Category: شوبز

پاکستانی فلم اور ڈرامہ انڈسٹری کی مشہور اداکارہ ماہرہ خان اور مقبول اداکار ہمایوں سعید ان دنوں لندن میں اپنی آنے والی فلم "لو گرو” کی تشہیر میں مصروف ہیں، جو کہ 6 جون کو سنیما گھروں کی زینت بنے گی۔

لندن میں تشہیری مہم کے دوران سوشل میڈیا پر ماہرہ اور ہمایوں کی کئی ویڈیوز وائرل ہوئیں۔ ایک ویڈیو میں دکھایا گیا کہ ماہرہ خان کو ایک ناخوشگوار واقعے کا سامنا کرنا پڑا، جس میں کچھ نوجوانوں نے ان کے ساتھ بدتمیزی کی کوشش کی۔ذرائع کے مطابق، دونوں فنکار ایک بگھی (گھوڑا گاڑی) میں سوار ہو کر تقریب میں پہنچے، جہاں مداحوں کی بڑی تعداد نے ان کا استقبال کیا، تصاویر بنوائیں اور فلم کے حوالے سے بات چیت کی۔ تاہم، کچھ افراد نے ماہرہ خان کی موجودگی پر غیر مناسب رویہ اختیار کیا، جس کے باعث صورتِ حال کشیدہ ہو گئی۔

چند مداحوں نے یہ مناظر موبائل فونز پر ریکارڈ کیے، جس کے بعد ویڈیوز سوشل میڈیا پر تیزی سے پھیل گئیں۔ خوش قسمتی سے ماہرہ کے ساتھیوں نے بروقت مداخلت کرتے ہوئے انہیں بحفاظت ہجوم سے نکالا۔اب تک ماہرہ خان یا ان کی ٹیم کی جانب سے اس واقعے پر کوئی سرکاری ردعمل سامنے نہیں آیا ہے، تاہم سوشل میڈیا پر مداحوں کی جانب سے شدید ردعمل دیکھنے میں آ رہا ہے۔

واضح رہے کہ ماہرہ خان حالیہ دنوں میں ذہنی صحت سے متعلق اپنے خیالات کا اظہار بھی کر چکی ہیں، انہوں نے ڈپریشن کو ایک بیماری قرار دیتے ہوئے کھل کر بات کی، جس پر ان کی کافی پذیرائی ہوئی۔

کراچی میں پانی اور بجلی کی بندش پر شہریوں کا شدید احتجاج، اہم سڑکیں بند

پی ایس ایل 10، کوئٹہ گلیڈی ایٹرز کا ٹاس جیت کر بیٹنگ کا فیصلہ

وزیراعظم شہباز شریف 2 روزہ دورے پر ترکیہ پہنچ گئے

خیبر پختونخوا میں فورسز کی کارروائیاں،9 بھارتی حمایت یافتہ دہشت گرد مارے گئے

ڈھاکہ: شیخ مجیب کی بائیوپک میں حسینہ واجد کا کردار ادا کرنے والی معروف بنگلہ دیشی اداکارہ نصرت فاریہ کو گرفتار کرلیا گیا۔

غیر ملکی میڈیا کے مطابق نصرت فاریہ کو ڈھاکہ کے شاہ جلال انٹرنیشنل ایئرپورٹ سے اس وقت گرفتار کیا گیا جب وہ تھائی لینڈ روانہ ہونے والی تھیں ان کی گرفتاری گزشتہ برس جولائی میں سابق وزیر اعظم شیخ حسینہ کے خلاف عوامی احتجاج کے دوران قتل کی کوشش کے سنگین الزام میں لائی گئی۔

ڈھاکہ ایئرپورٹ کی امیگریشن یونٹ کے ذرائع نے بتایا کہ نصرت فاریہ کے خلاف ایک گرفتاری وارنٹ جاری کیا گیا تھا، جس کی بنیاد پر انہیں امیگریشن چیک پوائنٹ پر حراست میں لیا گیا نصرت فاریہ پر جولائی 2024 میں ہونے والے حکومت مخالف مظاہروں کے دوران سابق بنگلا دیشی وزیر اعظم شیخ حسینہ واجد کے خلاف مبینہ طور پر قتل کی کوشش میں ملوث ہونے کا الزام ہے۔

اسسٹنٹ کمشنر پولیس شفیق الاسلام نے تصدیق کی کہ نصرت فاریہ کو گرفتار کر کے پولیس سٹیشن لایا گیا ہے، بعد میں نصرت کو ڈھاکہ میٹروپولیٹن ڈیٹیکٹیو برانچ کے دفتر منتقل کیا گیا۔

نصرف فاریہ نے ریڈیو جوکی اور پریزینٹر کے طور پر اپنے کیریئر کا آغازکیا تھا، 2015 میں انھوں نے فلموں میں اداکاری شروع کی، نصرت نے بنگلہ دیش اور بھارت میں کام کیا، اداکاری کے علاوہ وہ ماڈلنگ اور میزبانی میں بھی سرگرم ہیں –

31 سالہ بنگلہ دیشی اداکارہ نصرت فاریہ بنگلہ دیش اور بھارت کی مشترکہ فلم ’’مجیب: دی میکنگ آف اے نیشن‘‘ میں شیخ حسینہ کا کردار ادا کرنے کیلئے مشہور ہیں یہ فلم بنگلہ دیش کے بانی شیخ مجیب الرحمٰن کی زندگی پر بنائی گئی تھی اور اس کی ہدایت کاری بھارتی فلم ساز شیام بینیگل نے کی تھی۔

فرانسیسی عدالت نے معروف اداکار جیرار دیپارڈیو کو دو خواتین کو جنسی ہراسانی کا مرتکب قرار دیتے ہوئے 18 ماہ کی معطل قید کی سزا سنا دی ہے۔

عالمی خبر رساں اداروں کے مطابق، 76 سالہ اداکار کو عدالت نے یہ سزا اس بنیاد پر دی کہ انہوں نے نہ تو ندامت کا اظہار کیا اور نہ ہی متاثرہ خواتین سے معافی مانگی۔ عدالت نے انہیں ہدایت دی کہ وہ ہر خاتون کو 1100 ڈالر ہرجانے کی رقم بھی ادا کریں۔عدالت نے مزید حکم دیا کہ دیپارڈیو کو جنسی مجرم کے طور پر رجسٹر کیا جائے اور ان کی عدالتی نگرانی بھی کی جائے۔ فیصلہ سنائے جانے کے وقت اداکار عدالت میں موجود نہیں تھے، تاہم ان کے وکیل نے فیصلے کے خلاف اپیل کا اعلان کیا ہے۔

یہ فیصلہ کانز فلم فیسٹیول 2025 کے آغاز کے موقع پر سامنے آیا، جہاں دیپارڈیو کو 1990 میں بہترین اداکار کا اعزاز مل چکا ہے۔ طویل عرصے تک فرانسیسی سینما کا بڑا نام سمجھے جانے والے دیپارڈیو پر می ٹو تحریک کے دوران 20 سے زائد خواتین نے جنسی ہراسانی کے الزامات عائد کیے تھے۔

موجودہ مقدمہ 2021 میں فلم "Les Volets Verts” کی شوٹنگ کے دوران پیش آنے والے واقعات پر مبنی تھا، جس میں ایک 54 سالہ سیٹ ڈریسر اور 34 سالہ اسسٹنٹ ڈائریکٹر متاثرہ خواتین کے طور پر سامنے آئیں۔ عدالتی فیصلے کے بعد دونوں خواتین نے اطمینان کا اظہار کرتے ہوئے کہا کہ وہ اب ایک کٹھن دور کے اختتام پر خود کو قدرے محفوظ اور مطمئن محسوس کر رہی ہیں۔

کراچی میں لرزہ خیز واردات: بیٹوں نے باپ کو کمانے کا کہنے پر قتل کر دیا

دوبارہ جارحیت ہوئی تو پاکستان بھرپور جواب دے گا،خواجہ آصف

جیل حکام کی بانی پی ٹی آئی کی اضافی سہولیات پر اعتراض، نظرثانی کی اپیل

آپریشن بنیان مرصوص،تباہ شدہ بھارتی طیاروں کی تعداد سات ہو گئی

سوشل میڈیا پر شہرت حاصل کرنے والے متنازع مزاحیہ گلوکار چاہت فتح علی خان ایک بار پھر خبروں میں ہیں-

مشہور اسٹیج اداکارہ خوشبو کے ساتھ ان کے رقص کی ویڈیو کو غیراخلاقی اور نامناسب قرار دیا جا رہا ہے ویڈیو میں دیکھا جا سکتا ہے کہ چاہت فتح علی خان خوشبو کے ساتھ اپنے وائرل گانے بدو بدی پر رقص کر رہے ہیں خوشبو شروع میں پُرجوش دکھائی دیں، لیکن جیسے ہی چاہت فتح نے نازیبا انداز میں قریب آنے کی کوشش کی، تو خوشبو نے خود کو سنبھالا اور فاصلہ قائم رکھتے ہوئے پرفارمنس مکمل کی۔

صارفین کا کہنا ہے کہ پہلی بار خوشبو کو کسی سے خوفزدہ دیکھا ہے، یہ شخص خود کو فنکار کہتا ہے؟ یہ خود ایک مذاق بن چکا ہے، یہ دن بہ دن زہریلا ہوتا جا رہا ہے۔

چاہت فتح علی خان نے 2024ء میں اپنے گانے بدو بدی سے سوشل میڈیا پر شہرت حاصل کی، جسے بعد میں کاپی رائٹ خلاف ورزی کے باعث یوٹیوب سے ہٹا دیا گیا اس کے بعد انہوں نے مسلسل متنازع اور غیر سنجیدہ مواد اپلوڈ کرنا شروع کیا، جس میں اکثر خواتین فنکاروں کے ساتھ غیر اخلاقی حرکات شامل تھیں۔

بھارتی سپر اسٹار سلمان خان کے پاکستان کے حق میں بولنے کی پرانی ویڈیو سوشل میڈیا پر وائرل ہوگئی۔

سلمان خان کی یہ پرانی ویڈیو ایسے وقت میں سوشل میڈیا پر گردش کر رہی ہے جب بھارت پاکستان پر پہلگام واقعے کا الزام عائد کرتے ہوئے پاکستان پر بزدلانہ حملے کر رہا ہے بھارت کے پاک سرزمین کیخلاف آپریشن سندور کا پاک آرمی نے آپریشن بنیان المرصوص سے منہ توڑ جواب دیا ہے جس کے بعد دونوں ممالک میں سیز فائر معاہدہ ہوگیا ہے۔

اس ویڈیو میں سلمان خان دہشتگردی کے الزامات پر پاکستان کے حق میں بات کرتے نظر آ رہے ہیں ویڈیو میں سلمان خان کہتے ہیں کہ پاکستان خود دہشتگردی کا شکار ہے اور وہاں کی صورتحال ان کے کنٹرول میں نہیں، لہٰذا کسی واقعے کے فوراً بعد ایک دوسرے پر الزام لگانا مناسب نہیں۔

سلمان نے کہا کہ بھارت کو بھی دہشتگردی جیسے مسائل کا سامنا ہے، اس لیے دونوں ممالک کو چاہیے کہ مل کر اس خطرے کا خاتمہ کریں اسلام کسی صورت دہشتگردی کی تعلیم نہیں دیتا، نہ قرآن اور نہ ہی احادیث میں کسی بے گناہ کو قتل کرنے کی اجازت دی گئی ہے۔

واضح رہے کہ بھارت اور پاکستان کے درمیان حالیہ کشیدگی اور جنگ کے بعد دونوں ممالک سیز فائر پر رضامند ہوگئے ہیں سلمان خان نے سیز فائر پر ایک شکرگزاری کا پیغام بھی شیئر کیا تھا، جسے بعد میں ڈیلیٹ کر دیا گیا البتہ حالیہ جنگ کے دوران سلمان خان نے پاکستان مخالف کوئی ردعمل نہیں دیا اور خاموشی اختیار کی جس پر بھارت میں انہیں تنقید کا سامنا ہے۔

پاکستانی اداکارہ مشی خان نے بالی وڈ اداکارہ و سیاست دان کنگنا رناوت کو پاکستان اور عوام کیخلاف بولنے پر کھری کھری سنا دیں۔

پاک بھارت کشیدگی کے دوران کنگنا رناوت نے پاکستان اور پاکستانی عوام کیخلاف برے الفاظ استعمال کرتے ہوئے تنقید کا نشانہ بنایا تھا جس پر اداکارہ مشی خان نے مشی خان نے اپنے سوشل میڈیا اکاؤنٹ انسٹاگرام پر ویڈیو شیئر کرتے ہوئے کہا کہ کنگنا رناوت تمہیں پاکستا ن کا جواب(آپریشن بنیان مرصوص) کیسا لگا، مزہ آیا، پاکستان اور اس کی عوام کیلئے برا کہنا تمہیں مہنگا پڑ گیا ہے۔

اداکارہ نے کہا کہ آئندہ بولنے سے پہلے سوچا کرو، اپنے ملک اور عوام کے دفاع کیلئے ہم موجود ہیں، تم خود کیا ہو اپنے گریبان میں جھانک کر دیکھو، ایسا کرتے ہیں میچز کی طرح مڈل گراؤنڈ چیلنج رکھ لیتے ہیں، میرا چیلنج ہے تمھارے لیے میرا ایک ہی مکا کافی ہوگا۔

دیں اثنا پر پاکستانی اداکارہ حرا مانی نے کنگنا کو آڑے ہاتھوں لیا حرا مانی نے اپنی انسٹاگرام اسٹوری پر کنگنا کے بیان کو شیئر کرتے ہوئے لکھا کہ تمہیں بلکل صحیح لات ماری ہے ہریتھک نے، تمھارے پاس کوئی کام نہیں ہے، پاکستان سے تمہیں گالیاں پڑتی ہیں اور بھارت بھی تمہیں صحیح سائیڈ پر رکھتا ہے کنگنا رونا نہیں کیوں کہ ہماری پاک فوج نے بھرپور جواب دیا ہے۔

بھارت میں سوشل میڈیا پر وائرل ہونے والی ایک ویڈیو میں بھارتی اداکارہ راکھی ساونت نے اپنے جسم پر پاکستان کا جھنڈا لگانے پر کی جانے والی تنقید کا دوٹوک جواب دیا ہے۔

انہوں نے بھارتی میڈیا اور عوام سے چار بنیادی سوالات پوچھے اور کہا کہ اگر ان سوالات کا جواب دے دیا جائے تو وہ واضح کریں گی کہ انہوں نے پاکستان کا جھنڈا کیوں لگایا۔ویڈیو کے آغاز میں خاتون نے کہا کہ ہر پاکستانی برا نہیں ہوتا، ہر مسلمان برا نہیں ہوتا۔انہوں نے سوال کیا کہ اگر بھارتی وزیر اعظم نریندر مودی بغیر دعوت کے پاکستان جا سکتے ہیں، ثانیہ مرزا جیسی مشہور کھلاڑی پاکستان میں شادی کر سکتی ہیں، اور متعدد بھارتی صدور، فنکار اور کاروباری شخصیات پاکستان کا دورہ کر سکتے ہیں، تو ان کے ایک جھنڈا لگانے پر اتنا ہنگامہ کیوں ہے؟

انہوں نے کہا”پلوامہ حملے کو کیسے بھول جاؤں؟ جس ملک میں چڑیا تک نہیں آ سکتی، وہاں اتنا بارود کہاں سے آ گیا؟ ہمارے جوان کیسے شہید ہوئے؟ یہ سب سوال ہیں جن کا جواب دیا جانا چاہیے۔راکھی ساونت نے پلوامہ حملے کی حقیقت پر بھی سوالات اٹھائے اور دعویٰ کیا کہ یہ سب ایک "منصوبہ بندی” کے تحت ہوا تاکہ مخصوص بیانیے کو فروغ دیا جا سکے۔اپنے مؤقف کی وضاحت کرتے ہوئے انہوں نے کہا کہ میں دہشتگردی کے خلاف ہوں۔ مجھ پر ٹرولنگ بند کریں، کیونکہ مجھے اپنے بھارت سے محبت ہے اور میں ایک سچی ہندوستانی ہوں۔

ویڈیو کے آخر میں انہوں نے جذباتی انداز میں کہا کہ جب میرے سوالوں کے جواب مل جائیں گے، تب میں بتاؤں گی کہ میں نے پاکستان کا جھنڈا کیوں لگایا۔سوشل میڈیا پر یہ ویڈیو تیزی سے وائرل ہو رہی ہے جہاں بعض لوگ خاتون کے سوالات کو "جرات مندانہ” قرار دے رہے ہیں، جبکہ کئی افراد انہیں تنقید کا نشانہ بھی بنا رہے ہیں۔

بھارت کا سرینگر ایئرپورٹ کے قریب 10 دھماکوں کا دعوی

پاکستان ایئر فورس نے بھارتی رافیل طیارہ مار گرانے کے شواہد پیش کر دیے

اسٹاک مارکیٹ میں زبردست تیزی، 3,647 پوائنٹس کا ریکارڈ اضافہ

وزیراعظم سے سعودی وزیر خارجہ کی ملاقات، پاک بھارت کشیدگی پر اظہار تشویش

بھارتی فوجی حکام کی پریس بریفنگ بے نتیجہ، پاکستان پر روایتی الزامات دہرا دیے