Category: شوبز

اداکارہ و پروگرام ہوسٹ مایا خان بہت زیادہ کنٹرورسیز کا شکار رہی ہیں، ان کی زندگی میں دو بڑے حادثوں سے وہ بہت ڈسٹرب ہوئیں ایک بھائی کا انتقال اور دوسرا ان کی طلاق. تاہم مایا خان اس حوالے سے کہتی ہیں کہ جو ہونا ہوتا ہے وہ ہو کر رہتا ہے. انہوں نے حال ہی میں ایک انٹرویودیا ہے اس میں انہوں نے کہا ہے کہ معروف قوال امجد صابری جو کہ اس دنیا میں‌ نہیں رہے ہمارا آپس میں‌بہن بھائیوں والا تعلق تھا وہ میرے ساتھ پروگرام بھی کررہے تھے ، جب ان کا انتقال ہوا. جب ان کے انتقال کی خبر مجھ تک پہنچی تو اس سے پہلے میں ان کا سیٹ پر آنے کا انتظارکررہی تھی کیونکہ انہوں نے میرے پروگرام کا ھصہ بننا تھا ، جیسے ہی مجھے یہ بتایا گیا کہ ان کو قتل کر دیا گیا ہے تو مجھے لگا کہ کوئی غلط فہمی

ہوئی ہو گی اگر کچھ ہوا بھی ہو گا تو وہ موت کے منہ میں‌نہیں‌گئے ہوں‌گے، لیکن میں نے جب ٹی وی دیکھا تو ہر طرف ان کے قتل کی خبریں چل رہی تھیں‌، میرے جسم سے جان ہی نکل گئی ، میں اسقدر پریشان ہوئی میرا خود پر قابو نہ رہا اور میں‌گر گئی مجھے کچھ ہوش ہی نہیں‌رہی یہ سن کر کہ واقعتا امجد صابری قتل کر دئیے گئے ہیں. میری زندگی میں یہ خبر طوفان کی طرح آئی جسے میں آج تک نہیں بھول سکی .

بالی وڈ‌ کنگ شاہ رخ خان کی فلم پٹھان جس کی ریلیز کا انڈیا اور پاکستان میں بےچینی سے انتظار کیا جا رہا ہے. اس فلم کے زریعے شاہ رخ خان بڑی سکرین پر چار سال کے بعد واپسی کررہے ہیں. اس فلم کے گیت ہوں یا نام انتہا پسند ہندو معترض ہیں. ٕفلم کے گیت بے شرم رنگ پر بہت زیادہ احتجاج کیا جا رہا ہے انتہا پسند ہندئوں نے تو شاہ رخ خان کو زندہ جلانے کی دھمکی بھی دیدی ہے کہ اگر اس گانے میں دیپیکا کے لباس اور ان کے رنگ تبدیل نہ کئے گئے تو فلم کا بائیکاٹ‌ کیا جائیگا. یہ ساری باتیں ایک طرف ہیں شاہ رخ خان کی یہ فلم ریلیز سے پہلے ہی کافی مشہور ہو گئی ہے. اس کا گیت بے شرم رنگ کے سحر میں تو شائقین ابھی سے مبتلا ہیں اور ہر کسی کی زبان ہر یہی گیت ہے دیپکا کے ڈانس سٹیپس کو ہر کوئی

فالو کرتا نظر آرہا ہے ، سوشل میڈیا پر سینکڑوں کی تعداد میں ایسی وڈیوز نظر آتی ہیں ایک ایسی ہی وڈیو ہمیں نظر آئی ہے کہ ریشم اور میرا کی جس میں دونوں گاڑی میں بیٹھی ہیں اور دونوں‌ہی بے شرم رنگ گیت سے لطف اندوز ہونے کے ساتھ اسے گنگنا بھی رہی ہیں. یوں یہ دونوں بھی بے شرم رنگ کی دیوانی بن گئی ہیں. یاد رہے کہ آج کل ریشم اور میرا ایک دوسرے کی دوستی کا دم بھرتی ہوئی نظر آرہی ہیں.

اداکار نعمان اعجاز ہمیشہ نپی تلی بات کرتے ہیں ، وہ آج کل لاہور میں اپنے نئے ڈرامہ سیریل راز کی شوٹنگ میں‌مصروف ہیں. اس ڈرامے میں ان کا بیٹا زاویار نعمان ، صاحبہ ، عمران اسلم ،صدف بھٹی ، نور ظفر و دیگر شامل ہے. نعمان اعجاز زاویار کے والد بنے ہوئے ہیں.کہا‌جا‌رہا‌ہے‌کہ‌اس‌ڈرامے کا نام تبدیل کیا جائے گا کیونکہ اس نام کا ڈرامہ پہلے ہی بن چکا ہے جو کہ آن ائیر ہونے کے لئے تیار ہے. ڈرامے کو لاہور سے دور بیدیاں روڈ‌پر شوٹ کیا جا رہا ہے. آج کل نعمان اعجاز ، صاحبہ ، عمران اسلم اور صدف بھٹی کے سینز چل رہے ہیں. یہ ڈرامہ نعمان اعجاز کی خود کی پروڈکشن ہے. یہ ایک فیملی ڈرامہ ہے جس میں پیار محبت نفرت دونوں طرح‌کے جذبات کو دکھایا جا رہا ہے. انہوں نے چند سوالوں کا جواب دیتے ہوئے کہا کہ میں بہت ہی سادی طبیعت کا مالک ہوں .انہو‌ں نے یہ بھی کہا کہ مجھے سیاست میں بالکل بھی دلچپسی

نہیں ہے ، تمام سیاستدان خود غرض ہیں کوئی بھی سراہنے کےلئے لائق نہیں ہے سب ہی واجب القتل ہیں. انہوں نے کہا کہ مجھے سچ بولنے کی بیماری ہے اور سچ ہمارے ہاں زرا کم ہی سنا جاتا ہے یاد رہے کہ نعمان اعجاز کے بیٹے زاویار کو خاصی تنقید کا سامنا رہتا ہے ، ان کو کہا جاتا ہے کہ وہ باپ کی وجہ سے پراجیکٹس ھاصل کرتے ہیں تاہم ان کا ماننا ہے کہ ایسا نہیں‌ہے.‌

اداکار عمران اسلم جو کہ بہت ہی عمدہ ایکٹنگ کرتے ہیں انہوں‌نے بہت سارے ڈراموں میں جہاں بہت سارے پازیٹیو اور ہیرو کے کردار کئے وہیں نیگیٹیو کریکٹر بھی کئے. ان کو ہیرو اور نیگیٹیو ہر طرح‌کے کرداروں میں بے حد سراہا گیا لیکن ان پر ہمیشہ ہی یہ الزام لگتا آیا ہے کہ یہ شاہ رخ‌خان کی کاپی کرتے ہیں. اس ھوالے سے اپنے حالیہ انٹرویو میں انہوں نے کہا کہ میں نے کبھی شاہ رخ خآن کو کاپی نہیں‌کیا میرا کام کرنے کا اپنا انداز ہے اور ان کا اپنا ایک انداز ہے وہ انڈیا کے نہیں‌ بلکہ دنیا کے سب سے بڑے اداکار ہیں‌. اگر مجھے اور میری اداکاری کو لوگ ان کے ساتھ ملاتے ہیں تو یہ میرے لئے اعزاز کی بات ہے . عمران اسلم نے کہا کہ میرا ایک ڈرامہ زی زندگی پر جب چلا تو بھارت کے ایک اخبار نے لکھا تھا

کہ یہ پاکستان کا شاہ رخ خان ہے جو کہ میرے لئے آنر کی بات ہے . عمران اسلم نے کہا کہ میں زیادہ سوشل نہیں‌ہوں اپنے کام سے کام رکھتا ہوں اورہمیشہ کام کے بعد فیملی کے پاس ہوتا ہوں. کراچی سے لاہور حال ہی میں‌شفٹ‌ہوا ہوں. مجھے بہت سارے اداکاروں کی اداکاری پسند ہے لیکن نعمان اعجاز میرے پسندیدہ فنکار ہیں . ان سے بہت کچھ سیکھنے کو ملتا ہے مجھے کچھ نہ سمجھ آرہی ہو تو بے شرم ہو کر اپنے سینئر کا جونئیر سے پوچھ لیا کرتا ہوں کہ یہ کردار یا ڈائیلاگ کیسے نبھانا ہے .

اداکارہ سائرہ یوسف اور شہروز سبزواری دونوں کے درمیان طلاق ہو چکی ہے لیکن اس کے باوجود یہ دونوں ایک دوسرے کے ساتھ ملتے بھی ہیں اور دونوں نے ایک دوسرے کے ساتھ فلم بھی کی ہے.ان دونوں کی فلم بے بی لیشز ریلیز ہونے جا رہی ہے اس ھوالے سے دونوں فلم کی پرموشنز میں مصروف ہیں . دونوں نے حال ہی میں انٹرویو دیا ہے اس میں انہوں نے کہا ہے کہ ہم نے اپنی بیٹی کی خاطر ایک دوسرے کے ساتھ اچھا تعلق رکھا ہوا ہے. سائرہ نے کہا کہ لوگ ہم سے ہمارے پرانے رشتے کے بارے میں اکثر سوال کرتے ہیں‌جو کہ عجیب لگتا ہے. ہم اپنی زندگیوں میں آگے بڑھ چکے ہیں‌. ہماری بیٹی نورے ہمارے لئے بہت اہم ہے. شہروز سبزواری نے کہا کہ میری بڑی بیٹی کے اپنی چھوٹی بہن کے ساتھ بہترین

تعلقات ہیں وہ اس کو بہت پیار کرتی ہے. دونوں نے کہا کہ جب ہمیں بے بی لیشز آفر ہوئی تھی تو ہم نے یہی سوچا کہ ایک قدم آگے بڑھنا چاہیے اور اس فلم میں‌ہم دونو‌ں ہی تو نہیں بہت سارے لوگ ہیں لہذا ہم نے فلم کر لی . سائرہ نے کہا کہ میری بیٹی میرے لئے اہم ہے اس لئے مجھے لگتا ہے کہ جب کوئی انسان آپ کے لئے اہم ہو تو آپ کو اپنے مسائل چھوٹے لگنے لگتے ہیں. میری بیٹی کو باپ کی ضرورت ہے اس راہ میں ، میں رکاوٹ نہیں‌بننا چاہتی .

جیسا کہ سب جانتے ہیں‌کہ مولا جٹ 80 کی دہائی کی کامیاب ترین فلم ہے، چالیس سال کے بعد اس فلم کو دوبارہ دا لیجنڈ‌ آف مولا جٹ کی صورت میں بنایا گیا . دا لیجنڈ‌آف مولا جٹ کے بعد اب سن آف مولا جٹ بنائی جا رہی ہے . اس فلم کو ناصر ادیب نے لکھا ہے کہ جب کہ حیدر سلطان اس میں مولا جٹ کا کردار ادا کریں گے. حیدر سلطان نے اپنے ایک حالیہ انٹرویو میں کہا ہے کہ میرے والد کے بعد میرا ہی بنتا تھا کہ میں ان کے کام کو آگے لیکر چلتا لیکن مجھ سے ایک غلطی ہوئی کہ میں ایسا نہ کر سکا اور امریکہ جاتا آتا رہا لیکن اب میں‌مسلسل چھ سال سے پاکستان میں ہوں اور مسلسل کام کررہا ہوں‌اب میں جو فلمیں بنا رہا ہوں وہ عوام پسند کررہی ہے . فلمی صنعت کی بحالی کے لئے سر توڑ‌کوشش کر رہا ہوں. حیدر

سلطان نے مزید یہ بھی کہا کہ میں نے لیجنڈ آف مولا جٹ سے پہلے سن آف مولا جٹ لکھوائی تھی ، لیکن بعض وجوہات کی بناء پر تاخیر کا شکار ہو گئی.ہم بہت جلد اس فلم کی شوٹنگ کریں گے . فلم کے ڈائریکٹر اور باقی کاسٹ‌کو فائنل کیا جانا ہے اور پھر کام شروع ہو جائیگا . مجھے امید ہے کہ سب آف مولا جٹ کو عوام کا اچھا ریسپانس ملے گا . حیدر سلطان نے کہا کہ میرے والد کی کاپی بہت سارے لوگوں نے کی لیکن عوام نے ہر کسی کو رد کر دیا .

اداکارہ صاحبہ جنہوں نے شادی کے بعد شوبز کو خیرباد کہہ دیا تھا دوبارہ سے پھر وہ ڈراموں میں نظر آرہی ہیں. حال ہی میں وہ لاہور میں نعمان اعجاز کے ساتھ ڈرامے کی شوٹنگ کررہی ہیں. اس میں وہ زاوریار نعمان کی والدہ کا کردار نبھا رہی ہیں. اس موقع پر ان سے خصوصی گفتگو کی گئی ، انہوں نے کہا کہ ایسے کردار آفر ہوتے ہیں جن میں‌جان نہیں‌ ہوتی جس کی وجہ سے میں‌کم کم سکرین پر دکھائی دیتی ہوں . انہوں نے کہا کہ جان ریمبو کی فلم منی بیگ گارنٹی ریلیز ہونے جا رہی ہے. ریمبو بھی اسی لئے کم کم دکھائی دیتے ہیں کیونکہ ان کو کوئی ایسا کردار آفر نہیں ہوتا جس کو سن کو وہ فورا حامی بھر لیں. انہوں نے کہا کہ ہم ایک یوٹیوب چینل چلا رہے ہیں وہ چینل شعیب اختر کے کہنے پر شروع کیا ،میں اور ریمبو دونوں

ایک شو کرتے تھے وہاں وہ تشریف لائے انہوں نے کہا کہ چینل کیوں نہیں شروع کرتے وہیں بیٹھے بیٹھے چینل بنا لیا اور اس پر جب تھوڑا بہت کام کیا ریسپانس ملا تو ہمارا حوصلہ بڑھا اور ہم نے مزید کام کیا اور اچھا لگا. صاھبہ نے کہا کہ آج کل جو کام ہو رہا ہے وہ روایتی ہے ایک ہی جیسے کردار اور کہانیاں ہوتی ہیں ایسے میں منفرد کردارملنا خاصا مشکل ہوتا ہے.