گلوکارہ سائرہ نسیم نے کہا ہے کہ اگر دنیا نے ترقی کی ہے تو اسکی وجہ یہ ہے کہ انہوں نے اپنے تعلیمی نظام پر بہت زیادہ توجہ دی ہے. ہم بھی اگر چاہتے ہیں کہ ہمارا شمار بھی ترقی یافتہ ممالک میں ہو تو ہمیںبھی چاہیے کہ ہم تعلیم کے شعبے پر توجہ دیں. حکومت کو چاہیے کہ وہ تعلیم پر توجہ دے ، اور شعبہ تعلیم کو مضبوط بنائے. انہوں نے کہا کہ حکومت کو چاہیے کہ وہ یکساں نصاب تعلیم کرے تاکہ امیر غریب کا جو فرق ہے وہ ختم ہوجائے. انہوں نے ایک سوال کے جواب میں کہا کہ میں نے آج تک جتنا بھی کام کیا ہے اس سے بہت زیادہ مطمئن ہوں. مجھے اس بات پر بھی فخر ہے کہ میں نے جتنے بھی گیت گائے انکی شاعری صاف ستھری تھی ، میرے مداحوں نے مجھے بے حد محبت سے نوازا ہے میں نے اپنے سارے
گیت بہت پیار سے گائے اور یہی وجہ ہے کہ مجھے اپنے سارے گیت بہت پسند ہیں. سائرہ نسیم نے کہا کہ ملک میں اس وقت جو سیاسی ہلچل ہے اس کاخاتمہ ہو تو لوگوں کی بھی سمجھ آجائے ، مہنگائی بڑھتی جا رہی ہے لیکن سیاستدانوں کی آپسی لڑائیاں جھگڑے ختم ہونے کا نام نہیں لے رہے.
