Category: شوبز

آج کل سوشل میڈیا اپر ایک ہی گانے کا چرچہ ہے اور وہ گانا ہے کہانی سنو، اس گانے کو اوریجنلی کیفی خلیل نے گایا ہے. آئمہ بیگ نے ان کی اجازت کے ساتھ گانے کو دوبارہ گایا ، انہوں نے یوٹیوب پر جب سے یہ گانا ریلیز کیا ہے اس کو بہت زیادہ پسند کیا جا رہا ہے. جہاں ہر کوئی آئمہ بیگ کی گلوکاری کی تعریف کررہا ہے وہیں کیفی خلیل بھی پیچھے نہیں رہے انہوں نے کہا ہے کہ میں نے گانا سنا ہے آئمہ بیگ نے بہت اچھا گایا ہے مجھے ان کی آواز اور گائیکی کا انداز بہت اچھا لگا ہے. انہوں نے کہا کہ میرا گانا چاہے مرد ہو یا عورت جس نے بھی گایا بہت اچھا گایا. میرا گانا ایک بار پھر ریلیز ہوکر اتنی مقبولیت حاصل کریگا مجھے اندازہ نہیں تھا. مجھے بہت اچھا لگ رہا ہے کہ میرا گانا ہر طرف بہت زیادہ سنا جا

رہا ہے اور ملک اور ملک کسے باہر جہاں جہاں اردو بولی اور سمجھی جاتی ہے اسے بہت پسند کیا جا رہا ہے. کیفی خلیل نے کہا کہ کسی بھی گلوکار کی یہ بہت بڑی کامیابی ہوتی ہے کہ اس کے گانے کو ہر سطح پر پسند کیا جائے. کیفی خلیل نے کہا کہ آئمہ بیگ کو میں بہت عرصے سے جانتا ہوں مجھے اندازہ تھا کہ یہ اچھا گا لیں گی لیکن اس گانے کو ایک بار پھر اتنا ریسپانس ملے گا اسکا اندازہ نہیں تھا تاہم میں اپنے گانے کی ایک بار پھر کامیابی پر بہت زیادہ خوش ہوں.

بالی وڈ کے شہنشاہ کہلائے جانے والے امیتابھ بچن اپنے کام کے معاملے میں کافی پروفیشنل ہیں انہوں نے ہمیشہ دوستوں کی مدد کی اور خاص کر اگر کوئی دوست مشکل میں پھنس گیا تو اسکی آگے بڑھ کر ہر ممکن مدد کی . ایسی ہی مدد کا تذکرہ کیا ہے حال ہی میں ڈائریکٹر سنجے گپتا
نے. انہوں نے کہا ہے کہ میری فلم کانٹے جس کی شوٹنگ لاس اینجلس میں جاری تھی وہاں مجھے کسی وجہ سے شدید مالی مسائل کا سامنا کرنا پڑا میں بہت پریشان ہوا کہ اب کیا کروں تمام فنکار میرے ساتھ لاس انیجلس موجود ہیں شوٹنگ جاری ہے. امیتابھ بچن جو کہ کاسٹ کاحصے تھے انہوں نے میری پریشانی بھانپ لی اور میرے پاس آکر کہا کہ میں آپ کی پریشانی کا فائدہ نہیں اٹھائوں گا بلکہ میں آپ کی فلم میں کام کرنے کا

معاوضہ نہیں لوں گا. امیتابھ بچن نے ایسا کہا تو مجھے بہت اچھا لگا ان کے ساتھ ساتھ فلم کی دیگر کاسٹ جس میں سنجے دت،سنیل شیٹی،لکی علی،اور مہیش منجریکر شامل تھے انہوں نے بھی فلم میں کام کرنے کا معاوضہ نہیں‌ لیا. انہوں نے کہا کہ امیتابھ بچن نے مجھ پہ اس وقت احسان کیا تھا جس کو میں کبھی نہیں بھول سکتا. انہوں نے کہا کہ فلم کانٹے کی ریلیز کو بیس سال مکمل ہو گئے ہیں اس کے ساتھ میری بہت ساری یادیں وابستہ ہیں.

برطانوی جریدے ایسٹرن آئیز نے 2022 کے 50 بہترین ایشیائی فنکاروں کی فہرست جاری کی ہے۔جس میں 8پاکستانی فنکار بھی شامل ہیں۔2022 کا سال پاکستانی فنکاروں کے لیے خوش قسمت ثابت ہوا۔بیشتر اداکاروں نے نہ صرف پاکستانی انٹرٹینمنٹ کی دنیا میں کمال کیا بلکہ کئی انٹر نیشنل پراجیکٹس میں بھی کام کیا۔اس حوالے سے ایسٹرن آئیز نے سال کے 50 بہترین فنکاروں کی فہرست جاری کی ہے۔ان فنکاروں میں فواد خان ، عاطف اسلم ،سجل علی،حدیقہ کیانی ،عروج آفتاب،ہمایوں سعید، شے گل، اور علی سیٹھی شامل ہیں۔فواد خان کو ان کی فلم ” دی لیجنڈ آف مولا جٹ“ اور شمہور سیریز مس مارول“ میں شاندار کیمیو کی بنیاد پر فہرست میں شامل کیا گیا۔عاطف اسلم کو سب سے زیادہ اسٹریم کیے جانے

والے فنکار ہونے کی وجہ سے شامل کیا گیا۔اداکارہ سجل علی نے جمائما گولڈ سمتھ اور شیکھر کپور کی فلم ”وٹس لو گوٹ ٹو ڈو وِد“ میں پرفارم کرنے کی وجہ سے شامل کیا گیا۔ گلوکارہ عروج آفتاب کو گریمی یوارڈ جیتنے کی وجہ سے شامل کیا گیا۔گلوکارہ حدیقہ کیانی کو سیلاب متاثرین کے لیے کام کرنے کی وجہ سے شامل کیا گیا۔ہمایوں سعید کو ان کی فلم ”لندن نہیں جاﺅں گا“ اور ’دی کراﺅن‘ میں ڈاکٹر حسنات کا کردار اداکرنے پر شامل کیا گیا۔گلوکار علی سیٹھی اور شائے گل کو ان کے مشہور گانے ” پسوڑی“ کی وجہ سے فہرست میں شامل کیا گیا ہے۔بین الاقوامی سطح پر اہم اعزاز ملنے پر تمام فنکاروں کو سراہا جا رہا ہے۔

پاکستان سمیت دنیا بھر میں کامیابی کے جھنڈے گاڑھنے والی فلم ”دی لیجنڈ آف مولا جٹ“ 30دسمبر کو بھارتی پنجاب کے سینما گھروں میں ریلیز کے لیے تیار ہے۔تازہ ترین اطلاعات کے مطابق بھارت کی سب سے بڑی سینما چین PVR نے فلم کی ریلیز سے قبل اشتہاری مہم جاری کر دی ہے۔ان اشتہاروں کے مطابق فلم 30دسمبر کو ریلیز کی جائے گی۔ دا لیجنڈ آف مولا جٹ کو اس سے قبل دبئی کے سینما میں معروف فلم میکر کرن جوہر بھی دیکھ چکے ہیں. سعودی عرب میں ہونے والے ریڈ سی انٹرنینشل فلم فیسیٹول میں رنبیر کپور نے پاکستان کو مولا جٹ کی کامیابی پر مبارکباد دیتے ہوئے کہا کہ اگر انہیں بھی کسی پاکستانی فلم میں‌کام کرنے کا موقع میسر آیا وہ ضرور کریں گے.فلم کی بڑے پیمانے پر

کامیابی اور فوادخان کی بھارت میں مقبولیت دیکھتے ہوئے اب انڈیا بھی اپنے ملک میں فلم ریلیز کرنے پر مجبور ہو گیا ہے. یاد رہے کہ اب تک اس فلم نے دوسو کروڑ سے زائد کا بزنس کر لیا ہے اور مسلسل بزنس کررہی ہے .امید ہے کہ فلم تین سو کروڑ سے زائد کا بزنس کرے گی۔اس فلم میں فواد خان اور حمزہ علی عباسی نے مرکزی کردار ادا کیے ہیں جبکہ اس فلم کی دیگر کاسٹ میں ماہرہ خان،عمائمہ ملک،گوہر رشید ،شفقت چیمہ ،نئیر اعجاز ،بابر علی اور صائمہ بلوچ شامل ہیں۔

لالی وڈ کے شہرہ آفاق رائٹر پرویز کلیم کی ڈائریکشن میں بنی نئی میوزیکل رومانوی کامیڈی فلم ”رنگ عشقے دا“ کی نمائش پروڈیوسرز نے ملتوی کردی ہے اور اب فلم کی نمائش 23 دسمبر کی بجائے ایک نئی تاریخ کو کی جائے گی. جس کا جلد باضابطہ اعلان کردیا جائے گا۔ فلم کی پروڈکشن ٹیم کے مطابق ”رنگ عشقے دا “ کی نمائش میں تبدیلی حکومت کی جانب سے سینماؤں کیلئے جاری نئے اوقات کار کے باعث کرنا پڑی کیونکہ رات آٹھ بجے کے بعد سینما گھروں کو بند کرنے کا فیصلہ فلم بزنس کیلئے مناسب نہیں ہے۔ ”رنگ عشقے دا“ کی سٹار کاسٹ میں فریش سٹار علی عباس سید، آمنہ راہی اور زاریہ خان شامل ہیں جبکہ لالی وڈ کی سینئر فنکارائیں مدیحہ شاہ، نغمہ بیگم اور کامیڈین افتخار ٹھاکر بھی منفرد کرداروں میں جلوہ گر ہیں۔

”رنگ عشقے دا“ کی نمائش 23 دسمبر کو ڈسٹری بیوشن کلب کے پلیٹ فارم سے ہونا تھی جبکہ اسے پاکستان کے علاوہ کینیڈا، برطانیہ اور آسٹریلیا سمیت دیگر ممالک میں بھی سینماؤں کی زینت بنایا جائے گا۔ڈسٹری بیوشن کلب کے ایگزیکٹو ڈائریکٹر شیخ عابد نے کہا کہ ”رنگ عشقے دا“ فریش سٹار کاسٹ کی حامل معیاری فیملی فلم ہے جسے پروڈیوسر حضرات کے فیصلے کے مطابق ملک بھر کے سینماؤں میں جلد نمائش کیلئے پیش کر دیا جائے گا.