Category: شوبز

معروف ماڈل اور اداکارہ صدف کنول نے چار سال کے بعد فیشن شوزمیں واپسی کی ہے. لاہور میں ہونے والے تین روزہ فیشن شو میں صدف کنول نے اینٹری دی. آخری بار انہوں نے کوئی بھی فیشن پراجیکٹ چار سال قبل کیا تھا. صدف نہایت ہی دلکش لگ رہی تھیں. صدف کنول نے کہا کہ چار سال کے بعد ریمپ پر واپسی بہت اچھی لگی ہے . مجھے بہت مزا آیا لوگوں کا ریسپانس بہت اچھا تھا ، میں جب بھی ریمپ پر آئی ہوں مجھے لوگوں کا پیار ہی ملا ہے. اور ماڈلنگ میرا جنون ہے ،کورونا اور پھر شادی ، بیٹی کی پیدائش کی وجہ سے زرا کام روک دیا تھا لیکن اب پھر سے شروع کر دیا ہے. صدف کنول نے کہا کہ میں اپنی زندگی کوخوبصورت طریقے سے انجوائے کررہی ہوں ، مجھے

خدا نے بہت خوبصورت بیٹی عطا کی ہے اور میں بہت خوش ہوں. انہوں‌نے کہا کہ میں‌ایک ذمہ دار ماں ہوں. صدف کنول نے کہا کہ اچھی زندگی گزارنے کا راز ہے صرف خوش رہنے میں ، ہر حال میں خوش رہیں اور خوشیاں بانٹیں ، چھوٹی سی زندگی ہے کیا پتہ پھر کل ہو نا ہو. صدف کنول نے کہا کہ اداکاری کی آفرز بھی آ رہی ہیٰں لیکن ابھی میری مصروفیت میری بیٹی کے ساتھ بہت زیادہ ہے لہذا دیکھ کر سوچ سمجھ کر ہی کوئی بھی پراجیکٹ سائن کروں گی.

لاہور میں ہونے والے سہہ روزہ برائیڈل کٹیور ویک کا گزشتہ روز آغاز ہوا. فیشن شو میں پہلے روز نو فیشن ڈیزائنرز نے اپنی اپنی کلیکشن متعارف کروائی. جن میں فہد حسین ، حارث شکیل ، دیپک اینڈ فہد ، شعیب اسماعیل ، علی حیدر ، کنول ملک ، منیب نواز ، ریما احسن اور ذونیا انور کے نام شامل ہیں. جو سلیبرٹیز ان ڈیزائنرز کے شوز کی شوسٹاپر بنیں ان میں ،حریم فاروق ، سرمد سلطان کھوسٹ‌، صبور علی اور علی انصاری ، محسن اور منال خان ، آئزہ خان اور دیگر کے نام شامل ہیں. اس بار ریمپ پرایک چیز مختلف کی گئی ، گلوکاروں کو بلوا کر ان سے ریمپ

واک کے دوران پرفارمنس کروائی گی ، سحر گل اور کیو بی کی پرفارمنس نے سماں باندھ دیا. سرمد سلطان کھوسٹ نے ڈیزائنر منیب نواز کےلئے ریمپ پر واک کی اور یہ پہلا موقع رہا کہ جب سرمد کسی ڈیزائنر کے شوسٹاپر بنے. گزشتہ چند برسوں کی طرح اس بار بھی ماڈلز میں نئے چہرے دیکھنے کو نہ ملے ، گیتی آراء ، مہرین سید ، آمنہ بابر و دیگر ریمپ پر اپنی جلوے ضرور بکھیرتی رہیں لیکن نیا چہرہ کوئی بھی نظر نہ آسکا. یہ فیشن شو ہم ٹی وی نے آرگنائز کیا تھا اور سلطانہ صدیقی اس موقع پر کراچی سے خاص طور پر لاہور تشریف لائیں. شوکے انتظامات بڑے پیمانے پر کئے گئے.

اداکارہ وینا ملک جو انتہائی باصلاحیت ہیں لیکن انہوں نے اپنی انرجی اپنی صلاحیتوں کو نکھارنے میں لگانے کی بجائے سکینڈلز پر لگائی. وینا ملک کام کے سلسلے میں ایک لمبے عرصے سے کراچی میں‌موجود تھیں لیکن حال ہی میں انہوں نے لاہور آنے کا فیصلہ کیا ہے اور فیصلہ بھی انہوں نے نجی ٹی وی چینل پر ہوسٹنگ کی نوکری ملنے کے بعد کیا ہے.ایک وقت ایسا بھی آیا کہ اداکارہ نے شوبز چھوڑنے کا ہی اعلان کر دیا لیکن بہت جلد وہ شوبز کی رنگینیوں میں واپس لوٹ‌آئیں. وینا ملک نہ تو فلموں‌میں‌کام کررہی ہیں اور نہ ہی ڈراموں میں، وہ صرف میزبانی کے

فرائض سرانجام دیتی ہیں. یہی وجہ ہے کہ وہ میزبانی کے پراجیکٹس کے انتظار میں بیٹھی رہتی ہیں جیسےہی ان کو کوئی پراجیکٹ ملتا ہے تووہ سرگرم ہوجاتی ہیں اور اپنے مداحوں کو نظر بھی آتی ہیں. وینا ملک ٹویٹر پر بھی کافی متحرک رہتی ہیں عمران خان کی سپورٹ میں‌انہوں نے خود کو بہت زیادہ متنازعہ کر لیا ہے یہی وجہ ہے کہ ان کے پرستاروں میں بھی کمی دیکھنے کو ملی ہے. انہیں ان کے ٹویٹس کی وجہ سے سوشل میڈیا پر بڑی تعداد میں لوگوں‌کی تنقید کا سامنا بھی رہتا ہے تاہم کہا جا رہا ہے کہ وینا ملک لاہور سے ایک نجی چینل سے بہت جلد ایک پروگرام کو ہوسٹ کرتی ہوئی دکھائی دیں گی .

ڈاکٹرعامر لیاقت کی موت جن حالات میں ہوئی وہ دانیہ شاہ کے پیدا کر دہ ہیں ، دانیہ شاہ ان کی تیسری اہلیہ ہیں انہوں نے عامر لیاقت حسین کی کچھ پرائیویٹ وڈیوز سوشل میڈیا پر ڈالیں تو عامر لیاقت نے خود کو گھر کے ایک کمرے میں قید کر لیا اور فون اٹھانا تو درکنار کسی سے بات کرنا بھی چھوڑ دی. ڈاکٹر عامر لیاقت کی پہلی اہلیہ سیدہ بشری سے ان کے بچے ہیں اور ان بچوں‌ نے اپنے باپ کی اس طرح سے موت کی ذمہ دار بارہا دانیہ شاہ کو قرار دیا ہے. دانیہ کے حوالے سے تازہ اطلاعات یہ ہیں کہ ان کو گرفتار کر لیا گیا ہے. تفصیلات کے مطابق فیڈرل انوسٹی گیشن ایجنسی کے سائبر کرائم ونگ نے گزشتہ روز اچانک دانیہ شاہ کوپنجاب کے شہر لودھراں سے گرفتار کرلیا۔

دانیہ شاہ کے خلاف مرحوم عامر لیاقت حسین کی بیٹی دعا عامر نے شکایت درج کروائی تھی کیونکہ دانیہ کافی عرصہ سے سوشل میڈیا پر سیدہ بشریٰ اور ان کی فیملی پر الزام تراشی کررہی تھی. تاہم دانیہ شاہ کی والدہ کا کہنا ہےکہ میرے گھر چند افراد آئے جنہوں نے مجھ پر اور میرے بچوں پر تشدد کیا اور میری بیٹی دانیہ کو مارتے پیٹتے ہوئے گاڑی میں بٹھا کر لے گئے مجھے نہیں‌پتہ چل رہا کہ کیوں اور کہاں میری بیٹی کو لیجایا گیا ہے. انہوں نے کہا کہ عامر لیاقت کی سابقہ اہلیہ بشری کی وکیل بھی ان لوگوں کے ہمراہ تھیں.

لتا منگیشکر کا گیت میرا دل سے پکارے آجا سے شہرت کی بلندیوں پرپہنچنے والی عائشہ عرف مانو پر فدا ہو گئے ہیں بالی وڈ اداکار فیضان انصاری ، فیضان انصاری ممبئی میں‌رہتے ہیں. انہوں نے حال ہی میں ایک انٹرویو دیتے ہوئے اپنا ویزہ فارم میڈیا کو دکھایا ہے اور یہ فارم دکھاتے ہوئے کہہ رہے ہیں‌کہ چاہے کچھ بھی ہوجائے میں عائشہ سے نکاح کروں‌ گا، میں پرسوں پاکستان ایمبیسی جا رہا ہوں میرا ویزہ لگے اور جیسے ہی پاکستان کا مجھے ویزہ ملے گا میں پاکستان پہنچ جائوں گا اور دنیا کی کوئی طاقت مجھے اسکو دلہن بنانے سے نہیں روک سکتی . میری طرف سے مجھے عائشہ کے ساتھ نکاح قبول ہے بس اس کی ہاں سننی ہے. میں عائشہ کو دلہن بنا کر ممبئی لیکر

آئوں گا . میں نے جب سے عائشہ کو دیکھا ہے میں پاگل ہو رہا ہوں ، ہر روز خوابوں میں‌میری ملاقات عائشہ کے ساتھ ہو رہی ہے . میں عائشہ سے کہنا چاہتا ہوں کہ بس دو دن کا مزید انتظار کر لے ، میں آرہا ہوں. فیضان انصاری نے کہا کہ میں عائشہ کو حق مہر میں‌ پندراں لاکھ روپے بھی دوں گا اور حق مہر کی ادائیگی فورا کروں گا. انہوں‌نے کہا کہ عائشہ سے میری شادی کو کوئی نہیں‌روک سکتا وہ میری محبت ہے اور میں اسکو پا کر ہی رہوں گا.

معروف فلم میکر سید نور نے کہا ہے کہ میں نے کبھی بھی شان شاہد کو منحوس نہیں‌کہا میرے انٹرویو کو غلط رنگ دیکر پیش کیا گیا ہے. میں‌نے بتایا تھا کہ جب شان کی فلمیں فلاپ ہونا شروع ہوئیں تو انہیں‌ان ڈائریکٹرز نے بھی منحوس کہنا شروع کر دیا جو ان کے بغیر کام نہیں کرتے تھے .سید نور نے کہا کہ شان ایک باصلاحیت اداکار ہے اس نے میری فلم بلندی سے کیرئیر کا آغاز کیا سپر ہٹ ہوا ، ہٹ‌ہونے کے بعد انڈسٹری نے ان پر کام کا بہت زیادہ بوجھ ڈال دیا جس کے بعد شان کی فلمیں فلاپ ہونا شروع ہو گئیں ، اور سب نے کہنا شروع کر دیا یہ تو منحوس ہے

لہذا شان کو اپنی فلم میں‌لینے کے لئے کوئی تیار نہ تھاوہ پڑھا لکھا تھا امریکہ چلا گیا تین سال تک وہاں رہا میں میڈم نیلو سے رابطے میں رہا ان کے زریعے شان سے امریکہ میں بات کی اور اسکو منا کر فلم گھونگھٹ اور سنگم کے لئے بلوایا ، جب شان کو لیکر سٹوڈیو گیا تو سب نے کہا کہ اسکو کیوں لےآئے ہو یہ تو منحوس ہے میں‌نے کہا کہ نہیں دیکھنا یہ بہت بڑا سٹار پھر سے بن کر ابھرے گا اور وہی ہوا شان کی قسمت کا ستارا ایک بار پھر چمکا اور سب نے دیکھا ، شان اچھا ڈائریکٹر اور ایکٹر ہے ہم نے ایک ساتھ بہت کام کیا اور عزتیں کمائی ہیں.

نہایت کم عمر میں انتہائی پختگی سے گانے والی آئمہ بیگ نے حال ہی میں ایک انٹرویو دیا ہے اس میں انہوں مشورہ دیا ہے اپنے مداحوں کو، انہوں نے کہا ہے کہ آپ سوشل میڈیا سے دور رہیں ، یہ ایک ایسی چیز ہے جو آپ کو خودکشی پر بھی مجبور کر دیتی ہے . لوگ اس قدر آپ کو پریشان اور ڈپریس کر دیتے ہیں کہ آپ کو سمجھ ہی نہیں آتی کہ کیا کریں آپ شدید ڈپریشن میں چلے جاتے ہیں. میرے ساتھ کچھ عرصہ قبل جو بھی ہوا میں بہت پریشان ہوئی ، سوشل میڈیا پر لوگوں کا ری ایکشن دیکھ کر تو دل کرتا تھا کہ بس پتہ نہیں‌کر بیٹھوں خود کے ساتھ . پھر میں‌نے سوچا کہ کعبہ دیکھ کر آئوں ، میں اپنے والد کے ساتھ سعودیہ چلی گئی وہاں جا کر دل کو سکون ملا. مجھے ایک چیز سمجھ میں زرا دیر سے آئی ہے کہ کبھی اپنی ذاتی زندگی کے معاملات کسی کے ساتھ شئیر نہ کریں.

اور جو بھی ہوتاہے کہ کسی وجہ سے ہوتا ہے ، اللہ تعالی بعض اوقات اس لئے بھی انسان کے ساتھ کچھ ایسا کرتا ہے کہ جس کا مقصد اسکو سمجھانا سکھانا ہوتا ہے. اور میں‌نے یہی سیکھا ہے کہ جب تک آپ کے معاملات پکے نہ ہوجائیں کسی کو مت بتائیے اپنے تک رکھیں اسی میں آپکا سکون پوشیدہ ہے.

نامور ماڈل اور اداکارہ گیتی آراء نے اپنے حالیہ انٹرویو میں کہا ہے کہ وہ بہت جلد ایک فلم کرنے جا رہی ہیں اور فلم میں ان کا کردار بہت اچھا ہوگا، گیتی آراء نے کہا کہ فلم سائن کر لی ہے لیکن ابھی اسکے متعلق مزید معلومات نہیں دے سکتی. انہوں نے کہا کہ مجھے بہت خوشی ہے کہ میرے مداح‌ چاہتے ہیں‌کہ میں ان کو سکرین پر نظر آئوں. انہوں نے کہا کہ میں نے پہلے جو ڈرامہ کیا تھا اس کا بہت اچھا ریسپانس تھا. انہوں‌نے مزید کہا کہ ماڈلنگ اور اداکاری دونوں آسان کام نہیں‌ہیں. اگر دونوں میں سے فیورٹ پوچھا جائے تو یقینا ماڈلنگ زیادہ پسند ہے لیکن اداکاری اپنے مداحوں کے لئے کرتی ہوں .

انہوں‌نے کہا کہ ریمپ پر واک کی نسبت شوٹ کروانا زرا آسان ہوتا ہے ، اب جو برائیڈل کٹیور ویک شروع ہونے جا رہا ہے ، اس کے لئے ہم کئی کئی گھنٹے ریہرسلز کر چکے ہیں، بھاری جوڑے پہننا اور واک کرنا آسان نہیں‌ہوتا. انہوں‌نے کہا کہ میں اور سبیکا امام نے ایک ساتھ ہی کیرئیر شروع کیا تھا میری وہ بہترین دوست ہیں. میں ان کے کام سے بھی بہت زیادہ متاثر ہوں . یاد رہے کہ گیتی آراء نے نو برس پہلے ماڈلنگ کی دنیا میں قدم رکھا اور دیکھتے ہی دیکھتے ان کا شمار ملک کی نمبر ون ماڈلز میں ہونے لگا .