Category: شوبز

معروف اینکر رابعہ انعم جو ایک بڑی تعداد میں فین فالونگ رکھتی ہیں ان کو حال ہی میں میزبان ندا یاسر نے اپنے شو میں‌بطور مہمان بلایا اور ان کے ساتھ شو میں فضا علی اور محسن عباس حیدر بھی موجود تھے. رابعہ انعم نے جب دیکھا کہ محسن عباس حیدر اس شو میں ہیں تو انہوں نے کہا کہ مجھے نہیں پتہ تھا کہ محسن عباس حیدر بھی اس شو کا حصہ ہیں اگر پتہ ہوتا تو وہ نہ آتیں . انہوں نے کہا کہ مجھے تو صرف فضا علی کا ہی پتہ تھا کہ وہ شو کا حصہ ہیں . رابعہ انعم نے کہا کہ کچھ غلطیوں کی معافی ہوتی ہے اور کچھ غلطیاں عمر بھر ساتھ رہتی ہیں. میں اس شو کا مزید

حصہ نہیں‌رہ سکتی. اور میں اس شو میں بیٹھ کر گھریلو تشدد کو مزید فروغ نہیں‌دینا چاہتی .اس لئے میں آپ سب سے معذرت کرتی ہوں میں‌جا رہی ہوں. رابعہ انعم کا یہ کلپ بہت زیادہ وائرل ہو رہا ہے اور زیادہ تر لوگوں کا کہنا ہےکہ جو اپنی بیویوں پر تشدد کرتے ہیں ان کے ساتھ ایسا ہی سلوک کیا جانا چاہیے. بہت سارے سوشل میڈیا صارفین نے کہا کہ رابعہ انعم کی طرح ہر کسی کو جرائت دکھانی چاہیے. اس شخص کو انڈسٹری کی نمائندگی کا حق نہیں‌ہونا چاہیے جو تشدد کرنے پر یقین رکھتا ہو.

اداکارہ و ماڈل ایمان علی جن کی فلم ٹچ بٹن 25 نومبر کو ریلیز ہونے جا رہی ہے انہوں نے حال ہی میں ایک انٹرویو دیا ہے اس میں انہوں نے بتایا ہے کہ ان کے والد عابد علی کے ساتھ ان کا کوئی تعلق نہیں تھا وہ کام میں مصروف رہتے تھے حالانکہ وہ کئی سالوں سے کام کررہے تھے لیکن ہم نے غربت کی زندگی ہی دیکھی. اٹھاراں سال کی عمر تک ہمارے گھر میں غربت کا راج تھا ، ہمارے بہت برے حال تھے ہم لنڈے کے کپڑے پہنتے تھے. میں جب ماڈلنگ شروع کی تو میں نے بہت محنت کی اور پیسہ جمع کیا پہلی بار جب کمائی ہوئی تو میں نے پلاٹ لیا دوسری بار پھر پیسہ جمع کیا تو ایک اور پلاٹ لے لیا. مجھے پتہ نہیں تھا لیکن بعد میں احساس ہوا کہ میں نے صحیح جگہ پر انویسٹ کیا. میں نے تین چال سال کے اندر

ہی اپنے حالات کام کرکے بدل لئے تھے. انہوں نے کہا کہ میں آخری بار 2007 میں کام کیا تھا اس کے بعد 2015 میں دوست ڈیزائنر کےلئے کام کیا تھا. اب تو ماڈلنگ کے علاوہ فیشن ویک سمیت بہت سارے زرائع ہیں جہاں سے کمایا جا سکتا ہے ہمارے زمانے میں صرف ماڈلنگ تھی. میں تو یہی کہوں گی کہ محنت کرکے جو بھی پیسہ کمایا جاتا ہے اسکو فضول خرچی میں نہ اڑائیں نہ مہنگے پرس جوتیاں لیں بلکہ اپنا جینے اور رہنے کا انداز کو بہتر بنائیں پیسہ جوڑیں . انہوں نے اس انٹرویو میں اپنے فلم ٹچ بٹن کے حوالے سے بھی بات کی کہا کہ اس میں میرا کردار مزے کا ہے ، انہوں نے مزیدکہاکہ انڈیا جا کر کیرئیر بنانے کی کوشش کی لیکن کامیابی نہ مل سکی .

نوے کی دہائی کی سپر ہٹ اداکارہ کاجول جو ایک بڑے پیمانے پر فین فالونگ رکھتی ہیں. ان کے بارے میں فلم ساز کرن جوہر نے کپل شرما کے شو میں ایک انکشاف کیا ہے اور وہ انکشاف یہ ہے کہ کاجول کھلاڑیوں کے کھلاڑی اکشے کمار کی بہت بڑی فین تھیں انہیں بہت زیادہ پسند کرتی تھیں. کرن جوہر نے بتایا ہے کہ فلم حنا کے پریمئیر پر ہم سب موجود تھے کاجول بھی وہاں آئیں ، ہماری اس سے پہلے دوستی نہیں تھی، میں نے دیکھا کہ کاجول وہاں پر اکشے کمار کو ڈھونڈ رہیں تھیں میں بھی اکشے کو ہی تلاش کررہا تھا . ہم دونوں کو اس دن پریمئیر میں اکشے کمار تو نہ ملا لیکن ایک دوسرے کو ہم مل گئے. یہیں سے ہماری دوستی کا آغاز ہوا. ہمارے ماں باپ کی آپس میں دوستی تھی لیکن ہماری نہیں تھی

ہماری بھی دوستی ہو گئی . کرن جوہر نے یہ بھی بتایا کہ جب کاجول نے پہلی بار اجے دیوگن کو دیکھا تو انہیں وہ بھی پسند نہیں آئے تھے. انہوں نے کہا کہ سو میں سے ننانوے لوگ تو کاجول کو پسند نہیں آتے. یہاں تک کہ مجھے بھی کاجول نے جب دیکھاتو مجھ پہ ہنستی رہیں اور میں بہت شرمندہ ہوں. واضح رہے کہ کاجول نے اجے دیوگن کے ساتھ محبت کی شادی کی دونوں ایک دوسرے کے ساتھ ہنسی خوشی زندگی بسر کررہے ہیں.

اداکارہ حمائمہ ملک جنہوں نے دا لیجنڈ آف مولا جٹ میں دارو نتنی کا کردار ادا کیا ہے. فواد خان کے ساتھ حمائمہ نے اس فلم میں پہلی بار کام کیا ہے اور پہلی بار کام کرکے ہی وہ بن گئی ہیں ان کی دیوانی. اپنے حالیہ انٹرویو میں انہوں نے فواد خان کی تعریفوں‌میں‌کردئیے زمین آسمان ایک . انہوں نے کہا کہ فواد خان پاکستان کے عامر خان ہیں یہ پاکستان کے مسٹر پرفیکشنسٹ ہیں. فواد خان چھوٹی سے چھوٹی چیز کا بھی بہت خیال رکھتے ہیں . اگر ہمارا کوئی سین شوٹ ہو رہا ہے اور میرا ایک بال میرے ماتھے پر ہے تو فواد سین روک کر پہلے اس بال کو پیچھے ہٹانے کےلئے

کہیں گے. اس حد تک وہ چھوٹی چھوٹی باتوں کا خیال رکھتے ہیں. حمائمہ ملک نے کہا کہ میں نے آج تک فواد خان جیسا انسان نہیں دیکھا. وہ نہایت ہی پروفیشنل ہیں . انہوں نے کہا کہ جس حد تک وہ پروفیشنل ہیں اور اپنے سامنے والے کے ساتھ اس طرح کام کرتے ہیں تو دوسرا ان سے بہت کچھ سیکھتا ہے میں نے ان سے بہت کچھ سیکھا ہے. بلکہ کہوں گی اعتماد بھی آتا ہے اور میرا اعتماد مزید بڑھا. یاد رہے کہ حمائمہ ملک کی فلم دا لیجنڈ آف مولا جٹ پاکستان سمیت دنیا بھر میں دھوم مچا رہی ہے.

معروف ٹک ٹاکر حریم شاہ جن کا نام کئی سیاستدانوں کے ساتھ جڑا سوشل میڈیا پر حد درجہ ٹرول بھی ہوئیں لیکن وہ کبھی نہیں گھبرائیں . حال ہی میں حریم شاہ نے ایک انٹرویو دیا ہے اس میں انہوں نے کھل کر بتایا ہے کہ ان کی شادی بلال شاہ کے ساتھ کیسے ہوئی. انہوں نے کہا کہ بلال شاہ کے ساتھ کراچی میں ایک تقریب میں ملی تھی اس کے بعد ہمارا رابطہ رہا. ہم دونوں کے ایکدوسرے سے مزاج ملتے تھے اور ایک دوسرے کے ساتھ خاصے خوش بھی رہتے تھے. ہماری دوستی دن بہ دن اچھی ہوتی جا رہی تھی. ایک دن بلال شاہ نے مجھے کہا کہ کیا آپ مجھ سے شادی کریں گی مجھے پہلے تو یقین ہی نہیں آیا مجھے لگا کہ مذاق کررہے ہیں لیکن ایسا نہیں تھا وہ سنجیدہ تھے ، میں نے ان کے پرپوزل پر غور کیا

مجھے لگا کہ ہم ایکدوسرے کے ساتھ خوش رہ سکتے ہیں اور میں نے شادی کے لئے ہاں کردی . حریم شاہ نے بتایاکہ بلال کے والدین باقاعدہ ہمارے گھر رشتہ لیکر آئے تھے او ر پھر شادی کے معاملات طے پائے. حریم نے کہا کہ مجھے آج بھی سوشل میڈیا پر بہت زیادہ ٹرول کیا جاتا ہے میں سب پڑھتی ہوں میری نظر سے گزرتا ہے لیکن میں پرواہ نہیں کرتی کون کیا کہہ رہا ہے اور کیوں کہہ رہا ہے کیونکہ لوگوں کا کام ہے باتیں کرنا .

ماڈلنگ اور اداکاری کو خیر باد کہہ دینے والی عفت عمر آج کل سوشل میڈیا پر کافی متحرک رہتی ہیں. وہ ایک وقت میں عمران خان کی بہت بڑی حامی تھیں لیکن اب یہ وقت ہے کہ وہ عمران خان کی سب سے بڑی ناقد ہیں. وہ سارا دن ٹویٹر پر عمران خان کے خلاف سخت الفاظ میں‌ٹویٹ کرتی رہتی ہیں اور یہی وجہ ہے کہ ان کو بہت زیادہ ٹرول بھی کیا جاتا ہے لیکن وہ اس چیز کی پروا نہیں کرتیں. حال ہی ایک سوشل میڈیا صارف جن کا نام ہے اعظم جمیل ہے انہوں نے عفت عمر کی عمران خان کے خلاف پوسٹوں سے تنگ آکر ٹویٹ میں لکھا کہ بہتر ہے کہ انہیں‌میوٹ کر دیا جائے اور گلوکار و اداکار علی ظفر نے اس ٹویٹ کو قوٹ ری ٹویٹ کرکے لکھا کہ بہتر ہے اگنور کیا جائے. یاد رہے کہ علی ظفر اور میشا شفیع کے

معاملے میں عفت رحیم نے میشا شفیع کا کھل کر ساتھ دیا اور علی ظفر کو برا بھلا کہا لیکن علی ظفر نے آج تک عفت عمر کے لئے ایک لفظ برا نہیں کہا . ابھی بھی انہوں نے عفت عمر کی شان گستاخی نہیں کی بلکہ ان کے لئے عزت اور احترام کے ساتھ اگنور کرنےکے الفاظ استعمال کئے ہیں. عفت عمر ایک عرصے سے صرف پالیٹیکس پر بات کرتی ہیں اور شوبز وہ ویسے ہی چھوڑ‌چکی ہیں‌.

معروف فلم میکر ڈیوڈ‌دھون کے صاحبزادے ورون دھون نے نہایت ہی کم عرصے میں بالی وڈ میں اپنا نام بنایا . ورون دھون کا شمار آج کے بہترین بالی وڈ اداکاروں‌میں‌ہوتا ہے . انہوں نے ابھی تک جتنا بھی کام کیا ہے ان کے مداحوں اور ناقدین نے بہت سراہا ہے . ہر وقت ہنستے مسکراتے رہنے والے ورون دھون ہیں کچھ پریشانی میں . وہ کس قسم کی پریشانی میں‌ہیں‌ ہم آپ کو بتاتے ہیں. ورن دھون کے حالیہ انٹرویو میں انہوں نے بتایا ہے کہ وہ شدید ذہنی دبائو کا شکار ہیں اور اسی وجہ سے انہیں ویسٹیبولر ہائپو فنکشن نامی بیماری لاحق ہو گئی ہے، اس بیماری میں مبتلا ہونے کی وجوہات پر بات کرتے ہوئے انہوں نے کہا کہ میں نے کام کا بہت سٹریس لیا ہے اور کام کے دبائو نے مکمل طور پر ذہنی مریض بنا دیا ہے. انہوں نے

کہاکہ میری فلم جگ جگ جیو کے لئے میں نے جس طرح محنت کی اور سٹریس لیا اس نے مجھے بہت پریشان کیا ہے حالانکہ ایسا کرنا ضروری نہیں تھا میں آرٹسٹ تھا میرا کام صرف کام کرنا تھا لیکن میں بہت دبائو لیا. ایسا نہیں ہونا چاہیے. ورون دھون نے کہا کہ ہر کوئی کسی نہ کسی مقصد کے تحت زندگی گزارتا ہے اس مقصد کی تلاش میں پھر رہا ہوتا ہے میری زندگی کا کیا مقصد ہے مجھے ابھی تک نہیں پتہ بس اسی کو تلاش کررہا ہوں. انہوں نے کہا کہ میں اس بیماری پر قابو پانے کے لئے ہر ممکن جتن کر رہا ہوں .

بالی وڈ اداکار ارباز خان جو کہ سلمان خان کے بھائی ہیں اور ملائکہ اروڑہ کے سابق شوہر ہیں .انہوں نے نوے کی دہائی میں ملائکہ اروڑہ کے ساتھ شادی کی ان کا ایک بیٹا بھی ہے لیکن 18 سال کے بعد یہ رشتہ اختتام پذیر ہو گیا. رشتہ اختتام پذیر کیوں ہوا اس پر دونوں نے کھل کر بات نہیں کی لیکن حال ہی میں ارباز خان نے ایک انٹرویو دیا ہے اس میں انہوں نے بتایا ہے کہ وہ کس قدر پریشان رہے ہیں، رشتوں اور پیسوں کے معاملات کو لیکر. ارباز خان نے کہا کہ کوئی ایسا انسان نہیں ہوتاکہ جس کی زندگی میں مسائل نہ ہوں لیکن میری زندگی میں بہت زیادہ مسائل رہے.

انہوں نے کہا کہ میرے صحت کے مسائل بھی رہے بہت سارے تنائو تھے جن سے لڑتے رہے. ارباز خان نے کہا کہ ہر انسان زندگی میں تنائو سے لڑتا ہے ،یقینا یہ سب زندگی کا حصہ ہے. یاد رہے کہ ملائکہ اروڑہ اور ارباز خان کی علیحدگی کے بعد بھی یہ ایک دوسرے کو اپنے بیٹے کی خوشی کی خاطر ملتے ہیں . اور اکثر بیٹے کے ساتھ دکھائی دیتے ہیں. آخری بار دونوں‌بیٹے کو چھوڑنے کے لئے ائیر پورٹ آئے. جہاں دونوں نے ایک دوسرے کے ساتھ کھڑے ہو کر بات چیت بھی کی .

بالی وڈ اداکارہ عالیہ بھٹ پہلے الٹے سیدھے بیانات بول دینے کی وجہ سے خبروں میں رہتی تھیں لیکن اب جب سے ان کی شادی رنبیر کپور سے ہوئی ہے وہ ہیں خبروں میں. ان کے ہاں حال ہی میں بیٹی کی ولادت ہوئی ہے جس پر انہیں دنیا بھر سے مبارکبادیں وصول ہو رہی ہیں. ابھی تک عالیہ بھٹ اور رنبیر کپور نے اپنی بیٹی کی تصویر سوشل میڈیا پر جاری نہیں کی تاہم ان کی بیٹی کا نام کیا ہو گا یا اس کا نام کیا رکھا جائیگا اسکو لیکر سوشل میڈیا پر بحث جاری ہے. عالیہ بھٹ کی ایک پرانی وڈیو سوشل میڈیا پر بہت زیادہ وائرل ہو رہی ہے جس میں وہ ایک بچے سے اپنے نام کے

سپیلنگ پوچھتی ہیں وہ بچہ ان کے نام کے سپیلنگ غلط بتا دیتا ہے اور عالیہ کی بجائے وہ آملہ کہہ دیتا ہے جس پر عالیہ بھٹ کہتی ہیں کہ یہ تو بہت خوبصورت نام ہے میری بیٹی ہوئی تو میں اس کا نام آملہ ہی رکھوں گی. لہذا عالیہ کے اس کلپ کے مطابق سوشل میڈیا صارفین کا کہنا ہے کہ نام آملہ ہونا چاہیے. کئی سوشل میڈیا صارفین میں تشویش ہے کہ عالیہ اور رنبیر اپنی بیٹی کا نام کیا رکھیں گے. یاد رہے کہ حال ہی میں عالیہ کے گھر بیٹی کی ولادت ہوئی ہے اور دونوں فیملیاں خوشی سے نہال ہیں.

اداکارہ جھانوی کپور کی حال ہی میں‌فلم ملی ریلیز ہوئی ہے اس میں ان کی اداکاری کو بے حد سراہ اجا رہا ہے لیکن بھارت کے علاوہ اورسیز میں جہاں جہاں ملی فلم کی نمائش کی گئی اس کے ساتھ اگر پاکستانی فلم دا لیجنڈ آف مولا جٹ ہے تو مولا جٹ کو دیکھا گیا ہے ملی کو نہیں. تاہم فلم میں جھانوی کپور کی اداکاری کو سراہا جا رہا ہے. حال ہی میں جھانوی کپور نے کہا ہے کہ میرے والد نے ہمیشہ میری بہت زیادہ حوصلہ افزائی کی ہے ، میں جو بھی کرتی ہوں وہ فخر محسوس کرتے ہیں.انہوں نے یہ بھی کہا کہ میری والدہ سری دیوی نہیں چاہتی تھیں کہ میں فلم انڈسٹری میں آئوں لیکن یہ میرے والد ہی تھے جنہوں نے ماں کو منایا اور میں فلم انڈسٹری میں آگئی . انہوں نے کہا کہ مجھے ہر قدم پر میرے

والدین کی سپورٹ‌ھاصل رہی ہے اور ماں کے انتقال کے بعد والد نے ہم دونوں بہنوں پر بہت زیادہ توجہ دی ہے. انہوں نے کہا کہ والد کی طرف سے حوصلہ افزائی کی حد یہ ہے کہ میں ڈکار بھی ماروں تو میرے والد کہتے ہیں کہ واہ کیا بات ہے. جھانوی کپور نے کہا کہ میں آج جو بھی کررہی ہوں یا جس بھی مقام پر ہوں اس میں میرے والدین کا بہت بڑا ہاتھ ہے. میرے والد نے ہمیشہ کہا کہ جو آپ کا دل کرتا ہے وہ کرئیے لیکن دل سے کرئیے کامیابی ضرور ملے گی.