Category: شوبز

ممبئی: بالی وڈ سُپر اسٹار عامر خان کی سابقہ دونوں اہلیہ کی ایک ساتھ عید منانے کی تصویریں سوشل میڈیا پر گردش کر ر ہی ہیں-

باغی ٹی وی: فلمساز کرن راؤ نے اپنے سابق شوہر عامر خان کے اہلخانہ کے ساتھ عید منانے کی تصاویر انسٹاگرام پر شیئر کیں ان تصویروں میں عامر کی سابقہ ​​اہلیہ رینا دتہ کے ساتھ بھی ایک سیلفی بھی تھی جو سوشل میڈیا پر وائرل ہو رہی ہے اور صارفین کی توجہ سمیٹ رہی ہے۔

کرن راؤ کی پوسٹ میں پہلی تصویر میں عامر کی والدہ زینت حسین ہیں، کرن نے اس کے بعد رینا اور عامر کی بہنوں، نکھت ہیگڑے اور فرحت دتا کے ساتھ تصویر شیئر کیں تاہم عامر خان ان تصاویر میں موجود نہیں تھے۔

سیف علی خان حملہ کیس،ملزم کی درخواست ضمانت پر نوٹس جاری

کرن راؤ نے کیپشن میں لکھا کہ امی کے ہاں عید! جو سب سے بہترین اور سب سے خوبصورت میزبان ہیں ہم امید اور دعا کرتے ہیں کہ یہ سال ہم سب کے لیے امن اور خوشی لائے‘۔

سوشل میڈیا صارفین نے کرن راؤ اور ان کے اہلخانہ کو عید کی مبارکباد دیتے ہوئے نیک تمناؤں کا اظہار کیا۔

سلمان خان کی بلٹ پروف شیشے کے پیچھے سےمداحوں کو عید کی مبارکباد

کراچی: عالمی شہرت یافتہ پاکستانی سُپر اسٹار فواد خان 9 برس بعد بالی ووڈ میں واپسی کے لیے تیار ہیں –

باغی ٹی وی : اداکار فواد خان فلم ’عبیر گلال‘ سے 9 برس بعد بالی ووڈ میں واپسی کے لیے تیار ہیں تاہم ان کی واپسی ایک بار پھر تنازع کا شکار ہوگئی ہے بھارتی میڈیا کے مطابق راج ٹھاکرے کی جماعت مہاراشٹر نونرمان سینا (ایم این ایس) نے فلم ’عبیر گلال‘ کی ریلیز کی مخالفت کر دی ہے۔

گزشتہ روز فواد خان اور اداکارہ وانی کپور کی فلم ’عبیر گلال‘ کا ٹیزر ریلیز ہونے کے بعد ایم این ایس نے اس کی مخالفت کی ہے،ایم این ایس کے ترجمان امیہ کھوپکر نے فواد خان کا حوالہ دیتے ہوئے کہا ہے کہ فلم عبیر گلال میں پاکستانی فنکار کے شامل ہونے کی وجہ سے فلم کو ریلیز نہیں ہونے دیں گے، کسی بھی حالت میں ہم ایسی فلموں کو ریاست میں ریلیز کرنے کی اجازت نہیں دیں گے، جس میں پا کستانی فنکار موجود ہوں، ہم فلم کے بارے میں مزید معلومات اکٹھی کر رہے ہیں اور جلد ہی مکمل بیان جاری کریں گے۔

بلوچستان کی ترقی کیلئے وفاقی حکومت ہر ممکن تعاون فراہم کرے گی۔وزیراعظم

دوسری جانب ہندو انتہا پسند جماعت شیو سینا کے رہنما سنجے نروپم نے بھی ایم این ایس کے مؤقف کی حمایت کی-

واضح رہے کہ 2023 میں بھارتی عدالت نے شیو سینا کی جماعت کی جانب سے دائر کردہ اپیل مسترد کرتے ہوئے پاکستانی فنکاروں پر عائد خود ساختہ پابندی ختم کر دی تھی،اس کے باوجود ہندو انتہا پسند جماعتوں نے پاکستانی فنکاروں کے بالی ووڈ میں کام کرنے پر خود ساختہ پابندی کو برقرار رکھا ہوا ہے-

بلوچستان کی ترقی کیلئے وفاقی حکومت ہر ممکن تعاون فراہم کرے گی۔وزیراعظم

ممبئی: بالی وڈ دبنگ اسٹار سلمان خان کی نئی ریلیز ہونے والی فلم سکندر کو باکس آفس پر کمائی میں مشکلات کا سامنا ہے۔

باغی ٹی وی : بھارتی میڈیا کے مطابق سلمان خان کی فلم”سکندر” نے تیسرے دن فلم نے صرف 19.5 کروڑ روپے کمائے، جو کہ ریلیز کے پہلے دن کی کمائی کے مقابلے میں نمایاں کم تھے، فلم نے اتوار کو ریلیز ہونے کے بعد پہلے دن 26 کروڑ روپے کا بزنس کیا تھا۔

عید کے دن فلم نے کچھ بہتری دکھائی اور 29 کروڑ روپے کمائے، لیکن اس کے بعد کے دنوں میں کمائی میں تیزی سے کمی آئی، 3 دنوں میں فلم کی مجموعی کمائی 74.5 کروڑ روپے رہی،جبکہ فلم کا بجٹ 200 کروڑ روپے تھا، جس کے مقابلے میں ابتدائی کلیکشن توقعات سے کم ہے۔

38 سالہ خاتون آشنا کے ہاتھوں قتل، ملزم گرفتار

ماہرین کے مطابق سکندر کی ابتدائی کمائی مایوس کن رہی، خاص طور پر پشپا 2 کے مقابلے میں، فلم کی کہانی اور سلمان خان کے ایکشن پیکڈ کردار نے مداحوں کو کچھ حد تک متاثر تو کیا، لیکن مجموعی طور پر یہ فلم باکس آفس پر غیر معمولی کامیابی حاصل نہیں کر سکی۔

دوسری جانب الو ارجن کی فلم پشپا 2 نے سکندر کو باکس آفس پر سخت ٹف ٹائم دیا ہے، پشپا 2 کے ہندی ورژن نے تیسرے دن ہی 73.5 کروڑ روپے کا بزنس کیا، جبکہ فلم کی تین دنوں کی مجموعی کمائی 200.7 کروڑ روپے تک پہنچ گئی۔

ایشوریہ رائے اور ابھیشیک بچن کا بیٹی کے ہمراہ”کجرا رے” پر رقص

جیمز بانڈ اسٹار پیئرس بروسنن اپنی پوتی ازابیلا اسمتھ کو موب لینڈ کے پریمیئر آفٹر پارٹی میں لے کر آئے اور وہ اپنی آنجہانی والدہ شارلٹ کی کارب کاپی دکھائی دیں-

باغی ٹی وی : 71 سالہ بونڈ اسٹار اپنی 26 سالہ پوتی ازابیلا کے ساتھ شرکت کی جو بلیک اینڈ وائٹ چیک شدہ ٹو پیس میں خوبصورت لگ رہی تھی، اور ہو بہو اپنی ولادہ شارلٹ کی کاپی لگ رہی تھی،اس ہفتے کے شروع میں، بروسنن اور ان کی شاذ و نادر ہی نظر آنے والی پوتی ازابیلا اسمتھ موب لینڈ کے پریمیئر آفٹر پارٹی میں پہنچے۔

پیئرس نے ازابیلا کے ساتھ ایک مضبوط خاندانی رشتہ برقرار رکھا ہے جب اس کی والدہ شارلٹ – جو اس کی گود لی ہوئی بیٹی ہے – کا کینسر سے 2013 میں انتقال ہوگیاشارلٹ، جو 41 سال کی عمر میں رحم کے کینسر سے مر گئی، پیئرس کی پہلی بیوی کیسینڈرا کی بیٹی تھی۔

پیئرس نے 1986 میں اپنے والد ڈرموٹ ہیرس کی وفات کے بعد شارلٹ اور اس کے چھوٹے بھائی 52 سالہ کرسٹوفر دونوں کو گود لیا،شارلٹ کی والدہ بعد میں 1991 میں رحم کے کینسر سے انتقال کر گئیں-

اس کے بعد اس نے اپنے ساتھی ایلکس اسمتھ کے ساتھ اپنے ہی دو بچوں ازابیلا اور لوکاس کا استقبال کیالیکن شارلٹ کا انتقال 2013 میں ایلکس سے شادی کے چند ہفتوں بعد اسی کینسر سے ہوا تھا جس کی وجہ سے اس کی ماں تھی۔

کیسینڈرا کی موت سے پہلے، اس نے اور پیئرس نے 1983 میں اپنے حیاتیاتی بیٹے، شان، کا استقبال کیا پیئرس، جن کے مجموعی طور پر پانچ بچے ہیں، 28 سالہ ڈیلن اور 24 سالہ پیرس کے والد بھی ہیں، جن کا اس نے اپنی موجودہ بیوی 61 سالہ کیلی شائے اسمتھ کے ساتھ استقبال کیا۔

ازابیلا کئی برسوں میں زیادہ تر عوام کی نظروں سے دور رہی ہے اور ایسا لگتا ہے کہ اس نے اپنے والد، ایلکس کے ساتھ مضبوط رشتہ رکھا ہوا ہے، پیئرس نے کیسینڈرا اور شارلٹ کے بارے میں ان کے المناک انتقال کے بعد شاذ و نادر ہی بات کی ہے، لیکن اس نے 2024 میں اسٹینڈ اپ ٹو کینسر ٹیلی تھون میں کیا تھا۔

ممبئی: سنیتا آہوجا کی حال ہی میں ممبئی میں ایک ایوارڈ کی تقریب میں گووندا کے بغیر شرکت نے طلاق کی افواہوں کو پھر سے ہوا دے دی۔

باغی ٹی وی : بھارتی میڈیا کے مطابق سنیتا تقریب میں بیٹے یشوردھن آہوجا کے ساتھ شریک ہوئیں اور پاپرازی کیلئے تصاویر بنواتی نظر آئیں تاہم طلاق کی افواہوں کے درمیان تقریب میں گووندا کی غیر موجودگی ایک مرتبہ پھر موضوع بحث بن گئی۔

پاپرازی نے فوٹو شوٹ کے دوران سنیتا آہوجا سے سوال کیا ’سر کہاں ہیں؟‘۔ جس پر سنیتا نے پوچھا کیا؟؟؟ اور جواب دینے سے گریز کیا، سنیتا کی جانب سے جواب نہ ملنے پر پاپرازی میں سے کسی نے کہا ہم گووندا جی کو یاد کر رہے ہیں اس پر سنیتا نے جواب دیتے ہو ئے کہا کہ ’ہم بھی اسے یاد کر رہے ہیں، یہ کہتے ہوئے وہ بیٹے کے ساتھ روانہ ہوگئیں۔

یہ ویڈیو سوشل میڈیا پر تیزی سے وائرل ہو رہی ہے جس نے ایک مرتبہ پھر گووندا اور سنیتا آہوجا کی طلاق پر بحث چھیڑ دی ہے۔ سوشل میڈیا صارفین کا کہنا ہے کہ سنیتا آہوجا کا یہ رویہ مشکوک معلوم ہوتا ہے اور شاید ان کے اور گووندا کے درمیان واقعی کوئی مسئلہ چل رہا ہے تاہم وہ نہیں چاہتے یہ خوبصورت جوڑی علیحدہ ہو۔

واضح رہے کہ گووندا اور سنیتا آہوجا کی طلاق کی افواہیں اس وقت شروع ہوئیں جب بالی ووڈ اداکار کی اہلیہ نے ایک انٹرویو میں کہا کہ وہ اور گووندا الگ رہتے ہیں۔