھوم مچانے آرہی ہے،ہدایتکارجان فیوریو کی اس دلچسپ فلم کی کہانی افریقہ کے سمبھا نامی ایک ایسے ننھے شیر کے گرد گھومتی ہے جو اپنا پرائیڈ واپس لینے کے لئے مستقبل میں جنگل میں ہونے والی بغاوت کو نہ صرف کچلے گا بلکہ دشمنوں کا مقابلہ کرتے ہوئے جنگل کے بادشاہ کی حیثیت سے انتظام سنبھال لے گا۔

کیرن گلکرسٹ، جیفرے سلور اور جان فیوریو کی مشترکہ پروڈکشن میں بننے والی اس فلم کے دلچسپ کرداروں کے ڈائیلاگ نامور ہالی ووڈ اداکار سیٹ روجن، بیونسے، جیمز ایرل ، ڈونلڈ گلور، بلی ایچنر اور ایلفرے ووڈلڈ سمیت کئی فنکاروں کی آوازوں میں ر یکارڈ کروائے گئے ہیں۔یاد رہے کہ اس سے قبل بھی ڈزنی اسٹوڈیوکئی کامیاب فلمیں‌متعارف کروا چکا ہے جس کی پوری دنیا میں شہرت پائی تھی

پاکستان ٹی وی انڈسٹری کی ناموراداکارہ جویریہ عباسی نے عاطف اسلم اور ماہرہ خان پر تنقید کے سارے ریکارڈ توڑدیے .جوہریہ عباسی نے حال ہی ایک ٹی وی شو میں مختلف شوبز ستاروں کو تنقید کا نشانہ بنایا.

جوہریہ عباسی نے حال ہی میں ایک نجی ٹی وی شو میں‌سوالات کے جواب دیتے ہوئے کہا کہ شوبز انڈسٹری میں وہ سعدیہ امام کو اپنی جانی دشمن سمجھتی ہیں‌ لیکن اس کی وجہ بتانے سے انہوں نے گریزکیا .ان کا کہنا تھا کہ پاکستانی شوبز انڈسٹری میں فیصل قریشی سب سے بہتر اداکار اور مہوش حیات بہترہن اداکارہ ہیں .

بے سرے گلوکار کے سوال میں جوہریہ عباسی کا کہنا تھا کہ ان کے نزدیک عاطف اسلم ایک بے سرے گلوکار ہیں ان کا مزید کہنا تھا کہ ماہرہ خان ایک خوبصورت عورت ہیں‌لیکن مجھے سمجھ نہیں آتی کہ وہ فلموں میں کیا کر رہی ہیں.عدنان صدیقی کے بارے میں ان کا کہنا تھا کہ وہ ایک پرُکشش انسان ہیں لیکن ایک اچھے اداکارنہیں-