Category: شوبز

اداکارہ نادیہ خان جنہوں نے کیرئیر کے آغاز میں ایسے کردار کئے کہ جن سے انہیں بے حد شہرت ملی ، نادیہ خان پاکستان کی بہترین پروگرام میزبانوں میں بھی شمار ہوتی ہیں. انہوں نے مارننگ شوز کو نئے انداز سے متعارف کروایا. نادیہ خان نے حال ہی میں ایک انٹرویو دیا ہے جس میں انہوں نے مختلف سوالوں کے جواب دئیے ان سے جب طلاق ہونے کی وجوہات پر بات کی گئی تو انہوں نے کہا کہ ماضی میں تو لڑکی اور لڑکے کا ملنا اور بات کرنا ہی بہت مشکل ہوتا تھا لیکن آج آسانیاں پیدا ہو گئی ہیں. جو جس کے مرضی ساتھ رابطہ کسی بھی وقت کر لیتا ہے، آج مردوں کے پاس اپارٹمنس پیسہ سب کچھ ہے لہذا ان کو کوئی دقت نہیں‌ہوتی کسی لڑکے کو ڈیٹ کرنے میں . انہوں نے کہا کہ مجھے ایسے مرد بہت برے

لگتےہیں جو بیویوں کی موجودگی میں باہر کی لڑکیوں سے چکر چلاتے ہیں، وہ اپنی بیویوں اور گرل فرینڈز دونوں کو دھوکہ دے رہے ہوتے ہیں . انہوں نے کہا کہ آج ماضی کی نسبت طلاقوں کی شرح اس لئے زیادہ ہے کیونکہ معاشرے میں‌بے راہ روی بہت زیادہ بڑھ چکی ہے. نادیہ خان نے مزید کہا کہ وہ خواتین بھی اچھا نہیں‌کرتیں جو شادی شدہ مردوں کے ساتھ دوستیاں کرتی ہیں . میری خود ایسی دوستیں ہیں جن کی شادی شدہ مردوں‌کے ساتھ دوستیاں ہیں‌جو کہ غلط بات ہے .

بھارتی مشہور گلوکار بادشاہ کی سوشل میڈیا پر ایک وڈیو وائرل ہو رہی ہے جس میں وہ ہانیہ عامر کی تعریف کرتے ہوئے دکھائی دے رہے ہیں‌انہوں نے کہا کہ مجھے اداکارہ ہانیہ عامر بہت اچھی لگتی ہیں اور ان کی سوشل میڈیا پر پوسٹیں دیکھ کر میرا موڈ اچھا ہو جاتا ہے اور دل خوش ہوجاتا ہے . انہوں نے یہ بھی کہا کہ میں‌ہانیہ عامر کو فالو بھی کرتا ہوں. بادشاہ نے ہانیہ عامر کی ایک پوسٹ پر کمنٹ کیا اور پھر ہانیہ نے بھی انہیں‌جواب دیا، ہانیہ عامر کی مزاحیہ پوسٹ پر بھارتی گلوکار کا کمنٹ دیکھ کر مداحوں نے بھی دلچپسپ سوالات کئے، بادشاہ نے اعتراف کیا کہ وہ ہانیہ عامر کے بڑے مداح ہیں. یاد رہے کہ ہانیہ عامر انسٹاگرام پر بہت زیادہ متحرک رہتی ہیں اور وڈیوز شئیر کرتی رہتی ہیں، وہ اپنی بہترین

اداکاری کی وجہ سے نہ صرف پاکستان بلکہ بھارت میں بھی پسند کی جاتی ہیں. یہ بات بھی دلچپسپ ہے کہ ہانیہ عامر اپنے کام سے زیادہ اپنے سکینڈلز کی وجہ سے مشہور ہیں تاہم ان کی خوبصورتی کے دیوانے ان کے کام کو بھی بے حد سراہتے ہیں. گزشتہ برس ان کا ڈرامہ میرے ہمسفر سپر ہٹ ہوا اس میں ان کی فرحان سعید کے ساتھ جوڑی کو بہت سراہا گیا .

اداکارہ غنی علی جن کے ہاں شادی کے بعد 2021 میں ایک بیٹی کی پیدائش ہوئی ان کو خدا کی ذات نے دوسری بار بیٹے جیسی نعمت سے نوازا ہے. غنا علی نے اس خبر کو انسٹاگرام پر اپنے مداحوں کے ساتھ شئیر کیا. انہوں نے تصویر لگا کر ایک کیپشن لکھا ، مجھے اللہ نے بیٹے کی نعمت سے نوازا ہے میری فائحہ کو بھائی مل گیا ہے. غنا علی نے کہا کہ میرے شوہر نے ہمیشہ بہت زیادہ ساتھ دیا وہ اچھے برے وقت میں‌ میرے ساتھ کھڑے رہے. انہوں نے کہا کہ میرے میاں نے ہمیشہ پہلے دوسروں کا سوچا پھر اپنا سوچا اور میری دعا ہے کہ میرے بچے اپنے والد کے جیسے بنیں اور اپنا سوچنے سے پہلے دوسروں کا سوچیں.

میرے بچے خو نصیب ہیں جو ان کو ایسا باپ ملا ، انہوں نے مزید یہ بھی لکھاکہ آج میں خوشی کے ساتھ اعلان کر رہی ہوں کہ ہمارے گھر بیٹے کی پیدائش ہوئی ہے اور ہم دونوں بے حد خوش ہیں. یاد رہے کہ غنا علی نے شادی کے بعد اداکاری سے بریک لے رکھی ہے. ان کا کہنا ہے کہ میں ابھی اپنے گھر پر توجہ دے رہی ہوں میرے گھر اور بچوں‌کو میری ضرورت ہے.

بالی وڈ کے اداکار سلمان خان کہتے ہیں‌کہ میں اپنی کمائی کا دس فیصد خود استعمال کرتا ہوں‌ میری باقی کمائی چیرٹی کو جاتی ہے. سلمان خان نے کہا کہ میری شخصیت کے دو رخ ہیں ایک رخ یہ ہے کہ میرا اپنا جہاز ہو اچھا لائف سٹائل ہو لیکن دوسرا رخ یہ ہے کہ جتنا ہو سکے لوگوں کی مدد کروں. میرے بارے میں‌ نیگیٹیو زیادہ لکھا گیا کبھی لوگوں کو کلئیر بھی نہیں کیا گیا کہ میرے بارے میں کچھ زیادہ ہی لکھ دیا گیا ہےایسی کوئی بات تھی نہیں‌جتنا اور جیسا لکھا گیا. سلمان خان نے کہا کہ میرا سب سے بڑا ایوارڈ مداحوں کی تعریف اور پذیرائی ہے جو مجھے ملتی ہے یہ ملتی رہے کافی ہے یہی

میرے لئے ائوارڈ ہے. انہوں نے انٹرویو کے دوران یہ بھی کہا کہ میری امیج کافی خراب رہی ہے اسی امیج کے خلاف لڑ رہا ہوں اور چیرٹی جیسے کام کررہا ہوں. انہوں نے کہا کہ میں ہمیشہ کسی بھی سیاستدان کے پاس گیا ہوں حلقے کے لوگوں کے لئے گیاہوں کبھی خود کے لئے نہیں‌ گیا. سلمان خان نے کہا کہ میں نے اپنے کیرئیر میں‌بہت سارے کردار کئے لیکن فلم میں نے پیار کیا کا کردار ہمیشہ میرے دل کے قریب رہے گا اس فلم نے میری زندگی بدل دی اور مجھے راتوں رات ایسی شہرت دی جس کا میں جتنا بھی اوپر والے کا شکر ادا کروں کم ہے.

سینئر اداکارہ شگفتہ اعجاز جن کی اداکاری کو بے حد پسند کیاجاتا ہے . وہ سوشل میڈیا پر کافی متحرک رہتی ہیں ، خصوصی طور پر وہ انسٹاگرام اور ٹک ٹاک پر اپنی وڈیوز لگاتی رہتی ہیں اور اپنے مداحوں سے داد وصول کرتی رہتی ہیں، کبھی تو وہ اپنی بیٹی کے ساتھ وڈیوز بنا کر شئیر کرتی ہیں. شگفتہ اعجاز انٹرویوز کم کم دیتی ہیں لیکن نعمان اعجاز کے شو میں وہ محب مرزا کے ساتھ بطور مہمان نظر آئیں انہوں نے نعمان اعجاز کےسوالوں کا جواب دیتے ہوئے انہوں نے کہا کہ مجھے بہت شکایت ہے کہ ہمارے جو سینئرز ہیں جنہوں پی ٹی وی کے دور میں شاہکار ڈراموں میں کام کیا ، وہ

اب ہمیں‌کہیں‌نظر نہیں آتے صرف اسلئے کہ وہ گلیمرس نہیں ہیں، شگفتہ اعجاز نے کہا کہ یہ ایک غلط روش ہے اس بدلنا چاہیے. نعمان اعجاز نے ان کی بات کو بڑھاتے ہوئے کہا کہ 35سال کے لڑکے کے بال سفید کرکے اس سے باپ کا کردار کروایا جا رہا ہوتا ہے جو کہ سینئرز کے ساتھ سخت زیادتی ہے ، اور اس بچے کے ساتھ بھی زیادتی ہوتی ہے جس سے یہ کروایا جا رہا ہوتا ہے. شگفتہ اعجاز نے کہا کہ سینئرز کا حق اس طرح‌سے نہیں‌مارا جانا چاہیے . انہوں نے کہا کہ ہمارے سیئنرز ہمارا اثاثہ ہیں ہمیں ان کو نہیں‌بھولنا چاہیے.

بھارتی ٹی وی اداکارہ تنیشا نے گزشتہ ماہ آن سیٹ خود کشی کی ، اور تنیشا کی والدہ کا ماننا ہے کہ تنیشا کی موت کا ذمہ داراسکا بوائے فرینڈ شیزان ہے کیونکہ اس نے اسے دھوکہ دیا جس کو وہ سہہ نہ سکی. شیزان جو کہ ابھی تک پولیس کی کسٹڈی میں ہے ، تاہم کیس عدالت میں چل رہا ہے. تنیشا کے وکیل نے کہا ہے کہ آج بھی تنیشا کی خود کشی کے کیس کی سنوائی ہوئی ، اس میں شیزان کے وکیل نے کہا کہ مرنے سے پہلے پندراں منٹ تک تنیشا علی نامی ایک لڑکے کے ساتھ وڈیو کال پہ بات کررہی تھی. تنیشا کا فون تو ابھی کھل ہی نہیں پایا اسکا لاک ہی نہیں کھل پایا تو پھر کیسے شیزان خان کو پتہ چل

گیا کہ وہ علی نامی لڑکے سے بات کررہی تھی جبکہ یہ خود کہہ چکا ہےکہ جس وقت تنیشا نے خود کشی کی اس وقت وہ کمرے میں‌نہیں تھا اور اس سے پہلے بھی کمرے میں‌موجود نہ تھا. تو شیزان کا اب نیا بیان مزید شک و شبہات کو جنم دے رہاہے. تنیشا کے وکیل نے کہا کہ مجھے امید ہے کہ تنیشا کے ساتھ کورٹ انصاف کریگی. انہوں نے میڈیا کے سوالات کا جواب دیتے ہوئے کہا کہ سورج پنچولی ہو ، جیا خان یا سشانت سنگھ راجپوت ان کیسز کی نوعیت الگ تھی لہذا ان کیسز اور فیصلوں کو تنیشا کے کیس کے ساتھ نہ جوڑا جائے.

اکشے کمار کی اہلیہ ٹوئنکل کھنہ نے ایک کتاب لکھی جس کے سر ورق پر ایک رکشے کی تصویر تھی ، اس تصویر کو دیکھ کر کسی کو سمجھ نہیں آ سکتی تھی کہ ایسا کیوں ہے اور کیوں رکشہ کی تصویر لگائی گئی ہے. لیکن شاید اب ان کے مداحوں کو سمجھ آگئی ہو گی کہ کیوں انہوں نے اپنی کتاب کے سرورق پر رکشہ کی تصویر لگائی تھی. تفصیلات کے مطابق ٹوئنکل کھنہ نے حال ہی میں انسٹاگرام پر اپنی اور اپنی بیٹی کی وڈیو سوشل میڈیا پر اپلوڈ کی جس میں‌دیکھا جا سکتا ہے کہ ٹوئنکل اپنی بیٹی کے ساتھ رکشہ میں سفر کررہی ہیں. انہوں نے اس تصویر کا کیپشن لکھا کہ اب تو مسمجھ گئے ہوں گے آپ لوگ کہ میری کتاب پر رکشے کی تصویر کیوں تھیِ؟ مجھے بچپن سے ہی رکشوں میں سفر کرنے کا شوق تھا

مجھے رکشہ رانی بھی کہا جاتا تھا صرف اسی لئے کیونکہ میں گاڑی چھوڑ کر رکشوں میں سفر کیا کرتی تھی . ٹوئنکل کھنہ کی یہ وڈیو خاصی وائرل ہو رہی ہے اور شائقین ٹوئنکل کھنہ کے اس روپ کا کافی سراہ رہے ہیں کہ اتنی بڑی سلیبرٹی ہو کر وہ گاڑی کی بجائے رکشوں میں‌سفر کرتی ہیں. یاد رہے کہ توئنکل کھنہ نے شادی کے بعد اداکاری کو چھوڑ دیا تھا .

بالی وڈ کے معروف ہدایتکار روپت شٹی جنہوں نے بالی وڈ‌کے نامور اداکاروں کے ساتھ کام کیا ہے .انکی ڈائریکشن میں‌تیار کردہ فلمیں شائقین خاصی پسند کرتے ہیں . روہت آج کل اپنی ویب سیریز انڈین پولیس فورس کی شوٹنگ کررہے ہیں اس کی شوٹنگ کے دوران وہ ایک ایکشن سین فلماتے ہوئے زخمی ہوگئے تھے، ان کے ہاتھ پر خاصی چوٹ آئی جس کی وجہ سے انہیں‌ہسپتال پہنچا دیا گیا جہاں وہ 12 گھنٹے مسلسل رہے ان کا علاج ہوا لیکن وہ 12 گھنٹوں کے بعد سیٹ پر پہنچ گئے یہ چیز دیکھ کر پورا کا پورا کریو حیران رہ گیا کیونکہ روہت کو خاصی چوٹیں آئیں تھیں اور انہیں‌مکمل آرام کی ضرورت تھی. ان کی ہسپتال سے سیدھا سیٹ پر آنے کی وڈیو معروف اداکار سدھارتھ ملہوترا نے سوشل میڈیا پر شئیر کی

تھی ، اور دکھایا کہ کس طرح‌سے وہ پٹی بندھے ہاتھ سے سیٹ پر کام کے لئے پہنچ گئے ہیں. یاد رہے کہ روہت شیٹی ایکشن رئیلٹی شوز کی ہوسٹنگ بھی کرتے ہیں. ان کی ایک بڑی فین فالونگ ہے اور اکشے کمار کے ساتھ ان کی اچھی دوستی ہے. روہت کا اس فلم کے حوالے سے کہنا ہے کہ یہ فلم شائقین کو اس لئے پسند آئیگی کیونکہ اس میں روٹین سے ہٹ کر کہانی اور ایکشن دکھایا گیا ہے .