Category: شوبز

پاکستان کی مشہور ٹک ٹاکر اور ماڈل جنت مرزا نےبھارتی اداکار کارتک آریان کے ساتھ مرکزی کردار کی پیشکش کا انکشاف کیا ہے جسے انہوں نے ریجیکٹ کردیا-

ایک انٹرویو میں جنت مرزا نے بتایا کہ مجھے ایک بھارتی فلم کے لیے سائن کیا جا رہا تھا جس میں میرے مدمقابل کارتک آریان کو کاسٹ کیا گیا تھا لیکن والدین کی طرف سے اجازت نہ ملنے پر انہوں نے شہرت حاصل کرنے کے اس سنہری موقع سے فائدہ اٹھانے کی بجائےاسے مسترد کرنے کا فیصلہ کیا۔

ٹک ٹاکر نے کہا کہ میں بھارت جا کر کام نہیں کرسکتی اور ایسا میں کبھی بھی نہیں کرنا چاہوں گی والدین بھی نہیں مانتے اور مزید یہ کہ میرا اپنا دل بھی وہاں جاکر کام کرنے پر آمادہ نہیں تھا میں فلم کے بجائے ٹک ٹاک جیسے پلیٹ فارمز کو ترجیح دیتی ہوں آج کے نوجوان سنیما جانے کے بجائے اپنے گھروں میں بیٹھ کر سکرولنگ کو ترجیح دیتے ہیں، آج کل کے نوجوان ٹک ٹاک پر مجھے جب چاہیں، جہاں چاہیں، دیکھ سکتے ہیں، سینما کے ٹکٹ بہت مہنگے ہیں اور ہر کوئی اپنے پور ے خاندان کے لیے افورڈ نہیں کر سکتا۔

صدر مملکت سے چینی سفیر کی ملاقات

واضح رہے کہ جنت مرزا نے فلمی کیریئر کا آغاز فلم تیرے باجرے دی راکھی سے کیا تھاجو کامیابی حاصل نہ کر سکی اس کے بعد انہوں نے اپنی تمام ترتوجہ ماڈلنگ اور سوشل میڈیا پر رکھ دی۔

پنجاب میں 10 نئی واسا قائم کرنے کا فیصلہ

اداکار سمیع خان نے ساتھی اداکارہ علیزےشاہ اور منسا ملک کے جھگڑے کا آنکھوں دیکھا حال بتا دیا۔

ان دنوں سوشل میڈیا پر علیزے شاہ کی ویڈیوز اور انسٹاگرام اسٹوریز وائرل ہو رہی ہیں، جن میں وہ اپنی پیشہ ورانہ زندگی سے متعلق کئی انکشافات کر رہی ہیں،علیزے شاہ نے دعویٰ کیا ہے کہ ڈراما ’محبت کی آخری کہانی‘ کے سیٹ پر جھگڑے کی ابتدا اداکارہ منسا ملک نے کی تھی، جنہوں نے انہیں تھپڑ مارا اور جواب میں علیزے نے صرف جوتا پھینکا، جھگڑے کے وقت اداکار سمیع خان بھی موقع پر موجود تھے اور انہوں نے سب کچھ اپنی آنکھوں سے دیکھا۔

اداکارہ نے مزید کہا کہ بعد میں پروڈکشن ٹیم نے ان پر دباؤ ڈالا کہ وہ منسا ملک کے خلاف ایف آئی آر درج نہ کرائیں، لیکن اگلی صبح ان کے ہی خلاف اسکینڈل بنا دیا گیا کہ انہوں نے منسا کے کپڑے پھاڑ دیے اور لڑائی جھگڑا کیا۔

ڈرامہ محبت کی آخری کہانی کے سیٹ پر علیزے شاہ اور منسا ملک کے درمیان ہونے والے جھگڑے پر اداکار سمیع خان نے اپنا مؤقف پیش کر دیا ہے سمیع خان نے تصدیق کی ہے کہ وہ اس واقعے کے عینی شاہد تھے-

فرانسیسی صدر کا "خاتونِ اول کی پیدائش بطور مرد ” کا دعویٰ کرنیوالی امریکی پوڈکاسٹر کیخلاف مقدمہ

سمیع خان نے بتایا کہ ایک دن وہ میک اپ روم میں کسی سے فون پر بات کر رہے تھے کہ ایک اداکارہ گھبراتے ہوئے کمرے میں داخل ہوئیں اور کہا کہ ’میں نے کر دیا جو سمجھ آیا، مجھے نہیں پتہ‘، اس پر انہوں نے فون کان پر لگائے ہوئے ہی اداکارہ سے پوچھا کہ کیا ہوا، سب ٹھیک ہے؟

اداکار کے مطابق ابھی وہ یہ پوچھ ہی رہے تھے کہ اچانک دروازہ کھلتا ہے اور دوسری اداکارہ کمرے میں داخل ہوتی ہیں، دونوں کے درمیان کچھ الفاظ کا تبادلہ ہوتا ہے ، اس کے بعد دوسری اداکارہ پہلی اداکارہ پر جوتا پھینکتی ہیں، وہ اس وقت کسی اہم شخص سے فون پر بات کر رہے تھے، جب جوتا پھینکا گیا تو وہ فون کان سے لگائے فوراً میک اپ روم سے باہر نکلے اور اسٹاف سے اصل ماجرا پوچھا،اسٹاف نے بتایا کہ پہلے ایک اداکارہ نے دوسری کو تھپڑ مارا تھا، جس کے بعد یہ سب کچھ ہوا۔

ٹرمپ نے گوگل ، مائیکروسافٹ اور دیگر کمپنیوں کو بھارتیوں کو ملازمتیں دینے سے منع کردیا

اداکار نے یہ بھی واضح کیا کہ جس بنیاد پر پہلی اداکارہ نے دوسری کو تھپڑ مارا تھا، وہ غلط تھی کیونکہ ایسا کچھ بھی شوٹنگ کے دوران نہیں ہوا تھا اور اگر انہیں کوئی شکایت بھی تھی تو بھی کسی کو تھپڑ مارنا مناسب نہیں ہے،جبکہ وہ دوسری اداکارہ کی تعریف کرنا چاہیں گے کہ انہوں نے تمام تر صورتحال کے باوجود ڈرامے کی شوٹنگ مکمل کی، حالانکہ اگر وہ چاہتیں تو کام چھوڑ کر جا سکتی تھیں۔

کراچی: پولیس نے حمیرا اصغر کیس میں اپنی رپورٹ عدالت میں جمع کرادی۔

پولیس نے ایڈیشنل ڈسٹرکٹ اینڈ سیشن جج ساؤتھ کی عدالت میں حمیرا اصغر کیس کی رپورٹ جمع کرائی،پولیس رپورٹ کے مطابق حمیرہ کے گھر والوں سے رابطہ ہوا ہے، لاش کا پوسٹ مارٹم ہوچکا ہے، حتمی فرانزک رپورٹ کا انتظار ہے،عدالت کا کہنا ہے کہ گھر والوں سے پوچھیں وہ مقدمہ درج کرانا چاہتے ہیں یا نہیں، بعد ازاں عدالت نے 16 اگست کو کیس کی تفصیلی رپورٹ بھی طلب کرلی۔

درخواست معروف وکیل شاہ زیب سہیل ایڈووکیٹ کی جانب سے دائر کی گئی، جس میں مؤقف اپنایا گیا کہ حمیرہ اصغر کو قتل کیا گیا ہے، لہٰذا مقدمہ درج کر کے مکمل تحقیقات کی جائیں۔

درخواست گزار کے وکیل بدالا احد ایڈووکیٹ نے عدالت کو بتایا کہ حمیرااصغر کی موت 7 اکتوبر کو ہوئی، لیکن ان کا موبائل فون فروری 2025 تک استعمال ہوتا رہا۔ وکیل کے مطابق فون کھلا ہوا تھا لیکن میک اپ آرٹسٹ کی فون کالز اٹینڈ نہیں کی گئیں، بعد ازاں حمیرا کے واٹس ایپ اکاؤنٹ سے ڈی پی بھی ڈیلیٹ کر دی گئی۔

وکیل نے مزید استدعا کی کہ میک اپ آرٹسٹ کو طلب کیا جائے، حمیرا کے بھائی اور دیگر اہلخانہ کو بھی شامل تفتیش کرنے کا حکم دیا جائے، اور پولیس رپورٹ میں ذکر کیے گئے خون کے نمونوں کی بنیاد پر کیس کی نوعیت کو قتل قرار دیا جائے۔

پولیس کے تفتیشی افسر نے عدالت کو آگاہ کیا کہ اگر ٹھوس شواہد سامنے آئے تو پولیس خود مقدمہ درج کرے گی۔

درخواست میں ایس ایس پی ساؤتھ اور ایس ایچ او گزری کو فریق بنایا گیا ہے عدالت نے کیس کی مزید سماعت 16 اگست تک ملتوی کرتے ہوئے متعلقہ اداروں کو تفصیلی رپورٹ جمع کرانے کی ہدایت کی ہے۔

اس سے قبل پولیس کو حمیرا کے فلیٹ میں 3 سے 4 جگہ پر مٹی کے برتن میں رکھا سفید پاؤڈر ملا جس کے بعد پولیس نے اس پاؤڈر کو کیمیکل تجزیے کے لیے لیبارٹری بھیجنے کا فیصلہ کیا تھاپولیس ذرائع کے مطابق بظاہر اتنی جگہوں پر سفید پاؤڈر رکھنے کی کوئی وجہ سامنے نہیں آئی۔

واضح رہے کہ حمیرا اصغر کے اسٹائلسٹ دانش مقصود نے اداکارہ کی گمشدگی اور موت سے متعلق نئے تہلکہ خیز انکشافات کردیئے جس کے بعد پولیس نے تحقیقات کا آغاز کردیا ہے۔

حمیرا اصغر کے اسٹائلسٹ دانش مقصود نے دعویٰ کیا ہے کہ اداکارہ کے فون پر 5 فروری 2025 کے بعد سرگرمیاں ریکارڈ کی گئیں۔ دانش مقصود کے مطابق حمیرا سے ان کی آخری گفتگو 2 اکتوبر 2024 کو ہوئی تھی، جبکہ ان کا واٹس ایپ لاسٹ سین 7 اکتوبر کو دیکھا گیا تھا۔

دانش کا کہنا ہے کہ اکتوبر کے بعد انہوں نے متعدد بار اداکارہ سے رابطہ کرنے کی کوشش کی، مگر نہ کالز کا جواب ملا اور نہ ہی بھیجے گئے پیغامات پڑھے گئے۔ جب طویل عرصے تک اداکارہ کی کوئی اطلاع موصول نہ ہوئی، تو انہوں نے 5 فروری 2025 کو سوشل میڈیا پر حمیرا کی گمشدگی سے متعلق پوسٹ کی 6 فروری کو جب دوبارہ رابطہ کرنے کی کوشش کی گئی تو واٹس ایپ پر اداکارہ کی ڈی پی غائب تھی اور لاسٹ سین بھی بند ہو چکا تھا جو کہ مشکوک ہے۔

ڈی آئی جی ساؤتھ اسد رضا نے تصدیق کی ہے کہ پولیس نے دانش مقصود سے رابطہ کر کے اسکرین شاٹس حاصل کر لیے ہیں اور تحقیقات کا باقاعدہ آغاز کر دیا گیا ہے۔

واضح رہے کہ 8 جولائی کو اداکارہ حمیرا اصغر کی لاش کراچی کے علاقے ڈیفنس فیز 6 میں ایک فلیٹ سے ملی تھی اور وہ گزشتہ 7 سال سے اس فلیٹ میں مقیم تھیں۔

کراچی: ڈیفنس کے ایک فلیٹ سے مردہ حالت میں ملنے والی اداکارہ و ماڈل حمیرا اصغر کی پراسرار موت کی تحقیقات آخری مراحل میں داخل ہو گئی ہیں، پولیس نے میڈیکل رپورٹس حاصل کر لی ہیں جبکہ حمیرا کے میک اپ آرٹسٹ کے دیے گئے بیان پر بھی کام جاری ہے۔

پولیس حکام کا کہنا ہے کہ فارنزک اور ڈی این اے رپورٹس تقریباً مکمل کر لی گئی ہیں، جن میں موت کی وجہ بظاہر طبی قرار دی گئی ہے، تاہم تحقیقات کا دائرہ مزید وسیع کیا گیا ہے۔تفتیشی ذرائع کے مطابق حمیرا اصغر کے زیر استعمال دو موبائل فونز میں سے ایک اب تک برآمد نہیں ہو سکا، جس کے حوالے سے پولیس کو شبہ ہے کہ واقعے کی نوعیت کے حوالے سے اہم معلومات اسی فون میں موجود ہوسکتی ہیں۔

اداکارہ کے میک اپ آرٹسٹ کے بیان کے مطابق حمیرا کا واٹس ایپ لاسٹ سین 5 فروری 2025 تک دکھائی دے رہا تھا، جبکہ ڈی پی 7 اکتوبر 2024 تک برقرار رہی، اس کے بعد اچانک دونوں غائب ہو گئیں۔ پولیس ذرائع کا کہنا ہے کہ ڈی پی کا ہٹنا اور لاسٹ سین غائب ہونا اس وقت ممکن ہوتا ہے جب کوئی شخص موبائل فون کو دستی طور پر بند کرے یا اس میں تبدیلی کرے۔

تحقیقات سے وابستہ ذرائع کا کہنا ہے کہ پولیس اس پہلو پر بھی غور کر رہی ہے کہ آیا اداکارہ کی موت سے پہلے ان کے موبائل تک کسی اور کی رسائی تھی یا نہیں۔

کراچی میں ٹریفک حادثہ، 5 سالہ بچہ جاں بحق، 8 افراد زخمی

ایشیا کپ ہاکی: سیکیورٹی خدشات کے باعث پاکستان کا بھارت نہ جانے کا فیصلہ

خاتون و مرد قتل کیس میں قبائلی سردار دو روزہ ریمانڈ پر پولیس کے حوالے

کراچی کے پوش علاقے ڈیفنس میں معروف اداکارہ اور ماڈل حمیرا اصغر کے قتل کیس میں اداکارہ حمیرا اصغر قتل کیس سامنے آ گئے ہیں، جس نے کیس کو مزید پراسرار اور پیچیدہ بنا دیا ہے۔

اداکارہ کے قریبی دوست اور ہئیر اسٹائلسٹ دانش مقصود نے پولیس کو بیان دیتے ہوئے دعویٰ کیا ہے کہ حمیرا کی موت کے بعد بھی ان کا موبائل فون استعمال کیا جاتا رہا، جبکہ واٹس ایپ اکاؤنٹ پر ڈی پی اور لاسٹ سین کی موجودگی اس بات کی نشاندہی کرتی ہے کہ ان کے فون تک کسی کو مسلسل رسائی حاصل تھی۔دانش مقصود کے مطابق 5 فروری 2025 تک حمیرا اصغر کے واٹس ایپ پر ڈی پی (پروفائل تصویر) اور لاسٹ سین نظر آ رہا تھا، حالانکہ ان کی موت اکتوبر 2024 میں ہو چکی تھی۔

انہوں نے بتایا کہ واٹس ایپ پر لاسٹ سین کی آخری تاریخ 7 اکتوبر 2024 ہے، جبکہ ڈی پی 5 فروری 2025 کو تبدیل ہوئی، جو کہ موبائل کے فعال ہونے کا واضح ثبوت ہے۔دانش مقصود نے انکشاف کیا کہ 5 فروری کو انہوں نے حمیرا کی گمشدگی سے متعلق سوشل میڈیا پر ایک پوسٹ کی، جس کے بعد حمیرا کی واٹس ایپ ڈی پی غائب ہو گئی اور لاسٹ سین بھی نظر آنا بند ہو گیا۔انہوں نے کہا کہ "ڈی پی ہٹ جانا اور لاسٹ سین بند ہونا ممکن نہیں جب تک کوئی موبائل کو استعمال نہ کر رہا ہو”۔

دانش مقصود کا کہنا ہے کہ انہوں نے اس حوالے سے دستیاب تمام تفصیلات پولیس کو فراہم کر دی ہیں، اور امید ظاہر کی ہے کہ ان حقائق کی روشنی میں کیس میں پیش رفت ممکن ہو گی۔ڈی آئی جی ساؤتھ اسد رضا کے مطابق، پولیس نے دانش مقصود سے رابطہ کر کے تمام دستیاب معلومات حاصل کر لی ہیں، اور ان معلومات کو تحقیقات کا حصہ بنایا جا رہا ہے۔پولیس ذرائع کا کہنا ہے کہ اب کیس کی تفتیش کو ڈیجیٹل ڈیٹا کی روشنی میں مزید آگے بڑھایا جائے گا۔

یاد رہے کہ اداکارہ حمیرا اصغر کی پر اسرار موت کا واقعہ اکتوبر 2024 میں سامنے آیا تھا، جس پر ابتدا میں گمشدگی کا شبہ ظاہر کیا گیا، بعد ازاں یہ کیس قتل میں تبدیل ہوا۔نئے انکشافات سے کیس کے کئی پوشیدہ پہلو سامنے آنے کی امید پیدا ہو گئی ہے۔