Category: شوبز

آج لاہور میں فلم ٹچ بٹن کا پریمئیر ہو نے جا رہا ہے. فلم 25 نومبر کو سینما گھروں کی زینت بننے جا رہی ہے . فلم کی پرڈیوسر عروہ حسین ہیں جن کی بطور پرڈیوسر یہ پہلی فلم ہے. فلم کی کاسٹ‌میں فرحان سعید ، ایمان علی ، فیروز خان اور سونیا حسین و دیگر شامل ہیں. ایمان علی اور فیروز خان مکمل طور پر فلم کی پرموشنز سے غائب رہے ہیں دیکھنا یہ ہے کہ پریمئیر میں‌یہ دونوں شرکت کرتے ہیں یا نہیں . فلم کے پریمئیر کی مکمل تیاریاں کر لی گئیں ہیں. دو دن کے بعد لاہور میں ہی لکس سٹائل ایوارڈز کا بھی انعقاد کیا جا رہا ہے ان میں شریک ہونے کی غرض سے بہت ساری شوبز سلیبرٹیز لاہور میں ہی موجود ہیں اور ایوارڈز کے لئے اپنی اپنی پرفارمنس پر ریہرسلز کررہی ہیں. دیکھنا یہ ہے کہ ٹچ بٹن کے

پریمئیر میں کاسٹ کے علاوہ کون کون سی شخصیت شامل ہوتی ہے. فلم میں سہیل احمد نے بھی اپنی اداکاری کے جوہر دکھائے ہیں وہ بھی اس کی پرموشنز میں کہیں بھی نظر نہیں آئے تاہم عروہ اور فرحان کی علیحدگی کے حوالے سے خبریں پہلے ہی زیر گردش ہیں. فلم ایک فیملی ڈرامہ ہے جس کو قاسم علی مرید نے ڈائریکٹ کیا ہے، فلم کو مختلف جگہوں پر شوٹ کیا گیا ہے . عروہ نے فلم میں اداکاری نہیں کی تاہم ان کا ایک آئٹم سانگ ضرور ہے .

اداکارہ سارا خان کے انسٹاگرام پر دس ملین فالورز ہو گئے ہیں اور وہ تیسری پاکستانی ایکٹریس بن گئی ہیں جس نے دس ملین فالورز کی تعداد کو انسٹاگرام پر کراس کیا ہے. سارا خان انسٹاگرام پر کافی متحرک رہتی ہیں. سارا خان اپنی اداکاری اور خوبصورتی کی وجہ سے بہت زیادہ مشہور ہیں. انہوں نے گلوکار شبیر فلک کے ساتھ شادی کی ان کی ایک بیٹی بھی ہے. سارا خان کا آج کل ڈرامہ سیریل وبال چل رہا ہے اس ڈرامے میں سارا خان روٹین سے ہٹ کر کردار کرتی ہوئی نظر آرہی ہیں .انہوں نے اس ڈرامے میں اپنے کردار کے لئے بالوں کی کٹنگ بھی کروائی. اس سے قبل کا انکا عمران

اشرف کے ساتھ ڈرامہ رقص بسمل نے بہت پذیرائی حاصل کی . اس میں بھی ان کا کردار ایسا تھا کہ جسے انہوں نے پہلے کبھی نہیں نبھایا . سارا خان نہایت ہی پروفیشنل ہیں. سارا خان کم مگر معیار کام کرنے کو ترجیح دیتی ہیں وہ اکثر سوشل میڈیا پر اپنی اور اپنی بیٹی کی تصاویر بھی اپلوڈ کرتی رہتی ہیں. سارا کا اپنے شوہر فلک شبیر کے بارے میں کہنا ہے کہ وہ دنیا کے سب سے اچھے شوہر ہیں وہ مجھے ہر ہروز ایک پھول لا کر دیتے ہیں جس دن پھول نہ لائیں اس روز چاکلیٹ‌لاتے ہیں.

شو ہوسٹ‌، سنگر ، فوٹوگرافر ، فیشن جرنلسٹ ، کونٹینٹ‌رائٹر ٹونی نوید انتقال کر گئے ہیں. ان کے انتقال کی خبر پر شوبز سے وابستہ شخصیات اور ان کے مداح گہرے صدمے میں ہیں. ٹونی نوید شوبز کی ہر دلعزیز شخصیت تھے شوبز حلقوں میں ان بہت نام تھا کیونکہ وہ بیک وقت کافی کام کررہے تھے جس میں شو ہوسٹنگ ، فوٹوگرافی م سنگنگ جیسے کام قابل زکر ہیں.ٹونی نے یاسر نواز کی فلم جلیبی میں اداکاری بھی کی . یوں ٹونی اداکاری کا شوق بھی رکھتے تھے اس فلم میں ان کے کردار کو سراہا گیا.ڈان نے انگریزی اخبار ڈان میں بھی کچھ عرصہ کام کیا.اس کے بعد انہوں نے فیشن اور شوبز کی دیگر لائنز اختیار کیں اور بے انتہا کام کیا . تاہم ٹونی اداکاری کے مزید پراجیکٹس میں نظر نہیں آئے. ٹونی نوید

نے نادیہ خان کے شو میں ایک سیگمینٹ ہوسٹ کیا اور بے حد مقبولیت حاصل کی ۔ نادیہ خان نے انسٹاگرام پر ٹونی نوید کی تصویر لگا کر لکھا کہ بے حد باصلاحیت ٹونی رشید کے اچانک انتقال کا بہت افسوس ہوا ہے مجھے یقین نہیں آرہا. نادیہ حسین کے ساتھ ساتھ شوبز کی دیگر شخصیات بھی سوشل میڈیا پر پوسٹیں لگا کر دکھ کا اظہار کررہی ہیں. ٹونی نوید نے جتنا بھی کام کیا ہے وہ یقینا نئے آنے والوں کے لئے مشعل راہ ہے.

فلم جوانے لینڈ‌ کی ریلیز پاکستان میں چند حلقوں کے لئے تشویش کا باعث بنی ہوئی ہے. حال ہی میں مولوی اقبال حیدر نامی شخص فلم کو بین کروانے نکلا . درخواست گزار نے اپنی درخواست میں موقف اختیار کیا کہ جوائے لینڈ فلم آئین کے آرٹیکل 227 کی خلاف ورزی ہے ۔ درخواست گزار کا مزید کہنا تھا کہ پاکستان میں اسلام کی روح اور تعلیمات کے خلاف کوئی کام نہیں کیا جاسکتا ۔اس پر سندھ ہائی کورٹ کے چیف جسٹس احمد علی شیخ نے درخواست گزار سے پوچھا کہ کیا آپ نے فلم دیکھی ہے؟ اس نے کہا کہ نہیں‌تو پھر انہوں نے کہا کہ فلم دیکھے بغیر کس طرح سے اس پر پابندی کی درخواست کی جا سکتی ہے. درخواست گزار نے کہا کہ ہمارا اسلام، ہمارا کلچر اس چیز کی اجازت نہیں دیتا جو فلم میں دکھائی جا رہی ہے. تاہم سندھ ہائی

کورٹ کے چیف جسٹس احمد علی شیخ نے درخواست مسترد کر دی یوں پابندی کی درخواست کرنے والا خالی ہاتھ لوٹ گیا . یاد رہے کہ فلم جوائے لینڈ نے پاکستان کے سب سے بڑے فلمی میلے کانز میں ایوارڈ جیتا اسی طرح سے اس فلم نے دنیا کے دیگر میلوں میں پذیرائی حاصل کی . جبکہ پاکستان میں اس کی ریلیز ہاں ناں کا شکار رہنے کے بعد اب پنجاب اور سندھ کے سینما گھروں میں دکھائی جا رہی ہے.

اداکار اور پرڈیوسر ہمایوں سعید نے حال ہی میں ٹویٹر پر ایک پوسٹ کی ہے جس میں انہوں نے لکھا ہے کہ سواد آگیا اے سوہنیا ، یہ پوسٹ انہوں نے ندیم مانڈوی والا کی پوسٹ کو قوٹ ری ٹویٹ کرکے لکھی. ندیم مانڈوی والا نے دا لیجنڈ آف مولا جٹ کے دو کروڑ کمانے کی پوسٹ لگائی. جس پر ان کے مداحوں کے ساتھ ساتھ ساتھیوں نے بھی مبارکباد دی . دا لیجنڈ‌آف مولا جٹ پاکستان سمیت اورسیز میں ریلیز کی تاریخ سے لیکر تاحال کمال بزنس کررہی ہے. اس فلم کی دھوم بالی وڈ میں بھی جا پہنچی ہے. بھارتی معروف فلم میکر کرن جوہر نے دا لیجنڈ آف مولا جٹ کو سینما میں جا کر دیکھا اور اس فلم کے ڈائریکٹر بلال لاشاری کو باقاعدہ فون کرکے مبارکباد دی . فلم پاکستان کی پہلی دو سو کروڑ کمانے والی فلم بن

گئی ہے. فلم کی کامیابی پر اس کی پوری ٹیم کافی خوش ہے. حمائمہ ملک اور فواد خان نے دو کروڑ کمانے پر خوشی کا اظہار کیا ہے.. یاد رہے کہ دا لیجنڈ آف مولا جٹ کی پرڈیوسر عمارہ حکمت ہیں اور اس میں حمزہ علی عباسی نے نوری نت کا جبکہ فواد خان نے مولا جٹ کا کردار ادا کیا ہے. فلم کو ناقدین کی جانب سے بھی کافی پذیرائی ملی ہے.

چاکلیٹی ہیرو وحید مراد کی برسی کے موقع پر نغمہ بیگم نے ایک انٹرویو دیا ہے اس میں انہوں نے کہا کہ وحید مراد کے ساتھ میں نے فلم مستانہ ماہی میں بطور ہیروئین کام کیا ، وہ نہایت ہی پروفیشنل تھے ، مغرور وہ بالکل نہیں تھے جن کے ساتھ فرینکنس نہیں ہوتی تھی ان کے ساتھ بس زیادہ گھلتے ملتے نہیں تھے . وہ اپنے آپ میں رہتے تھے اگر تو اسکی وجہ یہ بھی ہو سکتی ہے کہ وہ گھر میں زرا لاڈلے تھے .نغمہ بیگم نے کہا کہ وحید مراد تو ہاتھ بھی ہلاتے تھے تو ان کا ہاتھ ہلانا بھی مشہور ہو جاتا تھا. لڑکیاں ان کی دیوانی تھیں .انہوں نے فلم بینوں کے دلوں پر راج کیا. انہوں نے کہا کہ میری ان کی آخری فلم تھی پیاری اس میں ، میں اور وحید مراد نیگیٹیو کردار کررہے تھے میں اس میں ایسی ماں دکھائی گئی تھی

جو بیٹے کو اکساتی ہے. وحید مراد کا جب انتقال ہوا تو میں ان کو لاہور والے گھر دیکھنے کےلئے گئی تھی لیکن ان کو کولڈ سٹور میں رکھا ہوا تھا کیونکہ ان کے بیوی بچے امریکہ میں تھے ، جب ان کا جنازہ اٹھایا گیا تھا تو میں لیٹ پہنچنے کے باعث ان کا چہرہ نہ دیکھ سکی. وحید مراد کا انداز آج بھی مقبول ہے.

وحید مرادجنہیں چاکلیٹ ہیرو کے نام سے بھی جانا جاتا ہےوہ فلمی اداکار، پروڈیوسر اور اسکرپٹ رائٹر تھے۔ اپنے دلکش تاثرات، پرکشش شخصیت، بارعب آواز اور اداکاری کی غیر معمولی صلاحیتوں کے لیے مشہور وحید کو جنوبی ایشیا کے سب سے مشہور اور بااثر اداکاروں میں سے ایک سمجھا جاتا ہے.وحید مراد سیالکوٹ میں پیدا ہوئے، انہوں نے جامعہ کراچی سے انگریزی ادب میں ماسٹر کی ڈگری حاصل کی۔ انہوں نے 21 سال کی عمر میں اپنے فلمی کیریئر کا آغاز فلم ساتھی سے کیا جو کہ 1959 میں ریلیز ہوئی. ان کے کیرئیر کی ڈگر فلم ارمان نے بدل ڈالی. وحید مراد راتوں رات سپر سٹار بن گئے . وحید مراد فلم انڈسٹری کے واحد اداکار ہیں جن کی فلموں نے سب سے زیادہ پلاٹینم، ڈائمنڈ، گولڈن اور سلور

جوبلیاں کیں.وحید مراد کا گانا پکچرائز کرنے کا انداز باقی تمام ہیروز سے جدا تھا۔ وحید مراد نے 1960 اور 1970 کی دہائی میں شائقین کے دلوں پر راج کیا.پاکستان کی سلور اسکرین کی تاریخ کے سدا بہار چاکلیٹی ہیرو نے 125 فیچر فلموں میں کام کیا اور 32 فلمی ایوارڈز حاصل کیے۔ 2010 میں صدر آصف علی زرداری نے انہیں بعد از مرگ ستارہ امتیاز سے نوازا جو ریاست پاکستان کی طرف سے ادب، فنون، کھیل، کے شعبوں میں دیا جانے والا تیسرا سب سے بڑا اعزاز اور شہری اعزاز ہے۔

حال ہی میں خبریں آئیں تھیں کہ اکشے کمار فیروز نڈیاڈوالا کی فلم ہیرا پھیری تھری میں کام نہیں‌کریں گے کیونکہ وہ اس فلم کے سکرپٹ‌ سے خوش نہیں ہیں ان کے مطابق سکرپٹ کمزور ہے۔ دوسری طرف یہ افواہیں تھیں کہ فیروز نڈیاڈوالا نے کارتک آریان کو سائن کیا کیونکہ اکشے کمار نے زیادہ قیمت بتائی تھی۔ اگرچہ اس بارے میں کوئی وضاحت نہیں ہے کہ اکشے نے ایسی کوئی ڈیمانڈ کی یا نہیں‌تاہم انٹرنیٹ پر ایک رپورٹ میں دعویٰ کیا گیا ہے کہ پروڈیوسر فیروز نڈیاڈوالا اکشے کمار کے بغیر آوارہ پاگل دیوانہ 2 اور ویلکم 3 بنانا چاہتے ہیں۔بالی وڈ ہنگامہ کی ایک رپورٹ کے مطابق اکشے کمار نے ہیرا پھیری 3 کے لیے اپنی قیمت کم کرنے سے انکار کر دیا، اس لیے فیروز

نڈیاڈوالا کے پاس کارتک آریان کو بورڈ میں لانے کے سوا کوئی چارہ نہیں تھا۔اس رپورٹ میں یہ بھی دعوی کیا گیا کہ فیروز نڈٰیاڈ والا نے اکشے کمار کو بہت زیادہ منانے کی کوشش کی لیک انہوں‌نے اپنے معاوضے میں‌کمی لانے سے انکار کر دیا . جس کے بعد فیروز نے ہیرا پھیری 3 کے لیے کارتک آریان کو کاسٹ کیا۔دوسری طرف یہ بھی کہا جا رہا ہے کہ کارتک آریان ہیرا پھیری تھری میں بالکل بھی اکشے کمار کا کردار ادا نہیں‌کرہے ان کے لئے ایک الگ کردار تخلیق کیا گیا ہے.

اداکار شان شاہد نے اپنے ایک حالیہ انٹرویو میں کہا ہے کہ ان کا اگلہ پراجیکٹ‌ جو وہ کرنے جا رہے ہیں اسکا نام ہے ریڈ ، وائٹ اور گرین . انہوں نے کہا کہ اس فلم کا سکرپٹ مکمل ہے بہت جلد اس کی شوٹنگ شروع ہونے جا رہی ہے. اس کی کہانی امریکن سی آئی اے اور آئی ایس آئی ایجنٹ کےبارے میں ہے. شان نے کہا کہ یہ فلم بھی اپنی نوعیت کی منفرد فلم ہو گی . فلم کی کاسٹنگ کرداروں کے مطابق ہی کی جائے گی جو کردار جس کردار پر فٹ بیٹھے گا اسی کو کاسٹ کیا جائیگا . شان شاہد نے کہا کہ ضرار فلم دیکھ کرشائقین کو اندازہ وہ گا کہ پاکستان داخلی

اور خارجی سطح پر کس قسم کے مسائل کا سامنا کررہا ہے. فلم پر سب نے بہت محنت کی ہے. یہ پاکستان سے محبت کرنے کے جذبے کو ابھارے گی . شان شاہد کا کہنا ہے کہ یہ فلم میں نے خود لکھی ہے ،بطور ڈائریکڑ، رائٹر اور ایکٹر ایک ساتھ کام کرنا آسان نہیں تھا. یاد رہے کہ شان شاہد کی فلم ضرار 25 نومبر کو سینما گھروں کی زینت بننے جا رہی ہے ،اس کی کاسٹ میں کرن ملک ، نئیر اعجاز و دیگر ہیں.ضرار کے ساتھ فلم ٹچ بٹن بھی ریلیز ہونے جا رہی ہے.