Category: شوبز

بالی وڈ حسینہ کترینہ کیف کی جب سے شادی ہوئی ہے ان کے ماں بننے کی خبریں گردش کرتی رہتی ہیں . کترینہ کیف کی چال ڈھال ان کے لباس پر ان کے مداح گہری نظر رکھے ہوئے ہیں . حال ہی میں ایک بار پھر سے کترینہ کیف کی ماں بننے کی خبریں گردش کررہی ہیں . تفصیلات کے مطابق سوشل میڈیا پر انڈین اداکارہ کترینہ کیف کی تصاویر اور ویڈیو ز وائرل ہو رہی ہیں۔ان کو دیکھ کر سوشل میڈیا صارفین یہ گمان کر رہے ہیں کہ کترینہ ماں بننے والی ہیں اور وہ بہت جلد اس حوالے سے اپنے مداحوں کو خوش خبری سنائیں گی ۔اب دیکھنا یہ ہے کہ ان افواہوں میں کوئی حقیقت ہے یا پھر پہلے کی طرح یہ بھی محض افواہیں ہی ثابت ہوں گی . کترینہ کیف اور وکی کوشل نے تاحال ایسی کسی خبر کی تصدیق یا تردید نہیں‌کی. لیکن ان کے مداح کوئی بھی

ایسی خبر سننے کے لئے بےتاب ہیں کہ ان کی پسندیدہ اداکارہ ماں بننے والی ہیں . یاد رہے کہ کترینہ کیف اور وکی کوشل کی شادی 2021 میں ہوئی دونوں نے محبت کی شادی کی اور ان کی شادی میں ان کے قریبی رشتہ دار اور دوست دکھائی دئیے. شادی کی تقریبات کو سلمان خان نے خود مانیٹر کیا. دونوں ایک دوسرے کے ساتھ کافی خوشگوار زندگی بسر کررہے ہیں.

کترینہ کیف بالی وڈ کی خوبصورت اور باصلاحیت اداکارہ مانی جاتی ہیں وہ جب سے بالی وڈ میں آئیں ان کا نام کئی ہیروز کے ساتھ جڑا، پہلے ان کا نام سلمان خان کے ساتھ نام جڑتا رہا اس کے بعد وہ وہ رنبیر کپور کے ساتھ دکھائی دیں ، لگ بھگ دو سال تک وہ رنبیر کپور کے ساتھ ایک الگ گھر میں رہتی رہیں پھر نامعلوم وجوہات کی بناء پر دونوں کے درمیان تعلقات کا خاتمہ ہو گیا .اس کے بعد کترینہ کیف کی دوستی اداکار وکی کوشل کے ساتھ ہوئی دونوں نے دوستی ہونے کے چند ہفتوں کے بعد ہی شادی کا اعلان کر دیا یوں گزشتہ دسمبر میں ان دونوں کی شادی ہو گئی . دونوں ایک دوسرے سے ٹوٹ کر محبت کرتے ہیں اور ایکدوسرے پر پیار جتانے کا کوئی بھی موقع ہاتھ سے نہیں جانے دیتے . حال ہی میں بھی ایسا ہوا ہے کہ

کترینہ کیف نے اپنے شوہر وکی کوشل پر سب کے سامنے پیار جتایا. یہ جوڑاحال ہی میں نائیکا فیمینا بیوتی ایوارڈز میں ایک دوسرے سے پیار سے گلے ملتے ہوئے دکھائی دیا۔سوشل میڈیا پر وائرل ہونے والی ویڈیو میں دیکھا جاسکتا ہے کہ کترینہ ایونٹ مین انٹری کرتی نظر آرہی ہیں جب کہ وکی باہر نکلتے ہوئے نظر آرہے ہیں۔ اپوزٹ ڈائریکشن میں جانے سے پہلے دونوں نے ایک دوسرے کو گلے لگایا ۔ ان دونوں کا ایک دوسرے پر پیار جتانے پر ان کے مداحوں کو پیار آگیا.

اداکار ببرک شاہ نے حال ہی میں ایک انٹرویو دیا ہے اس میں انہوں نے کہا ہے کہ میں نے ابھی تک دا لیجنڈ آف مولا جٹ نہیں دیکھی ، میرے حساب سے یہ فلم پرانی مولا جٹ کے پاس کو بھی نہیں ہے.، مصطفی قریشی اور سلطان راہی نے جو کام کیا وہ حمزہ اور فواد کہاں کر سکتے تھے . حمزہ اور فواد خان کے چہرے ہی ممی ڈیڈی ہیں انہوں نے کیا کرنا تھا. جب مجھے پتہ چلا تھا کہ مولاجٹ بنائی جا رہی ہے تومیں‌نے تو اسی وقت ہی کہہ دیا تھا کہ مولا جٹ کا مقابلہ کوئی فلم نہیں‌کر سکتی . میں‌نے دا لیجنڈ آف مولا جٹ کا صرف ٹریلر ہی دیکھا ہے اور میں‌نے بھانپ لیا کہ مصطفی قریشی اور سلطان راہی کی کیمسٹری کو کوئی بھی مات نہیں دے سکتا. ببرک شاہ نے کہا کہ دس سال میں دو فلمیں بنانے سے فلم انڈسٹری

نہیں چلتیں مہینے میں کچھ نہیں تو تین چار فلمیں ریلیز ہونی چاہیں تب جا کر فلمی صنعت کی بحالی ممکن ہو گی. آج کل جو فلمیں بن رہی ہیں ان کو جو بنانے والے ہیں وہ ہمیں کاسٹ نہیں‌کرتے اور ہمیں کوئی ضرورت بھی نہیں ہے کہ ہمیں‌وہ اپنی فلموں میں لیں ہم خود بھی کام کر سکتے ہیں لیکن سہولیات نہ ہو نے کی وجہ سے زرا رکے ہوئے ہیں. حکومت ساتھ دے تو انڈسٹری کو اس کے پائوں پر کھڑا کر سکتا ہوں.

ایک ہی پروفیشن میں کام کے دوران دو لوگوں کی آپس میں انڈر سٹینڈنگ اس حد تک بڑھ جاتی ہے کہ شادی پر بات جا کر ٹھہرتی ہے لیکن کچھ عرصہ ساتھ چل کر پتہ چلتا ہے کہ شاید ایک دوسرے کے ساتھ نہیں چلا جا سکتا لہذا طلاق کی صورت میں رشتہ ختم ہوجاتا ہے. 2022 میں کن شوبز سلیبرٹیز کی علیحدگی ہوئی آئیے ہم آپ کو بتاتے ہیں اپنی اس رپورٹ میں. رواں سال علیزے سلطان اور فیروز خان کی طلاق ہوئی . اداکار عمران اشرف اور ان کی اہلیہ کے درمیان طلاق ہوئی . اسی طرح سے اداکار فرقان قریشی اور سبرینا نے بھی راستے جدا کرلئے جبکہ اس کے علاوہ ٹاپ

ماڈل آمنہ بابر کو بھی اسی سال طلاق ہوئی۔دوسری طرف دیکھیں تو اس سال عروہ حسین اور فرحان سعید کی علیحدگی کی خبریں چلتی رہیں لیکن آج تک دونوں نے اپنی علیحدگی کی خبروں کی تصدیق کا تردید نہیں‌کی. سجل علی اور احد رضا میر کی طلاق کی خبریں بھی منظر عام پر رہیں لیکن ان دونوں نے بھی آج تک اپنے منہ سے ایسی خبروں‌کی تصدیق یا تردید نہیں‌کی. لیکن مجموعی طور پر دیکھیں تو اس سال کافی شوبز سلیبرٹیز ٹوٹیں. یاد رہے کہ علیزے اور فیروز خان کے درمیان بچوں کی حوالگی کا معاملہ عدالت میں چل رہا ہے.

اداکارہ و ماڈل صدف کنول جو جب بھی کوئی انٹرویو دیتی ہیں تو کوئی ایسی بات کہہ دیتی ہیں کہ جس سےچھڑ جاتی ہے ایک نئی بحث. حال ہی میں‌انہوں نے اپنے شوہر شہروز کے ساتھ ایک انٹرویو دیا ہے اس میں ان سے ایک سوال ہوا جس کے جواب میں شہروز نے کہا کہ میں نے صدف کو جو پہلا تحفہ دیا تھا اس کی کافی قیمت تھی اور یہ تحفہ میری جیب پر کافی بھاری پڑا تھا. میں اکثر صدف کو تحفے دیتا رہتا ہوں. صدف کنول نے بھی اس بات کا عتراف کیا کہ میرے شوہر مجھے بہت زیادہ تحفے دیتے ہیں میں‌نے شاید ہی ان کو کوئی تحفہ دیا ہو شاید میں نے ان کو پرفیومز یا گھڑی تحفے میں دی ہے. انہوں نے ساتھ ہی یہ بھی کہہ دیا کہ شوہر کو ہی بیوی کو تحفے دینے چاہیں لیکن بیوی کو اپنے شوہر کو تحفے نہیں

دینے چاہیں . صدف کنول کی اس بات کے بعد چھڑ گئی ہے ایک نئی بحث . اور سوشل میڈیا پر مختلف قسم کے دلچپسپ تبصرے کئے جا رہے ہیں ، کئی سوشل میڈیا صارفین کا کہنا ہے کہ صدف نے بالکل ٹھیک کہا ہے جبکہ زیادہ تر کا کہنا ہے کہ صدف نے بالکل غلط کہا ہے کہ . میاں بیوی ایک گاڑی کے دو پہیے ہوتے ہیں اور دونوں کو نہ صرف ساتھ مل کر چلنا چاہیے بلکہ اک دوسرے کو تحفے تحائف بھی دینے چاہیں اس سے آپسی پیار بڑھتا ہے .

بالی وڈ‌کے دبنگ سلمان خان کسی ہیروئین کے ساتھ کریں اور ان کا نام اس سے نہ جڑے یہ نہیں‌ہو سکتا.حال ہی میں سلمان خان نے اپنی فلم کسی کا بھائی کسی کی جان کی شوٹنگ مکمل کی ہے اس میں ان کے ساتھ نوجوان نسل کی نمائندہ فنکارہ پوجا ہیگڑے کام کررہی ہیں ، پوجا اور سلمان خان کی افئیر کی خبریں کافی گرم ہیں. ان خبروں کی تردید کرتے ہوئے ان کے قریبی دوستوں نے کہا ہےکہ شرم کریں وہ لوگ جو سلمان خان کا نام پوجا ہیگڑے کے ساتھ جوڑ رہے ہیں کیونکہ پوجا سلمان خان کی بیٹیوں کی عمر کی ہیں. ان دونوں نے ایک ساتھ کسی کا بھائی کسی کی جان میں‌کام کیا

ہے اور کو سٹارز کے ساتھ بے تکلفی یا اچھی سلام دعا کا مطلب یہ نہیں ہے کہ ان کا کوئی چکر چل رہا ہے. بھارتی میڈیا نے چند دن قبل یہ دعوی کیا تھا کہ سلمان اور پوجا ایک دوسرے کو ڈیٹ کررہے ہیں ، ان دونوں نے ان خبروں کی تردید نہیں‌کی لیکن ان کے قریبی دوست ایسی خبروں پر بھڑک اٹھے ہیں اور ایسی خبریں پھیلانے والوں‌سے کہہ رہے ہیں کہ شرم سے ڈوب مریں ایک بچی کا نام سلمان خان کے ساتھ جوڑتے ہوئے ، دوستوں کا کہنا ہے کہ سلمان خان کو اپنی فلموں کی تشہیر کے لئے بھی ایسی گھٹیا حرکتیں کرنا سخت ناپسند ہیں .

صبا قمر پاکستان شوبز انڈسٹری کی انتہائی باصلاحیت اداکارہ ہیں انہوں‌نے اپنے ہر نئے پراجیکٹ سے اپنے مداحوں کا دل جیت لیا اور ناقدین کو بھی اپنے کام کی تعریف کرنے پر مجبور کر دیا. سرمد کھوسٹ اور صبا قمر نے جب جب ایکساتھ کام کیا ایک نئی چیز بن کر سامنے آئی. ان دونوں نے رواں برس فلم کملی کے لئے ایک ساتھ کام کیا. صبا قمر نے سرمد کھوسٹ کی ڈائریکشن میں کام کیا اور سرمد نے صبا سے ایسا کام لیا کہ جس کودیکھ کر شائقین کے رونگھٹے کھڑے ہوگئے. اس قسم کی فلمیں پاکستان میں کم بنتی ہیں، اس فلم کا اعزاز یہ ہے کہ یہ اب نیدرلینڈ کے فلم فیسٹیول میں جارہی ہے،یہ فیسٹول اگلے برس نیدرلینڈ کے شہر روٹرڈیم میں منعقد ہوگا اور یہ 25 جنوری سے 5 فروری تک

جاری رہے گا۔ اس سے قبل یہ فلم بھارتی فلمی میلے میں بھی پیش کی جا چکی ہے. نیدر لینڈ کے فلمی میلے میں اس فلم کا جانا پاکستانیوں کے لئے فخر کی بات ہے. صبا قمر اور سرمد کھوسٹ کے ساتھ فلم کی پوری ٹیم اس کامیابی پر خوش ہے. ان کے ساتھ ساتھ ان کے مداح بھی کافی پرجوش اور خوش ہیں. صبا قمر نے کملی فلم کی ریلیز کے وقت ایک انٹرویو میں کہا تھا کہ یہ میری زندگی کا یادگار ترین کردار ہے جو میں نے کیا ہے. انہوں نے یہ بھی کہا تھا کہ فلم شوٹ کرواتے ہوئے کئی بار میں اصل میں‌رو پڑی تھی.

شوبز انڈسٹری میں بہت سارے ایسے فنکار ہیں جن کو ایوارڈز کی تقسیم پر اعتراض ہے. ان کا کہنا ہے کہ ایوارڈز کی تقسیم منصفانہ نہیں‌کی جاتی، اپنی پسند کے فنکاروں‌کو ایوارڈ‌دے دئیے جاتے ہیں. ایسا ہی کہنا ہے سیئنر اداکارہ سیمی راحیل کا ان کا کہنا ہے کہ بہت سارے ایسے فنکاروں‌کو ایوارڈ دئیے جاتے ہیں جنہوں نے کچھ کیا بھی نہیں ہوتا نہ ہی ان کے کریڈٹ پر اتنا کام ہوتا ہے. انہوں نے کہا کہ مجھے سمجھ نہیں آتی کہ ایوارڈز جو دئیے جا رہے ہیں وہ کن بنیادوں پر دئیے جاتے ہیں. جن کو ایوارڈ ملنے چاہیں ان کو دئیے نہیں جاتے. یہ ایک کھیل ہے جو چل رہا ہے

اور ہم سب دیکھ رہے ہیں. سیمی راحیل نے کہا کہ ایوارڈز کسی بھی فنکار کی حوصلہ افزائی کے لئے بہت ضروری ہوتے ہیں لیکن مجھے تو نہ کبھی ایوارڈ دیا گیا اور نہ ہی کسی ایوارڈ شو میں مجھے مدعو کیا گیا ہے. سیمی راحیل تو نے تو باقاعدہ طور پر کہہ دیا کہ ہماری انڈسٹری میں برے لوگوں کو ایوارڈز دئیے جا رہے ہیں ایسا نہیں‌ہونا چاہیے ، جن کا حق ہے ایوارڈ اسی جو دیا جانا چاہیے.یاد رہے کہ اس سے قبل اداکار علی عباس اور عفت رحیم نے بھی ایوارڈز کے فئیر ہونے پر سوال اٹھایا تھا اور کہا تھا کہ ایوارڈز زیادہ تر سفارشی ہوتے ہیں اسلئے ہمیں ان پر یقین نہیں ہے.

ایسا محسوس ہوتا ہے کہ شان شاہد آج کل کی بننے والی فلموں سے مطمئن نہیں ہیں نہ ہی ان میں کام کرنے والے آرٹسٹوں سے مطمئن ہیں. وہ کوئی بھی موقع ہاتھ سے نہیں‌جانے دیتے ، ان کو جہاں جب موقع ملتا ہے آج جو فلمیں بن رہی ہیں ان کے ڈائریکٹرز اور ایکٹرز کو کھری کھری سنا دیتے ہیں . حال ہی میں شان شاہد نے ایک انٹرویو دیا ہے اس میں انہوں نے کہا کہ ہر کام کو کرنے کا طریقہ سلیقہ ہوتا ہے. فلموں میں کام کرنے سے کسی کو کوئی بھی منع نہیں‌کرسکتا لیکن ضروری ہے کہ آپ کام سیکھ کر آئیں . اگر ٹی وی کے فنکار بھی فلموں‌میں کام کرنا چاہتے ہیں تو وہ بڑی سکرین کی ڈیمانڈ کو سمجھیں اور کام

سیکھیں. شان شاہد نے یہ بھی کہا کہ مولا جٹ میں‌حمزہ علی عباسی اور فواد خان نے اچھی پنجابی نہیں بولی ، لیکن اچھی بات ہے کہ فلمیں اچھا بزنس کر رہی ہیں . انہوں نے کہا کہ فلمی صعنت کی بحالی میں ہم سب کو اپنا اپنا کردار ادا کرنا ہو گا .یاد رہے کہ حال ہی میں شان کی فلم ضرار ریلیز ہوئی ہے فلم خاص بزنس تو نہیں‌کر سکی لیکن اس میں ان کی اداکاری اور ڈائریکشن کو کافی پسند کیا گیا ہے.

نوازالدین صدیقی بالی وڈ کے منجھے ہوئے اداکار ہیں انہوں نے ابھی تک جتنا بھی کام کیا وہ اپنی مثال آپ ہے. بڑے اور نامور آرٹسٹ ان کے ساتھ کام کرکے فخر محسوس کرتے ہیں. نوازالدین صدیقی نے شاہ رخ خان اور سلمان خان کے ساتھ کام کیا ہے انہوں نے اپنے حالیہ انٹروقیو میں ان دونوں کے ساتھ کام کرنے کے تجربے کو شئیر کیا ہے،. ان کا کہنا ہے کہ میں وہ خوش نصیب آرٹسٹ ہوں جس نے شاہ رخ خان اور سلمان خان دونوں‌کے ساتھ کام کیا ہے. دونوں مزاج کے اعتبار سے ایک دوسرے سے کافی مختلف ہیں. انہوں نے کہا کہ سلمان خان بہت ہی کھلے دل کے مالک ہیں اتنے کھلے دل کے مالک ہیں کہ اپنے حصے کے بہترین ڈائیلاگز بھی سامنے والے کو دے دیتے ہیں اور یہ نہیں سوچتے کہ ان کے حصے کے ڈائیلاگز سے دوسرا آرٹسٹ

کہیں بہت زیادہ داد نہ وصول کرلے. دوسری طرف شاہ رخ خان بہت زیادہ ریہرسل کرنے پر یقین رکھتے ہیں وہ ایک سین کرنے سے قبل کافی ریہرسل کرتے ہیں اور میں نے ان کے ساتھ بہت زیادہ ریہرسلز کی ہوئی ہیں . مجھے تو ان دونوں کے ساتھ کام کرنے کا بہت مزا آتا ہے. انہوں نے کہا کہ ان دونوں کے ساتھ کام کرکے بہت کچھ سیکھنے کا موقع ملا ہے. انہوں نے کبھی بھی اپنے رویے سے یہ ظاہر نہیں ہونے دیا کہ یہ دونوں بالی وڈ‌ پر راج کررہے ہیں‌.