Category: شوبز

بالی وڈ اداکارہ کرشمہ کپور ماضی کی اداکارہ ببیتا اور اداکار رندھیر کپور کی بیٹی ہیں. انہوں نے نوے کی دہائی میں بالی وڈ میں قدم رکھا اور بہترین اداکاری کے بل پر وہ جلد ہی نمبر ون آرٹسٹوں کی لسٹ میں‌شامل ہو گئیں، ان کے کریڈٹ پر سپر ہٹ فلمیں اور گانے ہیں ان کے گانوں پر ان کا یادگار رقص بھلا کون بھول سکتا ہے. کرشمہ کپور کے ایک انٹرویو کا ان دنوں انٹرنیٹ پر ایک کلپ وائرل ہو رہا ہے جس میں ان سے پوچھا گیا ہے کہ کپور خاندان میں سب سے زیادہ سنجیدہ کون ہے تو انہوں نے کہا کہ رشی کپور سب سے زیادہ سنجیدہ ہیں وہ ٹو دی پوائنٹ بات کرتے ہیں، وہ پردے پر شوخ‌ و چنچل دکھائی دیتے ہیں لیکن گھر میں‌ اور فیملی میں‌بالکل سنجیدہ ہوتے ہیں، جب کرشمہ کپور سے سوال ہوا کہ کپور خآندان میں سب سے

زیادہ معصوم کون ہے تو انہوں‌نے کہا کہ میرے پاپا رندھیر کپور ، جب ان سے سوال ہواکہ کپور خاندان میں‌سب سے زیادہ پڑھا لکھا کون ہے تو انہوں نے خاموشی اختیار کی جب ان سے پوچھا گیا کہ کپور خاندان میں کھانے کا شوق سب سے زیادہ کس کو ہے تو انہوں نے کہا کہ ہم سب کو ہی ، ہم جب بھی کہیں‌ کھانے کو کسی ہوٹل میں‌ جاتے ہیں‌ تو پچیس ڈشیں آڈر کر دیتے ہیں اور آس پاس جو بیٹھے ہوتے ہیں ان کو بھی بلا لیتے ہیں‌تاکہ وہ بھی ہمارے ساتھ کھانا کھائیں . انہوں نے کہا کہ کپور خاندان بہت کھلے دل کا ہے.

اداکارہ کنگنا رناوت ڈرامہ کوئین ہیں وہ کوئی بھی موقع ہاتھ سے نہیں جانے دیتیں کہ جس میں‌ وہ کنٹرورسی کاحصہ نہ بنیں . حال ہی میں ٹی وی اداکارہ تنیشا شرما نے آن سیٹ خودکشی کی ہے. اس خود کشی کی ٹھوس وجوہات سامنے تو نہیں آ سکیں تاہم ان کی والدہ کا الزام ہے میری بیٹی کے کو سٹار شیزان خان نے میری بیٹی کو محبت کے جال میں پھنسا کر اسکو دھوکہ دیا اسے چھوڑ‌دیا جس کی وجہ سے اس نے دلبرداشتہ ہو کر خود کشی کر لی. شیزان خان فی الحال پولیس کی حراست میں ہے. لیکن اس سارے معاملےمیٕں بالی وڈ‌اداکارہ کنگنا رناوت کود پڑی ہیں اور انہوں نے

اپنے انسٹاگرام اکائونٹ پر ایک سٹوری شئیر کی ہے جس میں‌انہوں نے لکھا ہے کہ تنیشا کی موت بالکل بھی خود کشی نہیں ہے بلکہ یہ قتل ہے اور اس کے قتل کے پیچھے جو محرکات ہیں ان کو چھپانے کی کوشش کی جا رہی ہے . کنگنا نے مطالبہ کیا کہ تنیشا کے قتل کی مکمل تحقیقات ہونی چاہیں اور ذمہ داروں کو سزا ملنی چاہیے. دوسری طرف انتہا پسند ہندئوں کا بھی یہ کہنا ہےکہ مسلمان لڑکے ہندو لڑکیوں کو پیار کے جال میں‌پھنسا کر ان کو مسلمان کر کے شادیاں کررہے ہیں .

بالی وڈ کنگ شاہ رخ خان جو بھی کردار کرتے ہیں اسے امر کر دیتے ہیں، ان کی ہر فلم سے انہوں نے اپنی فنی صلاحیتوں کا لوہا منوایا نیگیٹو ہو یا پازیٹیو شاہ رخ‌خان نے ثابت کیا کہ وہ بالی وڈ‌کے کنگ ہیں. شاہ رخ خان کہتے ہیں کہ وہ تب تک کوئی فلم سائن نہیں‌کرتے جب تک وہ پوری طرح سے کہانی نہ سن لیں اور اپنے کردار کو سمجھ نہ لیں. انہوں نے اپنے ھالیہ انٹرویو میں کہا ہے کہ بہت سارے کردار ایسے ہیں جو وہ کرنا چاہتے ہیں، انہوں نے مثال دیتے ہوئے کہا کہ میں فرانسیسی ایکشن تھرلر فلم Leon The Professional سے بہت زیادہ متاثر ہوں. اس فلم میں جس

طرح سے مرکزی کردار ادا کیا گیا ہے مجھے ایسے کردار کی تلاش ہے میں ایسا ہی کوئی کردار کرنا چاہتا ہوں. یاد رہے کہ شاہ رخ خان نے ٹی وی اپنے کیرئیر کا آغاز کیا اور جب فلموں‌کا رخ کیا تو ان کی قسمت ایسی جاگی کہ آج تک انہوں نے پیچھے مڑ کر نہیں‌دیکھا . شاہ رخ خآن کا کیرئیر تیس سال پر محیط ہے اور آج بھی نمبر ون کی پوزیشن برقرار رکھے ہوئے ہیں. آج کل شاہ رخ خآن کی فلم پٹھان بائیکاٹ‌کے ٹرینڈ میں ہے، اس فلم کو بین کئے جانے کا مطالبہ کیا جا رہا ہے.

آج کل شعیب ملک اور ثانیہ مرزا کا ایک شو جس کا نام ہے مرزا ملک شو وہ کافی چرچا میں ہے، اس شو سے پہلے شعیب ملک اور ثانیہ مرزا کی علیحدگی کی خبریں بہت زیادہ پھیلیں لیکن ان دونوں کو اس شو میں ایک ساتھ دیکھ کر ایسی خبریں دم توڑ گئیں ہیں. حال ہی میں مرزا ملک شو میں ثانیہ مرزا نے گانا گا کر اپنے شوہر شعیب اور مداحوں کو حیران کر دیا ہے. شو میں ان کے شوہر شعیب ملک ملک نے گانے کنڈی نہ کھڑکاو راجا کے کچھ بول پڑھے جس پر ثانیہ مرزا نے فورا گانا پہچان لیا اور گا کر سنایا۔ثانیہ مرزا نے بہت اچھے انداز میں گانا گایا.ومی کرکٹر شعیب ملک اور ان

کی اہلیہ ٹینس اسٹار ثانیہ مرزا کے او ٹی ٹی پروگرام کا نیا پرومو جاری ہوگیا ہے۔ مرزا ملک شو کی دوسری قسط میں ہمایوں سعید مہمان ہیں، قسط کا پرومو یوٹیوب پر شیئر کیا گیا۔ پروگرام میں پاکستان کی سپر جوڑی نے ہمایوں سعید سے نیٹ فلکس سیریز دی کران میں لیڈی ڈیانا کے محبوب ڈاکٹر حسنات خان کے کردار کی ادائیگی کے متعلق بات کی۔اس شو کو بہت زیادہ مقبولیت حاصل ہو رہی ہے ، شعیب ملک اور ثانیہ مرزا نہایت ہی منجھے ہوئے انداز میں شخصیات کے انٹرویوز کررہے ہیں جو کہ دیکھنے والوں‌کے لئے دلچپسی کا باعث ہے .

سوشل میڈیا پر آئے روز ایسی خبریں پھیلا دی جاتی ہیں کہ جن کا حقیقت سے رتی برابر بھی تعلق نہیں‌ہوتا.معروف فوک گلوکار عطا اللہ عیسی خیلوی جب بیمار پڑے تو جتنی بار بھی ان کے بیمار پڑنے کی خبر سامنے آئی ، اتنی بار ہی سوشل میڈیا پر خبر اڑا دی گئی کہ ان کا انتقال ہو گیا ہے ، اسی طرح سے دلیپ کمار کے انتقال کی جھوٹی خبریں بھی پھیلائی گئیں. اب حال ہی میں سینئر اداکار فردوس جمال کی طبیعت کی ناسازی سامنے آئی ہے، گزشتہ روز وفاقی حکومت کی جانب سے اداکار کو علاج معالجے کےلئے ایک کروڑ روپے کا چیک دیا گیا. اس کے چند گھنٹوں

کے بعد ہی سوشل میڈیا پر فردوس جمال کے انتقال کی خبریں سرکولیٹ ہونا شروع ہو گئیں. آخر کار فردوس جمال کے بیٹے بازل فردوس کو سوشل میڈیا پر ایک پیغام جاری کرنا پڑا کہ میرے والد بالکل خیریت سے ہیں اور ان کی سرجری ہوئی ہے اور وہ تیزی سے صحتیاب ہو رہے ہیں برائے مہربانی ان کے حوالے سے تکلیف دہ خبریں نہ اڑائی جائیں. میرے والد کے مداح ان کے لئے دعا کریں اور ان کو اپنی دعائوں میں یاد رکھیں. دوسری طرف فردوس جمال نے بھی کہا ہے کہ میں صحت یاب ہو رہا ہوں ہمت نہیں ہارا آپ سب کی دعائوں کا شکریہ .

اداکار ارسلان نصیر بھی فلم پٹھان اور دیپیکا کے گانے پر ہونے والی تنقید میں‌ کود پڑے ہیں. انہوں انتہا پسند ہندئوں سے ایک سوال کیا ہے انہوں نےکہا ہے کہ آپ لوگ دیپیکا کے گانے پر تنقید کررہے ہیں کہ اس نے زعفرانی رنگ کا لباس پہن رکھا ہے، فلم پٹھان کے نام پر تنقید بھی کی جا رہی ہے ، ٹھیک ہے آپ جو کررہے ہیں کرتے رہیں لیکن زرا یہ تو بتائیے کہ اس پہ تنقید کیوں نہیں ہو رہی کہ دیپیکا گانے میں لفظ شرافت کو شریفی کہہ رہی ہیں. اس پہ بھی احتجاج کیا جائے کہ کیوں اردو زبان کا قتل عام ہو رہا ہے. ارسلان نصیر نے بھارتی فلم میکرز کو آڑھے ہاتھوں

لیتے ہوئے کہا کہ برائے مہربانی اردو زبان کا قتل عام بند کیاجائے. یاد رہے کہ فلم پٹھان جو کہ جنوری کے آخری ہفتے میں ریلیز ہونے جا رہی ہے اس پر انتہا پسند ہندو نہ صرف تنقید کررہے ہیں بلکہ فلم کے بائیکاٹ کا ٹرینڈ بھی چلایا جا رہا ہے، شاہ رخ خان اس فلم کے زریعے چار سال کے بعد بڑی سکرین پر واپسی کررہے ہیں. دوسری طرف دیپیکا اور شاہ رخ خان کو ایک ساتھ دیکھنے کےلئے شائقین کافی بے تاب نظر رہے ہیں . شاہ رخ خان کا کہنا ہےکہ یہ فلم ہر لحاظ‌ سے انٹرٹیننگ ہے.

معروف قوال مرحوم امجد صابری کی بڑی صاحبزادی حورین امجد صابری رشتہ ازدواج میں منسلک ہوگئیں۔حورین امجد صابری کے نکاح کی تقریب 23 دسمبر کو لاہور میں ان کے گھر میں منعقد ہوئی تھی ۔شادی ممیں رشتہ داروں، دوست احباب کے علاوہ شوبز انڈسٹری سے میزبان و اداکارہ مایا خان نے شرکت کی۔ امجد صابری اپنے بچو سے بہت محبت کرتے تھے ، انکی بیٹی تاہم اب رشتہ ازدواج میں منسلک ہو گئی ہے. یاد رہے کہ امجد صابری قوالی کی دنیا میں‌اعلی مقام رکھتے تھے انہوں نے فن قوالی اپنے والد سے 9سال کی عمر میں سیکھنا شروع کیا اور 1988ء میں 12سال کی عمر میں پہلی بار سٹیج پر پرفارمنس دی۔انہوں نے بہت سے ممالک میں اپنے فن کا مظاہرہ کیا۔امجد صابری نے دنیا بھر میں‌پاکستان

کی بھرپور انداز میں نمائندگی کی، ان کا قتل قوالی کی دنیا کا وہ خلاء ہے جو کبھی پُر نہیں ہو سکتا. امجد صابری کا فن اور شخصیت کئی لوگوں کے مشعل راہ تھی اور ہے. امجد صابری کو 22 جون 2016ء کو دو مسلح موٹر سائیکل سواروں نے لیاقت آباد ٹاؤن کراچی میں میں اُن کی کار پر فائرنگ کر کے قتل کر دیا تھا امجد موقع پر ہی جان بحق ہو گئے تھے۔امجدصابری، کراچی شہر کے لیاقت آباد کے علاقہ میں واقع اپنی رہائش سے نکل کر نجی ٹیلی وژن کے اسٹوڈیو جا رہے تھے.

دا لیجنڈ آف مولا جٹ آئندہ کل بھارت ک پنجاب اور دہلی میں‌ ریلیز ہونے جا رہی ہے ، فواد خان کے جیسے کے بھارت میں بہت زیادہ فینز موجود ہیں ، ان کے لئے یہ خوشخبری ہے کہ اب ان کے پسندیدہ آرٹسٹ کی پاکستانی فلم انہی کے ملک میں‌ ریلیز ہونے جا رہی ہے. فلم کی بھارت میں ریلیز پر جہاں پاکستانی خوش ہیں اور سوشل میڈیا پر طرح‌طرح‌کے تبصرے ہو رہے ہیں وہیں اداکارہ غنا علی نے بھی اس ھوالے سے دلچپسپ تبصرہ کیا ہے ان کا کہنا ہےکہ فواد خان کو کہنا چاہیے کہ مجھے تو بھارت آنے سے روک لیا میرے کام کو کیسے روکو گے. غنا علی نے کہا کہ

پاکستانی فلم کا بھارت میں ریلیز ہونا خوش آئند ہے اور اس بات کا ثبوت ہے کہ پاکستان میں معیاری کام ہو رہا ہے. دوسری طرف سوشل میڈیا صارفین کا کہنا ہےکہ پاکستانی فنکاروں کا کام بھارت میں بھی پہنچنا چاہیے تاکہ ان کو اندازہ ہو کہ پاکستان میں جو بھی کام ہو رہا ہے وہ انٹرنیشنل لیول سے کم نہیں ہے. یاد رہےکہ دا لیجنڈ آف مولا جٹ کی ریلیز کو لیکر انتہا پسند ہندئوں نے ناممکن بنانے کی ہر ممکن کوشش کی لیکن زی سٹوڈیوز نے ایسی تمام کوششوں کو ناکام بنادیا.