Category: شوبز

اپنی سابقہ اہلیہ پر تشدد کے الزامات میں گھرے اور شدید تنقید کی زد میں آئے اداکار فیروز خان نے اپنا یوٹیوب چینل بنا لیا ہے اور یہ چینل انہوں نے جب بنایا اس کا اعلان بھی کیا تھا اور کہا تھا کہ اب وہ اس چینل پر مسلسل نظر اتے رہیں گے. اب فیروز خان اپنے یوٹوب چینل پر متحرک ہو گئے ہیں اور انہوں نے اپنے پہلا میوزک ٹریک اس پر شئیر کیا ہے. انہوں نے یہ بھی کہا ہے کہ وہ اپنا وی لاگ بہت جلد شئیر کریں گے،. فیروز خان کے مداح اس اعلان سے کافی خوش ہیں دوسرے طرف فیروز خان پر شدید تنقید بھی ہورہی ہے کچھ سوشل میڈیا صارفین کا کہنا ہے کہ اب آپ کو کام تو ملنا نہیں ہے یہی کچھ کریں گے اور جو بھی کرتے رہیں ، ہم آپ کو دیکھنے میں دلچپسی نہیں رکھتے. اطلاعات کے مطابق فیروز خان یوٹیوب چینل

پر اس لئے بھی زیادہ متحرک ہو رہے ہیں تاکہ وہ شوبز کی دنیا میں زندہ رہیں اور لوگوں کو نظر آتے رہیں کیونکہ جب سے ان پر گھریلو تشدد کے الزامات لگے ہیں ان کے ہاتھ سے بہت سارے پراجیکٹس چلے گئے ہیں. نوبت یہاں تک پہنچ گئی ہے کہ بہت ساری ہیروئنز نے فیروز خان کے ساتھ کام کرنے سے انکار کر دیا ہے.

گزشتہ دنوں معروف اداکارہ عتیقہ اوڈھو نے ایک سوشل میڈیا پوسٹ کے زریعے اپنے مداحوں کے ساتھ خبر شئیر کی کہ وہ بہت جلد ترکیہ کے ڈرامے میں نظر آئیں گی. عتیقہ اوڈھو کے بعد اب توثیق حیدر بھی ترکیہ کے ڈرامے میں نظر آئیں گے .انہوں نے اپنے مداحوں کے ساتھ یہ خبر سوشل میڈیا پر شئیر کی. توثیق حیدر نے لکھا کہ کویو بیاز کے پہلے سیزن کی شوٹنگ استنبول میں ہو چکی ہے اور میرا کردار بہت اہم ہے میرے مداح میرے اس نئے تجربے کو یقینا سراہیں گے. یہ وہی ڈرامہ ہے جس میں‌عتیقہ اوڈھو بھی نظر آئیں گے ، توثیق حیدر نے کہا کہ عتقیہ اوڈھو کے ساتھ کام

کرنے کا تجربہ بہت اچھا رہا ہے. توثیق حیدر کی اس پوسٹ کے بعد انہیں سوشل میڈیا پر بہت زیادہ پذیرائی ملی اور ان کے مداحوں نے ان کو مبارکبادیں دیں . یاد رہے کہ ترکیہ کے ڈرامے پاکستان میں بہت زیادہ پسند کئے جاتے ہیں . اب دیکھنا یہ ہے کہ ہمارے فنکار جو کہ ترکیہ کے ڈراموں میں کام کررہے ہیں ان کو وہاں‌کتنی پذیرائی ملتی ہے. پاکستانی ترکی فنکاروں کے بہت بڑے مداح بھی ہیں اور ہر دم انہیں دیکھنے کے لئے بےتاب رہتے ہیں. ترکیہ کے کئی ڈرامے پاکستان میں ڈب ہو کر ٹی وی چینلز پر لگ چکے ہیں .

دا لیجنڈ‌آف مولاجٹ ہر گزرتے دن کے ساتھ مزید کامیابیوں کی سیڑھیاں چڑھ رہی ہے. کورونا کے بعد ابھی تک جتنی بھی ایشیاء میں‌فلمیں‌ریلیز ہوئی ہیں مولا جٹ ان میں ایسی فلم ہے جس نے سب سے زیادہ بزنس کیا ہے. اس فلم کو پاکستان سمیت پوری دنیا میں‌پسند کیا جا رہا ہے. دا لیجنڈ‌آف مولا جٹ نے ایک اور اعزاز اپنے نام کر لیا ہے جی ہاں انٹرنیٹ کی سب سے بڑی کمپنی گوگل نے سرچ انجن پر 2022 میں سب سے زیادہ تلاش کیے جانے والے مواد کی فہرست جاری کردی۔ گوگل کی جانب سے جاری ہونے والی فہرست کے مطابق پاکستانی فلم دی لیجنڈ آف مولاجٹ کو صارفین نے سب سے زیادہ سرچ کیا جبکہ دوسرے نمبر پر معروف ڈرامہ مس مارول رہا۔یوں‌دا لیجنڈ آف مولا جٹ نے ایک اور کامیابی اپنے نام کر

لی ہے حالانکہ مس مارول کو پوری دنیا میں بہت پذیرائی ملی لیکن انٹرنیٹ پر اس سے بھی زیادہ دھوم دا لیجنڈ آف مولاجٹ کی رہی ہے.یاد رہے کہ اس فلم کی ریلیز کے بعد پاکستان فلم انڈسڑی خصوصی طور پر پنجابی فلموں کو ایک نئی زندگی ملی ہے اب دیکھنا یہ ہے کہ ہم دا لیجنڈ آف مولا جٹ کی کامیابی سے کتنا فائدہ اٹھاتے ہیں. فلم میں فواد خان اور حمزہ علی عباسی کی اداکاری کو بہت سراہا جا رہا ہے.

گوری رنگت ہمارے ملک میں خوبصورتی کا معیار سمجھی جاتی ہے ، اگر کسی کی رنگت گوری ہے اور اسکے نین نقشن خوبصورت نہیں ہیں تو بھی اسے خوبصورت ہی کہا جائے گا اگر کسی رنگ سانولا ہے تو چاہے اس کی نین نقش کتنے ہی خوبصورت کیوں نہ ہوں اسے خوبصورت نہیں‌مانا جائیگا . گوری رنگت پر صبور علی نے اپنے ایک انٹرویو میں‌کھل کر کی ہے بات .انہوں نے کہا کہ میں‌نے کبھی بھی گوری رنگت کےلئے انجیکشنز نہیں‌لگوائے . ہم چونکہ بہت کام کرتے ہیں لہذا ہمیں انرجی کی ضرورت ہوتی ہے اس لئے میں وٹامن کے انجیکشزلگواتی ہوں. میں نے کبھی بھی رنگت گوری کرنے کے لئے انجیکشنز نہیں لگوائے. انہوں نے اس بات کا بھی اعتراف کیا کہ ہماری انڈسٹری میں فنکار رنگت گوری کرنے کےلئے

انجیکشنز لگواتے ہیں لیکن میں نے ایسا کبھی نہیں‌کیا میں سمجھتی ہوں کہ میں جیسی بھی ٹھیک ہوں اگر ایسے ہی کسی کو مجھے ڈرامے میں‌لینا ہے تو لے ورنہ رہنے دے . انہوں نے کہا کہ بعض اوقات ایسا بھی ہوا کہ اگر کسی سین میں‌میرا رنگ زیادہ گورا نہیں لگ رہا تو وائٹ بیس لگا کر میرا رنگ گورا کرکے دوبارہ شوٹ کیا گیا لیکن یہ سب پہلی کی باتیں ہیں اب ایسا اگر کوئی مجھے کہے گا تو میں انکار کردوں گی کیونکہ میرا جیسا بھی رنگ ہے یہ کسی کو شوٹنگ کےلئے قبول ہے تو ٹھیک ہے ورنہ جائے اپنا کام کرے .

گلوکار علی ظفر جو کہ سوشل میڈیا پر کافی متحرک رہتے ہیں، انہوں نے حال ہی میں‌اپنی ٹویٹ کے زریعے حکومت اور سیاسی رہنمائوں سے چند سوالات کئے ہیں اور پوچھا ہے کہ یہ ملک کس طرح سے ٹھیک ہو سکتا ہے. جو بھی حکومت آتی ہے وہ پچھلی کو تباہی کا ذمہ دار ٹھہراتی ہے. علی ظفر نے کہا کہ ہمیں‌ایک ہی بار بتا دیں کہ یہ ملک کیسے اور کب ٹھیک ہو گا کوئی پلان یا حکمت عملی ہی بتا دیں . ہر کوئی باتیں ہی کرتا ہے اور اپنے سے پہلے والی حکومتوں پر تنقید کے نشتر چلاتا ہے. علی ظفر نے کہا کہ ہمیں اتنا تو بتا دیں کہ ملک کتنے برسوں میں ٹھیک ہو گا . علی ظفر کی اس پوسٹ‌پر بہت سارے سوشل میڈیا صارفین نے کمنٹس کئے ، کسی نے علی ظفر کے سوالات کو سراہا اور کسی نے کہا کہ علی ظفر تو پی ٹی

آئی کے سپورٹر ہیں لہذا ان کے منہ سے ایسی باتیں یا ملک کے لئے فکر کی باتیں اچھی نہیں لگتیں. یاد رہے کہ اس وقت جو ملک کی صورتحال ہے اس پر ہر کوئی پریشان دکھائی دیتا ہے اور ہر کوئی چاہتا ہے کہ ملک کے حالات ٹھیک ہوں‌مہنگائی کنٹرول ہو لوگوں کا جینا آسان ہوجائے. پچھلے پانچ برسوں سے عوام نے سکھ کا سانس نہیں لیا مہنگائی نے ان کی کمر توڑ کر رکھ دی ہے.

سینئر اداکارہ صبا فیصل جنہوں نے گزشتہ روز ایک وڈیو سوشل میڈیا پر جاری کی جس میں انہوں نے منہ بھر کر اپنی بہو کی برائیاں کرتے ہوئے کہا کہ بہو کے ساتھ ساتھ بیٹے سلمان فیصل سے بھی میرا کوئی تعلق نہیں ہے. میں‌کیا میری پوری فیملی کا ان دونوں سے تعلق نہیں‌. نیہا گھر توڑنے والی عورت ہے میں تو پریشان ہوں کہ میرا بیٹا ایسی لڑکی کے ساتھ ساری زندگی گزارے گا. صبا فیصل کی اس وڈیو کے بعد ان کی بہو نیہا نے بھی کیا ہے پلٹ کر وار اور انہوں نے صبا فیصل اور اپنی نند کا نام لئے بغیر کہا ہے کہ جو غلط ہو اس کے سامنے کھڑا ہونا چاہیے. انہوں نے مزید

یہ بھی کہا کہ اپنی زندگی کا موازنہ ان کے ساتھ ہرگز نہ کریں جو حرام کے مزے لیتے ہیں، ہوسکتا ہے کہ وہ آپ سے زیادہ کامیاب نظر آئیں گے یا آپ سے زیادہ مزے کر رہے ہوں گے۔ لیکن اللہ کے سامنے وہ کچھ بھی نہیں ہیں اور اسی بات کی اہمیت ہے۔ نیہا کا یقینا اشارہ اپنی ساس اور نند کی طرف ہی تھا انہوں نے ایک سمجھداری کی کہ ان کا نام نہیں لیا لیکن سننے والوں کو اندازہ ہے کہ انہوں نے اپنے سسرال والون کی ہی بات کی ہے.

اس برس کوک سٹوڈیو کے لئے گایا ہوا گیت پسوڑی جسے علی سیٹھی نے گایا ہے نے پاکستان کیا دنیا بھر میں مقبولیت حاصل کرتے ہوئے ہر دم کامیابی کے نئے ریکارڈز قائم کئے ہیں. علی سیٹھی کا گایا ہوا یہ گیت گوگل پر سرچ کیا جانے والا سب سے بڑا گانا بن گیا ہے ۔گوگل کی جانب سے 2022 کی مقبول ترین سرچز کی عالمی فہرست میں پسوڑی کو سب سے زیادہ سرچ کیا جانے والا گانا قرار دیا گیا ہے۔ فہرست کے مطابق گلوکار علی سیٹھی اور شائے گل کے گیت نے مقبول ترین کورین پاپ بینڈ بی ٹی ایس کے گانے بٹر کو بھی پیچھے چھوڑ دیا۔ پسوڑی گانے کی

مقبولیت کا یہ عالم ہے انٹرنیشنل گلوکاروں اور آرٹسٹوں نے بھی اس گیت کو گایا اور وڈیو سوشل میڈیا پر اپلوڈ کیں . پسوڑی گانے پر بالی وڈ کے فنکار بھی تھرکتے اور گاتے ہوئے دکھائی دئیے. شترو گن سنہا کی بیٹی سوناکشی سنہا نے ایک وڈیو سوشل میڈیا پر جاری کی جس میں وہ گاڑی میں بیٹھی ہیں اور اونچی اآواز میں علی سیٹھی کا گانا پسوڑی چل رہا ہے اور وہ اس پر ڈانس کررہی ہیں. اگر ہم مجموعی طور پر دیکھیں تو پسوڑی گانا اس سال دنیا بھر کے چارٹ بسٹرز میں نمبر ون رہا .

اداکار شان شاہد نے حال ہی میں طلاق کی بڑھتی ہوئی شرح پر تبصرہ کیا ہے، انہوں نے کہا کہ شادی ایک خوبصورت عمل ہے، جو لوگ سوچ سمجھ کر شادی نہیں کرتے بعد میں ان کے رشتوں میں خرابی پیدا ہوتی ہے. اور جو طلاقوں کی شرح بڑھ رہی ہے اس کی بنیادی وجہ یہ ہے کہ جلد بازی میں فیصلے کر لئے جاتے ہیں سوچا سمجھا نہیں جاتا ، تھوڑا ساتھ چل کر پتہ چلتا ہےکہ ہم ایک دوسرے کےلئے نہیں بنے اور ہم ایک دوسرے کے ساتھ نہیں چل سکتے . پھر ایسے شادی شدہ جوڑے کو طلاق کی صورت میں الگ ہونا پڑتا ہے. شادی کرنے کے پہلے یہ دیکھنا چاہیے کہ ہم

جس کا انتخاب کررہے ہیں اس کے ساتھ ہماری ذہنی ہم آہنگی ہے یا نہیں ہے. معاملات وہاں خراب ہوتے ہیں جہاں ذہنی ہم آہنگی نہیں ہوتی . انہوں نے کہا کہ اکثر لوگ عشق کے خیال سے پیار کرتے ہیں یہ ہوتا کیا ہے اسے سمجھنا نہیں چاہتے بس جو اچھا لگ گیا شادی کر لی جلد بازی میں بعد میں پتہ چلا کہ یہ تو وہ ہے ہی نہیں جس کے ساتھ زندگی کا سفر کٹ سکے تو بہتر ہے کہ سوچ سمجھ کر فیصلہ کریں .شان نے کہا کہ شادی ہو یا زندگی کے دیگر فیصلے سوچ سمجھ کر کریں.

بالی وڈ اداکار رنبیر کپور جن کے لئے رواں سال بہت ساری خوشیاں لیکر آیا ، ان کی زندگی کی سب سے بڑی خوشی عالیہ کے ساتھ شادی کرنا اور پھر ان کے گھر بیٹی کی آمد ہے ایسا ماننا ہے رنبیر کپور کا . رنبیر کپور نے حال ہی میں سعودی عرب میں ہونے والے ریڈ سی انٹرنیشنل فلم فیسٹیول میں شرکت کی . رنبیر کپور نے اس فیسٹیول میں شاندار انداز میں ریڈ کارپٹ پر اینٹری دی. اس فیسیٹول میں انہوں نے فائنل ‘ان کنورسیشن’ سیشن میں اپنی فلم ‘شمشیرا’ کی ناکامی کے بارے میں بات کی۔انہوں نے کہا کہ شمشیرا میرے کیرئیر کی سب سے مشکل فلم تھی اسکی ناکامی میرے لئے کیا پوری ٹیم کے لئے دھچکا تھی . انہوں نے کہا کہ میں نے اس فلم میں، میں نے جو مصنوعی داڑھی پہنی تھی وہ بھی

اتنی گرمی میں ، وہ شاید میری غلطی تھی ، کیونکہ سخت گرمی میں شوٹنگ کرنا داڑھی کا چپک جانا ایسا تھا جیسے چہرہ پگھل رہا ہو. یوں رنبیر کپور نے کہا کہ اعتراف کر لیا کہ داڑھی لگا کر شدید گرمی میں فلم کرنا انکی سب سے بڑی غلطی تھی . یاد رہےکہ شمشیرا رنیبر کپور کی پہلی فلم ہے جس میں‌انہوں نے پہلی بار ڈبل رول ادا کیا. فلم کی پرموشنز بھی زوروں سے کی گئیں لیکن باکس آفس پر اس کے بزنس نے پوری ٹیم کو دھچکا دیدیا.

اداکارہ مایا علی جو اپنی منفرد اداکاری اور کامیاب پراجیکٹس کے ھوالے سے جانی جاتی ہیں وہ بن گئی ہیں بھارتی لڑکی. جی ہاں . حال ہی میں اداکار و ماڈ‌ل عماد عرفانی نے اپنے انسٹاگرام اکائونٹ پر فلم کا پوسٹر جاری کیا ہے جس کا کیپشن انہوں‌نے لکھا ہے ہوا باز . پوسٹر سے اندازہ لگایا جا رہا ہے کہ جیسے مایا علی نے اس فلم میں‌ بھارتی لڑکی کا کردار ادا کیا ہے اور عماد عرفانی نے پائلٹ کا کردار ادا کیا ہے شعیب منصور کی یہ ورنہ فلم کے بعد آنے والی ایسی فلم ہے جس میں روٹٰین سے ہٹ کر کہانی کا انتخاب کیا گیا ہے. اس فلم میں‌مایا علی مرکزی کردار ادا

کررہی ہیں سوشل میڈیا پر اس حوالے سے تبصرے جاری ہیں‌کہ شاید ماہرہ خان شعیب منصور کیمپ سے آئوٹ ہو گئی ہیں. یاد رہے کہ شعیب منصور کی گشتہ فلم ورنہ تھی جس میں‌ماہرہ خان ہیروئین تھیں‌یہ فلم باکس آفس پر ڈیڈ فلاپ رہی تھی اب دیکھنا یہ ہے کہ عماد عرفانی اور مایا علی کو لیکر بنائی جانے والی فلم باکس آفس پر کیا رنگ جماتی ہے. کیونکہ مایا اور عماد کو شائقین پہلی بار پردہ سکرین پر دیکھیں گے. شعیب منصور بھی پہلی بار ان دونوں کے ساتھ کام کررہے ہیں‌.