Category: شوبز

سینئر اداکار ندیم بیگ جنہوں نے پاکستان فلم انڈسٹری پر سال ہا سال راج کیا اور شائقین کے فیورٹ بنے رہے. شائقین آج بھی انہیں بہت پسند کرتے ہیں. ندیم بیگ بہت کم بڑی اور چھوٹی سکرین کے لئے کام کرتے نظر آتے ہیں اس کی وجہ شاید یہ ہے کہ وہ کم مگر معیاری کام کرنے کو ترجیح دیتے ہیں. ندیم بیگ نے حال ہی میں ایک انٹرویو دیا ہے اس میں انہوں نے کہا ہےکہ میں سمجھتا ہوں کہ آرٹسٹ کی سب سے بڑی کمائی اس کے مداح ہوتے ہیں ، مداحوں کی دعائیں ان کی محبت اور پذیرائی کی وجہ سے ہی کوئی بھی آرٹسٹ شہرت کی بلندیوں پر پہنچتا ہے . ٹھیک ہے کہ

پیسوں کے نقطہ نظر سے کتنا کمایا کتنا نہیں وہ ایک الگ بات ہے لیکن کسی بھی فنکار کے مداحوں کی پذیرائی اسے کہاں سے کہاں لے جاتی ہے . اگر کسی آرٹسٹ کو پذیرائی نہ ملے مداحوں کی تو وہ آسمان سے زمین پر آجاتا ہے. میں آج بھی اگر کام کررہا ہوں تو مداحوں کی محبت اور پیار کی وجہ سے کررہا ہوں ورنہ میں بھی کب سے گھر بیٹھ گیا ہوتا.یاد رہے کہ ندیم بیگ کا شمار پاکستان فلم انڈسٹری کے ان فنکاروں میں ہوتا ہے جن کی فلمیں سو سو ہفتے چلیں، شائقین آج بھی انہیں دیکھنا چاہتے ہیں.

بالی وڈ کی فلمیں‌ مسلسل خسارے میں جا رہی ہیں. اس برس جتنی بھی بالی وڈ فلمیں سینما گھروں میں آئی ہیں چند ایک کو چھوڑ کر زیادہ تر ناکامی کا شکار ہوئی ہیں. کچھ فلمیں بائیکاٹ کے ٹرینڈ کی نذر ہو گئیں. لیکن مجموعی طور پر فلمیں شائقین کو متاثر کرنے میں ناکام نظر آرہی ہیں. شاہ رخ خان جو کہ بالی وڈ کے بادشاہ کہلاتے ہیں ایک وقت تھا ان کی جب کوئی فلم لگتی تھی تو لوگ سینما گھروں پر ٹوٹ پڑتے تھے لیکن اب تو شاہ رخ ، عامر خان سب کی فلمیں‌فلاپ جا رہی ہیں . حال ہی میں‌کنگنا رناوت نے بالی وڈ کی فلموں‌کی ناکامی کی وجہ پر بات کی ہے انہوں

نے کہا کہ ہم نے جب سے اپنی ثقافت کو چھوڑا ہے ہم کہیں‌کے نہیں‌رہے یہی وجہ ہے کہ ہماری فلمیں بھی فلاپ جا رہی ہے. کنگنا رناوت کی فلم دھاکڑ کے فلاپ ہونے کی وجہ کنگنا نے یہ بتائی کہ اس فلم میں بالی وڈ کلچر جو ہوا کرتا تھا اس کی کمی تھی یا وہ غائب تھا جس کی وجہ سے شائقین نے اس فلم کو رد کر دیا . یاد رہے کہ بالی وڈ کی بجائے تامل فلمیں‌ سپر ہٹ جا رہی ہیں اور اس وقت ہالی وڈ میں‌ جتنی بھی فلمیں‌ بن رہی ہیں وہ تامل فلموں کا ری میک ہیں‌ اس کے باوجود وہ ناکامی کا شکار ہورہی ہیں.

خلیل الرحمان قمر ہمیشہ ہی ایسے بیانات دیتے ہیں کہ جو سوشل میڈیا پر ہلچل مچا دیتے ہیں انہوں نے کہا ہے کہ جب میں کہتا ہوں کہ میں ہر عورت کو عورت نہیں مانتا تو میں بنیادی طور پر اس کے مرتبے کی بات کرتا ہوں. میں عورت کے لئے لکھتا ہوں عورت میرا ایمان ہے. ایک اچھی عورت معاشرے کو چلاتی ہے مرد معاشرے کو نہیں چلاتا ، میں مرد کو تو مانتا ہی نہیں ہوں.خلیل الرحمان مزید کہتے ہیں‌کہ بری عورت کو میں عورت ہی نہیں مانتا.
یاد رہے کہ خلیل الرحمان کی کہی ہوئی بات تنازعات کا شکار ہوجاتی ہے ، حال ہی میں‌ انہوں نے ماہرہ خان کے حوالے سے کہا ہے کہ انہوں نے ماوری اور میرے جھگڑے میں ماوری کے حق میں ٹویٹ کیا تھا اور یہ گناہ ماہرہ

سے جب ہوا تو اس کے بعد وہ میری ڈراموں اور فلموں سے محروم ہوگئی. خلیل الرحمان قمر کے کریڈٹ پر سپر ہٹ ڈرامے اور فلمیں ہیں . ان کے ڈرامہ میرے پاس تم ہو کے ڈائیلاگز نے بہت پذیرائی کی. مصنف آج کل عمران خان کی حمایت کرتے نظر آتے ہیں اور ٹویٹر سپیسز میں بطور مہمان شریک ہو کر اپوزیشن پر تنقید کے نشتر چلانے کے ساتھ عمران خان کی بھرپور حمایت کرتے ہوئے نظر آتے ہیں.

ناصر ادیب نے حال ہی میں انٹرویو دیا ہے اس میں انہوں نے کہا ہے کہ ہمایوں سعید نے میری ایک دو فلموں میں کام کیا لیکن اسکو کرداروں‌پر اعتراض تھا وہ چاہتا تھا کہ اس کو سلطان راہی کے ٹائپ کے کردار ملیں. ناصر ادیب نے مزید کہا کہ جنگ بنیادی طور پر تب شروع ہوئی جب کراچی کے فنکاروں نے فلموں میں کام کرنا شروع کیا اور ہمایوں سعید کو کام نہیں دیا گیا. میں ان سب کو اون کرتا ہوں لیکن یہ ہمیں‌اون نہیں‌کرتے . کراچی کی جو فلمیں ہیں مجھے تو بہت اچھی لگتی ہیں لیکن لوگوں‌کو لگتا ہے کہ جیسے یہ لانگ پلے چل رہا ہے اور اس میں گانے ہیں.

انہوں نے کہا کہ ٹی وی فلم کے رائٹر میں‌جو بنیادی فرق ہے وہ یہ ہے کہ ٹی وی کا رائٹر قطرے سے دریا بناتا ہے اور فلم کا رائٹر دریا کو کوزے میں بند کر دیتا ہے. مجھے بلال لاشاری نے اون کیا تو نتیجہ آپ سب کے سامنے ہے . لوگ پوچھتے ہیں کہ دا لیجنڈ اف مولا جٹ پنجابی میں‌نہیں‌بنائی گئی تو میں ان سے کہتا ہوں کہ پنجابی فلم انتقام پر بیس کرتی ہے اسکے لئے انتقام کی زبان پنجابی ہونی چاہیے، پیار محبت ، دشمنی ، ہر چیز کا مزہ پنجابی میں ہی ہے . پنجابی نہایت ہی میٹھی زبان ہے. دا لیجنڈ آف مولا جٹ نے انڈین فلموں‌ کے بزنس کو بھی متاثر کیا ہے.

ہمایوں سعید کے مداحوں کے لئے یقینا فخر کی بات ہے کہ ان کے پسندیدہ فنکار ہمایوں سعید ڈاکٹر حسنات کا کردار ادا کررہے ہیں. ہمایوں سعید
سیریز ’دی کراؤن‘ کے سیزن فائیو میں بطور ڈاکٹر حسنات دکھائی دیں گے ، ہمایوں سعید نے گزشتہ روز اپنے کردار کی ایک جھلک تصویر کے زریعے مداحوں کے ساتھ شئیر کی . ہمایوں سعید دی کراؤن کے پانچویں سیزن میں برطانوی شہزادی کے مقابل ایک پاکستانی سرجن کا کردار ادا کر رہے ہیں۔دی کراؤن میں 31 سالہ آسٹریلین اداکارہ الزبتھ ڈیبکی شہزادی ڈیانا کا کردار ادا کر رہی ہیں۔ جیسے ہی ہمایوں سعید نے اپنے کردار کی تصویری جھلک مداحوں کے ساتھ شئیر کی تو ان کے مداحوں نے اس پوسٹ کے کمنٹس باکس میں‌کمنٹس کرنے شروع کر دئیے زیادہ شائقین نے یہی لکھا کہ ہم اس سیریز کی ریلیز کے منتظر ہیں اور دیکھنا چاہتے ہیں کہ آپ ڈاکٹر حسنات کے کردار میں‌کیسے لگ رہے ہو. نیٹ فلیکس پر جاری

ہونے والی اس سیریز کا بے چینی سے انتظار کیا جا رہا ہے. ہمایوں سعید نے اپنے کردار کے حوالے سے ورائٹی سے بات کرتے ہوئے کہا کہ ڈاکٹر حسنات کا کردار کرنا ایک بہت بڑی ذمہ داری تھی ،میں سمجھتا ہوں کہ ڈاکٹر حسنات ہر حوالے سے ایک عام سے آدمی تھے اور ان کی شخصیت بھی عام مردوں کی طرح تھی وہ نہایت ہی سادہ انسان تھے شاید اسی چیز سے شہزادی ڈیانا متاثر ہو گئیں تھیں ورنہ تو ڈاکٹر حسنات اور شہزادی ڈیانا کی شخصیت ایک دوسرے سے بہت مختلف تھی. مجھے امید ہے کہ میرے کردار کو بہت پسند کیا جائیگا .

جب سے اداکار فیروز خان کے اپنے اہلیہ پر تشدد کے ثبوت سامنے آئے ہیں ہر کوئی حیران رہ گیا ہے . خصوصی طور پر شوبز انڈسٹری نے اس معاملے میں بہت اچھا کردار اداکیا ہے. سب نے فیروز خان کے اس عمل کی بھرپور مذمت کرتے ہوئے متاثرہ لڑکی یعنی علیزے سلطان کا ساتھ دیا ہے. نجم سیٹھی کی بیٹی میرا سیٹھی نے بھی حال ہی میں علیزے سلطان کے حق میں آواز اٹھائی ہے. میرا تو باقاعدہ علیزے سلطان اور ان کی فیملی سے مل کر آئی ہیں . ان کا کہنا ہے کہ میں علیزے سلطان سے ملی ہوں ان کی فیملی سے بھی ملی ہوں ، سب بہت پریشان ہیں ، جو انہوں نے فیروز خان پر الزامات لگائے ہین وہ نہایت ہی سنجیدہ اور سنگین ہیں اور لوگوں کو بھی ان الزامات کو سیریس لینا چاہیے. میرا سیٹھی نے کہا کہ علیزے کے

والد نے مجھے کہا کہ مجھے سمجھ نہیں آتی کہ فیروز خان نے اتنی باڈی بنائی جم میں‌لیکن کس لئے ؟ میری بیٹی کو مارنے کے لئے. علیزے کے والد کی اس جذباتی بات اور سوال نے سب کو رلا دیا ہے. یاد رہے کہ فیروز خان اور علیزے سلطان کی شادی 2018 میں ہوئی تھی ان دونوں کے دو بچے ہیں تاہم اب ان کے درمیان علیحدگی ہو چکی ہے اور بچے علیزے کے پاس ہیں عدالت نے فیروز خان بچوں سے صرف مہینے میں دو بار ملنے کی اجازت دی ہے.

خلیل الرحمان قمر نے بتا دیا ہے کہ اصل میں ان کا ماہرہ خان کے ساتھ جھگڑا کیا ہے کیوں وہ اس کو برا بھلا کہتے رہتےہیں. اپنے حالیہ انٹرویو میں مصنف نے کہا ہے کہ شاید میں اگلے چند دن میں ماہرہ خان کو معاف کردوں گا لیکن اس نے ایک غلطی کی وہ یہ کہ میری اور ماوری سرمد کی لڑائی ہوئی ٹی وی کے ایک شو میں ، ماہرہ خان نے اگلے دن ایک گندا اور گھٹیا ٹویٹ کر دیا اس نے یہ گناہ کیا اس کی پاداش میں اسکو ڈرامہ سیریل میرے پاس تم ہو بھی نہیں ملا اور فلم لندن نہیں جائونگا بھی نہیں ملی. شاید ہو لندن نہیں جائونگا میں ہوتی ، ماہرہ کہتی ہے کہ وہ میرے ساتھ کام نہیں‌کرنا چاہتی؟ ارے میری تو منتیں کر چھوڑیں ہمایوں سعید اور ندیم بیگ نے کہ ماہرہ خان کو معاف کر دو لیکن اس نے ایک گناہ کیا

تھا. ماہرہ خان نے میری زندگی کا بہترین جو ڈرامہ تھا اس میں اس نے کام کیا میرا اسکا احترام کا رشتہ تھا لیکن اس نے ماوری کے حق میں ٹویٹ کر کے ایک گناہ کیا. یاد رہے کہ ایک ٹی وی شو میں ماوری سرمد کو میرا جسم میری مرضی جیسے جملہ دہرانے پر کڑی تنقید کا نشانہ بنایا اور بات گالی گلوچ تک پہنچ گئی. اس پر ماہرہ خان نے اگلے دن یہ ٹویٹ کیا جو کہ خلیل الرحمان قمر کو بہت برا لگا ” ٹی وی پر خاتون کو گالیاں دیتے شخص کو دیکھ کر شدید افسوس ہوا ہے ، حیران ہوں کہ اس شخص کو کام پھر بھی مل رہا ہے ” .

آج کل ٹی ٹونٹی کا ورلڈ کپ جاری ہے اس میں حال ہی میں پاکستان انڈیا سے ہار گیا . ہار کے بعد کرکٹ شائقین خاصے مایوس ہوئے. انڈیا اور پاکستان کا میچ ہو تو دونوں ملکوں کے کرکٹ شائقین کی خواہش ہوتی ہے کہ ان کا ملک جیتے. آج کل چونکہ شاہین شاہین آفریدی کے بہت چرچے ہیں، شائقین ان سے بہت توقعات رکھتے ہیں لیکن ان کی حالیہ پرفارمنس خاص تسلی بخش نہیں رہی. اس پر اداکار ارسلان نصیر نے ایک وڈیو جا ری کر کے کہا ہےکہ مجھے اس بندے کا پتہ دیں جنہوں نے شاہین شاہ آفریدی کو فٹ قرار دیا ہے.شاہین شاہ کی کارکردگی پر بات کرتے ہوئے ارسلان نصیر نے کہا کہ یہ لڑکا میچ فٹ نہیں ہے فٹنس ہے تو میچ فٹنس نہیں ہے. انہوں نے یہ بھی کہا کہ ہمارا جو وارم اپ میچ ہوا تھا اس نے

دو اوور کروائے تھے اس کی کیا تک بنتی تھی . میچ فٹنس اور چیزہے میڈیکل فٹنس اور چیز ہوتی ہے ہم یہ چیزیں کب سمجھیں گے؟‌ارسلان نصیر نے تو یہاں تک کہہ دیا کہ شاہین شاہ آفریدی کو ڈومیسٹک کھلائو لیکن یہ کریں گے تو عذاب آجائیگا کہ شاہین شاہ آفریدی کو چھوڑ دیا . بھئی وہ فٹ نہیں ہے خدا کے لئے میڈیکل فٹنس اور میچ فٹنس کو سمجھنے کی کوشش کریں.

دا لیجنڈ آف مولا جٹ‌ جس کا ریلیز سے قبل ہی بہت چرچا تھا. کہا جا رہا تھا کہ فلم اچھا بزنس کریگی لیکن فلم نے سب کی توقعات سے بڑھ کر بزنس کیا ہے اور اب تو فلم پاکستان سمیت اورسیز سے دو سو کروڑ سے اوپر کما چکی ہے. اس فلم کی کاسٹ اور پوری ٹیم کافی خوش ہے اور یہ خوشی منانے کےلئے فلم کی کاسٹ کبھی لاہور تو کبھی کراچی کے سینما گھروں میں‌پہنچی ہوتی ہے. حمائمہ ملک جنہوں نے فلم کی پرموشنز کے دوران بہت کم انٹرویوز دئیے وہ اب نظر آرہی ہیں کراچی کے سینما گھروں میں. حمائمہ ملک اپنے مداحوں کا جوش و خروش بڑھانے اور ان کے ساتھ ملنے کےلئے کراچی کے سینما گھروں میں جا رہی ہیں. حمائمہ ملک کو سامنے دیکھ کر انکے پرستار کافی

خوش دکھائی دئیے ہیں. یاد رہے کہ فلم میں حمائمہ ملک نے دارو نتنی کا کردار ادا کیا ہے اور وہ نوری نت کی بہن دکھائی گئی ہیں، حمائمہ ملک نے دارو نتنی کے کردار میں اپنی صلاحیتوں کو منوا لیا ہے ، جس نے بھی فلم دیکھی ہے وہ حمائمہ کے کردار دارو نتنی کی تعریف کئے بغیر نہیں رہ سکا. حمائمہ ملک کا کہنا ہےکہ اس کردار کو کرنے کے لئے انہوں نے بہت تیاری کی اور اپنے پنجابی بولنے کے انداز کو بہت زیادہ پالش کیا، اداکارہ کہتی ہیں کہ شائقین کا فلم کے لئے انتہائی جوش و جذبہ دیکھ کر میں بہت خوش ہوں.