Category: شوبز

سائرہ یوسف اور شہروز دونوں‌ کے درمیان طلاق ہو چکی ہے لیکن اب ان کا ایک ساتھ پراجیکٹ ریلیز ہو رہا ہے. جی ہاں دونوں نے بےبی لیشس فلم میں کام کیا ہے اور اس فلم کا اب ٹیزر بھی ریلیز ہوا ہےٹیزر کو دیکھ کر اندازہ لگایا جا سکتا ہےکہ جیسے یہ دونوں اس میں میاں بیوی کا کردار ادا کریں گے. دوسری طرف سائرہ اور شہروز دونوں اس پراجیکٹ‌کو لیکر کافی خوش ہیں دونوں نے اپنے اپنے سوشل میڈیا اکائونٹس پر ٹیزر شئیر کرتے ہوئے خوشی

کااظہار کیا ہے دونوں کا کہنا ہے کہ ان کی یہ فلم روٹین سے ہٹ کر ہے اور شائقین اسے ضرور پسند کریں گے. یاد رہے کہ سائرہ اور شہروز دونوں کی ایک بیٹی بھی ہے اور دونوں میں طلاق ہو چکی طلاق کے فورا بعد ہی شہروز سبزواری نے ماڈل صدف کنول سے شادی رچائی. اب صدف کنول بھی شہروز کی بیٹی کی ماں بن چکی ہیں. صدف اور شہروز نے ایک ساتھ حال ہی میں ہم برائیڈل کٹیور ویک میں ریمپ پر واک کی ہے، اس موقع پر صدف کا کہنا تھا کہ میں نے چار سال کے بعد ریمپ پر واک کی ہے بہت اچھا لگا ہے اور اپنے مداحوں کی شکر گزار ہوں کہ وہ مجھے ہر بار اچھا ریسپانس دیتے ہیں .

اداکار فیروز خان کیا سابقہ اہلیہ علیزے سلطان نے حال ہی میں اپنی چند تصاویر سوشل میڈیا پر شئیر کی ہیں جن میں ان کو ماڈلنگ کرتے ہوئے دیکھا جا سکتا ہے. تصاویر میں وہ کافی خوبصورت لگ رہی ہیں اور ایسا لگ رہا ہے کہ انہوں نے کسی برینڈ کے لئے ماڈلنگ کی ہے. علیزے نے اپنی تصاویر کو متعلقہ برینڈ کے ساتھ ٹیگ بھی کیا ہے. ان کی ان تصاویر کے بعد سوشل میڈیا پر تبصرے کئے جا رہے ہیں کہ شاید انہوں نے ماڈلنگ شروع کر دی ہے . تاہم علیزے سلطان نے ماڈلنگ کی دنیا میں باقاعدہ قدم رکھنے کا اعلان تو نہیں‌کیا لیکن ان تصاویر کو دیکھ کرکہا جا سکتا ہےکہ علیزے شاید مستقبل میں ماڈلنگ کرنے کا ارادہ رکھتی ہیں.

یاد رہے کہ علیزے سلطان اور فیروز خان کی رواں برس طلاق ہوئی ہے ان کے دو بچے ہیں جن کی حوالگی کا کیس فی الحال عدالت میں چل رہا ہے. عدالت نے بچوں کے اخراجات کے ھوالے عدالت نے فیروز خان کو حکم دیا ہے کہ وہ 80 ہزار روپے ماہانہ ادا کریں گے اور پیسے ہر ماہ 14 تاریخ کو دئیے جانا لازمی ہو گا . فیروز خان کے ناقدین نے عدالت کے اس فیصلے کو بہت سراہا ہے کہا ہے کہ فیروز خان کو بطور باپ اپنی ذمہ داریاں نبھانی چاہیں.

علی ظفر جو کہ سوشل میڈیا پر کافی متحرک رہتے ہیں وہ اپنی ٹویٹس کے زریعے لوگوں میں‌ بیداری پھیلانے کا کام کرتے ہیں. علی ظفر بہت زیادہ سیاسی ٹویٹس نہیں‌ کرتے وہ اپنی رائے ضرور ہر معاملے پر دیتے ہیں لیکن مناسب انداز میں. علی ظفر نے حال ہی میں ایک ٹویٹ کی ہے اور اس میں لکھا ہے کہ ہر کوئی ملک کے نمبر ون مسئلے کو نظر انداز کررہا ہے. علی ظفر نے کہا کہ کسی کو ملک کے مسائل کی فکر نہیں ہے.

انہوں نے یہ لکھتے ہوئے ساتھ ہی آبادی کو کنٹرول کرنے کو ہیش ٹیگ کے ساتھ لکھا. یعنی علی ظفر سمجھتے ہیں‌کہ آبادی کا بڑھنا ملک کا نمبر ون مسئلہ ہے جسے سیاستدانوں سمیت ہر کوئی نظر انداز کررہا ہے اور اس پر بات نہیں کر رہا . علی ظفر کی اس پوسٹ پر بہت سارے سوشل میڈیا صارفین نے اپنے اپنے انداز میں‌ تبصرہ کیا.

یاد رہے کہ علی ظفر نہ صرف ملک کے نمبر ون گلوکار ہیں بلکہ انہوں نے ڈراموں اور فلموں میں بھی اداکاری کے جوہر دکھائے ہیں. انہوں نے بالی وڈ میں کترینہ کیف جیسی اداکارائوں کے ساتھ کام کرکے داد وصول کی. علی ظفر کو بالی وڈ میں ان کی بہترین اداکاری کی وجہ سے عزت کی نگاہ سے دیکھا جاتا ہے.

 علی ظفر نے گزشتہ روز اپنا نیا گانا ’ہم مزدور‘ ریلیز کردیا

میشا شفیع نے قانون کو مذاق سمجھا ہوا ہے،عدالت کا اظہار برہمی

میشا شفیع کی درخواست جرمانے کے ساتھ مسترد

اداکار آغا علی کی اہلیہ حنا الطاف نے حال ہی میں ایک انٹرویو میں لڑکیوں کے والدین کو دیا ہے ایک بہت ہی قیمتی مشورہ انہوں نے کہا کہ یہ مت سوچیں کہ لڑکی عمر زیادہ ہو گئی تو شادی نہیں‌ہو گی بلکہ یہ سوچیں کہ ان کو بااخیتار بنانے کےلئے کیا کیا کرنا ہے. انہوں نے کہا کہ ہمارے ہاں عجیب ہی رواج ہے کہ اٹھاراں انیس سال کی لڑکی شادی ہوجائے تو ہوجائے اس سے اوپر ہوجائے تو کہا جاتا ہےکہ لڑکی کی عمر بہت زیادہ ہو گئی ہے اس لئے اسکی شادی نہیں‌ہو سکتی . والدین کو بچیوں کی شادی کے لئے بہت پاپڑ بیلنے پڑتے ہیں. حنا نے کہا کہ لڑکی کو بااختیار

بنائیں اپنے پائوں پر کھڑا کریں اور نکل آئیں اس سوچ کہ سے اٹھاراں انیس سال کی لڑکی کی فورا شادی کر دینی ہے. لڑکی کو شادی کے لئے بالکل بھی دبائو میں نہ لائیں. یوں حنا الطاف نے والدین کو متحرک کیا کہ وہ کم عمر لڑکی پر شادی کا دبائو ڈالنے کی بجائے اس کو اپنے پائوں پر کھڑا کریں . یاد رہے کہ حنا الطاف نے بھی آغا علی کے ساتھ کم عمر میں ہی محبت کی شادی کی دونوں ایک دوسرے کے ساتھ کافی خوش ہیں. آغا علی کا کہنا کہ حنا جتنی اچھی اداکارہ ہیں اس سے بھی اچھی بیوی ہیں.

آئمہ بیگ جن کی گلوکاری کوخاصا پسند کیا جاتا ہے وہ بھی دوسرں کی طرح میڈم نور جہاں کے فن کی دیوانی ہیں. انہوں نے نور جہاں کی 22 ویں برسی کے موقع پر کہا ہے کہ میڈیم نور جہاں کی گائیکی سے ہم جیسے کیا ہم سے بعد میں آنے والے بھی یہاں تک کہ رہتی دنیا تک لوگ سیکھتے رہیں گے. ان کی گائیکی ہم سب کے لئے مشعل راہ ہے. آئمہ بیگ نے کہا کہ نور جہاں کے گائے ہوئے گیت کا کور کرتے ہوئے بھی ڈر لگتا ہے بلکہ اس خیال سے بھی ڈر لگتا ہے. کیونکہ دل میں‌احساس رہتا ہے کہ کہیں‌کوئی غلطی نہ ہوجائے. آئمہ بیگ نے کہا کہ ان کا انداز سب سے

الگ تھا وہ جیسا میک اپ کرتی تھیں‌جیسے ملبوسات زیب تن کرتی تھیں‌ وہ سب اتنا خوب صورت تھا کہ دیکھ کر دل خوش ہوجاتا تھا. آئمہ بیگ نے کہا کہ مجھے نور جہاں‌کے بہت سارے گانے پسند ہیں اور اکثر گنگناتی بھی رہتی ہوں لیکن ان کا ایک گیت مجھے بہت اچھا لگتا ہے ” میں‌ تے میرا دلبر جانی بلیاں تے پریم کہانی ” . یہ گیت جتنی بار سنو اتنی باراچھا لگتا ہے. آئمہ بیگ نے کہا کہ نور جہاں ہمارے ملک کی شان ہیں ہماری موسیقی کی جان ہیں .

سینئر اداکارہ سنگیتا بیگم نے ملکہ ترنم نور جہاں کی 22 ویں برسی کے موقع پر ایک انٹرویو دیا ہے اس میں انہوں نے کہا ہے کہ میڈم نور جہاں کے ساتھ میرا بہت سارا وقت گزرا. انہوں نے دو بار مجھے اپنی بہو بنانے کی کوشش کی ، پہلے وہ اچھو کا رشتہ لیکر آئیں میں نے کہا کہ نہیں‌اچھو تو میرا بھائی ہے پھر وہ اکبر کے لئے مجھے بہو بنانا چاہتی تھیں لیکن ایسا نہ ہو سکا. وہ اکثر میرے گھر میں‌آجاتی تھیں اور کہا کرتی تھیں کہ روٹیاں بنائو. میں گول گول چھوٹی چھوٹی روٹیاں بناتی تھی ، روٹیاں‌پھولتیں تو میڈم بہت خوش ہوتیں. ان کا ہئیر سٹائل ان کا ساڑھی پہننے کا انداز مجھے بہت پسند تھا. ایک سوال کے جواب میں سنگیتا بیگم نے کہاکہ میڈم نور جہاں کی نقل اس دنیا میں کوئی بھی نہیں‌کر سکتا.

سنگیتا بیگم نے کہا کہ میڈم کے بہت سارے گیت مجھ پہ پکچرائز ہوئے ان کی اچھی عادت یہ تھی کہ وہ گانے سے پہلے پوچھ لیا کرتی تھیں کہ کس ہیروئین پر پکچرائز ہو رہا ہے، جس ہیروئین پر ان کا گانا پکچرائز ہوتا تو ایسا لگتا کہ اسی کی آواز ہے. جس دن ان کا انتقال ہوا تو میں بہت روئی مجھے ایسا لگا کہ جیسے میری ماں کا انتقال ہو گیا ہے.

سروں کی ملکہ نور جہاں کی آج بائیسویں برسی ہے نور جہاں آج بھی اپنے چاہنے والوں کے دلوں میں زندہ ہیں اورہمیشہ رہیں گی.انہوں نے ہزاروں گیت گائے کئی فلموں میں‌اداکاری کی ، پاکستان کی پہلی خاتون ڈائریکٹر ہونے کا اعزاز بھی رکھتی ہیں. ان کی خدمات کے عوض انہیں 1957 میں صدارتی ایوارڈ تمغہ امتیاز اور بعد ازاں پرائیڈ آف پرفارمنس سے بھی نوازا گیا۔ 1965 کی جنگ میں انہوں نے میرے ڈھول سپاہیا، اے وطن کے سجیلے جوانوں، ایہہ پتر ہٹاں تے نیئی وکدے، او ماہی چھیل چھبیلا، یہ ہواؤں کے مسافر، رنگ لائے گا شہیدوں کا لہو، میرا سوہنا شہر قصورنیں سمیت بے شمار ملی نغمے گا کر قوم اور فوج کے جوش و ولولہ میں اضافہ کیا۔ لتا منگیشکر سمیت ہندوستان اور پاکستان کے بڑے اور نامور موسیقار، گلوکار ان کی شخصیت آواز اور اداکاری کے دیوانے تھے.میڈم نور جہاں نے انہوں نے 10ہزار سے زائد غزلیں و گیت گائےجو آج بھی کانوں میں‌رس گھولتے ہیں. نور جہاں21

ستمبر 1923ء کو قصور میں پیدا ہوئیں۔انہیں پیار سے اللہ وسائی کہا جاتا تھا۔انکا گھرانہ موسیقی اور گانے بجانے سے وابستہ تھا اسی لیے ان کے گھروالوں نے انہیں بھی موسیقی کی تعلیم حاصل کرنے کے لیے استاد کے پاس بٹھادیا۔ استاد بابا غلام محمد سے موسیقی کی تربیت حاصل کی انہیں کلاسیکی روایتی ہندوستانی موسیقی کی خصوصی طور پر تربیت دی گئی تھی انکو ٹھمری، دھرپد، خیال اور دیگر اصناف موسیقی پر چھوٹی عمر میں ہی عبور حاصل ہوچکاتھا۔ انہوں نے کم سنی میں ہی اسٹیج پر اداکاری اور گلوکاری کا مظاہرہ کیا۔ جب تک یہ دنیا قائم ہے نورجہاں کو اور ان کی گائیکی کو یاد رکھا جائے گا.

ٹی وی اداکارہ اشنا شاہ جو اپنی اداکاری کی بجائے اپنے سکینڈلز کی وجہ سے زیادہ مشہور رہتی ہیں. لیکن ان کو بھی اب ان کے سپنوں کا راجہ مل گیا ہے. جی ہاں اشنا شاہ کسی کی محبت میں گرفتار ہو گئیں‌ہیں. انہوں نے منگنی کر لی ہے ان کا کہنا ہے کہ منڈا سوہنا وی اےتے چنگا وی اے بسمہ اللہ کرئیے. لہذا انہوں حمزہ امین نامی لڑکے سے منگنی کر لی ہے . اشنا شاہ نے اپنے منگنی کی تصاویر خود سوشل میڈیا پر شئیر کی ہیں اور کہا ہے کہ وہ بہت خوش ہیں کہ ان کو حمزہ جیسا لڑکا ملا ہے . اس سے زیادہ اشنا شاہ نے اپنے منگیتر کے حوالے سے کوئی معلومات شئیر

نہیں ہیں. یاد رہے کہ اشنا شاہ کے حوالے سے حال ہی میں ایک جعلی وڈیو بنا کر یوٹیوب پر شئیر کی گئی جس میں ظاہر کیا گیا کہ اشنا شاہ نے اداکار فیروز خان کے خلاف باتیں کی ہیں. اشنا شاہ نے جب ایسی وڈیو دیکھی تو انہوں نے اپنے مداحوں سے اپیل کی کہ وہ اس یوٹیوب چینل کو رپورٹ کریں جس نے ان کی جعلی وڈیو بنا کر شئیر کی اور لوگوں کو گمراہ کیا ہے. اس جعلی وڈیو کو پانچ لاکھ سے زیادہ لوگ اب تک دیکھ چکے ہیں.

بالی وڈ کے سٹارشاہ رخ خان نے حال ہی میں جنتا کی عدالت پروگرام میں شرکت کی انہوں نے میزبان رجت کے سوالوں کے جوابات دئیے. رجت شرما کے ایک سوال کے جواب میں شاہ رخ خان نے کہا کہ میں نہیں کہتا کہ میں نمبر ون ہوں دنیا کہتی ہے کہ میں نمبر ون ہوں. میں جب انڈسٹری میں ٰآیا تھا تو میں نے دعا کی تھی کہ خدا میں بالی وڈ‌ پر راج کروں. شاہ رخ خان نے یہ بھی انکشاف کیا کہ میں پچھلے بیس سال سے فلم میکرز سے پیسے نہیں لیتا میں کہتا ہوًں کے میرے حصے کے ٔپیسے فلم پر لگا دو بس اچھی فلم بنائو اگر ہٹ ہوجائے تو جو مرضی میں آئے دے

دینا. شاہ رخ خان نے کہا کہ میں ایوارڈز شوز میں ناچنے کے پیسے لیتا ہوں، برینڈز کا ایمبیسیڈر ہوں ماڈلنگ کرتا ہوں، میں ان سب سے خوب پیسہ کماتا ہوں لیکن فلموں سے نہیں‌کماتا. فلم میرا جنون ہے . میں مرتے دم تک فلموں میں کام کروں گا میری خواہش ہے کہ میری ہر فلم کو شائقین سراہیں اور وہ مجھے ہمیشہ دیکھنے کی خواہش رکھیں. شاہ رخ خان نے کہا کہ امیتابھ بچن ایک بڑے اداکار ہیں میرا ان سے مقابلہ نہیں وہ یقینا بالی وڈ کے شہنشاہ ہیں .