Category: شوبز

دیپیکا پاڈوکون بالی وڈ کی سب سے خوبصورت اور باصلاحیت اداکارہ ہیں ، ان کے شوہر رنویر سنگھ کو بھی عوامی سطح پر بہت زیادہ پذیرائی ملتی ہے ، دونوں ایک بڑی فین فالونگ رکھتے ہیں. ان دونوں کے مداحوں کے لئے ایک بڑی خوشخبری ہے کیونکہ اب دونوں ایک ساتھ ڈانس نمبر میں دکھائی دیں گے . ڈائریکٹر روہٹ شیٹی کی فلم سرکس جس میں رنویر سنگھ مرکزی کردار ادا کررہے ہیں یہ 23 دسمبر کو ریلیز ہونے جا رہی ہے ، اس میں دیپیکا اور رنویر سنگھ کا گانا کرنٹ لگا رے کو شامل کیا گیا ہے. گانا ریلیز کر دیا گیا ہے ، مداح گانے کو بہت زیادہ پسند کررہے ہیں. اس گانے میں ہندی کے ساتھ تامل لفظ بھی استعمال کئے گئے ہیں.شائقین ان دونوں کے ڈانس نمبر کو دیکھ کر کافی خوش دکھائی دے رہے ہیں. اب اس ڈانس نمبر

کا فلم کی کامیابی میں کتنا کردار ہوتا ہے یہ تو آنے والا وقت ہی بتائے گا. یاد رہے کہ کچھ عرصہ قبل رنویر سنگھ اور دییکا پڈوکون کی علیحدگی کی خبریں بھی منظر عام پر آئیں تھیں جنہوں ان دونوں نے یکسر رد کر دیا تھا . جوڑا آپس میں کافی خوش ہے لیکن ان کی علیحدگی کی خبریں کیوں اور کیسے سامنے آئیں اس پر دونوں نے سوال اٹھائے تھے لیکن ان کے پرستار یہ جان کر کافی خوش ہوئے کہ دونوں ایک دوسرے کے ساتھ خوشگوار زندگی گزار رہے ہیں .

راحت فتح علی خان 48 برس کے ہو گئے ہیں ،ان کا شمار پاکستان کے نمبر ون گائیکوں میں ہوتا ہے ، راحت کے پرستار پاکستان انڈیا سمیت دنیا بھر میں پائے جاتے ہیں . راحت فتح علی خان فرخ فتح علی خان کے بیٹے نصرت فتح علی خان کے بھتیجے اور قوالی گلوکار فتح علی خان کے پوتے ہیں۔ قوامی ، غزلیں اور دیگر ہلکی پھلکی موسیقی ان کا خاصا ہے. بھارتی کے کئی نامور اداکاروں پر ان کے گائے ہوئے گیت پکچرائز ہو چکے ہیں . انہوں نے نو سال کی عمر میں پہلی بار عوامی سطح پر پرفارم کیا ،راحت نصرت فتح علی خان کے معروف قوالی گروپ کا ایک لازمی حصہ تھے اور

1985 میں اپنے چچا کے ساتھ برطانیہ کا دورہ کیا۔بالی وڈ میں انہوں نے پلے بیک سنگنگ کا آغاز 2003 میں کیا . ان کے کریڈٹ پر کئی سپر ہٹ گیت اور قوالیاں ہیں . انہوں نے اپریل 2012 میں برطانیہ کا دورہ کیا، ویمبلے ایرینا اور مانچسٹر ایرینا میں پرفارم کیا، 20,000 سے زیادہ لوگ اس شو میں شریک ہوئے اور اس شو کی سب سے زیادہ ٹکٹیں فروخت ہوئیں جو کہ اپنے آپ میں ایک ریکارڈ تھا . سلمان خان اور شاہ رخ خان جیسے اداکار جن کی ایک جھلک دیکھنے کےلئے مداح بے چین رہتے ہیں، وہ راحت فتح علیخان کے مداح ہیں .

فلم جوائے لینڈ جس کو پنجاب میں‌تاحال نمائش کی اجازت نہیں ملی ، صوبہ سندھ میں اس فلم کی نمائش کامیابی سے جاری ہے ، لوگوں کی ایک بڑی تعداد فلم دیکھنے کےلئے سینما گھروں کا رخ کررہی ہے. تاہم ایک طبقہ ایسا ہے کہ جو مسلسل اس کوشش میں ہے کہ فلم کی نمائش کو کسی نہ کسی طریقے سے روکا جائے. ایسی ہی ایک کوشش پہلے بھی ہو چکی ہے لیکن سندھ کی ایک عدالت نے اس کوشش کو ناکام بناتے ہوئے کہا کہ فلم دیکھے بغیر کوئی کیسے کہہ سکتا ہے کہ فلم کی نمائش پر روک لگا دی جائے . ایسی ہی ایک کوشش حال ہی میں کی گئی ہے اور سندھ ہائی کوٹ میں ایک شہری نے درخواست دیکر کہا کہ فلم کی نمائش پر پابندی لگائی جائے کیونکہ یہ غیر اخلاقی کہانی پر مبنی ہے. اس پر عدالت نے کہا کہ کوئی بھی عدالت اس چیز کا فیصلہ نہیں کر سکتی ہے کہ کون سی فلم دیکھی جا سکتی ہے اور کونسی نہیں غیر ضروری سنسر شپ آزادی

رائے پر قدغن لگانے کے مترداف ہے لہذا ہم ایسا نہیں‌کر سکتے . عدالتی فیصلے میں کہا گیا کہ فلم کو سنسر بورڈ نے مکمل جانچ کے بعد نمائش کی اجازت دی۔ عدالتی حکم میں کہا گیا کہ درخواست گزار نے فلم کے سرٹیفیکیشن کے عمل میں کسی قانونی خامی کی نشاندہی نہیں کی۔عدالتی فیصلے میں یہ بھی نشاندہی کی گئی کہ آرٹیکل 19 کے تحت فلم ساز کو بھی اظہار رائے کی مکمل آزادی حاصل ہے۔ کوئی معقول وجہ ہو تو سنسر بورڈ یا صوبائی مجاز اتھارٹی ہی فلم پر پابندی لگا سکتی ہے۔یوں‌جوائے لینڈ کی ریلیز پر پابندی کی درخواست ایک بار پھر مسترد کر دی گئی ہے.

فلم جوائے لینڈ کی ریلیز کے خلاف درخواست پر محفوظ فیصلہ سنا دیا گیا

سندھ ہائی کورٹ نے ابتدائی سماعت کے بعد درخواست مسترد کر دی،سندھ ہائیکورٹ نے کہا کہ غیر ضروری سینسر شپ سے معاشرے کا دم گھٹتا ہے ،غیر ضروری سینسر شپ معاشرے کی تخلیقی صلاحیتوں کو روکتا ہے سینسر بورڈ یا متعلقہ ادارہ ہی فلم پر پابندی کا اختیار رکھتا ہے اور اسی نے ضابطے کے مطابق فلم کا جائزہ لے کر نمائش کا سرٹیفکیٹ جاری کیا،ایک فرد کی وجہ سے کسی کی آزادی اظہار رائے پر پابندی نہیں لگائی جا سکتی ہرشہری کو آزادی اظہار رائے کا حق حاصل ہے ہائیکورٹ کو اختیار نہیں کہ فلم ساز کی آزادی اظہار رائے پر پابندی عائد کرے

بین جوائے لینڈ مہم پر اعتراض اور جواب :از طہ منیب

پاکستان میں پابندی کے بعد فلم جوائے لینڈ کیا آسکر کی نامزدگی کےلئے بھی نااہل ہو جائیگی؟

درخواست گزار نے سندھ ہائیکورٹ میں دائر درخواست میں کہا کہ فلم جوائے لینڈ ہم جنس پرستی کو فروغ دینے کیلئے بنائی گئی ہے جس کی اسلام اجازت نہیں دیتا آزادی اظہار رائے سے متعلق آئین کا آرٹیکل 19-A واضح ہے ۔ آزادی اظہار رائے کی بھی حدود اور قیود ہیں اسلامی تعلیمات کی خلاف ورزی نہیں کی جاسکتی فلم جوائے لینڈ کے خلاف اسلامی نظریاتی کونسل اور مفتی تقی عثمانی کے بیانات بھی آئے ہیں۔ فلم کے ذریعے ٹرانسجینڈرز کیلئے ہمدردی پیدا کرنے کی کوشش کی گئی ہے

 شرمین عبید چنائے کا کہنا ہے کہ یہ فلم آسکر ضرور جیتے گی

جوائے لینڈ پر پابندی کی درخواست سندھ ہائی کورٹ‌نے مسترد کر دی

عثمان پیرزادہ نے اپنے حالیہ انٹرویو میں کہا ہےکہ فلم جوائے لینڈ‌ کو بین کئے جانا بہت ہی افسوسناک ہے

لاہور ہائیکورٹ میں متنازع فلم جوائے لینڈ کی پاکستان میں نمائش کے خلاف درخواست دائر 

جوائے لینڈ کا بین کیا جانا قابل افسوس ہے ملالہ یوسفزئی

مرکزی فلم سنسر بورڈ کے فل بورڈ نے فلم جوائے لینڈ کے بعض حصے حذف کر نے کے بعد نمائش کی اجازت دے دی۔

اداکارہ ماہرہ خان جنہوں نے جب سے شاہ رخ خان کے ساتھ فلم رئیس میں کام کیا ہے ان کو دنیا بھر میں کافی شہرت ملی ہے. ان کے پرستار دنیا بھر میں پائے جاتے ہیں . اسی طرح سے بالی وڈ اداکار ہرتیک روشن بھی ہر دلعزیز ہیں ان کو دیکھنے کےلئے ان کے پرستار ہر وقت بےتاب رہتے ہیں. پاکستان میں بھی ان کے بہت زیادہ پرستار پائے جاتے ہیں. دونوں کی حال ہی میں‌ملاقات سعودی عرب کے ریڈ سی انٹرنینشل فلم فیسٹیول میں‌ہوئی ہے. دونوں کی ملاقات کی تصاویر انٹرنیٹ پر وائرل ہو رہی ہیں اور ان کو ایک ساتھ بیٹھے دیکھ کر ان کے مداح کافی خوش ہیں. سوشل میڈیا پر ان دونوں‌سٹارز کی ملاقات کے بہت زیادہ چرچے ہیں اور ہر کوئی ان دونوں کے بارے میں‌بات کررہا ہے. جیسے ہی ان کی ملاقات کی تصاویر

انٹرنیٹ پر جاری ہوئیں سوشل میڈیا صارفین نے دلچپسپ تبصرے کرنے شروع کر دئیے . زیادہ تر سوشل میڈیا صارفین‌کا کہنا ہے کہ ہماری خواہش ہے کہ یہ اداکار ایک ساتھ کسی فلم میں‌نظر آئیں . اب دیکھنا یہ ہے ہ یہ دونوں سٹارز ایک ساتھ کب اپنے مداحوں کو دکھائی دیں‌گے ، مستقبل قریب میں ایسا ہوتا ہوا دکھائی تو نہیں دیتا کیونکہ دونوں ملکوں کے فنکار ایک ساتھ کام نہ کرنے پر مجبور ہیں .

اداکار عمران اشرف جنہوں نے ڈرامہ سیریل رانجھا رانجھا کردی میں بھولے کا کردار ادا کیا تھا اس کردار نے ان کو شہرت کی بلندیوں پر پہنچا دیا تھا . عمران اشرف کو اس کردار کی کامیابی کے بعد بڑے بڑے پراجیکٹس بھی ملے. عمران اشرف کی رواں برس فلم دم مستم ریلیز ہوئی جس نے باکس آفس پر تسلی بخش بزنس نہیں کیا لیکن ان کی فین فالونگ میں کمی نہیں‌آئی. عمران اشرف کا بھولا کا کردار شائقین کے ذہنوں پر نقش ہو چکا ہے ، عمران جب بھی سامنے آتے ہیں تو ان کے پرستار ان کو بھولا کے کردار کے ڈائیلاگ بولنے کو کہتے ہیں. حال ہی میں ایک وڈیو میں عمران اشرف دو پولیس والوں کے ساتھ

دکھائی دئیے، عمران اشرف اس وڈیو میں کہہ رہے ہیں کہ میرے ساتھ دو نوجوان پولیس والے ہیں جو مجھ سے فرمائش کررہے ہیں کہ میں ان کو اپنے بھولے کے کردار کے ڈائیلاگز سنائوں . یہ وڈیو سوشل میڈیا پر بہت زیادہ سرکولیٹ ہو رہی ہے ، عمران اشرف اپنے پولیس والے مداحوں کو بھولے کے کردار کے ڈائیلاگز سناتے ہیں اور وہ دونوں‌ پولیس والے خوش ہوجاتے ہیں اور عمران اشرف ان کے خوش ہونے پر خوش ہوجاتے ہیں. یاد رہے کہ عمران اشرف کا ڈرامہ سیریل رقص بسمل میں کردار موسی بھی لوگوں نے بہت پسند کیا .

سینئر اداکارہ صبا فیصل جنہوں نے جی بھر کے غصہ نکالا اپنی بہو اور بیٹے پر . انہوں نے دو روز قبل ایک وڈیو بنا کر جاری کی اور اس میں اپنی بہو کو گھر توڑنے والی لڑکی کہا اور ساتھ ہی ان دونوں کے ساتھ کسی قسم کا تعلق نہ رکھنے کا اعلان کر دیا. اس کے جواب میں ان کی بہو نیہا نے بھی ایک وڈیو بنا کر جاری کی جس میں انہوں نے اپنی ساس صبا فیصل کی طرح ان پر الزامات نہیں لگائے ، بلکہ صرف اتنا کہا کہ حرام کا کھانے والوں سے ساتھ اپنا موازنہ نہ کریں . اب اس کے بعد نیہا کے شوہر اور صبا فیصل کے بیٹے سلمان بھی آگئے ہیں میدان میں انہو ں نے کہا کہ میری بیوی میرے بچے کی ماں‌ہے اس کی عزت کرنا سب پر فرض ہے. اور میری ماں جس طرح سے میری ہے میری اہلیہ بھی میرے بچے کی ماں ہے اور ان دونوں

کے حوالے سے طرح طرح‌کی غلیظ باتیں کی جا رہی ہیں جو میں برداشت نہیں کر سکتا یہ باتیں اب بند ہونی چاہیں. صبا فیصل کے بیٹے سلمان نے اپنی ماں‌کی طرح بالکل بھی الزامات نہیں لگائے اور یہ نہیں‌کہا کہ میری ماں کا سلوک میری اہلیہ کے ساتھ اچھا نہیں یا میرے بہن بھائیوں کا سلوک بھی میری اہلیہ کے ساتھ اچھا نہیں‌. بلکہ ان کی پوسٹ‌سے تو یہ ظاہر ہواکہ وہ اپنی ذاتی زندگی کی باتیں باہر کرنا پسند نہیں‌کرتے اور جو کچھ بھی ہو رہا ہے وہ اس سے کافی ڈسٹربڈ ہیں.

بالی وڈ‌ اداکار شاہ رخ خان اور کاجول کی جوڑی بہت پسند کی جاتی ہے دونوں نے پہلی بار ایکساتھ فلم بازیگر میں کام کیا . کرن ارجن ، دل والے دلہنیا لے جائیں گے ، کبھی خوشی کبھی غم اور کچھ کچھ ہوتا جیسی فلموں میں‌کام کیا . کاجول شاہ رخ خان کی قریبی دوست ہیں اور ان کی بہت بڑی مداح بھی ہیں . کاجول نے اپنے حالیہ انٹرویو میں کہا ہے کہ شاہ رخ خان نے اپنے کیرئیر میں بہت زیادہ محنت کی ، میرے شوہر اجے دیوگن نے بھی بہت محنت کی لیکن میرے شوہر کی محنت شاید نظر آتی رہی لیکن شاہ رخ خان نے جتنی محنت کی وہ نظر نہیں آتی . شاہ رخ خان آج جس مقام پر بھی ہیں وہ انہوں نے بہت محنت کے بعد حاصل کیا. شاہ رخ خان جتنے اچھے اداکار ہیں اس سے کہیں بڑھ کر اداکار ہیں‌. میں گواہ ہوں کہ

انہوں نے اپنے کیرئیر میں سر توڑ کوشش کی محنت کی اور پھر جا کر ان کو کام ملا اور جب کام ملا تو انہوں نے اپنی صلاحیتوں کا لوہا منوایا . یاد رہےکہ کاجول کی جوڑی اجے کی بجائے شاہ رخ خان کے ساتھ مشہور ہوئی . آج بھی شائقین کاجول اور شاہ رخ خان کو ایک ساتھ دیکھنےکےلئے بےتاب ہیں .

بالی وڈ کی اداکارہ پریانکا چوپڑا نے حال ہی میں ایک انٹرویو دیا ہے اس میں انہوں نے کہا کہ میری رنگ سانولی ہے اس وجہ سے میں‌بہت زیادہ تنقید کا نشانہ بنتی رہی ہوں. مجھے کالی بلی کہہ کر پکارا جاتا تھا میری بے عزتی کی جاتی تھی کہ میں‌کالی ہوں. میں کبھی ایسے القابات سے گھبرائی نہیں تھی لیکن سوچتی ضرور تھی برطانوی راج کو ختم ہوئے کئی دہائیاں ہو چکی ہیں لیکن اب بھی گوری رنگت کو ہی سب سے بڑا مانا جاتا ہے ، پریانکا نے کہا کہ میری رنگت کی وجہ سے کوئی بھی میری صلاحیتوں کو ماننے کے لئے تیار نہ تھا. لیکن میں نے بھی ہمت نہ ہاری اور میں لگی رہی اور جو کام ملا وہ کیا اور ایک وقت آیا کہ میری صلاحیتوں کا اعتراف کیا گیا . میرے کام نے ناقدین کے منہ بند کر دئیے . انہوں نے کہا کہ

آج بھی سوچتی ہوں اور پیچھے مڑ کر دیکھتی ہوں تو محسوس کرتی ہوں کہ اپنی سانولی رنگت کی وجہ سے مجھے اپنے دیگر ساتھیوں‌کی نسبت زیادہ محنت کرنی پڑتی تھی . انہوں نے کہا کہ کالی رنگت جس کی بھی ہو اس کی صلاحیتوں‌کو صرف اس کی رنگت کی وجہ سے نظر انداز کر دیا جاتا ہے.

اداکارہ فضیلہ قاضی اور اداکار قیصر خان کے دو بیٹے ہیں حال ہی میں ان کے ایک بیٹے احمد خان نظامانی شادی کے بندھن میں بندھ گئے ہیں اور فضیلہ قاضی نے اپنے بیٹے کی شادی کی تصاویر سوشل میڈیا پر خود جاری کی ہیں . فضیلہ قاضی اور قیصر خان نظامانی کافی خوش دکھائی دے رہے ہیں. فضیلہ قاضی اور قیصر خان کو ان کے مداحوں کی جانب سے سوشل میڈیا پر مبارکبادیں مل رہی ہیں . فضیلہ قاضی کافی عرصہ سے ٹی وی ڈراموں میں کم کم نظر آتی ہیں اس حوالے سے انہوں نے اپنے ایک انٹرویو میں کہا کہ اب تو کرداروں کے لئے کسی ایکٹر کا انتخاب میرٹ پر نہیں کیا جاتا بلکہ یہ دیکھا جاتا ہے کہ کون دستیاب ہے ،دوسری طرف قیصر خان اپنی وکالت میں خاصے مصروف ہیں اس لئے وہ بھی ٹی وی ڈراموں میں نظر نہیں آتے .

یاد رہے کہ فضیلہ قاضی اور قیصر خان نے نوے کی دہائی میں اپنے کیرئیر کا آغاز کیا اور ان کے کریڈٹ پر سپر ہٹ ڈرامے ہیں. ان دونوں کے دونوں بیٹوں نے اداکاری کی دنیا میں‌قدم نہیں‌رکھا دونوں اپنے والد کے ساتھ وکالت کرتے ہیں .