Category: شوبز

اداکارہ ہانیہ عامر نے اپنے حالیہ انٹرویو میں کہا ہے کہ میں اپنی زندگی کو بھرپور انداز میں گزار رہی ہوں اور میں ہر کسی سے کہتی ہوں کہ زندگی کو بھرپور انداز سے گزاریں . جو لمحہ آپ گزار رہے ہیں وہ آخری بھی تو ہو سکتا ہے تو کیوں نہ ہم اپنی زندگی کو بھرپور انداز سے جئیں اس کا ہر لمحہ آخر سمجھ کر بھرپور گزاریں. ہانیہ عامر نے کہا کہ کسی کو نہ برا کہیں نہ کسی کا برا چاہیں اور نہ کریں باقی خیر ہے. میں نے ہمیشہ کوشش کی ہے کہ اپنے مخالفین کو بھی نہ برا کہوں اور میں نہیں‌ کہتی . میں اپنے کام سے کام رکھتی ہوں . ہانیہ عامر نے کہاکہ شوبز ایک ایسی

فیلڈ‌ ہے کہ جہاں کوئی بھی بات چھپی نہیں رہتی لیکن کسی کی زندگی بھی پرائیویٹ‌ نہیں رہتی. مجھے ایک گلہ ہے کہ یہاں کسی کو کسی کے ساتھ دوستی کو الگ ہی رنگ دے دیا جاتا ہے جو کہ بہت ہی غلط ہے ایسا نہیں ہونا چاہیے ہم کولیگز ہیں ایک دوسرے کے ساتھ اٹھتے بیٹھتے ہیں اچھا تعلق بن جاتا ہے کہیں ایک ساتھ نظر آجاتے ہیں تو سکینڈل بنا دیا جاتا ہے جو کہ یقینا تکلیف دہ ہے. یاد رہے کہ ہانیہ عامر کی آج کل فرحان سعید کے ساتھ دوستی کے بہت زیادہ چرچے ہیًں.

پچھلے دنوں ایک اداکارہ کی آن سیٹ خودکشی نے بھارتی شوبز انڈسٹری میں ہلچل مچا دی. وہ اداکارہ کوئی اور نہیں بلکہ تنیشا شرما ہیں .اس کیس میں اب ایک نیا موڑ آگیا ہے کیونکہ تنیشا کی والدہ نے اپنی بیٹی کے بوائے فرینڈ شیزان خان پر الزامات کی بوچھاڑ‌کرتے ہوئے کہا ہے کہ میری بیٹی کو شیزان خان نے دھوکہ دیا جس کی وجہ سے وہ دلبرداشتہ ہو گئیں اور انہوں نے موت کو گلے لگا لیا.انہوں نے کہا کہ شیزان خان ایک وقت میں دوسری خاتون کے ساتھ بھی رشتے میں تھا اور میری بیٹی کو شادی کے نام پر استعمال کر رہا تھا۔ تین ماہ تک شیزان خان نے میری بیٹی سے اپنا دوسری خاتون کے ساتھ افیئر چھپائے رکھا۔یاد رہے کہ دو روز قبل معروف اداکارہ تنیشا شرما نے شوٹنگ کے دوران پھندہ لے کر خودکشی کر

لی تھی ان کی والدہ کا کہنا ہے کہ انکی بیٹی کا اپنے ساتھی اداکار شیزان خان کے ساتھ افئیر چل رہا تھا اور شیزان خان نے ان کو شادی کا جھانسا دیکر دھوکہ کیا اور اسے خود کشی پر مجبور کر دیا. تازہ اطالاعات یہ ہیں کہ پولیس نے شیزان خان کو گرفتار بھی کر لیا ہے اور ان سے پوچھ گچھ جاری ہے. دیکھنا یہ ہے کہ تنیشا کی خود کشی کی اصل وجوہات سامنے آتی ہیں یا نہیں یا یہ کیس بھی دوسرے کیسز کی طرح فائلوں میں دب کر رہ جائیگا .

نورا فتحی نے بالی وڈ میں ڈانسر کی حیثت سے بہت جلد اپنا مقام بنا لیا ہے. انکی حال ہی میں فیفا ورلڈ کپ 2022 سنسنی خیز پرفارمنس نے سب کو حیران کر دیا .نورا فتحی کا شمار بالی ووڈ کی مقبول ترین اداکاراؤں اور رقاصہ میں ہوتا ہے۔ ان کے گانے شائقین میں دھوم مچا چکے ہیں۔ آج بالی وڈ کی تقریباً ہر دوسری فلم میں ایک آئٹم سانگ ہے جس میں سنسنی خیز دیوا نورا شامل ہیں۔ کیا آپ ان کے خاندانی پس منظر سے واقف ہیں؟ نہیں تو ہم بتاتے ہیں کہ نورا فتحی 6 فروری 1992 کو ایک مسلمان گھرانے مونٹریال، کیوبیک، کینیڈا میں پیدا ہوئیں۔ ان کی ماں اور باپ مراکش (شمالی افریقی) ہیں۔ نورا کا ایک چھوٹا بھائی ہے جس کا نام عمر فتحی ہے ۔ نورا کے والدین میں طلاق ہو چکی ہے اور ان کے والد کے جانے کے بعد اداکارہ کو اپنے بھائی کی کفالت کے لیے اپنا کالج چھوڑنا پڑا۔ نورا نے اپنی

ابتدائی تعلیم ویسٹ ویو سینٹینیل سیکنڈری اسکول، ٹورنٹو میں مکمل کی۔ اس کے بعدانہوں نے یارک یونیورسٹی، ٹورنٹو میں تعلیم حاصل کی۔ اپنے کالج کے دوران ہی وہ ایک پیشہ ور بیلی ڈانسر بن گئیں۔ قابل ستائش بات یہ ہے کہ انہوں نے کبھی کوئی ٹریننگ نہیں لی لیکن اس ڈانس میں کمال مہارت رکھتی ہیں. نورا فتحی کہتی ہیں کہ ان کے والدین ان کے ڈانس کے خلاف تھے اور نہیں چاہتے تھے کہ وہ اپنے شوق کو آگے بڑھائیں۔ اتنی پابندیوں اور قدامت پسند والدین ہونے کے باوجود وہ اپنے کمرے میں ڈانس کرتی تھیں اور لوگوں کو اپنی ویڈیوز دکھاتی تھیں۔

شاہد آفریدی کو جب سے قومی کرکٹ ٹیم کا چیف سلیکٹر مقرر کیا گیا ہے ان پر تنقید ہو رہی ہے. بہت سارے لوگ اس فیصلے سے خوش ہیں اور بہت سارے نالاں . پاکستان کرکٹ ٹیم کے سابق لیگ اسپنر دانش کنیریا نے شاہد آفریدی کی سلیکشن پر سوال اٹھا دیا ہے انہوں اس سلیکشن پر طنز کرتے ہوئے 2010 میں آسٹریلیا کے خلاف ون ڈے میچ میں آفریدی کی گیند چبانے کی تصویر اپ لوڈ کرتے ہوئے ہنسنے والے ایمو جی کے ساتھ چیف سلیکٹرلکھا۔دانش کنیریا کی اس پوسٹ پر ان کو شدید تنقید کا سامنا کرنا پڑا . شاہد آفریدی کے پرستاروں نے ان کو لیا آڑھے ہاتھوں .

فہد مصطفی جن کی شاہد آفریدی کے ساتھ اچھی خاصی دوستی ہے انہوں نے بھی لیا دانش کنیریا کو آڑھے ہاتھوں اور کی ایک ایسی طنز جس نے ان کا منہ بند کر دیا فہد مصطفی نے لکھا کہ شاہد خان آفریدی آپ کی طرح میچ فکسر نہیں ہے. فہد مصطفی کے اس کمنٹ کے بعد بہت سارے سوشل میڈیا صارفین نے ان کی بات سے اتفاق کرتے ہوئیے دانش کنیریا کی دھلائی کر دی . اور بولے شاہد آفریدی کی چیف سلیکٹر کے طور پر سلیکشن خوش آئند ہے آپ بتائیے آپ کہاں ہیں اور کیا کررہے ہیں؟.

گلوکار سجاد علی جن کے گیتوں کے انڈیا پاکستان بلکہ پوری دنیا میں دیوانے پاجئے جاتے ہیں. سجاد علی کا شمار پاکستان کے منجھے ہوئے گلوکاروں میں ہوتا ہے. وہ اپنے پرستاروں کے ساتھ سوشل میڈیا کے زریعے رابطے میں رہتے ہیں . حال ہی میں انہوں نے سوشل میڈیا پر اپنی ایک وڈیو ڈالی جس میں وہ یہ کہتے ہوئے سنائی دے رہے ہیں میں ایک نئی فلم کا میوزک سن رہا تھا تو مجھے اپنے ایک ایسا گانا یاد آگیا جو کہ میں نے 26 سال پہلے گایا تھا. سجاع علی نے کہا کہ میں اپنا یہ گیت آپ لوگوں کے ساتھ بھی شئیر کرنا چاہتا ہوں . اس کے بعد سجاد علی نے وہ گانا اپنے

مداحوں کے ساتھ شئیر کیا گانے کے بول ہیں‌” اب کے ہم بچھڑے تو شاید کبھی خوابوں میں ملیں” سجاد علی کے پرستاروں نے ان کے گیت کو بے حد سراہا . سوشل مٰڈیا پر سجاد علی کی بہترین گلوکاری کے تبصرے ہونے لگے. سجاع علی کے مداحوں نے ان کا شکریہ ادا کیا کہ انہوں نے اپنا 26 سال پرانا ایک بہترین گانا سنا کر دل خوش کر دیا ہے. یاد رہے کہ سجاع علی پاکستان کے واحد ایسے گلوکار ہیں جن کا کوئی بھی ایسا گیت نہیں جسے عوامی پذیرائی حاصل نہ ہو.

بالی وڈ ایک ایسی جگہ ہے جہاں مداحوں کو بہت ساری محبت کی کہانیاں دیکھنے کو ملتی ہیں۔ ان میں سے کچھ کا اختتام خوشی سے ہوتا ہے لیکن کچھ کااختتام ایسا ہوتا ہےکہ دل دُکھ کر رہ جائے. سلمان خان اور سنگیتا بجلانی کی لواسٹوری بھی کچھ ایسی ہی تھی اسکا اختتام خوشگوار نہ ہوا. سنگیتا بجلانی نے حال ہی میں سلمان خآن کی سالگرہ میں شرکت کی ان کی شرکت نے ایک بار پھر ان کے پرانے تعلق کی کہانیاں دہرا دی ہیں ، سلمان اور سنگیتا بجلانی ایک بار پھر چرچہ میں آگئے ہیں. سلمان خان نے سنگیتا بجلانی کو سالگرہ کی تقریب سے رخصت کرنے سے پہلے اپنی بانہوں میں لپیٹ کر گرمجوشی سے گلے لگایا. جب تک سنگیتا بجلانی اپنی گاڑی میں بیٹھ کر رخصت نہیں‌ہو گئیں سلمان خان کھڑے رہے. ان دونوں‌ کی لو اسٹوری کی شروعات کیسے ہوئی آئیے ہم بتاتے ہیں آپ کو، سلمان خان کو بالی وڈ میں آتے ہی جس لڑکی سے پیارا ہوا اسکا نام سنگیتا بجلانی تھا. دونوں‌ کی محبت کا رشتہ قریب دس سال تک رہا ایک دوسرے کے ساتھ ان دونوں نے جینے مرنے کی قسمیں کھائیں یہاں تک کہ ایک دوسرے کے ساتھ شادی کرنے کا فیصلہ بھی کر لیا . رپورٹس کے مطابق سلمان اور سنگیتا نے 27 مئی 1994 کو شادی کی تاریخ بھی طے کر لی تھی۔ شادی کے دعوت نامے بھی چھپ گئے تھے. ان کی شادی کی تیاریاں زور و شور سے جاری تھیں کہ اداکارہ نے سلمان کو دوسری لڑکی کے

ساتھ رنگے ہاتھوں پکڑ لیا۔یون سنگیتا بجلانی اور سلمان خان کا رشتہ اختتام پذیر ہو گیا. کافی سال کے بعد جب سلمان خان کافی ود کرن میں آئے تو ان سے جب یہ سوال ہوا کہ کیا آپکی شادی ہوتے ہوتے رہ گئی کیونکہ آپ کسی اور لڑکی کے ساتھ پکڑے گئے تھے تو سلمان خان نے پہلے اس سوال کو نظر انداز کرنے کی کوشش کی پھر انہوں نے کہا کہ ہاں میں پکڑا گیا تھا. میڈیا رپورٹ کے مطابق سلمان نے سنگیتا کو دھوکہ اداکارہ سومی علی کی وجہ سے دیا کیونکہ وہ ان کے ساتھ دوستی کے تعلقات کو بڑھا چکے تھے جسے سنگیتا بجلانی نے برداشت نہ کیا اور سلمان خآن کے ساتھ اپنی شادی کو کینسل کر دیا. اسکے بعد سنگیتا بجلانی کی زندگی میں آئے ہندوستان کے سابق کرکٹ کپتان محمد اظہرالدین، ان دونوں کی دوستی ہوئی اس کے بعد یہ دونوں شادی کے بندھن میں بندھ گئے. تاہم اب کئی سال کے بعد سنگیتا بجلانی کو سلمان خان کی سالگرہ کی تقریب میں دیکھ کرہر آنکھ حیران رہ گئی . جہاں تک سومی علی کے ساتھ سلمان خان کے تعلقات کی بات ہے تو انکے ساتھ بھی سلمان خان کا رشتہ شادی تک نہ پہنچ سکااور وہ بھی سلمان خان کی زندگی سے دُکھی ہو کر چلی گئیں.

بالی وڈ کے اداکار سلمان خان نے اپنی 57 ویں سالگرہ منائی ان کی سالگرہ کی تقریب ہمیشہ کی طرح بالی وڈ‌کے ستاروں سے جگمگائی . سلمان خان کی سالگرہ میں شاہ رخ خان نے خصوصی طور پر شرکت کی.جیسے ہی شاہ رخ خان سلمان خان کی سالگرہ کے وینیو پر پہنچے ان کا استقبال سلمان خان نے خود کیا انہیں ریسیو کرنے کےلئے خود ان کی گاڑی تک چل کر گئے ان کو گلے سے بھی لگایا اور اس موقع پر شاہ رخ خان نے اداکار کو سالگرہ کی مبارکباد دی. رپورٹس کے مطابق کرن ارجن کی خوبصورت اس جوڑی نے پارٹی میں زبردست دھوم مچائی اور

صبح تک ایک ساتھ رقص کیا۔سلمان خان کی سالگرہ کی تقریب کی تصاویر اور ویڈیوز سوشل میڈیا پر وائرل ہو رہی ہیں۔تصاویر میں دونوں سٹارز کی ایک دوسرے کے ساتھ دوستی اور محبت کو دیکھا جا سکتا ہے. سالگرہ میں جہاں دیگر سٹارز نے شرکت کی وہیں کسی کا بھائی کسی کی جان کی اداکارہ پوجا ہیگڑے نے بھی شرکت کی . سلمان خان نے اپنی سالگرہ میں آنے والے تمام سٹارز کا خود گرمجوشی سے استقبال کیا. ان کی سالگرہ میں آنے والوں میں سنیل شیٹی ، رتیش دیش مکھ ، جنیلیا ڈی سوزا، ارباز خان ، تبو ، کارتک آریان و دیگر کے نام شامل ہیں .

بالی وڈ کے دبنگ کہلائے جانے والے سلمان خان آج 57 سال کے ہو گئے ہیں. ان کیرئیر تیس سال پر محیط ہے.انہوں نے بطور اداکار اور پرڈیوسر کام کیا اور اپنی بے مثال اداکاری اور کام کی وجہ سے متعدد ایوارڈز بھی حاصل کئے. سلمان‌خان کو بہترین پروڈیوسر اور اداکار کے لئے نینشل ایوارڈز کے علاوہ فلم فئیر سے بھی نوازا گیا. انہیں باکس آفس کا کنگ بھی کہا جاتا ہے کیونکہ انہوں ایسی سپر ہٹ فلمیں دیں کہ جنہوں نے کروڑوں روپے کا بزنس کیا. ہندوستانی سینما کے سب سے زیادہ کامیاب اس اداکار کو فوربس نے 2015 اور 2018 میں دنیا کی سب سے زیادہ کمائی کرنے والی مشہور شخصیات کی فہرست میں شامل کیا.سلمان خان نے کیرئیر کا آغاز بیوی ہو تو ایسی (1988)

میں معاون کردار سے کیا، جس کے بعد ان کے ہاتھ لگی میں نے پیار کیا (1989) اس فلم کی کامیابی نے انہیں راتوں رات سپر سٹار بنا دیا. سلمان خان کے کریڈٹ پر ہم آپ کے ہیں کون (1994)، ایکشن تھرلر کرن ارجن (1995)، کامیڈی بیوی نمبر 1 (1999)، اور فیملی ڈرامہ ہم ساتھ ساتھ ہیں (1999) ، دبنگ (2010)، ریڈی (2011)، باڈی گارڈ (2011)، ایک تھا ٹائیگر (2012)، دبنگ 2 جیسی سب سے زیادہ کمائی کرنے والی فلمیں شامل ہیں، نہیں جو سٹار ڈم حاصل ہوا وہ کم کم اداکاروں کو حاصل ہوتا ہے۔ سلمان خان بگ باس کئی برس سے رئیلٹی شو بگ باس کی میزبانی کے فرائض بھی انجام دے رہے ہیں.